M
Mohamed Hikal
:: مسافر ::
السلام عليكم أصدقائي زي ما السفر حاجه ممتعه بالنسبة لينا لازم الواحد فينا يكون سفير لبلده اَي كانت ديانته أوجنسيته وأنا بفضل الله هحكي موقف جميل جدا حصل طبعا في روما الجميله اعشق روما المهم ذهبت لزيارة الكلوسيوم وكان الناس كتير جدا دخلت الي داخله ولافيت وانبسطت جوه وأنا خارج بره أخر اليوم طبعا أنا قضيت اليوم بالكلوسيوم حصلت الناس دول اللي لابسين اللبس الجميل ده وأبهرني وحبيت أتصور معاهم فالصورة 5 يورو وكان ناس كتير جدا جدا ومش عاوز أقولكوا يعني كان جميلات أروبا موجودين ههههه المهم اتصورت صورة ودفعت 100 يورو وأخذت الباقي ومشيت براجع الفلوس لاقتهم 115 يعني 20 يورو زيادة بدون تفكير رجعت وكلمت الزعيم بتاعهم وقولتله انتي آذتني فلوس زيادة 20 يورو انا قولت كده والدنيا اتقلبت سألني انت منين قولتله أنا من مصر وكلم أصحابه ولبَّسونا التاج وعملوا فرح مش مصدقين وقعدوا يتصوروا معايا اكتر من 15 صوره مجانا ورجعوا 100 يورو كامله من غير اَي مقابل وقعدوا بقي يمدحوا فيه وفِي مصر طبعا انا مش فاهم بس واحده تونسية كانت واقفه قالت ان انت شخص محترم وهما مبهورين بيك وان هما قالوا مصر بلد عظيم وكانت الناس كتير والزعيم ده كلم الناس اللي واقفه انا مش فاهم وكانوا بيصفقوا كتير وبعدين قعدوني علي الصخره اللي في الصوره ولبَّسوني التاج وقالوا الفرعون المصري وسلموا عليه سلام حار جدا انا بالنسبة لي كنت محروج جدا عشان لوحدي اولا وثانيا كان فيه ناس كتير واقفه بس حسّيت ان انا فعلا عملت حاجه لبلدي وشرفت مصر وشرفت عروبتي النهايه لازم تكون سفراء لبلادنا في الغرب أو اَي مكان نسافر اليه وشكرا ليكوا جميعا
