لو عايز اسافر اوروبا في الصيف، احجز القطارات و...

[Sherif Abdelreheem]

لو عايز اسافر اوروبا في الصيف، احجز القطارات و الطيران الداخلي و الطيران الدولي و الاقامة من دلوقتي ولا استتي لما آخد الفيزا ، واقدم علي الفيزا قبل السفر بقد ايه؟ شكرا

 

[Khaled Badry]

الحجز من دلوقتي فية مخاطرة كبيرة مفيش داعي . تقدر تقدم علي الفيزا قبل السفر بشهر كحد ادني و 3 أشهر كحد اقصي .

 

[Hoba Popa]

اول لما تاخد الفيزا احجز وكل ماكان الحجز بدري حيكون ارخص

 

[Dreemer Mazago]

أعتقد تحجز الطيران الدولى و الإقامة علشان تستفيد من فرق الأسعار ... كل لما حجزت بدرى كل لما كان أرخص
ولأن دول شرط تقديم للحصول على ال فيزا
أما الباقي ف ممكن تحجزهم قبل السفر ب شهر أو أسبوع لأن فرق الأسعار بتاعهم مش كبير و بيعتمد على العروض فى التوقيت دة ...
حاول تقدم ورقك قبل السفر ب وقت كافى علشان تاخد ال visa قبل السفر ب 20 يوم مثلا ف يبقى معاك وقت تحجز و تغير حجز و تستفيد من العروض التسويقية ل شركات النقل الداخلى مثل: خصم على التذاكر داخل الدولة بعدد مرات محددة؛ خصم على التذاكر الخاصة ب التنقل بين أكثر من دولة ، خصم على تذكرة الطيران الداخلى في حالة السفر فى أيام محددة ... وهكذا
و بالتوفيق والسعادة أن شاءالله

 

[Antoun Khalil]

لو حاطط اكتر من دولة في ال itinerary بتاعك هيسألوك عن حجوزات الطيران الداخلية لكن القطارات لا
يعني مثلا اخدت فيزا من اليونان و هتطلع من سانتوريني على هولندا ..مفيش غير طيران .. يبقى هيسألوك عن الحجز الداخلي كمان مع الطيران الدولي

 

[Enass Attia]

قدم علي الفيزا قبلها بثلاث شهور

 

[Maha Fawzy]

لو هاتحجز بدرى طبعا ارخص وأحسن بس ده فى حالة لو كنت متاكد ١٠٠٪‏وما يكونش فى شك ولو ١٪‏ فى سفرك لان هاتخسر طبعا البدرى ارخص باختصار

 

[Mohamed Hikal]

لما تاخد الفيزا أفضل وأضمن

 

[Amr Abdelraheem]

.

 

[شيماء علي مراد]

اي حاجة free cancellation احجزها من دلوقتي ماشي
لكن ال nonrefundable
خليها بعد الفيزا
و تكون مظبط تاخد الفيزا قبل معاد السفر ب شهر او شهرين
كدة هتقدر توصل لافضل اسعار باقل مخاطرة

 

[Sayed El Maleh]

أستنى لما تاخد الفيزه إنشاء الله ، و خليك في طيران الدوله أللي أنت مسافر ليها ، و بالنسبه لرخص أسعار التذاكر يبقى سافر طيران خاص من شرم الشيخ أو ألغردقه او مرسى علم او ألأقصر .