W
Walaa Ismail El-Kharbotly
:: مسافر ::
ماليزيا وجمال ماليزيا 
*الفيــزا: ماليزيا لا تحتاج الى فيزا للمصريين إذا مكتوب فى الباسبور وظيفة، فتحجز الطيران وسافر وهناك هتاخد تأشيرة لدخول البلد من المطار لمدة 90 يوم ببلاش وإذا كان مكتوب فى الباسبور طالب أو حاصل على فهتبقى محتاج تصريح أمنى وده بيتعمل فى مجمع التحرير.
*قبل السفر: حجزت الطيران قبلها بشهر ونص وده خلى سعر التذكرة أقل من الطبيعى وأفضل موقع تستخدمه للطيران Skyscanner وحجزت الهوستيل من على hostelworld وقريت عن البلد وعرفت الأنشطه اللى هناك وعملت خطة مبدائيه للرحله من على Tripadvisor
** كوالالمبور (العاصمة)
وصلت المطار بليل ومكنش فى غير التاكسى وفى المطار المكاتب موجوده لحجز التاكسى والحلو فيه ان السعر موحد للمكان الواحد ولومعاك حد فى التاكسى السعر بيتقسم عليكم. وصلت الهوستيل ودى كانت اول حاجه قلقانى بس روح المغامرة وتجربة حاجة زى الهوستيل كانت شدانى جدا انى اعملها، فكرة الهوستيل انه كذا غرفه وكل غرفه فيها اكتر من سرير وانت بتحجز سرير واحد ليك وبيبقى معاك ناس تانيه من بلاد مختلفه الهوستيل بيبقى متقسم غرف للبنات فقط وغرف مختلطه...الهوستيل كان فى منطقة Bukit Bintang ، نزلت فى هوستيل kl Dorms ب 26 رينجت فى الليلة بالفطار
من التقاليد الأساسية فى ماليزيا هى خلع الأحذية قبل الدخول للمنزل او للهوستيل وده لإن الأحذية بها كم كبير من البكتريا التى لا يمكن رؤيتها بالعين المجرده .
* اهم الاماكن التى لا يمكن ان تزور ماليزيا دون رؤيتها:
* البرجين التوأم (بتروناس) : كانوا اطول برجين فى العالم وفيهم 88 طابق ولو عايز تطلعهم فالافضل انك تحجزها اون لاين ب 80 رينجت وجنب البرجين هتلاقى حديقة كوالالمبور بيتم فيها عرض النافورة الراقصة والوانه اكثر من رائعة وهتلاقى كمان فى نفس المكان Suria KLCC twin towers مركز للتسوق..علشان اروحهم ركبت اتوبيس وكان مجانا
* كهوف باتو: ركبت مترو ب 2.5 رينجت لمحطة Kl Sentral ومونوريل ب 2.6 رينجت وواحد كمان ب 2.6 رينجت ووصلت محطة الباتو ودخلت (مجانا) لقيت هناك كمية قرود ملهاش حل بتلعب وبتجرى وبتتسلق الاشجار والصخور وكمان هتلاقى حمام كتير حوليك وفى معابد ومزارات هندوسية كتير وهتطلع اكتر من 300 سلمه علشان توصل للكهوف وهناك شربت Coconut ب 5 رينجت وبعد كده ركبت المونورويل ب 2.5 رينجت ووصلت KL Sentral ودخلت ماكدونالدز واخدت وجبة كومبو fish ب 8 رينجت واتمشيت فى شارع العرب
* شارع العرب: فى منطقة Bukit Bintang هتلاقى فيه كل واى حاجه من اكل وشرب ولبس وهدايا وأحذية ومطاعم وكافيهات ومولات وكل حاجه والاسعار حلوه جدا وكمان تقدر تفاصل
*حديقة الطيور: الدخول لها ب 50 RM ركبت مونوريل ل KL Sentral ب 2.5 رينجت ومترو ب 2.20 رينجت واتمشيت شوية ووصلت منطقة Jalan Perdana ودخلت الحديقة ولقيت فيها طيور كتيره جدا وانواع مختلفه، الطيور حره طلقة هتلاقيها ماشيه جنبك وحوليك فى كل مكان وفى عروض كمان للطيور...المكان مميز وشوفت فيه طيور اعرفها ومعرفهاش بس هى من اكتر الاماكن اللى استمتعت فيها وخرجت منها وفى نفس المنطقة روحت على حديقة الوركيد
*حديقة الأوركيد: كمية الزهور الموجوده هنا ملهاش مثيل وهتلاقى فيها نباتات ومناظر مريحة جدا للعين والبهجه هتحسها فى كل حته هناك، ومنها طلعت ركبت تاكسى ب 4 رينجت وروحت على حديقة الفراشات
