G
Gamal Darwish
:: مسافر ::
روما/ميلان/فينسيا كانو ديما فى بالى باكج كدا على بعض و كنت بقول لازم طالعة ايطاليا دى مش اقل من 10 ايام او اسبوعين و كنت زعلان انى مش هروج كابرى و فيرونا و اتصور عند بيزا واقعد على بحيرة كومو و اتمشى فى شوارع فلورنس.
اول صدمة برغم انى كنت عارف ان روما حر بس الصدمه انه كانت حر جدا فى اغسطس و بليل رطوبة جدا فلازم تقعد فى تكييف طول الوقت (و دى احد الخطايا السبع الى قال عليهم ا/بهاء) .فمازورتش اماكن كتير و مستمتعش اوى خصوصا انى عايش نفس الجو طول السنه فى الدولة الخليجية الى مقيم فيها.و كمان كانت النافورة مقفوله للصيانه زى ماهو باين فى الصور.(Trevi Fountain) لكن مستسلمتش يعنى.
الاقامه فى روما بفندق Hotel Patria القريب من محطة القطر الرئيسية (برشح المكان للاقامه) و 10 دقايق مشى ل (Spanish steps) الى زورتها تانى يوم و زورت الكنيسة الموجوده اعلى السلالم الاسبانيه (Santissima Trinità dei Monti). روما فعلا متحف مفتوح طول ما انت ماشى متاحف كتير و ميادين قديمه زورت كمان المسرح الرومانى «كولوسيوم» زورت كمان القلعه او زى ما بيقولوا كاستلو (Castel Sant'Angelo) و ده يعتبر كويس فى درجة الحرارة الى كانت تقريبا 40
خلصت ايام روما و بعد كدا طلعت على ميلانو الى كانت درجة الحرارة فيها اخف شوية و بليل الجو كويس جدا و امطار خفيفة كمان .زورت فيها ساحة الدومو و قلعة ميلانو برضه Sforza Castle
كان ال sale شغال و الى تقريبا بيكون من 15/7 ل 15/8 او تقريبا بيبتدى من اول سبت فى شهر 7 على ما اتذكر لحد اخر شهر 8 و فعلا اسعار البراندات كانت كويسة و فى كمان منطقة اسمها buenos aires الى ودهانى صديق ليا عايش هناك و تقدر توصلها بالاندر جراند بسهوله من الدومو 4 محطات line M و اتغدينا هناك فى مطعم مصرى اسمه كليوباترا موجود فى الصور البيتزا ب 2 يورو و ساندوتش الدونر بيورو و نص و ده تقريبا ارخص حد اكلت عنده فى اوربا و تبددت احلامة انى اكل البيتزا والمكرونة من بلدها لان كان الشيف من الشرقية (بس فعلا كل الاكل كويس) المصريين كتير فى ميلانو و هتشوفهم طول مانت ماشى.
نوافير الميه الصالحه للشرب كتير او زى ما بيقولوا عليها فونتانا
حاول تمشى كتير و تستمتع بشوارعها و انت بتسمع اغنية l'italiano فى ودانك ل toto cutugno ♩♩
من ميلان لفينسيا الى كنت متشوق اوى انى اوصلها بسرعه
الاقامة فى فندق Rialto الى على الاسم الكوبرى و تقريبا جمبة مباشرة و ده اشهر كوبرى هناك (rialto bridge) على الجراند قنال Garand Canal
الجو كان اجمل من ميلان و بليل برد و امطار خفيفه ركبت ال water taxi و روحت ساحة سان ماركوا
و ممكن كمان تطلع برج سان ماركو , و تتمشى فى الممشى هناك و هتشوف فندق Hotel Danieli الى تقريبا اتصور فيه فيلم انجلينا جولى the tourist.
ممكن كمان تاخد سيتى تور و تزور مورانوا و مصنع الزجاج الشهير Murano Glass Factory و يعتبر من اشهر مصانع الزجاج فى العالم.
