E
Ehsan Mohamead Wageah
:: مسافر ::
تقرير رقم (٢)، المغرب:
مدينة الدار البيضاء (كازابلانكا)
انا سافرت علي مصر للطيران لكازابلانكا
**مطار محمد الخامس_كازابلانكا:
بعد ما بتختم الباسبور و تخلص الاجراءات و تستلم الشنط
لازم تغير فلوس و قدامك حل من اتنين:
1_تغير دولارات من الصرافات اللي موجودة و ده منصحش بيه لان سعر الصرف قليل جدا جدا و لو مضطر حول في حدود 20 دولار لان الصرافات منتشرة في كازابلانكا نفسها
٢_تسحب فلوس من ماكينة atm و هتلاقي 2 ماكينة atm موجودين بعد استلام الشنط
*مطار محمد الخامس بعيد عن مدينة الدار البيضاء نفسها بمسافة، الحل انك تاخد القطر من جوة المطار لمدينة الدار البيضاء
ده اللينك بتاع سكة حديد المغرب "سايت سهل تقدر تستخدمه و تعرف منه مواعيد القطارات للمدن المختلفة و كمان تقدر تعرف سعر التذكرة"
/ONCF Espace Voyageurs
بالنسبة للقطارات في المغرب نظام كباين و في منها درجتين الدرجة الاولي و الدرجة التانية (العادية) الفرق بينهم ان الدرجة الاولي ان الكراسي اوسع و تختاج حجز قبلها علشان بتحجز برقم الكرسي لكن الدرجة العادية بتقدر تحجز حتي قبل ميعاد القطر ب5 دقايق و تطلع تقعد في اي كرسي فاضي (دايما اختار الدرجة العادية )
بالنسبة للتحرك من جوة المطار هتسال علي محطة قطار المطار و تحجز تذكرة للدار البيضاء؛ الدار البيضاء فيها محطتين سكة حديد واحدة اسمها دار البيضاء المسافرين casa voyageur و التانية دار البيضاء الميناء Casa port بتنزل في المحطة الاقرب للفندق بتاعك
** الاقامة:
انا نزلت في فندق اسمه hotel central ده في المدينة القديمة كان سعر الليلة الغرفة المزدوجة بحمام خاص و الفطار ب35 دولار "تقريبا كانت ارخص حاجة"
علشان توصل له:
تاخد القطر من المطار و تحجز تذكرة لcasaPort تمنها 43 درهم، دي اخر محطة في سير القطر لان القطر بيقف علي 3 محطات )l’oasis_casa voyageur_casa port و بياخد 45 دقيقة تقريبا و كل ساعة بيطلع قطر
بعد ما بتنزل كازابورت بتمشي بالظبط 5_7 دقايق علي gps علشان توصل للفندق
**موقع الفندق نفسه في المدينة القديمة و جنبها ب10 دقايق مشي تقدر تروح باب مراكش و تلف هناك تشوف الاسواق و تشتري اللي انت محتاجه "بس الاسعار مهما فاصلت هتبقي اغلي من مراكش، الا لو رحت قرب الساعة9 و قربوا يخلصوا ممكن تاخد حاجات بسعر كويس" و ممكن تجرب الاكل من المحلات الصغيرة جدا و انصحك تجرب "الصوصيص فروماج (سجق بالجبنة)"
ممكن كمان تروح ميدان اسمه place de nations ده برضه مسافة 10 دقايق مشي من الفندق فيه محلات و كافيهات و مطاعم و صرافات و في محطة ترام هناك (انا مركبتش الترام بس كنت بحب اتفرج عليه لانه مبهج الصراحة )
من اهم المزارات في الدار البيضاء مسجد الحسن التاني و ده تقدر تروحي بتاكسي صغير اسمه petit taxi و ممكن تتفق مع التاكسي يوديك المولات و اهم مولات هما anfaplace و بعديه بشوية morocco mall
و لو حابب ترجع من morocco mall ممكن تركب وسيلة مواصلات ارخص اسمها grand taxi ب8 درهم بيوصل لك المدينة القديمة
Grand taxi: عبارة عن عربية بتشيل 6 راكب يا اما بتكون عربية فان فكدة انت ضامن هتقعد علي كرسي لوحدك او بتكون عربية مرسيدس بتاعة السبعينات و برضه بيركبوا 6 (2 قدام و 4 ورا) و طبعا بتتفعص لو مسافة طويلة