*حديقة الفراشات : الدخول لها ب 22 رينجت، هتلاقى فيها فراشات غريبة ومختلفة وانواع متعدده والوان كتيره واحجام مختلفه وهتلاقى اشجار مخصوصه للفراشات دى وبعض الزهور وكمان بحيرات فيها انواع واشكال مختلفه من الاسماك والسلاحف والضفادع وفي طريقك للخروج ستمر على صالات تحتوي على احواض ضخمه من الزجاج وبداخلها انواع غريبه من الحشرات ويوجد انواع كثيره من العقارب والعناكب والثعابين ، وستشاهد ايضا انواع كثيره من الحشرات محنطه ومعلقه على الجدران وقبل خروجك من الحديقه ستدخل محل لبيع التحف التذكاريه وطلعت منها روحت على مسجد نيجارا
*مسجد نيجارا : المسجد الوطنى فى كوالالمبور الدخول له مجانا، اللى بيدخل المسجد سواء ولد او بنت فبيدوه عبايات مكتوب عليها المسجد الوطنى وبتتلبس وانت داخل وشكلها حلو الصراحه المسجد مساحته كبيره جدا وبيستوعب تقريبا 15000 مصلى ومن الحاجات اللى ابهرتنى جواه " المعمار الاسلامى الحديث وكمان فيه نافورات واحواض رائعه" من كتر ما بهرنى مش عارفه اوصفه
* متحف الفن الاسلامى
*مبنى السلطان عبد الصمد وميدان ميرديكا كوالالمبور ومكتب بريد ميدان ميرديكا قديماً ومعرض كوالالمبور Kuala Lumpur City Gallery، و Royal Selangor Club at Merdeka Square الاماكن دى كلها جنب بعض وفى نفس المنطقة ومش عارفه انا وصلتلهم ازاى لانى جرجت من المتحف الاسلامى وقعدت اتمشى فى الشوارع ومركبتش اى حاجه بس لقيت نفسى وصلت للمنطقه اللى فيها كل ده وبجد انبسطت جدا جدا ولقتنى وصلت لمنطقة حستها قطعه من اوروبا من مبانيها وشوارعها
*الشوبينج: Pavillion mall، Low Yat Plaza، Sogo Mall، Lot 10، Times Square... الخ
**جزيرة لانكاوى
من اروع واجمل الجزر فى العالم، الجزيرة كبيرة وتضم العديد من المعالم التاريخية والحياة المثيرة والتسوق الرخيص، وسيلة المواصلات هناك يا تاكسى يا اما تأجر سكوتر وده ارخص طبعا
فى البداية وصلت منطقة Selat Bagan ونزلت فى Barkat chalets ب 45 رينجت بالفطار فى الليلة وده كان من احلى البيوت اللى قعدت فيها وهو يعتبرLake House حاجة كده فائقة الجمال لانى كنت بصحى على منظر البحر والسماء والجبال المغطاة والاخضر، وصاحبة المكان بنتها فضلت معايا انا وصحبتى علشان تفرجنا على المنطقة كلها وودتنا اماكن كان مستحيل نعرف نوصلها لوحدنا وكان معاها واحد تانى من المنطقة زميلها واخدنا جولة بدون اى مقابل " ناس جميلة جدا وانبسطنا معاهم" يومين من العمر
بعد كده اخدنا Boat ب 5 رينجت ووصلنا منطقة Pentai Cenang ونزلنا فى هوستيل VIP Female Dorm ب 33 رينجت فى الليلة بالفطار
اليوم الاول : اخدت التاكسى رايح جاى ب 30 رينجت وروحت ... جسر السماء Sky Bridge : ب 5 رينجت ويعتبر جسر منحنى للمشاه وارتفاع الجسر 700 متر فوق مستوى سطح البحر ولا يمكن الوصول اليه الا بالتلفريك
التلفريك: Cable car ب 75 رينجت الدخول للتلفريك والمعرض الثلاثى الابعاد، التلفريك بياخدنا رحلة لمدة 15 دقيقة الى اعلى جبل مات شينشانغ وبتلاقى نفسك بين شلالات لنكاوى والغابات وفى السماء وعلى ارتفاع 710 متر فوق مستوى سطح البحر
معرض فنون 3D : هتلاقى فيه اعمال فنية كتيره وكلها ثلاثية الابعاد وكأنها حية ويعتبر المعرض الثانى فى العالك 3D وهتعيش فية قمة الخيال
اليوم الثانى : طلعت على الشاطئ وعملت Parasaling ب 60 رينجت وركبت Jet ski ب 60 رينجت وبليل نزلت اتمشيت وعملت شوبينج.
