E
Ehsan Mohamead Wageah
:: مسافر ::
تقرير رقم (3) المغرب
مدينة مراكش:
مراكش من المدن اللي حبيتها جدا في المغرب و حسها كدة قلب المغرب
و بيسموها المدينة الحمراء علشان كل مكان لون احمر سواء مباني ، مولات ، حتي الرصيف في الشارع لونه احمر في ابيض
**من كازابلانكا لمراكش بتاخد قطر 3 ساعات التذكرة ب95 درهم "قطر بيطلع كل ساعتين" بس خد بالك بيطلع من محطة الدار البيضاء المسافرين casa voyageurs
طيب انا كنت ساكنة عند كازابورت ايه العمل ؟!!!!!
علشان اروح من محطة القطر دار البيضاء الميناء للدار البيضاء المسافرين قدامك حل من 3:
1_اول حل تاخد تاكسي و غالبا المشوار هيعمل 15 درهم
2_تاخد قطر من المحطة دي للمحطة دي ب10 دراهم "بس تعمل حسابك في مواعيد القطارات علشان ميفوتكش قطار مراكش و تضطر تستني ساعتين للقطر اللي بعده"
3_تاخد ترام من place de nations و تنزل في محطة ترام في وش محطة القطر البيضاء المسافرين " ده منصحش بيه لان محطة الترام بتاعة الميدان بعيدة و لوومعاك شنط هيبقي بهدلة"
انا عن نفسي جربت رقم ١،٢
*خد بالك ان القطارات في المغرب مفيخاش عربية اكل ، بس في واحد هيعدي عليك باكل و شرب هيبقي غالي (خليك نتصح و خد اكلك و شربك في شنطتك هتوفر)
**الاقامة :
انا نزلت في فندق اسمه aday hotel
ده قريب جدا من ساحة جامغ الفناء
هتاخد تاكسي من محطة القطر و ينزل لك ساحة جامع الفناء (30 درهم مياخدش منك اكتر من كدة )
و من الساحة تسال الف من يدلك ع الفندق هتمشي دقيقتين تلاقس نفسك في الفندق
سعر الليلة في اوضة دبل بحمام خاص من غير فطار كان 22 دولار (الحمام فيه شطافة )
*الانشطة اللي هتعملها في مراكش:
انا قعدت 4 ايام بس في مراكش لان جدولي كان مضغوط بس تستاهل اكتر من كدة
مراكش: مكن تزور فيها مزارت زي الجناين و مدرسة بن يوسف و قصر الباهية
**ساحة جامع الفناء:
دي لوحدها حوار عبارة عن ساحة كبيرة جدا جدا من بعد الساعة 1 الضهر بيتمنع دخول العربيات و تلاقي فيها كل حاجة
محلات عصير و فرشات اكل كتيرة جدا جدا و عربيات بتبيع شوربة الحلزون و دي لوحدها قصة "لازم تجربها"
و مليانة محلات خزف و معشبات كتيرة جدا و محلات شغل نحاس و شغب جلد و حاجات كتيرة خالص متخلصسش في يوم او اتنين
ووبتوع رسم الحنة و فرق بترقص و ناس بتصارع بعض علي فلوس و ناس بتلعب جولف و بولينج خصوصا في الويك ايند
و اي حد معاه اي حيوان بيجيبه الساحة "بالنهار بتوع الكبري" و بالليل بتوع القرود و السحاليو اي حيوان ممكن يتجاب الساحة عادي
الحاجات اللي ممكن تشتريها باسعار كويسة:
حاجات الحمام المغربي و فاصل طبعا طبعا
التوابل
اطباق السيراميك بتاعتهم و الطاجين
الكوتشيات هناك حلوة جدا جدا و اسعارها حلوة ب100 و 150 درهم "انا معرفش دي كوبي و لا outlet بس انا استريت واحد و دعكته و شغال معايا و الوان الكونشيات هناك مبهجة جدا جدا
**ممكن من مراكش تطلع تزور شلالات اوزود (تاني اكبر شلالات في افريقيا)
الشلالات دي في مدينة اسمها اوزود تبعد 3 ساعات بالعربية عن مراكش بترتب تبع الفندق بتاعك انك تاخد فان كبيرتقضي اليوم كله معاك و تدفع 200 درهم للفرد مقابل المشوار رايح جاي و الانتظار هناك
الفان يتاخدك الساعة 8 الصبح من ساحة جاكع الفناء و ترجعك الساعة 6 المغرب
لما توصل هناك هتلاقي في مرشد من الامازيع هناك هو اللي بيوريك الطريق للشلالات مقابل مبلغ 30 درهم بيتقف معاك عليه
الطريق للشلالات بتاع 30_40 دقيقة بتمشي لحد ما توصل لاسفل الشلالات
من تحت الشلالات في قدامك حلين
