A
Ahmed ElBakri
:: مسافر ::
نصائح عامة في السفر وأوروبا خاصة ،..معظمها هايبقى عارفها اللي سافر قبل كده .. اللي ما سافرش قبل كده إن شاء تكون مفيدة ليه:
١- ارجع للبنك بتاعك قبل ما تسافر وعرفه ميعاد سفرك ووجهتك وأكد عليه إن كل كروتك البنكية تكون شغالة في البلد او البلاد اللي انت مسافر ليها لإن الاتصال بالبنك من بره هايبقى صعب وغالي ومكلف وممكن إدارة المخاطر بتاعة البنك بتاعك توقف الكارد لو لقوا سحب عليه من جهة غريبة لو انت ما عرفتهمش انك مسافر.
٢-كلم شركة الموبايل بتاعتك وبردو عرفهم إنك مسافر علشان تشغل ال roaming وتعرف أسعار المكالمات والرسائل إرسال واستقبال وتتأكد إن ال data roaming مقفول لأنها خراب بيوت ولو في عرض او باقة إنترنت خارج مصر تاخدها.
٣-( دي نصيحة للي معاه ڤيزا ) أنا كذا مرة اشوف اوتيل اونلاين ويعجبني ومحجزوش الا لما أوصل وادخل الأوتيل وباعمل مقارنة بين سعره اونلاين وسعر الحجز في الأوتيل نفسه ودايما بلاقي سعره أرخص في الأوتيل ولو لقيت العكس قول للاستقبال الملام ده احتمال كبير ينزل لك السعر ..
٤-حاول ما تبدلش عملة في المطار لما توصل لإن السعر بيبقى غالي جدا .. ولو اضطررت لكده بدل على قد المشوار للبلد ..
٥- اسأل في استعلامات المطار على وسيلة انتقال عامة مش تاكسي ( وده في أوروبا أما بلد رخيص زي تايلاند التاكسي أفضل ) .
٦- اسأل في المطار وفِي الأوتيل على خريطة البلد وخريطة المترو والمواصلات ( مجانية) بتبقى قمة الفائدة ومع شوية تفكير هاتفهم الخرائط دي بسرعة وهاتبقى سفريتك حلوة جدا وهاتحس انك رحالة ومكتشف ☺.
٧-خلي معاك كاش احتياطي في السفرية زيادة عن معدل صرفك للطوارئ.
٨-ما تمشيش في البلد بكاش كتير وخلي معظم صرفك من كارت البنك.. حط الكاش في خزنة الأوتيل .
٩- ما تمشيش بالباسبور ( خليه في خزنة الأوتيل ) وإعمل scan للباسبور والڤيزا واحتفظ بالصورة على تليفونك.
١٠-ال shopping:
انزل الأماكن اللي بتحب تعمل منها shopping في مصر الاول قبل ما تسافر واعرف الأسعار خاصةالحاجات اللي عاجباك.. ولما تسافر قارن الأسعار وخد بالك الsale عندهم بيوصل فعلا ل ٨٠٪ وعن تجربة .
١١- الTax refund أو Tax free :
لما تعمل shopping بمبلغ معين من محل واحد في نفس اليوم وهو تقريبا ١٧٦ يورو بتطلب Tax refund من المحل يعني بيرجعلك ١٢٪ في المطار من قيمة مشترياتك كاش او في الكارت البنكي بتاعك حسب طلبك في المحل ولازم الباسبور بتاعك يكون معاك ضروري .
ملحوظة ١-: في بعض ال brands الTax refund مش من المطار ،.. بيبقى من البلد نفسها فياريت تسأل في المحل قبل ما تمشي وده حصل معايا لمحلات Paul and shark .
ملحوظة ٢- لو مشترياتك من محل ما عدتش القيمة اللي تسمحلك بالTax free وجئت تاني يوم عايز تشتري تاني من نفس المحل بحيث قيمة الفاتورتين يعدوا المبلغ المطلوب ، المحل مش هيوافق يعملك Tax refund ،..حضرتك ترجع مشتريات اليوم السابق للمحل كلها وتشتريها تاني مع الجديد وده من حقك.