اليوم الثالث : اخدت تاكسى ب 10 رينجت لمطار لنكاوى وحجزت من على طيران Malindo لكوالالمبور ب 179 رينجت علشان ارجع كوالا طيران مش اتوبيس لانه بياخد 9 ساعات وبعد كده اخدت تاكسى ب 10 رينجت للشلالات
شلالات الأبار السبعة: عبارة عن زخرفة طبيعية هتلاقى فيها سبع عيون من الماء وصخور هائلة والتي هي من مميزات لانكاوي، فمياه الامطار العذبه تتجمع وتنحدر من حوض الى حوض لتتدفق وبقوه، وعلشان اوصل للمنبع طلعت ما بين غابات وكان معايا فى رحلة الصعود " قرود وطيور مغرده وصوت تساقط قطرات الماء" فى القمة قمة المتعــه، ورجعنا منطقة Pantai ب 15 رينجت وبليل كملت الشوبينج.
اماكن الشوبينج بلنكاوى : منطقة Pantai Cenang فيها محلات صغيرة بطول الشارع، Cenang mall، The Zon Shopping Paradise ، ZON Duty Free complex وغيرهم
شوية حاجات لاحظتها هناك:
• الشعب الماليزى من اطيب الشعوب وشعب مساعد جدا ومبتسم يجلب البسمـــــة
• لما هتدخل اى محل سواء اشتريت او لأ هتلاقى الناس بتشكرك
• وسائل المواصلات رخيصة لاقصى درجة ونضيفة وفى منهم اتوبيسات مجانا وفى مونوريل ومترو والتاكسى له أجرة موحده وهتلاقى معاه قائمه بالاسعار
• الاقامة : الهوستيل من افضل اماكن الاقامة لانها نضيفة ومريحة ورخيصة وكمان هتقدر فيها تتعرف بناس تانية جنسيات تانية وهتتعرف على ثقافات بلاد تانية
• الإنترنت فى كل مكان، والاكل الحلال كتير هناك، طعم الأسماك والفاكهة مختلف وهتلاقى أنواع مختلفة وهتنبسط
• هتلاقى مساجد ذات تراث معمارى رائع ومنتشره فى كل مكان وهتلاقى ناطحات سحاب هائلة وانشطة كتيره تقدر تعملها هناك
• كمان الشوبينج هناك لكل الفئات والاذواق وبأسعار معتدلة، ولنكاوى منطقة معافاه من الجمارك فهتعيش بقى فى السوق الحره
• الدولة منظمه فى كل حاجـــه
• متغيروش دولارات فى المطار، حولوا بس اللى يوصلكوا للفندق لان المطار بياخد عموله وهتلاقوا صرافات فى منطقة Bukit Bentang حولوا منها
• خلى معاك الخريطة لانها هتسهل عليك تحركاتك هناك وفى اماكن اكتر من اللى انا كتباهم فوق ممكن تزورها
• بصوره عامه البلد رخيصــــــه اوى
مواقف حصلتلى هناك :
تهت لانى خرجت من مكان ومكنتش عاوزة اركب، واتمشيت وانا مش عارفه انا فين، بس فى الاخر وصلت لمنطقة حلوه جدا ولقيت فيها كذا مزار وطلعت أحسن بكتير من اللى كنت مخططه له وكفاية منظر الشارع والمبانى اللى كانت فيه.
