M
Mohamed Elsawah
:: مسافر ::
عيون المياه المعدنية فى ماليزيا
..................................
طبعا كل الناس اللى رايحة ماليزيا بتبقي اول حاجة فى بالها هى زيارة العاصمة الجميلة كولالمبور و زيارة المعالم المشهورة فيها زى كهوف بوذا و المنارة و برج التوأم و حديقة الفراشات و الطبور و صان واى .. بالاضافة الى الجزر الجميلة زى لينكاوى
بس فى مكان جميل هناك و معلهوش اقبال من العرب خالص للاسف .. و هو Felda Residence Hot Spring Sg. Klah شمال العاصمة كوالا بـ 100 كم تقريباً .
................................
المكان جميل و وسط الغابات و الطريق له ممتع . لانك بتحس انك فى ماليزيا الحقيقية وسط الغابات الاستوائية الجميلة ..
و المكان مثالي للاستجمام و الراحة النفسية و الهدوء و التمتع بالطبيعة الجبلية و منظر الشجر الكثيف .. و كمان المياه المعدنية لها فوائد صحية .. مفيدة للعظام و الجهاز التنفسي و الجلد .. و تقدر تستمتع بخدمات الـ spa
..............................
طبعا نصيحتى قبل اى حاجة و انت رايح ماليزيا لازم تحمل تطبيق Grap و دة زى اوبر و كريم . من خلاله تقدر تطلب تاكسي و يجيلك لغاية عندك ..
ممكن تخصص للمكان دة يوم واحد فى رحلتلك لماليزيا .. و لو هتعد كام يوم تقدر تحجز فى الاوتيل اللى هناك ( خمس نجوم ) و هو عبارة عن شاليهات كل شالية محاط بحديقة كبيرة و فى خدمات spa ..
لزيارة المكان لمدة يوم زى ما انا عملت : هتتحرك من كوالا بالتاكسي الصبح بدري ( 6 الصبح مثلاً ) علشان تاخد اليوم من أوله هناك .. الرحلة مدتها ساعة تقريباً
و المكان دخوله بـ 100 رينجت للفرد الواحد
لما تدخل هتلاقي لوحات فى كل حتة فيها خريطة للموقع كامل و اماكن العيون المعدنية
و فى طفطف ممكن تركبه جوه مجانى تتحرك بيه
فى العاب مائية للأطفال و فى حمامات مياه حارة و باردة و اماكن مخصصة لوضع القدم فى المياه الكبريتية و اماكن سونا طبيعية ( تمشى فوق جسور وسط مياه طبيعية بتطلع بخار معدني )
و تقدر تستأجر شالية خاص ( بيتأجر بالساعة ) فية جاكوزى وسط جنينة خاصة كلها شجر و حواليك حيوانات السنجاب و الطيور .. و فية اماكن مخصصة للمشي و مسارح اطفال و بيتش باجي و دراجات
مع نهاية اليوم .. هتحس انك عملت ريسترت لدماغك بجد
..................................
طبعا كل الناس اللى رايحة ماليزيا بتبقي اول حاجة فى بالها هى زيارة العاصمة الجميلة كولالمبور و زيارة المعالم المشهورة فيها زى كهوف بوذا و المنارة و برج التوأم و حديقة الفراشات و الطبور و صان واى .. بالاضافة الى الجزر الجميلة زى لينكاوى
بس فى مكان جميل هناك و معلهوش اقبال من العرب خالص للاسف .. و هو Felda Residence Hot Spring Sg. Klah شمال العاصمة كوالا بـ 100 كم تقريباً .
................................
المكان جميل و وسط الغابات و الطريق له ممتع . لانك بتحس انك فى ماليزيا الحقيقية وسط الغابات الاستوائية الجميلة ..
و المكان مثالي للاستجمام و الراحة النفسية و الهدوء و التمتع بالطبيعة الجبلية و منظر الشجر الكثيف .. و كمان المياه المعدنية لها فوائد صحية .. مفيدة للعظام و الجهاز التنفسي و الجلد .. و تقدر تستمتع بخدمات الـ spa
..............................
طبعا نصيحتى قبل اى حاجة و انت رايح ماليزيا لازم تحمل تطبيق Grap و دة زى اوبر و كريم . من خلاله تقدر تطلب تاكسي و يجيلك لغاية عندك ..
ممكن تخصص للمكان دة يوم واحد فى رحلتلك لماليزيا .. و لو هتعد كام يوم تقدر تحجز فى الاوتيل اللى هناك ( خمس نجوم ) و هو عبارة عن شاليهات كل شالية محاط بحديقة كبيرة و فى خدمات spa ..
لزيارة المكان لمدة يوم زى ما انا عملت : هتتحرك من كوالا بالتاكسي الصبح بدري ( 6 الصبح مثلاً ) علشان تاخد اليوم من أوله هناك .. الرحلة مدتها ساعة تقريباً
و المكان دخوله بـ 100 رينجت للفرد الواحد
لما تدخل هتلاقي لوحات فى كل حتة فيها خريطة للموقع كامل و اماكن العيون المعدنية
و فى طفطف ممكن تركبه جوه مجانى تتحرك بيه
فى العاب مائية للأطفال و فى حمامات مياه حارة و باردة و اماكن مخصصة لوضع القدم فى المياه الكبريتية و اماكن سونا طبيعية ( تمشى فوق جسور وسط مياه طبيعية بتطلع بخار معدني )
و تقدر تستأجر شالية خاص ( بيتأجر بالساعة ) فية جاكوزى وسط جنينة خاصة كلها شجر و حواليك حيوانات السنجاب و الطيور .. و فية اماكن مخصصة للمشي و مسارح اطفال و بيتش باجي و دراجات
مع نهاية اليوم .. هتحس انك عملت ريسترت لدماغك بجد