E
Eslam Ahmed
:: مسافر ::
ماليزيا للطلاب والتصريح الامني
انا طالب ووقت ماكنت عايز اسافر كان الموضوع مبهم بالنسبالي ومكنش فيه حد اقدر اعرف منه ايه اللي يتم في حالة "الطلاب" ..عشان كدا انا هتكلم عن تجربتي يمكن تكون هتفيد حد دلوقتي بيخطط للسفر..
اولاً عشان انت طالب او مش مكتوب في باسبورك وظيفه او حاصل على مؤهل كذا وعايز تروح ماليزيا لازم تصريح امني من ظابط الاتصال بمجمع التحرير ..
وعشان تطلع التصريح دا لازم دعوه من حد قاعد هناك
بيعتلك دعوه من immigration department بعد ما بياخد كامل بياناتك وscan لبسبورك وحجز طيران "غير مؤكد "ودا تقدر تعمله من مكاتب الطيران الرسميه بدون مقابل " اوعى حد يضحك عليك ويقولك هعملك حجز مؤكد ب ١٠٠ جنيه " ..
......................
الدعوه طلعت واتبعتتلك بتطبعها وتروح بيها "سفارة ماليزيا " في شارع جامعة الدول عند مسجد مصطفى محمود ..بتروح هناك هيقابلك واحد ع الباب هيعملك فيها القنصل وياخد الورق وهيبص عليه بقرف ولا يهمك متسمعلوش متحبطش نفسك وانت لسه في اول المشوار .. هتدخل للموظف بتملى الابلكيشن وتدفع ٨٢ جنيه ونص بعد طبعا لما بيتاكد من ورقك ويشوف ال reference number صح ولا لا.. بتستنى في الريسبشن ١٠ دقايق وبتستلم بسبورك عليه الفيزا ..هتسالني علطول كدا ؟! مفيش رخامه ! ورق ناقص مثلا ! .. لا هو مفيش عشان القنصليه بتنش، مش هيبقى فيه غيرك في الريسبشن فهيخلصوك معن هي فعلياً لازم تقعد ٣ ايام .
خدت الفيزا خلاص ع باسبورك انت ممكن دلوقتي تسافر من غير تصريح امني ودا كلام ظابط الاتصال ليا و من واحد مصري اتعرفت عليه في الطياره عدى من غير تصريح بس كان واخد فيزا بس متجازفش بتمن الطياره عشان مكسل تروح التحرير ..
في مجمع التحرير :
هتصور باسبورك نسخه والفيزا نسخه وتملى الابليكيشن
وتيجي بعد ٣ ايام تستلم التصريح
حجز الطيران :
ارخص حجز طيران هيطلعلك عن طريق skyscanner
وماهو الا برنامج بيجبلك ارخص حاجه وهتحجز من على برنامج تاني هو بيفتحهولك تلقائي.
انا حجزت من travelstar وبتدفع كريديت مارد او تحويل بنكي او ممكن تروح مكتبهم في المعادي وبتدفع هناك .
وانا حجزت ع الاماراتيه بصراحه طيران نضيف ونزلت ترانزيت دبي .
ماليزيا لازم تنزل ترانزيت ..يفضل ماتحجزش ترانيزيت عدد ساعات اكتر من ٧ ساعات عشان متملش وبعض الخطوط لو مدة الترانزيت طويله بيدوك فندق وبيفسحوك فالبلد مجاناً بس قبل اي خطوه اسال كتير واوعى تحجز اقل من ٣ ساعات ،تحسباً لاي ظروف
*بالمناسبه الشنط بتاخدها من وجهتك الاخيره عشان بس متسالهمش السؤال دا لانهم بيتقمصوا
-----------------------------
في ماليزيا :
1- ماليزيا بلد اسلامي هتشوف ثقافات وعادات كتير
..جوها استوائي رطوبه وامطار طول السنه
2-العمله هناك الرنجت ما يعادل من ٣.٥ - ٤جنيه مصري 3- اهتم بالاكل شويه عشان هو احلى حاجه هناك
هندي وماليزي وكوري وصيني وياباني ..والاكل الحلال كتير مش هتغلب
5- خلي لبسك هناك يبقى اغلبه شورتات وكوتشي رياضي
6- قبل ما تسافر اقرا عنها واكتب الاماكن اللي عايز تروحها وازاي تروحها عشان متضيعش وقت هناك فالتخطيط
7- اهتم بالاكل تاني
8-الماليزيين ميعرفوش عزومة المركبيه مفيش خلي ولو عزم عليك بحاجه مبيلحش فخدها ومتمثلش
9-خليك مثال يحتذى بيه ف تصرفاتك لانك بتمثل بلدك
10- اه بالحق ماليزيا فيها شطافات..عشان فالمطار بنشوف العجب
11- لو رايح لحد تعرفه اشتري هديه بسيطه من الحسين او شارع المعز تعبر عن بلدك هما بيحبو الحجات
12- لو متاح ليك فرصه اعمل اكل مصري وقدمهلهم
13- تقدر تقعد في هوستيل بيبقى اسعاره قليله بس حد اقصى اسبوعين بيسمحلك
14- متنساش تجرب الدراجون فروت اصل في مصر سعره ٦٣٠ جنيه
* انا سافرت للتدريب في عياده فالدعوه اتبعتتلي من العياده .. دا توضيح عشان محدش يسال انا جبت منين الشخص اللي يبعتلي الدعوه *
هنزل اسم كل مكان روحته في الصور
انا طالب ووقت ماكنت عايز اسافر كان الموضوع مبهم بالنسبالي ومكنش فيه حد اقدر اعرف منه ايه اللي يتم في حالة "الطلاب" ..عشان كدا انا هتكلم عن تجربتي يمكن تكون هتفيد حد دلوقتي بيخطط للسفر..
