M
Mohamed Atef
:: مسافر ::
في نفس السفرية بتضحك وتدمع وتتفاجئ .. ساعات بتبقى لوحدك وساعات حوليك اصدقاء جداد .. بتتعامل مع كل طبقات المجتمع ومع كل أشكال الناس
مرة بتتكلم في السياسة العالمية ومرة عن الإلحاد ومرة عن البوذية والهندوسية .. بتشوف اللي ساب كل حاجة وراه وقرر يحقق حلمه وبتشوف اللي اعلى احلامه شوية مياة نظيفة .. بتشوف التاريخ وتفهمه بدل ما تحفظه .. بتعيش وسط الطبيعة وتفهم قد ايه انت ضعيف وصغير قوي .. وتشوف العلم والتقدم فتتعجب من قدرة العقل البشري ..
بتتعرف على شعوب ولغات وثقافات غريبة ومختلفة .. بس من قبلها بتكتشف نفسك وتشوفها على حقيقتها بعيد عن اى قيود او اى حد يعرفك .. بتكتشف قدرات فيك مكنتش تعرفها وبتجرب حاجات عمرك ما حلمت انك تعملها ..
بتتعلم الصبر وانت مستني الطيارة اللي مجتش ولا الاتوبيس اللي اتأخر .. وتتعلم الهدوء وانت بتكلم واحد ومش عارفين لغات بعض .. وبتفهم ان الابتسامة لغة عالمية وان الضحكة بتحل كل المشاكل ..
بتكتشف ان الاعلام بيستغفلنا .. وبتعرف ان القانون هو الاساس وان مفيش حاجة اسمها احسن او اوحش شعب في الدنيا .. بتعرف ان مفيش جنة ع الارض بس في بلاد بتحاول .. بتبقى حاسس انك سفير لبلدك بس بيصعب عليك لما تتبهدل بسبب باسبورك او تحس ان بلدنا متأخرة قوي ..
بتعرف ان الغرور مرض .. والعنصرية تخلف .. والتعميم جهل .. بتفهم ان السعادة مش في المظاهر ولا رضا الناس .. وبتتأكد ان الدنيا مبتقفش على حد او حاجة ..
#والله_كريم
مرة بتتكلم في السياسة العالمية ومرة عن الإلحاد ومرة عن البوذية والهندوسية .. بتشوف اللي ساب كل حاجة وراه وقرر يحقق حلمه وبتشوف اللي اعلى احلامه شوية مياة نظيفة .. بتشوف التاريخ وتفهمه بدل ما تحفظه .. بتعيش وسط الطبيعة وتفهم قد ايه انت ضعيف وصغير قوي .. وتشوف العلم والتقدم فتتعجب من قدرة العقل البشري ..
بتتعرف على شعوب ولغات وثقافات غريبة ومختلفة .. بس من قبلها بتكتشف نفسك وتشوفها على حقيقتها بعيد عن اى قيود او اى حد يعرفك .. بتكتشف قدرات فيك مكنتش تعرفها وبتجرب حاجات عمرك ما حلمت انك تعملها ..
بتتعلم الصبر وانت مستني الطيارة اللي مجتش ولا الاتوبيس اللي اتأخر .. وتتعلم الهدوء وانت بتكلم واحد ومش عارفين لغات بعض .. وبتفهم ان الابتسامة لغة عالمية وان الضحكة بتحل كل المشاكل ..
بتكتشف ان الاعلام بيستغفلنا .. وبتعرف ان القانون هو الاساس وان مفيش حاجة اسمها احسن او اوحش شعب في الدنيا .. بتعرف ان مفيش جنة ع الارض بس في بلاد بتحاول .. بتبقى حاسس انك سفير لبلدك بس بيصعب عليك لما تتبهدل بسبب باسبورك او تحس ان بلدنا متأخرة قوي ..
بتعرف ان الغرور مرض .. والعنصرية تخلف .. والتعميم جهل .. بتفهم ان السعادة مش في المظاهر ولا رضا الناس .. وبتتأكد ان الدنيا مبتقفش على حد او حاجة ..
#والله_كريم