الجراند تاكسي تعتبر بديل للميكروباصات عندنا
**ممكن كمان تروح تقضي نص يوم في مدينة المحمدية:
بتاخد قطر من كازابورت للمحمدية ب16 درهم و القطر بياخد 25 دقيقة و ساعتها ركبنا قطر دورين كان شكله لطيف جدا
من محطة القطار بتاعة المحمدية بتمشي علي طول و توصل للقصبة (المدينة القديمة) بتاخد لفة في السوق و الكافيهات و تاكل لو حابب و بعدين بتمشي علي طول هتلاقي طريق فيه نخل كتير بوصل لك للشاطئ اللي بيطل ع المحيط الاطلنطي "ده لوحده استجمام"
المحمدية عامة مدينة لطيفة صغيرة
*ده بالنسبة لكازابلانكا متاخدش ايام كتير في الزيارة لانها مدينة تجارية في المقام الاول
** مصطلحات تعرفها:
اليوسفي اسمه ماندارين
الليمون اسمه حامض
البرتقال اسمه ليمون
محلات الالبان اسمها (مقشدة او ملبنة او محلبة) و بتبيع لبن و زبادي و رايب و عيش و عصير
محلات البقالة منتشرة جدا جدا و اسمها تغذية عامة
العيش هناك شبه العيش الشمسي بتاعنا مع اختلاف حجمه حسب البلد و سعره من ١_٢ درهم و في كمان عيش الباجيت
محلات العطارة اسمها معشبة و دي فيها كل التوابل و مستلزمات الحمام المغربي
**بالنسبة لخطوط الموبايل:
افضل شركة inwi
بس انا للاسف اشتريت meditel اللي اسمها حاليا orange تغطيتها سيئة جدا و باقة الموبايل هناك مكلفة جدا يعني تشتري ال1 جيجا ب10 دراهم و صلاحيتها يومين بس و لووعتيز حاجة اسبوع اشتري ب25 درهم يديك 2 جيجا
و في شركة تالتة اسمها اتصالات موروكو معرفش حاجة عنها الصراحة
#المغرب
مدينة الدار البيضاء (كازابلانكا)
انا سافرت علي مصر للطيران لكازابلانكا
**مطار محمد الخامس_كازابلانكا:
بعد ما بتختم الباسبور و تخلص الاجراءات و تستلم الشنط
لازم تغير فلوس و قدامك حل من اتنين:
1_تغير دولارات من الصرافات اللي موجودة و ده منصحش بيه لان سعر الصرف قليل جدا جدا و لو مضطر حول في حدود 20 دولار لان الصرافات منتشرة في كازابلانكا نفسها
٢_تسحب فلوس من ماكينة atm و هتلاقي 2 ماكينة atm موجودين بعد استلام الشنط
*مطار محمد الخامس بعيد عن مدينة الدار البيضاء نفسها بمسافة، الحل انك تاخد القطر من جوة المطار لمدينة الدار البيضاء
ده اللينك بتاع سكة حديد المغرب "سايت سهل تقدر تستخدمه و تعرف منه مواعيد القطارات للمدن المختلفة و كمان تقدر تعرف سعر التذكرة"
/ONCF Espace Voyageurs
بالنسبة للقطارات في المغرب نظام كباين و في منها درجتين الدرجة الاولي و الدرجة التانية (العادية) الفرق بينهم ان الدرجة الاولي ان الكراسي اوسع و تختاج حجز قبلها علشان بتحجز برقم الكرسي لكن الدرجة العادية بتقدر تحجز حتي قبل ميعاد القطر ب5 دقايق و تطلع تقعد في اي كرسي فاضي (دايما اختار الدرجة العادية )
بالنسبة للتحرك من جوة المطار هتسال علي محطة قطار المطار و تحجز تذكرة للدار البيضاء؛ الدار البيضاء فيها محطتين سكة حديد واحدة اسمها دار البيضاء المسافرين casa voyageur و التانية دار البيضاء الميناء Casa port بتنزل في المحطة الاقرب للفندق بتاعك
