A
Ahmed Mohammed
:: مسافر ::
اثينا جميلة بس كل واحد بيعجبه حاجات معينة، يعني انا عجبني منطقة وسط البلد بمحلاتها والشوارع اللي بدون عربيات والمطاعم القعدة فيها رائعة والاهم ان الشارع فيه اللي لابسة اي نوع من اللبس او غيره ومشفتش واحد مجرد بص لواحدة ودي اهم حاجة ان لو حد مع اسره يبقى ماشي مطمن ، المطاعم متوسطها ٧ يورو في فنادق الخمس نجوم حوالي ١٢ يورو بالنسبة للغدا او العشا ، احسن فنادق اللي موجودة في مركز المدينة ممكن ابعت اسم الفندق اللي كنت فيه لو حد عاوزه كان اكتر من رائع وواخد اكتر من ٩ على booking، وفي برضه فنادق جميله امام الاكربوليس بس هتكون بعيدة عن مركز المدينة، في مطاعم سمك حلوة على الكورنيش بس مستوى مطاعم اكندرية النضيفة بس المكان جميل، بس بصفة عامة كورنيش اسكندرية احلى واثارنا اكثر ابهارا من الاكروبوليس بكتير جدا بس الفرق الاساسي الناس اللي في الشارع مختلفين يعني لو عندنا شعب متحضر وما بيعاكسش ويضايق البنات اكيد كانت السياحة عندنا هتفرق جدا