وانا رايحة من كوالالمبور للنكاوى كنت مخططه اروحها بالطياره لانها بتاخد 45 دقيقة لكن وانا رايحة ركبت اتوبيس TBS ب 47.30 رينجت وكنت سأله بياخد وقت اد ايه، اللى عرفته انه اربع ساعات، الاتوبيس مريح جدا وكبير والمنظر فى الطريق خلاب جدا هتلاقى يمينك وشمالك الاخضر فى كل مكان، بس فجأه حصل اللى مكنتش عامله حسابه " ان الدنيا ضملت والامطار بتخبط جامد فى كل الشبابيك وبدل ما الطريق اخد 4 ساعات، الطريق أخد 9 ساعات، وتقريبا انا اللى فهمت غلط بس فى اللحظة دى كنت قلقانة جدا وخايفة شوية لانى كنت هنزل فى منطقة Kuala pelise ومنها هاخد عباره للنكاوى لانها جزيرة، والعبارة نهايتها الساعه 7 pm واحنا وصلنا 9 pm وكنا انا وصحبتى لوحدنا فى المحطة والدنيا ضلمة ومفيش غير 3 ستات فى المحطه ولما سئلنا على العبارة اتقلنا ان مفيش غير اننا نبات فى المحطه لتانى يوم، وفجأه ظهرلنا واحد عامل زى اللى بيقول لوكاندة الماندره، وعنده فندق جنب المحطة واضطرينا نروح ننام الليله دى فى الفندق ب30 رينجت وكنا خايفين جدا لاننا رايحين فندق منعرفوش والموقف كله غريب، بس الحمد لله عدت على خير، ومن الفجر جرينا على محطة الفيرى واخدنا اول عباره على لنكاوى ب 18 رينجت
اتعرفت على ناس كتير من بلاد مختلفة " من اوكرانيا، الصين، اليابان، جزر كاريبى، باكستان، تركيا، روسيا وانجلترا " وقعدت واكلت وخرجت وهزرت ولعبت معاهم وكان هدفنا كلنا هو تبادل ثقافات كل دولة .
*الفيــزا: ماليزيا لا تحتاج الى فيزا للمصريين إذا مكتوب فى الباسبور وظيفة، فتحجز الطيران وسافر وهناك هتاخد تأشيرة لدخول البلد من المطار لمدة 90 يوم ببلاش وإذا كان مكتوب فى الباسبور طالب أو حاصل على فهتبقى محتاج تصريح أمنى وده بيتعمل فى مجمع التحرير.
*قبل السفر: حجزت الطيران قبلها بشهر ونص وده خلى سعر التذكرة أقل من الطبيعى وأفضل موقع تستخدمه للطيران Skyscanner وحجزت الهوستيل من على hostelworld وقريت عن البلد وعرفت الأنشطه اللى هناك وعملت خطة مبدائيه للرحله من على Tripadvisor
** كوالالمبور (العاصمة)
وصلت المطار بليل ومكنش فى غير التاكسى وفى المطار المكاتب موجوده لحجز التاكسى والحلو فيه ان السعر موحد للمكان الواحد ولومعاك حد فى التاكسى السعر بيتقسم عليكم. وصلت الهوستيل ودى كانت اول حاجه قلقانى بس روح المغامرة وتجربة حاجة زى الهوستيل كانت شدانى جدا انى اعملها، فكرة الهوستيل انه كذا غرفه وكل غرفه فيها اكتر من سرير وانت بتحجز سرير واحد ليك وبيبقى معاك ناس تانيه من بلاد مختلفه الهوستيل بيبقى متقسم غرف للبنات فقط وغرف مختلطه...الهوستيل كان فى منطقة Bukit Bintang ، نزلت فى هوستيل kl Dorms ب 26 رينجت فى الليلة بالفطار
من التقاليد الأساسية فى ماليزيا هى خلع الأحذية قبل الدخول للمنزل او للهوستيل وده لإن الأحذية بها كم كبير من البكتريا التى لا يمكن رؤيتها بالعين المجرده .