يا اما تركب في مركب عجيبة كدة ب20 درهم توديلك لمسقط الشلال او تكمل طلوع لحد ما توصل للكافيهات اللي في مستوي نص الشلال
المهم انا ركبت المركب و بعدين طلعت المطلع ده لحد الكافيهات "تخيل كدة انك بتاكل و قدامك الشلال
بعد ما تخلص اكل بتكلع من طريق تاني بس بيكون مطلع وةاسهل من الطريق اللي فات بتعدي علي قرود كتير لو حابب تتصور معاها و تاكلها سوداني و يعدين بتوصل للعربية وترجع
**من مراكش برضه تقدر تطلع علي مدينة اوكيمدن علشان تتزحلق ع الجليد
اوكيمدن مدينة جبلية علي ارتفاع حالي مسافة ساعة وربع من مراكش
بتروحها ازاي بتاخد جراند تاكسي ب100 درهم من موقف الجراند تاكسي هتلاقيه ورا الساحة بتاعة جاكع الفناء عند البنزينة "اسال مش هتوه"
100 درهم دي مقابل الطريق رايح جاي و الانتظار هناك
حاول منتاخرش في الرجوع عن 2 او 3 بالكتير علشان الطريق يبقي امان و متعملش نفسك غريب و ان اللي راكبين معاك مغاربة و هما ادري بالمواعيد "خليك مسيطر كدة و قول للسواق هنرجع الساعة 2 لان اغلب اللي راكبين معاك هيبقوا اول مرة يروحوا اوكيمدن "
هناك بتاجر ادوات التزحلق و لو اول مرة بتاخد واحد يعلمك المهم فاصل خالص في الهري دع كله السعر وصله النص او الربع و هيرضوا
و بعد ما تخلص تزخلق و وقوع هتلاقوا ناس بتبيع شوربة حلزون علشان الناس تدفا هناك او ممكن تعمل حركة اصيع "العمال هناك قاعدين في خيم و بيدفوا نفسهم انهم مولعين جمر و سقعدوا قصاده ، بكل شياكة روح خيمة فاضية و قولهم انك بردان و محتاج مجمرة الناس هناك طيبين و هتصعب عليهم زي ما صعبنا عليهم " و بعد ما تدفي شوية اجري ع العربية و روح
**ممكن كمان من مراكش تطلع علي قري جبلية زي سيتي فاطيمة و امليل بس كانت محتاجة ايام زيادة و مكنش عندي وقت للاسف
اتمني التقرير يعجبكم
#المغرب
مدينة مراكش:
مراكش من المدن اللي حبيتها جدا في المغرب و حسها كدة قلب المغرب
و بيسموها المدينة الحمراء علشان كل مكان لون احمر سواء مباني ، مولات ، حتي الرصيف في الشارع لونه احمر في ابيض
**من كازابلانكا لمراكش بتاخد قطر 3 ساعات التذكرة ب95 درهم "قطر بيطلع كل ساعتين" بس خد بالك بيطلع من محطة الدار البيضاء المسافرين casa voyageurs
طيب انا كنت ساكنة عند كازابورت ايه العمل ؟!!!!!
علشان اروح من محطة القطر دار البيضاء الميناء للدار البيضاء المسافرين قدامك حل من 3:
1_اول حل تاخد تاكسي و غالبا المشوار هيعمل 15 درهم
2_تاخد قطر من المحطة دي للمحطة دي ب10 دراهم "بس تعمل حسابك في مواعيد القطارات علشان ميفوتكش قطار مراكش و تضطر تستني ساعتين للقطر اللي بعده"
3_تاخد ترام من place de nations و تنزل في محطة ترام في وش محطة القطر البيضاء المسافرين " ده منصحش بيه لان محطة الترام بتاعة الميدان بعيدة و لوومعاك شنط هيبقي بهدلة"
انا عن نفسي جربت رقم ١،٢
*خد بالك ان القطارات في المغرب مفيخاش عربية اكل ، بس في واحد هيعدي عليك باكل و شرب هيبقي غالي (خليك نتصح و خد اكلك و شربك في شنطتك هتوفر)
**الاقامة :
انا نزلت في فندق اسمه aday hotel
ده قريب جدا من ساحة جامغ الفناء
هتاخد تاكسي من محطة القطر و ينزل لك ساحة جامع الفناء (30 درهم مياخدش منك اكتر من كدة )
و من الساحة تسال الف من يدلك ع الفندق هتمشي دقيقتين تلاقس نفسك في الفندق
سعر الليلة في اوضة دبل بحمام خاص من غير فطار كان 22 دولار (الحمام فيه شطافة )
*الانشطة اللي هتعملها في مراكش:
انا قعدت 4 ايام بس في مراكش لان جدولي كان مضغوط بس تستاهل اكتر من كدة
