بعد ازنكم أن اترفضت مرتين للشنغن فرنسا والتشيك...

  • بادئ الموضوع بادئ الموضوع Soosa Ramzi
  • تاريخ البدء تاريخ البدء
عرض العطلة
S

Soosa Ramzi

:: مسافر ::
#1
بعد ازنكم أن اترفضت مرتين للشنغن فرنسا والتشيك والسب رقم 8 وهو
The information submitted regarding the justifications for the purpose and conditions of the intended stay was not reliable.
كنت مقدمه سجل تجاري وبطاقة ضريبة وكشف حساب كبير وكامل الأوراق
السؤال هو
أني هاقدم تاني التشيك وعايزه ارفق أوراق جديده
مثل شهاده ميلاد 3 اطفال + والإقرار الضريبي بتاع الشركه بتاعتي ودا ب يأكد أن شركتي شغاله بجد ومستقره في بلدي
هل الأوراق دي ممكن تساعدني اني اخد التأشيرة ولا في حاجه تانيه ممكن تساعدوني اعملها
وشكرا لأجمل جروب في الدنيا.
 
#2
ممكن لو عندك شقه تجيبي عقد الشقه البسبورات بتاعه ولادك و لو جوزك مش هيسافر معاكي تجيبي الباسبور بتاعه ولادك لو في مدرسه ممكن تجيبي فاتوره بانك دفعتي المصاريف لو عندك عربيه هاتي الرخصه بتاعتها و اتاكدي ان السجل التجاري مترجم هو و البطاقه الضريبيه و اتاكدي ان حجز الفندق موكد ممكن تروحي لشركه سياحه تعملك الحوار دا
 
#4
المشكلة دي في عدم إقتناعهم بسبب الزيارة. لازم تقدمي اسباب صحيحة ولو رايحة لشغل تخلي الشركة تكتبلك خطاب دعوة بلغة البلد وفيها سبب الزيارة ومدة الزيارةو بيانات الشركة كاملة والشخص المسؤول وسبل الاتصال بيهم. اذا كانت السفرية لغرض تاني قوليلي وانا اقولك تقدمي إيه. وبما إنك إسكندرانية زيي الاحسن تقدمي في قنصلية اليونان في الشبان المسلمين على الترام.... انا اخذتها مرتين قبل كدة.
 
#5
حضرتك مسافره سياحة ولا شغل؟
انا ابعتلي دعوه و حجز فندق مبدئى و لازم و مهم جداً خطاب من بوليس الاجانب
ده بيخلى موقفك كويس
ربنا ييسر و التاشيرة تتطلع و بعدها نتكلم عن البلد
 
عرض العطلة
#7
المشكلة في السجل التجاري لإنه لا يثبت العمل . لو الشركة شغالة يبقي هترفقي كشف حساب الشركة والميزانية السنوية مع الإقرار الضريبي لكن لاحظي ان لو كان الاقرار بيقول ان الشركة بتخسر زي ما كل اصحاب الشركات الصغيرة بيعملوا عشان ميدفعوش ضرايب يبقي معملناش حاجة . الاهم في وجه نظري هو كشف حساب الشركة وبرنت التامينات كصاحبة عمل وأخيرا لو فية فرصة تقدمي فرنسا يبقي افضل .
 
#9
الى حد علمي، موضوع انك تثبتي انك عندك اولاد في مصر في رعايتك وانك لازم هترجعي عشانهم له عامل قوي، واحد صديقي قدم سفارة بريطانيا واترفض، وبعدها على طول قدم تاني وارفق ورق ان زوجته و أولاده موجودين في رعايته ف أتوافق عليه.
 
عرض العطلة
#13
الافضل انك تصبرى وتشوفى معرض فى دولة اروبية ويكون المعرض له علاقة بشركتك/مصنعك. بالنسبة ل"صحبتك" التشيكية.. مش هاتخدمك. دا اهم أسباب نجاح الغرب.. يعنى معندهمش "كوسة/وساطة" وصعب تاخدى شنجن بعد رفض على طول.. الا فى حالات خاصة جدا .. العلاج مثلا. معتقدش ان حضرتك سافرتى كتير قبل كدا سياحة ودا اساس الرفض "ممكن". السفارات بيركزوا على حاجتين.. لو رايح سياحة(يشوفوا رحت فين قبل كدا) وهل فى ضمانات عودة. ضمانات العودة مش لازم تكون فلوس او اطفال إنما ممكن تكون "منصب حكومى" او مثلا "مدرس فى جامعة " وهكذا
 
#15
بصي هو انتي طول ما بتقدمي لوحدك هتترفضي يفضل يكون معاكي الزوج او اخ او الاب او حد من صحباتك تكون معاها تاشيره ساريه وبلاش التشيك خليكي في فرنسا او هولندا دول من اسهل السفارات
 
عرض العطلة
عرض العطلة
عرض العطلة
أعلى أسفل
عودة
قائمة