* اهم الاماكن التى لا يمكن ان تزور ماليزيا دون رؤيتها:
* البرجين التوأم (بتروناس) : كانوا اطول برجين فى العالم وفيهم 88 طابق ولو عايز تطلعهم فالافضل انك تحجزها اون لاين ب 80 رينجت وجنب البرجين هتلاقى حديقة كوالالمبور بيتم فيها عرض النافورة الراقصة والوانه اكثر من رائعة وهتلاقى كمان فى نفس المكان Suria KLCC twin towers مركز للتسوق..علشان اروحهم ركبت اتوبيس وكان مجانا
* كهوف باتو: ركبت مترو ب 2.5 رينجت لمحطة Kl Sentral ومونوريل ب 2.6 رينجت وواحد كمان ب 2.6 رينجت ووصلت محطة الباتو ودخلت (مجانا) لقيت هناك كمية قرود ملهاش حل بتلعب وبتجرى وبتتسلق الاشجار والصخور وكمان هتلاقى حمام كتير حوليك
وفى معابد ومزارات هندوسية كتير وهتطلع اكتر من 300 سلمه علشان توصل للكهوف وهناك شربت Coconut ب 5 رينجت وبعد كده ركبت المونورويل ب 2.5 رينجت ووصلت KL Sentral ودخلت ماكدونالدز واخدت وجبة كومبو fish ب 8 رينجت واتمشيت فى شارع العرب * شارع العرب: فى منطقة Bukit Bintang هتلاقى فيه كل واى حاجه من اكل وشرب ولبس وهدايا وأحذية ومطاعم وكافيهات ومولات وكل حاجه والاسعار حلوه جدا وكمان تقدر تفاصل
*حديقة الطيور: الدخول لها ب 50 RM ركبت مونوريل ل KL Sentral ب 2.5 رينجت ومترو ب 2.20 رينجت واتمشيت شوية ووصلت منطقة Jalan Perdana ودخلت الحديقة ولقيت فيها طيور كتيره جدا وانواع مختلفه، الطيور حره طلقة هتلاقيها ماشيه جنبك وحوليك فى كل مكان وفى عروض كمان للطيور...المكان مميز وشوفت فيه طيور اعرفها ومعرفهاش بس هى من اكتر الاماكن اللى استمتعت فيها وخرجت منها وفى نفس المنطقة روحت على حديقة الوركيد
*حديقة الأوركيد: كمية الزهور الموجوده هنا ملهاش مثيل وهتلاقى فيها نباتات ومناظر مريحة جدا للعين والبهجه هتحسها فى كل حته هناك، ومنها طلعت ركبت تاكسى ب 4 رينجت وروحت على حديقة الفراشات
*حديقة الفراشات : الدخول لها ب 22 رينجت، هتلاقى فيها فراشات غريبة ومختلفة وانواع متعدده والوان كتيره واحجام مختلفه وهتلاقى اشجار مخصوصه للفراشات دى وبعض الزهور وكمان بحيرات فيها انواع واشكال مختلفه من الاسماك والسلاحف والضفادع وفي طريقك للخروج ستمر على صالات تحتوي على احواض ضخمه من الزجاج وبداخلها انواع غريبه من الحشرات ويوجد انواع كثيره من العقارب والعناكب والثعابين ، وستشاهد ايضا انواع كثيره من الحشرات محنطه ومعلقه على الجدران وقبل خروجك من الحديقه ستدخل محل لبيع التحف التذكاريه وطلعت منها روحت على مسجد نيجارا
*مسجد نيجارا : المسجد الوطنى فى كوالالمبور الدخول له مجانا، اللى بيدخل المسجد سواء ولد او بنت فبيدوه عبايات مكتوب عليها المسجد الوطنى وبتتلبس وانت داخل وشكلها حلو الصراحه المسجد مساحته كبيره جدا وبيستوعب تقريبا 15000 مصلى ومن الحاجات اللى ابهرتنى جواه " المعمار الاسلامى الحديث وكمان فيه نافورات واحواض رائعه" من كتر ما بهرنى مش عارفه اوصفه
* متحف الفن الاسلامى