١٢-حجز الاexcursion اونلاين بيبقى غالي جدا ،.. أحجز من البلد لما توصل ( تجربة شخصية في تركيا وسويسرا وفرنسا وإيطاليا وهولاندا وتايلاند و....)
١٣-لو عايز تزور كذا بلد في أوروبا في نفس السفرية انصحك تأجر عربية.
١٤-اسأل على تذاكر المترو المجمعة بتكون أرخص من الفردي.. يعني مثلا التذكرة ب 1.80 euro
أما العشر تذاكر بتكون ب 14 euro .
١٥- في المطار وده مهم جدا : ما تخليش أي تعامل غريب أو مختلف يستفزك ويسخنك .. خليك هادي جدا وبااارد جدا واقنع نفسك إن الموظف بيعمل شغله خاصة بتاع الباسبورت كونترول.
١٦- ماتاخدش سجاير كتير لأنهم بيسألوك معاك سجاير في المطار ولو حسوا ان السجائر زيادة عن احتياجك ممكن يخدوها منك لأن السجائر غالية جدا في أوروبا وفِي مصريين بيحبوا الفهلوة ويروحوا يبيعوا سجاير هناك.
١٧- الأماكن السياحية المعروفة في البلد اللي انت ناوي تزورها بيبقى في يوم الدخول مجاني تقدر تعرف من النت.
١٨-حاول تقرأ اونلاين شوية معلومات عن المزارات السياحية اللي ناوي تزورها في البلد دي وتاريخ المزار هتلاقي متعة زيارتك للمكان متعة مضاعفة وليها معنى لأنك مش رايح تتفرج بس على شكل مباني أثري..لأ ،..إنت رايح تتفرج على تاريخ وعايز تعرف كمان قيمته المعنوية .
١٩-تأمين السفر ورقة مهمة بجد ومفيدة لا قدر الله حصل حاجة وهي رخيصة اصلا وحاول تعملها اعلى فئة تأمينية بجملة تكاليف السفر بس بجد بتعوضك عن خسائر كبيرة في حالة الحاجة ليها.
١- ارجع للبنك بتاعك قبل ما تسافر وعرفه ميعاد سفرك ووجهتك وأكد عليه إن كل كروتك البنكية تكون شغالة في البلد او البلاد اللي انت مسافر ليها لإن الاتصال بالبنك من بره هايبقى صعب وغالي ومكلف وممكن إدارة المخاطر بتاعة البنك بتاعك توقف الكارد لو لقوا سحب عليه من جهة غريبة لو انت ما عرفتهمش انك مسافر.
٢-كلم شركة الموبايل بتاعتك وبردو عرفهم إنك مسافر علشان تشغل ال roaming وتعرف أسعار المكالمات والرسائل إرسال واستقبال وتتأكد إن ال data roaming مقفول لأنها خراب بيوت ولو في عرض او باقة إنترنت خارج مصر تاخدها.
٣-( دي نصيحة للي معاه ڤيزا ) أنا كذا مرة اشوف اوتيل اونلاين ويعجبني ومحجزوش الا لما أوصل وادخل الأوتيل وباعمل مقارنة بين سعره اونلاين وسعر الحجز في الأوتيل نفسه ودايما بلاقي سعره أرخص في الأوتيل ولو لقيت العكس قول للاستقبال الملام ده احتمال كبير ينزل لك السعر ..
٤-حاول ما تبدلش عملة في المطار لما توصل لإن السعر بيبقى غالي جدا .. ولو اضطررت لكده بدل على قد المشوار للبلد ..
٥- اسأل في استعلامات المطار على وسيلة انتقال عامة مش تاكسي ( وده في أوروبا أما بلد رخيص زي تايلاند التاكسي أفضل ) .
٦- اسأل في المطار وفِي الأوتيل على خريطة البلد وخريطة المترو والمواصلات ( مجانية) بتبقى قمة الفائدة ومع شوية تفكير هاتفهم الخرائط دي بسرعة وهاتبقى سفريتك حلوة جدا وهاتحس انك رحالة ومكتشف ☺.
