M
Mahmoud Samir Bedair
:: مسافر ::
ازيكم يا شباب انا جديد على الجروب ده و عجبنى اوى فكرته
انا حابب اشاركم تجاربي لو فيها فايده ليكم
اعرفكم بنفسي الاول
انا محمود ,مهندس سافرت 16 بلد لحد دلوقتى ما بين اسيا و اوروبا و افريقيا و لسه ان شاء الله اللى جاى اكتر انا تقريبا فلوسي كلها عالسفر لدرجة الادمان.
حكتبلكم عن كل سفرية ولو حسيت الموضوع مشجع و عليه اقبال حكمل
و حكون سعيد اجاوب على اسئلتكم
1- افريقيا(بوست طويل حبتين)
طبيعي اي حد بيفكر يسافر بيروح اوروبا مثلا او اسيا, يمكن لولا طبيعة شغلي مكنتش حفكر اروح بلاد مجهوله بالنسبه لي زي جنوب او غرب افريقيا.
لكنها كانت مفاجأه كبيره.
افريقيا فعلا جنه. مليانه طبيعه جميله و شعب طيب و غلبان و بيتقبل الغريب.
وفيها ميزه جميله جدا ان كل بلد مختلفه عن التانيه في طبيعتها. حتلاقي غابات السافانا في الجنوب والشلالات الكبيره والجو الجميل, وحتلاقي غابات الاشجار واللون الاخضر اللانهائي في الوسط و الغرب زي نيجيريا و ساحل العاج, و حتلاقي الصحرا و مغامراتها في الشمال زي المغرب و مصر. وفي كل مكان فيهم حتلاقي الانهار و الشلالات و الحياة البريه و الشواطيء.
وفوق كل ده البلاد دي سهل العيشه فيها و رخيصه جدا وآمنه نسبيا طالما حتبعد عن الاماكن اللي فيها مشاكل. معظم الوقت بيبصولك كانك حاجه مهمه , وبيعاملوك بترحاب شديد وخصوصا لما يعرفوا انك مصرى, بيفرحوا جدا انك افريقي زيهم و بيفتكرولك كل الماتشات اللي غلبتهم او اتغلبت منهم فيها. متتفاجئش لما تلاقي البلاد دي فيها ثروات مهوله, في بلاد في افريقيا اقتصادها قوى و غنيه جدا مع ان ثرواتها منهوبه لصالح الغرب.
دي كلها كانت مقدمه لابد. منها عشان احكيلكم عن تجربتي البسيطه. انا شغلتي مهندس طيران وكانت اول رحله لي مدينة هراري في زيمبابوى , بلد فقيره اقتصاديا, مكانها فوق جنوب افريقيا وبوتوسوانا. كنت متوقع اني اموت من الحر فيها بس بصراحه اتفاجئت ان جوها جاف ورائع ,ساعات بتكون برد جدا بليل و طقسها بيبقي عكسنا يعني لو احنا صيف هما شتا عشان تحت خط الاستواء. سياحيا البلد مفيهاش مزارات او كده شوية مولات صغيره و بسيطه و اسواق افريقيه وفيها فنادق كويسه جدا لكن الجمال كله في السفاري. البلد دي متقلش عن جنوب افريقيا في السفاري. يعني يبقي بينك وبين الحياة البريه امتار بسيطه وتعيش تجربه جميله وسط الحيوانات في بيئتها الطبيعيه, الميزه في البلد دي كمان شلالات فيكتوريا الرائعه علي الحدود الشماليه من اجمل و اكبر الشلالات في العالم.
التجربه التانيه كانت غانا. وللي ميعرفش غانا دي المصدر الاول في العالم لل(كاكاو) مصدر الشيكولاته الرئيسي, عندهم تلت انتاج العالم. والعالم كله بيدين بالفضل في الشكولاته لسويسرا و بلجيكا و ينسي مين المصدر اصلا. اقتصادها قوى جدا و عملتها ال(سي دي) اغلي من عملة مصر. بتتميز بانها دولة علي المحيط الاطلنتى فيها شواطيء ومنتجعات جميله جدا واسواق المنحوتات الخشبيه الاصليه وطبعا كرة القدم بالنسبه لهم زي الميه والهوا، لكن فيها ميزه تانيه مهمه جدا محدش بيسمع عنه وهي ان غانا دوله سياسيا ديمقراطيه من الطراز الاول بيمارسوا الديمقراطيه باحتراف و تحضر مذهلين احسن من بلاد كتير في الغرب نفسه و بيفخروا بكده كمان.
معلش طولت عليكم في كلامي دول تجربتين صغيرين كده علي ادي في بلاد تانيه كتير في افريقيا اجمل و اجمل كمان اعملوا سيرش عن عنتيبي ونيروبي و اسمره و ابوجا و دار السلام . اسالوا عن مدغشقر و المغرب و جزر القمر و جنوب افريقيا. كل دي بلاد روعه و مش حتصدقوا جمالها الا لما تشوفوه بعنيكو.