*مبنى السلطان عبد الصمد وميدان ميرديكا كوالالمبور ومكتب بريد ميدان ميرديكا قديماً ومعرض كوالالمبور Kuala Lumpur City Gallery، و Royal Selangor Club at Merdeka Square الاماكن دى كلها جنب بعض وفى نفس المنطقة ومش عارفه انا وصلتلهم ازاى لانى جرجت من المتحف الاسلامى وقعدت اتمشى فى الشوارع ومركبتش اى حاجه بس لقيت نفسى وصلت للمنطقه اللى فيها كل ده وبجد انبسطت جدا جدا ولقتنى وصلت لمنطقة حستها قطعه من اوروبا من مبانيها وشوارعها
*الشوبينج: Pavillion mall، Low Yat Plaza، Sogo Mall، Lot 10، Times Square... الخ
**جزيرة لانكاوى
من اروع واجمل الجزر فى العالم، الجزيرة كبيرة وتضم العديد من المعالم التاريخية والحياة المثيرة والتسوق الرخيص، وسيلة المواصلات هناك يا تاكسى يا اما تأجر سكوتر وده ارخص طبعا
فى البداية وصلت منطقة Selat Bagan ونزلت فى Barkat chalets ب 45 رينجت بالفطار فى الليلة وده كان من احلى البيوت اللى قعدت فيها وهو يعتبرLake House حاجة كده فائقة الجمال لانى كنت بصحى على منظر البحر والسماء والجبال المغطاة والاخضر، وصاحبة المكان بنتها فضلت معايا انا وصحبتى علشان تفرجنا على المنطقة كلها وودتنا اماكن كان مستحيل نعرف نوصلها لوحدنا وكان معاها واحد تانى من المنطقة زميلها واخدنا جولة بدون اى مقابل " ناس جميلة جدا وانبسطنا معاهم" يومين من العمر
بعد كده اخدنا Boat ب 5 رينجت ووصلنا منطقة Pentai Cenang ونزلنا فى هوستيل VIP Female Dorm ب 33 رينجت فى الليلة بالفطار
اليوم الاول : اخدت التاكسى رايح جاى ب 30 رينجت وروحت ... جسر السماء Sky Bridge : ب 5 رينجت ويعتبر جسر منحنى للمشاه وارتفاع الجسر 700 متر فوق مستوى سطح البحر ولا يمكن الوصول اليه الا بالتلفريك
التلفريك: Cable car ب 75 رينجت الدخول للتلفريك والمعرض الثلاثى الابعاد، التلفريك بياخدنا رحلة لمدة 15 دقيقة الى اعلى جبل مات شينشانغ وبتلاقى نفسك بين شلالات لنكاوى والغابات وفى السماء وعلى ارتفاع 710 متر فوق مستوى سطح البحر
معرض فنون 3D : هتلاقى فيه اعمال فنية كتيره وكلها ثلاثية الابعاد وكأنها حية ويعتبر المعرض الثانى فى العالك 3D وهتعيش فية قمة الخيال
اليوم الثانى : طلعت على الشاطئ وعملت Parasaling ب 60 رينجت وركبت Jet ski ب 60 رينجت وبليل نزلت اتمشيت وعملت شوبينج.
اليوم الثالث : اخدت تاكسى ب 10 رينجت لمطار لنكاوى وحجزت من على طيران Malindo لكوالالمبور ب 179 رينجت علشان ارجع كوالا طيران مش اتوبيس لانه بياخد 9 ساعات وبعد كده اخدت تاكسى ب 10 رينجت للشلالات
شلالات الأبار السبعة: عبارة عن زخرفة طبيعية هتلاقى فيها سبع عيون من الماء وصخور هائلة والتي هي من مميزات لانكاوي، فمياه الامطار العذبه تتجمع وتنحدر من حوض الى حوض لتتدفق وبقوه، وعلشان اوصل للمنبع طلعت ما بين غابات وكان معايا فى رحلة الصعود " قرود وطيور مغرده وصوت تساقط قطرات الماء" فى القمة قمة المتعــه، ورجعنا منطقة Pantai ب 15 رينجت وبليل كملت الشوبينج.