٧-خلي معاك كاش احتياطي في السفرية زيادة عن معدل صرفك للطوارئ.
٨-ما تمشيش في البلد بكاش كتير وخلي معظم صرفك من كارت البنك.. حط الكاش في خزنة الأوتيل .
٩- ما تمشيش بالباسبور ( خليه في خزنة الأوتيل ) وإعمل scan للباسبور والڤيزا واحتفظ بالصورة على تليفونك.
١٠-ال shopping:
انزل الأماكن اللي بتحب تعمل منها shopping في مصر الاول قبل ما تسافر واعرف الأسعار خاصةالحاجات اللي عاجباك.. ولما تسافر قارن الأسعار وخد بالك الsale عندهم بيوصل فعلا ل ٨٠٪ وعن تجربة .
١١- الTax refund أو Tax free :
لما تعمل shopping بمبلغ معين من محل واحد في نفس اليوم وهو تقريبا ١٧٦ يورو بتطلب Tax refund من المحل يعني بيرجعلك ١٢٪ في المطار من قيمة مشترياتك كاش او في الكارت البنكي بتاعك حسب طلبك في المحل ولازم الباسبور بتاعك يكون معاك ضروري .
ملحوظة ١-: في بعض ال brands الTax refund مش من المطار ،.. بيبقى من البلد نفسها فياريت تسأل في المحل قبل ما تمشي وده حصل معايا لمحلات Paul and shark .
ملحوظة ٢- لو مشترياتك من محل ما عدتش القيمة اللي تسمحلك بالTax free وجئت تاني يوم عايز تشتري تاني من نفس المحل بحيث قيمة الفاتورتين يعدوا المبلغ المطلوب ، المحل مش هيوافق يعملك Tax refund ،..حضرتك ترجع مشتريات اليوم السابق للمحل كلها وتشتريها تاني مع الجديد وده من حقك.
١٢-حجز الاexcursion اونلاين بيبقى غالي جدا ،.. أحجز من البلد لما توصل ( تجربة شخصية في تركيا وسويسرا وفرنسا وإيطاليا وهولاندا وتايلاند و....)
١٣-لو عايز تزور كذا بلد في أوروبا في نفس السفرية انصحك تأجر عربية.
١٤-اسأل على تذاكر المترو المجمعة بتكون أرخص من الفردي.. يعني مثلا التذكرة ب 1.80 euro
أما العشر تذاكر بتكون ب 14 euro .
١٥- في المطار وده مهم جدا : ما تخليش أي تعامل غريب أو مختلف يستفزك ويسخنك .. خليك هادي جدا وبااارد جدا واقنع نفسك إن الموظف بيعمل شغله خاصة بتاع الباسبورت كونترول.
١٦- ماتاخدش سجاير كتير لأنهم بيسألوك معاك سجاير في المطار ولو حسوا ان السجائر زيادة عن احتياجك ممكن يخدوها منك لأن السجائر غالية جدا في أوروبا وفِي مصريين بيحبوا الفهلوة ويروحوا يبيعوا سجاير هناك.
١٧- الأماكن السياحية المعروفة في البلد اللي انت ناوي تزورها بيبقى في يوم الدخول مجاني تقدر تعرف من النت.
١٨-حاول تقرأ اونلاين شوية معلومات عن المزارات السياحية اللي ناوي تزورها في البلد دي وتاريخ المزار هتلاقي متعة زيارتك للمكان متعة مضاعفة وليها معنى لأنك مش رايح تتفرج بس على شكل مباني أثري..لأ ،..إنت رايح تتفرج على تاريخ وعايز تعرف كمان قيمته المعنوية .
١٩-تأمين السفر ورقة مهمة بجد ومفيدة لا قدر الله حصل حاجة وهي رخيصة اصلا وحاول تعملها اعلى فئة تأمينية بجملة تكاليف السفر بس بجد بتعوضك عن خسائر كبيرة في حالة الحاجة ليها.