** الاقامة:
انا نزلت في فندق اسمه hotel central ده في المدينة القديمة كان سعر الليلة الغرفة المزدوجة بحمام خاص و الفطار ب35 دولار "تقريبا كانت ارخص حاجة"
علشان توصل له:
تاخد القطر من المطار و تحجز تذكرة لcasaPort تمنها 43 درهم، دي اخر محطة في سير القطر لان القطر بيقف علي 3 محطات )l’oasis_casa voyageur_casa port و بياخد 45 دقيقة تقريبا و كل ساعة بيطلع قطر
بعد ما بتنزل كازابورت بتمشي بالظبط 5_7 دقايق علي gps علشان توصل للفندق
**موقع الفندق نفسه في المدينة القديمة و جنبها ب10 دقايق مشي تقدر تروح باب مراكش و تلف هناك تشوف الاسواق و تشتري اللي انت محتاجه "بس الاسعار مهما فاصلت هتبقي اغلي من مراكش، الا لو رحت قرب الساعة9 و قربوا يخلصوا ممكن تاخد حاجات بسعر كويس" و ممكن تجرب الاكل من المحلات الصغيرة جدا و انصحك تجرب "الصوصيص فروماج (سجق بالجبنة)"
ممكن كمان تروح ميدان اسمه place de nations ده برضه مسافة 10 دقايق مشي من الفندق فيه محلات و كافيهات و مطاعم و صرافات و في محطة ترام هناك (انا مركبتش الترام بس كنت بحب اتفرج عليه لانه مبهج الصراحة )
من اهم المزارات في الدار البيضاء مسجد الحسن التاني و ده تقدر تروحي بتاكسي صغير اسمه petit taxi و ممكن تتفق مع التاكسي يوديك المولات و اهم مولات هما anfaplace و بعديه بشوية morocco mall
و لو حابب ترجع من morocco mall ممكن تركب وسيلة مواصلات ارخص اسمها grand taxi ب8 درهم بيوصل لك المدينة القديمة
Grand taxi: عبارة عن عربية بتشيل 6 راكب يا اما بتكون عربية فان فكدة انت ضامن هتقعد علي كرسي لوحدك او بتكون عربية مرسيدس بتاعة السبعينات و برضه بيركبوا 6 (2 قدام و 4 ورا) و طبعا بتتفعص لو مسافة طويلة
الجراند تاكسي تعتبر بديل للميكروباصات عندنا
**ممكن كمان تروح تقضي نص يوم في مدينة المحمدية:
بتاخد قطر من كازابورت للمحمدية ب16 درهم و القطر بياخد 25 دقيقة و ساعتها ركبنا قطر دورين كان شكله لطيف جدا
من محطة القطار بتاعة المحمدية بتمشي علي طول و توصل للقصبة (المدينة القديمة) بتاخد لفة في السوق و الكافيهات و تاكل لو حابب و بعدين بتمشي علي طول هتلاقي طريق فيه نخل كتير بوصل لك للشاطئ اللي بيطل ع المحيط الاطلنطي "ده لوحده استجمام"
المحمدية عامة مدينة لطيفة صغيرة
*ده بالنسبة لكازابلانكا متاخدش ايام كتير في الزيارة لانها مدينة تجارية في المقام الاول
** مصطلحات تعرفها:
اليوسفي اسمه ماندارين
الليمون اسمه حامض
البرتقال اسمه ليمون
محلات الالبان اسمها (مقشدة او ملبنة او محلبة) و بتبيع لبن و زبادي و رايب و عيش و عصير
محلات البقالة منتشرة جدا جدا و اسمها تغذية عامة
العيش هناك شبه العيش الشمسي بتاعنا مع اختلاف حجمه حسب البلد و سعره من ١_٢ درهم و في كمان عيش الباجيت
محلات العطارة اسمها معشبة و دي فيها كل التوابل و مستلزمات الحمام المغربي
**بالنسبة لخطوط الموبايل:
افضل شركة inwi
بس انا للاسف اشتريت meditel اللي اسمها حاليا orange تغطيتها سيئة جدا و باقة الموبايل هناك مكلفة جدا يعني تشتري ال1 جيجا ب10 دراهم و صلاحيتها يومين بس و لووعتيز حاجة اسبوع اشتري ب25 درهم يديك 2 جيجا
و في شركة تالتة اسمها اتصالات موروكو معرفش حاجة عنها الصراحة
#المغرب