M
Moutaz Mohamed
:: مسافر ::
سفاري الصحراء
مساء الخير علي شباب الجروب
النهارده هتكلم عن اخر رحلاتي الي تمت من حوالي يومين و الرحله المرادي السفاري داخل الصحراء
انا اول مره اعمل رحله سفاري في مصر و كانت فعلا من الرحلات الممتعه جدا الي عمري ما هنساها.
الرحله ديه عشان تنبسط بيها عندك حل من الاتنين :
-يكون معاك عربيه 4*4 و دارس المكان كويس
او
-انك تعمل زيي و تطلع مع جروب محترف في المجال ده
و ده تم مع جروب اسمه Cairo hiking
الرحله ديه كانت حوالي ٣ ايام
ركبنا الباص الساعه ١٢ صباحا وصلنا استراحه اسمها تويست الساعه ٥ صباحا عشان ناخد الفطار و من هناك اتحركنا بعربيات ٤*٤ مع دليل بدوي عشان ننطلق و نكتشف صحراء مصر.
ميشينا وسط منطقه غرود ابو محرك و ديه منطقه الرمال بتاعتها ناعمه جدا و تعتبر انعم من الكثبان الرمليه عشان كده هتلاقي العربيات بتغرز كتير فعشان كده لازم يكون معاك دليل محترف عشان يعرف يتصرف في غرز العربيات عشان فعلا بتكون مرهقه جدا.
خيمنا اول يوم في المنطقه ديه و هناك اتعلمنا ازاي ننصب الخيام و طبعا بيدوك سليبيج باج و بطانيه من الصوف عشان البرد الصحراوي بيكون صعب جدا
هتلاقي المنطقه مميزه بصفاء السماء فهتكون النجوم واضحه جدا و هتستمتع بيها خصوصا لو ليك في النجوم و الفلك و المجره
تاني يوم اتحركنا علي عين خضرا عشان نحضر الغروب و ديه منطقه فيها اشجار نخيل و عين كبريتيه
تالت يوم اتحركنا علي كهف الجاره و ده عباره عن ترسبات حجريه ناتجه من المياه شبه مغاره جعيتا الي في لبنان بس علي اصغر و جوه الكهف ده هتنبهر بجماله مع اضاءه الشموع.
و بعد كده اتحركنا لتخييم في الصحراء البيضاء و ديه من اجمل الاماكن الي هتنبسط بيها عشان هتحس انك وسط الجليد خصوصا انك وسط صخور هتحس ان ليها شبه من شخصيات حيوانيه زي الارنب او الضفدع او المشروم
بليل هتعرف تشوف درب التبانه بوضوح و نجمه القطب الشمالي
اخر يوم اتحركنا لجبل الكرستاله الي اضاءه الشمس بتنعكس علي صخوره و تدي شكل الكرستال
و بعد كده الجبال السوده الي تكونت بفعل البراكين.
الرحله ديه انصح اي شخص فعلا بيحب الطبيعه انه يجرب الرحله ديه و مش هيندم.
الرحله كانت تكلفتها ١٥٥٠ شامله كل حاجه و مش هتحتاج تدفع جنيه زياده و لا حتي تيجيب اكل معاك.
التصوير تم بواسطه:
Moutaz Mohamed
Abdo Galal
و طبعا لو حبيتوا تتابعوا تصويره ممكن تدخلوا علي اللينك ده:
https://www.instagram.com/abdo.a.galal/
DrAmr El-Kady
ده مصور مصري عالمي مصنف في ناشونال جغرافيك فهتلاقوا الصور احترافيه.
#Traveller_Experience
#Cairohiking
مساء الخير علي شباب الجروب
النهارده هتكلم عن اخر رحلاتي الي تمت من حوالي يومين و الرحله المرادي السفاري داخل الصحراء
انا اول مره اعمل رحله سفاري في مصر و كانت فعلا من الرحلات الممتعه جدا الي عمري ما هنساها.
الرحله ديه عشان تنبسط بيها عندك حل من الاتنين :
-يكون معاك عربيه 4*4 و دارس المكان كويس
او
-انك تعمل زيي و تطلع مع جروب محترف في المجال ده
و ده تم مع جروب اسمه Cairo hiking
الرحله ديه كانت حوالي ٣ ايام
ركبنا الباص الساعه ١٢ صباحا وصلنا استراحه اسمها تويست الساعه ٥ صباحا عشان ناخد الفطار و من هناك اتحركنا بعربيات ٤*٤ مع دليل بدوي عشان ننطلق و نكتشف صحراء مصر.
ميشينا وسط منطقه غرود ابو محرك و ديه منطقه الرمال بتاعتها ناعمه جدا و تعتبر انعم من الكثبان الرمليه عشان كده هتلاقي العربيات بتغرز كتير فعشان كده لازم يكون معاك دليل محترف عشان يعرف يتصرف في غرز العربيات عشان فعلا بتكون مرهقه جدا.
خيمنا اول يوم في المنطقه ديه و هناك اتعلمنا ازاي ننصب الخيام و طبعا بيدوك سليبيج باج و بطانيه من الصوف عشان البرد الصحراوي بيكون صعب جدا
هتلاقي المنطقه مميزه بصفاء السماء فهتكون النجوم واضحه جدا و هتستمتع بيها خصوصا لو ليك في النجوم و الفلك و المجره
تاني يوم اتحركنا علي عين خضرا عشان نحضر الغروب و ديه منطقه فيها اشجار نخيل و عين كبريتيه
تالت يوم اتحركنا علي كهف الجاره و ده عباره عن ترسبات حجريه ناتجه من المياه شبه مغاره جعيتا الي في لبنان بس علي اصغر و جوه الكهف ده هتنبهر بجماله مع اضاءه الشموع.
و بعد كده اتحركنا لتخييم في الصحراء البيضاء و ديه من اجمل الاماكن الي هتنبسط بيها عشان هتحس انك وسط الجليد خصوصا انك وسط صخور هتحس ان ليها شبه من شخصيات حيوانيه زي الارنب او الضفدع او المشروم
بليل هتعرف تشوف درب التبانه بوضوح و نجمه القطب الشمالي
اخر يوم اتحركنا لجبل الكرستاله الي اضاءه الشمس بتنعكس علي صخوره و تدي شكل الكرستال
و بعد كده الجبال السوده الي تكونت بفعل البراكين.
الرحله ديه انصح اي شخص فعلا بيحب الطبيعه انه يجرب الرحله ديه و مش هيندم.
الرحله كانت تكلفتها ١٥٥٠ شامله كل حاجه و مش هتحتاج تدفع جنيه زياده و لا حتي تيجيب اكل معاك.
التصوير تم بواسطه:
Moutaz Mohamed
Abdo Galal
و طبعا لو حبيتوا تتابعوا تصويره ممكن تدخلوا علي اللينك ده:
https://www.instagram.com/abdo.a.galal/
DrAmr El-Kady
ده مصور مصري عالمي مصنف في ناشونال جغرافيك فهتلاقوا الصور احترافيه.
#Traveller_Experience
#Cairohiking