اولاً عشان انت طالب او مش مكتوب في باسبورك وظيفه او حاصل على مؤهل كذا وعايز تروح ماليزيا لازم تصريح امني من ظابط الاتصال بمجمع التحرير ..
وعشان تطلع التصريح دا لازم دعوه من حد قاعد هناك
بيعتلك دعوه من immigration department بعد ما بياخد كامل بياناتك وscan لبسبورك وحجز طيران "غير مؤكد "ودا تقدر تعمله من مكاتب الطيران الرسميه بدون مقابل " اوعى حد يضحك عليك ويقولك هعملك حجز مؤكد ب ١٠٠ جنيه " ..
......................
الدعوه طلعت واتبعتتلك بتطبعها وتروح بيها "سفارة ماليزيا " في شارع جامعة الدول عند مسجد مصطفى محمود ..بتروح هناك هيقابلك واحد ع الباب هيعملك فيها القنصل وياخد الورق وهيبص عليه بقرف ولا يهمك متسمعلوش متحبطش نفسك وانت لسه في اول المشوار .. هتدخل للموظف بتملى الابلكيشن وتدفع ٨٢ جنيه ونص بعد طبعا لما بيتاكد من ورقك ويشوف ال reference number صح ولا لا.. بتستنى في الريسبشن ١٠ دقايق وبتستلم بسبورك عليه الفيزا ..هتسالني علطول كدا ؟! مفيش رخامه ! ورق ناقص مثلا ! .. لا هو مفيش عشان القنصليه بتنش، مش هيبقى فيه غيرك في الريسبشن فهيخلصوك معن هي فعلياً لازم تقعد ٣ ايام .
خدت الفيزا خلاص ع باسبورك انت ممكن دلوقتي تسافر من غير تصريح امني ودا كلام ظابط الاتصال ليا و من واحد مصري اتعرفت عليه في الطياره عدى من غير تصريح بس كان واخد فيزا بس متجازفش بتمن الطياره عشان مكسل تروح التحرير ..
في مجمع التحرير :
هتصور باسبورك نسخه والفيزا نسخه وتملى الابليكيشن
وتيجي بعد ٣ ايام تستلم التصريح
حجز الطيران :
ارخص حجز طيران هيطلعلك عن طريق skyscanner
وماهو الا برنامج بيجبلك ارخص حاجه وهتحجز من على برنامج تاني هو بيفتحهولك تلقائي.
انا حجزت من travelstar وبتدفع كريديت مارد او تحويل بنكي او ممكن تروح مكتبهم في المعادي وبتدفع هناك .
وانا حجزت ع الاماراتيه بصراحه طيران نضيف ونزلت ترانزيت دبي .
ماليزيا لازم تنزل ترانزيت ..يفضل ماتحجزش ترانيزيت عدد ساعات اكتر من ٧ ساعات عشان متملش وبعض الخطوط لو مدة الترانزيت طويله بيدوك فندق وبيفسحوك فالبلد مجاناً بس قبل اي خطوه اسال كتير واوعى تحجز اقل من ٣ ساعات ،تحسباً لاي ظروف
*بالمناسبه الشنط بتاخدها من وجهتك الاخيره عشان بس متسالهمش السؤال دا لانهم بيتقمصوا
-----------------------------
في ماليزيا :
1- ماليزيا بلد اسلامي هتشوف ثقافات وعادات كتير
..جوها استوائي رطوبه وامطار طول السنه
2-العمله هناك الرنجت ما يعادل من ٣.٥ - ٤جنيه مصري 3- اهتم بالاكل شويه عشان هو احلى حاجه هناك
هندي وماليزي وكوري وصيني وياباني ..والاكل الحلال كتير مش هتغلب
5- خلي لبسك هناك يبقى اغلبه شورتات وكوتشي رياضي
6- قبل ما تسافر اقرا عنها واكتب الاماكن اللي عايز تروحها وازاي تروحها عشان متضيعش وقت هناك فالتخطيط
7- اهتم بالاكل تاني
8-الماليزيين ميعرفوش عزومة المركبيه مفيش خلي ولو عزم عليك بحاجه مبيلحش فخدها ومتمثلش
9-خليك مثال يحتذى بيه ف تصرفاتك لانك بتمثل بلدك
10- اه بالحق ماليزيا فيها شطافات..عشان فالمطار بنشوف العجب
11- لو رايح لحد تعرفه اشتري هديه بسيطه من الحسين او شارع المعز تعبر عن بلدك هما بيحبو الحجات
12- لو متاح ليك فرصه اعمل اكل مصري وقدمهلهم
13- تقدر تقعد في هوستيل بيبقى اسعاره قليله بس حد اقصى اسبوعين بيسمحلك
14- متنساش تجرب الدراجون فروت اصل في مصر سعره ٦٣٠ جنيه
* انا سافرت للتدريب في عياده فالدعوه اتبعتتلي من العياده .. دا توضيح عشان محدش يسال انا جبت منين الشخص اللي يبعتلي الدعوه *
هنزل اسم كل مكان روحته في الصور