A
Ahmed Abdel Basset
:: مسافر ::
النهاردة بقا نتكلم على رحلة الأقصر واسوان وعظمتها طبعا دى رحلة لازم تتحط فى الألبوم بتاعك مش معقولة تكون مصرى و ماتروحهاش ونصيحة خدلك مركب نيلية من الأقصر لاسوان لذيذة جدااا وتغيير بدل ماتقعد فى فندق على البر زى العادة فخلى الرحلة دى مختلفة شوية خصوصا ان النيل هناك فى اجمل حالاته و ضفافه إللى كلها أراضى خضرة و طيور جميلة ووراهم تلال رملة لوحة كدة فنية روعة ماتشوفهاش فى اى مكان تانى طبعا الأقصر جميلة و ناسها صباح الجدعنة والبلد لطيفة و مفيش زحام والأجانب فى كل حتة واكبر معلمين هناك طبعا معبد الأقصر و معبد الكرنك هتلاقى المرشدين كتير هناك و بيجروا وراك و نصيحة بردوا تتفق معاهم على الفلوس قبل ماتخليه يشرح لك المكان و كدة هى الرحلة كلها تاخد منك ٤ ايام و معظمها فى اسوان بتقضى يوم بالأقصر تشوف المعبدين وبعد كدة تطلع تشوف معبد حتشبسوت ووادى الملوك و دى رحلة وااااو بعد كدة تركب المركب وتبات وتانى او تالت يوم حسب بتبتدى الرحلة النيلية بتعدى فى السكة على ادفو و هتنزل تشوف المعبد بتاعها وهتلاقى حناطير مستنية كتير فكك منها اركب اى مواصلة رخيصة وتكون هناك فى ١٠ دقايق بعد كدة تعدى على كوم امبو وتشوف معبدها ومتحف سوبيك(التمساح) بعد كدة بتركب تانى و تعدى على معبد فيلا والسد العالى فى اسوان الاول عجبتنى الطلعة دى لان بتسيب المركب وتركب مركبة صغيرة فى النيل وسط تلال حجرية وخضرا عشان توصل معبد فيلا عشان هو على جزيرة لوحدوا بعد كدة بتسيب المركب خلاص وكان عندنا وقت طويل قبل ما نركب القطر بتاعنا فاتفقنا مع واحد اسواني بمركب يفسحنا و كدة وعلى ما اذكر اخد ٣٠٠ جنيه بياخدك فى النيل و بتعدى على شاطىء كدة وارض خضرة روعة وناس معاهم جمال و منتجات اسوانية يدوية بتنزل تبلبط كدة شوية وتكمل على القرية النوبية ممكن تاكل هناك وتشوف البيوت الجميلة الملونة و منتجاتهم و تشرب شاى ممتاااز 
وتلعب مع التماسيح بعد كدة بعد كدة ممكن تروح جزيرة النباتات وهى عبارة جنينة كبيرة و فيها اشجار و نباتات نادرة و مطلة على النيل بفيو رائع و جنبها قصر ملكة فريال إللى هو فندق كتاراكت حاليا و حديقة النباتات كانت هى الحديقة تبع القصر ، بعد كدة ممكن تزور المتحف النوبى ودة فيه تاريخ النوبة كله بعد كدة عمنا صاحب المركبة رجعنا و جابلنا أكلة سمك محترمة اكلناها فى المركب و الصراحة الجولة الحرة إللى احنا عملناها فى النيل دى بدون بروجرام و لا شركة سياحة احلى حاجة فى الرحلة كلها وخلصت رحلتنا ويارب تعجبكوا الصور
وتلعب مع التماسيح بعد كدة بعد كدة ممكن تروح جزيرة النباتات وهى عبارة جنينة كبيرة و فيها اشجار و نباتات نادرة و مطلة على النيل بفيو رائع و جنبها قصر ملكة فريال إللى هو فندق كتاراكت حاليا و حديقة النباتات كانت هى الحديقة تبع القصر ، بعد كدة ممكن تزور المتحف النوبى ودة فيه تاريخ النوبة كله بعد كدة عمنا صاحب المركبة رجعنا و جابلنا أكلة سمك محترمة اكلناها فى المركب و الصراحة الجولة الحرة إللى احنا عملناها فى النيل دى بدون بروجرام و لا شركة سياحة احلى حاجة فى الرحلة كلها وخلصت رحلتنا ويارب تعجبكوا الصور