و طبعا متنساش المعجنات طول ما انت ماشى و خصوصا Cannoli الى هتلاقيه حواليك فى كل مكان( بواحد يورو) (موجود فى الصور)
اول صدمة برغم انى كنت عارف ان روما حر بس الصدمه انه كانت حر جدا فى اغسطس و بليل رطوبة جدا فلازم تقعد فى تكييف طول الوقت (و دى احد الخطايا السبع الى قال عليهم ا/بهاء) .فمازورتش اماكن كتير و مستمتعش اوى خصوصا انى عايش نفس الجو طول السنه فى الدولة الخليجية الى مقيم فيها.و كمان كانت النافورة مقفوله للصيانه زى ماهو باين فى الصور.(Trevi Fountain) لكن مستسلمتش يعنى.
الاقامه فى روما بفندق Hotel Patria القريب من محطة القطر الرئيسية (برشح المكان للاقامه) و 10 دقايق مشى ل (Spanish steps) الى زورتها تانى يوم و زورت الكنيسة الموجوده اعلى السلالم الاسبانيه (Santissima Trinità dei Monti). روما فعلا متحف مفتوح طول ما انت ماشى متاحف كتير و ميادين قديمه زورت كمان المسرح الرومانى «كولوسيوم» زورت كمان القلعه او زى ما بيقولوا كاستلو (Castel Sant'Angelo) و ده يعتبر كويس فى درجة الحرارة الى كانت تقريبا 40
خلصت ايام روما و بعد كدا طلعت على ميلانو الى كانت درجة الحرارة فيها اخف شوية و بليل الجو كويس جدا و امطار خفيفة كمان .زورت فيها ساحة الدومو و قلعة ميلانو برضه Sforza Castle
كان ال sale شغال و الى تقريبا بيكون من 15/7 ل 15/8 او تقريبا بيبتدى من اول سبت فى شهر 7 على ما اتذكر لحد اخر شهر 8 و فعلا اسعار البراندات كانت كويسة و فى كمان منطقة اسمها buenos aires الى ودهانى صديق ليا عايش هناك و تقدر توصلها بالاندر جراند بسهوله من الدومو 4 محطات line M و اتغدينا هناك فى مطعم مصرى اسمه كليوباترا موجود فى الصور البيتزا ب 2 يورو و ساندوتش الدونر بيورو و نص و ده تقريبا ارخص حد اكلت عنده فى اوربا و تبددت احلامة انى اكل البيتزا والمكرونة من بلدها لان كان الشيف من الشرقية (بس فعلا كل الاكل كويس) المصريين كتير فى ميلانو و هتشوفهم طول مانت ماشى.
نوافير الميه الصالحه للشرب كتير او زى ما بيقولوا عليها فونتانا
حاول تمشى كتير و تستمتع بشوارعها و انت بتسمع اغنية l'italiano فى ودانك ل toto cutugno ♩♩
من ميلان لفينسيا الى كنت متشوق اوى انى اوصلها بسرعه
الاقامة فى فندق Rialto الى على الاسم الكوبرى و تقريبا جمبة مباشرة و ده اشهر كوبرى هناك (rialto bridge) على الجراند قنال Garand Canal
الجو كان اجمل من ميلان و بليل برد و امطار خفيفه ركبت ال water taxi و روحت ساحة سان ماركوا
و ممكن كمان تطلع برج سان ماركو , و تتمشى فى الممشى هناك و هتشوف فندق Hotel Danieli الى تقريبا اتصور فيه فيلم انجلينا جولى the tourist.
ممكن كمان تاخد سيتى تور و تزور مورانوا و مصنع الزجاج الشهير Murano Glass Factory و يعتبر من اشهر مصانع الزجاج فى العالم.
و طبعا متنساش المعجنات طول ما انت ماشى و خصوصا Cannoli الى هتلاقيه حواليك فى كل مكان( بواحد يورو) (موجود فى الصور)