اماكن الشوبينج بلنكاوى : منطقة Pantai Cenang فيها محلات صغيرة بطول الشارع، Cenang mall، The Zon Shopping Paradise ، ZON Duty Free complex وغيرهم
شوية حاجات لاحظتها هناك:
• الشعب الماليزى من اطيب الشعوب وشعب مساعد جدا ومبتسم يجلب البسمـــــة
• لما هتدخل اى محل سواء اشتريت او لأ هتلاقى الناس بتشكرك
• وسائل المواصلات رخيصة لاقصى درجة ونضيفة وفى منهم اتوبيسات مجانا وفى مونوريل ومترو والتاكسى له أجرة موحده وهتلاقى معاه قائمه بالاسعار
• الاقامة : الهوستيل من افضل اماكن الاقامة لانها نضيفة ومريحة ورخيصة وكمان هتقدر فيها تتعرف بناس تانية جنسيات تانية وهتتعرف على ثقافات بلاد تانية
• الإنترنت فى كل مكان، والاكل الحلال كتير هناك، طعم الأسماك والفاكهة مختلف وهتلاقى أنواع مختلفة وهتنبسط
• هتلاقى مساجد ذات تراث معمارى رائع ومنتشره فى كل مكان وهتلاقى ناطحات سحاب هائلة وانشطة كتيره تقدر تعملها هناك
• كمان الشوبينج هناك لكل الفئات والاذواق وبأسعار معتدلة، ولنكاوى منطقة معافاه من الجمارك فهتعيش بقى فى السوق الحره
• الدولة منظمه فى كل حاجـــه
• متغيروش دولارات فى المطار، حولوا بس اللى يوصلكوا للفندق لان المطار بياخد عموله وهتلاقوا صرافات فى منطقة Bukit Bentang حولوا منها
• خلى معاك الخريطة لانها هتسهل عليك تحركاتك هناك وفى اماكن اكتر من اللى انا كتباهم فوق ممكن تزورها
• بصوره عامه البلد رخيصــــــه اوى
مواقف حصلتلى هناك :
تهت لانى خرجت من مكان ومكنتش عاوزة اركب، واتمشيت وانا مش عارفه انا فين، بس فى الاخر وصلت لمنطقة حلوه جدا ولقيت فيها كذا مزار وطلعت أحسن بكتير من اللى كنت مخططه له وكفاية منظر الشارع والمبانى اللى كانت فيه.
وانا رايحة من كوالالمبور للنكاوى كنت مخططه اروحها بالطياره لانها بتاخد 45 دقيقة لكن وانا رايحة ركبت اتوبيس TBS ب 47.30 رينجت وكنت سأله بياخد وقت اد ايه، اللى عرفته انه اربع ساعات، الاتوبيس مريح جدا وكبير والمنظر فى الطريق خلاب جدا هتلاقى يمينك وشمالك الاخضر فى كل مكان، بس فجأه حصل اللى مكنتش عامله حسابه " ان الدنيا ضملت والامطار بتخبط جامد فى كل الشبابيك وبدل ما الطريق اخد 4 ساعات، الطريق أخد 9 ساعات، وتقريبا انا اللى فهمت غلط بس فى اللحظة دى كنت قلقانة جدا وخايفة شوية لانى كنت هنزل فى منطقة Kuala pelise ومنها هاخد عباره للنكاوى لانها جزيرة، والعبارة نهايتها الساعه 7 pm واحنا وصلنا 9 pm وكنا انا وصحبتى لوحدنا فى المحطة والدنيا ضلمة ومفيش غير 3 ستات فى المحطه ولما سئلنا على العبارة اتقلنا ان مفيش غير اننا نبات فى المحطه لتانى يوم، وفجأه ظهرلنا واحد عامل زى اللى بيقول لوكاندة الماندره، وعنده فندق جنب المحطة واضطرينا نروح ننام الليله دى فى الفندق ب30 رينجت وكنا خايفين جدا لاننا رايحين فندق منعرفوش والموقف كله غريب، بس الحمد لله عدت على خير، ومن الفجر جرينا على محطة الفيرى واخدنا اول عباره على لنكاوى ب 18 رينجت
اتعرفت على ناس كتير من بلاد مختلفة " من اوكرانيا، الصين، اليابان، جزر كاريبى، باكستان، تركيا، روسيا وانجلترا " وقعدت واكلت وخرجت وهزرت ولعبت معاهم وكان هدفنا كلنا هو تبادل ثقافات كل دولة .