مراكش: مكن تزور فيها مزارت زي الجناين و مدرسة بن يوسف و قصر الباهية
**ساحة جامع الفناء:
دي لوحدها حوار عبارة عن ساحة كبيرة جدا جدا من بعد الساعة 1 الضهر بيتمنع دخول العربيات و تلاقي فيها كل حاجة
محلات عصير و فرشات اكل كتيرة جدا جدا و عربيات بتبيع شوربة الحلزون و دي لوحدها قصة "لازم تجربها"
و مليانة محلات خزف و معشبات كتيرة جدا و محلات شغل نحاس و شغب جلد و حاجات كتيرة خالص متخلصسش في يوم او اتنين
ووبتوع رسم الحنة و فرق بترقص و ناس بتصارع بعض علي فلوس و ناس بتلعب جولف و بولينج خصوصا في الويك ايند
و اي حد معاه اي حيوان بيجيبه الساحة "بالنهار بتوع الكبري" و بالليل بتوع القرود و السحاليو اي حيوان ممكن يتجاب الساحة عادي
الحاجات اللي ممكن تشتريها باسعار كويسة:
حاجات الحمام المغربي و فاصل طبعا طبعا
التوابل
اطباق السيراميك بتاعتهم و الطاجين
الكوتشيات هناك حلوة جدا جدا و اسعارها حلوة ب100 و 150 درهم "انا معرفش دي كوبي و لا outlet بس انا استريت واحد و دعكته و شغال معايا و الوان الكونشيات هناك مبهجة جدا جدا
**ممكن من مراكش تطلع تزور شلالات اوزود (تاني اكبر شلالات في افريقيا)
الشلالات دي في مدينة اسمها اوزود تبعد 3 ساعات بالعربية عن مراكش بترتب تبع الفندق بتاعك انك تاخد فان كبيرتقضي اليوم كله معاك و تدفع 200 درهم للفرد مقابل المشوار رايح جاي و الانتظار هناك
الفان يتاخدك الساعة 8 الصبح من ساحة جاكع الفناء و ترجعك الساعة 6 المغرب
لما توصل هناك هتلاقي في مرشد من الامازيع هناك هو اللي بيوريك الطريق للشلالات مقابل مبلغ 30 درهم بيتقف معاك عليه
الطريق للشلالات بتاع 30_40 دقيقة بتمشي لحد ما توصل لاسفل الشلالات
من تحت الشلالات في قدامك حلين
يا اما تركب في مركب عجيبة كدة ب20 درهم توديلك لمسقط الشلال او تكمل طلوع لحد ما توصل للكافيهات اللي في مستوي نص الشلال
المهم انا ركبت المركب و بعدين طلعت المطلع ده لحد الكافيهات "تخيل كدة انك بتاكل و قدامك الشلال
بعد ما تخلص اكل بتكلع من طريق تاني بس بيكون مطلع وةاسهل من الطريق اللي فات بتعدي علي قرود كتير لو حابب تتصور معاها و تاكلها سوداني و يعدين بتوصل للعربية وترجع
**من مراكش برضه تقدر تطلع علي مدينة اوكيمدن علشان تتزحلق ع الجليد
اوكيمدن مدينة جبلية علي ارتفاع حالي مسافة ساعة وربع من مراكش
بتروحها ازاي بتاخد جراند تاكسي ب100 درهم من موقف الجراند تاكسي هتلاقيه ورا الساحة بتاعة جاكع الفناء عند البنزينة "اسال مش هتوه"
100 درهم دي مقابل الطريق رايح جاي و الانتظار هناك
حاول منتاخرش في الرجوع عن 2 او 3 بالكتير علشان الطريق يبقي امان و متعملش نفسك غريب و ان اللي راكبين معاك مغاربة و هما ادري بالمواعيد "خليك مسيطر كدة و قول للسواق هنرجع الساعة 2 لان اغلب اللي راكبين معاك هيبقوا اول مرة يروحوا اوكيمدن "
هناك بتاجر ادوات التزحلق و لو اول مرة بتاخد واحد يعلمك المهم فاصل خالص في الهري دع كله السعر وصله النص او الربع و هيرضوا
و بعد ما تخلص تزخلق و وقوع هتلاقوا ناس بتبيع شوربة حلزون علشان الناس تدفا هناك او ممكن تعمل حركة اصيع "العمال هناك قاعدين في خيم و بيدفوا نفسهم انهم مولعين جمر و سقعدوا قصاده ، بكل شياكة روح خيمة فاضية و قولهم انك بردان و محتاج مجمرة الناس هناك طيبين و هتصعب عليهم زي ما صعبنا عليهم " و بعد ما تدفي شوية اجري ع العربية و روح
**ممكن كمان من مراكش تطلع علي قري جبلية زي سيتي فاطيمة و امليل بس كانت محتاجة ايام زيادة و مكنش عندي وقت للاسف
اتمني التقرير يعجبكم
#المغرب