جرب تعمل شهر العسل في مدغشقر او جزر القمر او زنجبار. جرب تروح مغامره في صحراء المغرب. بلاد جميله و سهله و رخيص معظمها والأهم شجع افريقيا شجع قارتك.
انا حابب اشاركم تجاربي لو فيها فايده ليكم
اعرفكم بنفسي الاول
انا محمود ,مهندس سافرت 16 بلد لحد دلوقتى ما بين اسيا و اوروبا و افريقيا و لسه ان شاء الله اللى جاى اكتر انا تقريبا فلوسي كلها عالسفر لدرجة الادمان.
حكتبلكم عن كل سفرية ولو حسيت الموضوع مشجع و عليه اقبال حكمل
و حكون سعيد اجاوب على اسئلتكم
1- افريقيا(بوست طويل حبتين)
طبيعي اي حد بيفكر يسافر بيروح اوروبا مثلا او اسيا, يمكن لولا طبيعة شغلي مكنتش حفكر اروح بلاد مجهوله بالنسبه لي زي جنوب او غرب افريقيا.
لكنها كانت مفاجأه كبيره.
افريقيا فعلا جنه. مليانه طبيعه جميله و شعب طيب و غلبان و بيتقبل الغريب.
وفيها ميزه جميله جدا ان كل بلد مختلفه عن التانيه في طبيعتها. حتلاقي غابات السافانا في الجنوب والشلالات الكبيره والجو الجميل, وحتلاقي غابات الاشجار واللون الاخضر اللانهائي في الوسط و الغرب زي نيجيريا و ساحل العاج, و حتلاقي الصحرا و مغامراتها في الشمال زي المغرب و مصر. وفي كل مكان فيهم حتلاقي الانهار و الشلالات و الحياة البريه و الشواطيء.
وفوق كل ده البلاد دي سهل العيشه فيها و رخيصه جدا وآمنه نسبيا طالما حتبعد عن الاماكن اللي فيها مشاكل. معظم الوقت بيبصولك كانك حاجه مهمه , وبيعاملوك بترحاب شديد وخصوصا لما يعرفوا انك مصرى, بيفرحوا جدا انك افريقي زيهم و بيفتكرولك كل الماتشات اللي غلبتهم او اتغلبت منهم فيها. متتفاجئش لما تلاقي البلاد دي فيها ثروات مهوله, في بلاد في افريقيا اقتصادها قوى و غنيه جدا مع ان ثرواتها منهوبه لصالح الغرب.
دي كلها كانت مقدمه لابد. منها عشان احكيلكم عن تجربتي البسيطه. انا شغلتي مهندس طيران وكانت اول رحله لي مدينة هراري في زيمبابوى , بلد فقيره اقتصاديا, مكانها فوق جنوب افريقيا وبوتوسوانا. كنت متوقع اني اموت من الحر فيها بس بصراحه اتفاجئت ان جوها جاف ورائع ,ساعات بتكون برد جدا بليل و طقسها بيبقي عكسنا يعني لو احنا صيف هما شتا عشان تحت خط الاستواء. سياحيا البلد مفيهاش مزارات او كده شوية مولات صغيره و بسيطه و اسواق افريقيه وفيها فنادق كويسه جدا لكن الجمال كله في السفاري. البلد دي متقلش عن جنوب افريقيا في السفاري. يعني يبقي بينك وبين الحياة البريه امتار بسيطه وتعيش تجربه جميله وسط الحيوانات في بيئتها الطبيعيه, الميزه في البلد دي كمان شلالات فيكتوريا الرائعه علي الحدود الشماليه من اجمل و اكبر الشلالات في العالم.
التجربه التانيه كانت غانا. وللي ميعرفش غانا دي المصدر الاول في العالم لل(كاكاو) مصدر الشيكولاته الرئيسي, عندهم تلت انتاج العالم. والعالم كله بيدين بالفضل في الشكولاته لسويسرا و بلجيكا و ينسي مين المصدر اصلا. اقتصادها قوى جدا و عملتها ال(سي دي) اغلي من عملة مصر. بتتميز بانها دولة علي المحيط الاطلنتى فيها شواطيء ومنتجعات جميله جدا واسواق المنحوتات الخشبيه الاصليه وطبعا كرة القدم بالنسبه لهم زي الميه والهوا، لكن فيها ميزه تانيه مهمه جدا محدش بيسمع عنه وهي ان غانا دوله سياسيا ديمقراطيه من الطراز الاول بيمارسوا الديمقراطيه باحتراف و تحضر مذهلين احسن من بلاد كتير في الغرب نفسه و بيفخروا بكده كمان.
معلش طولت عليكم في كلامي دول تجربتين صغيرين كده علي ادي في بلاد تانيه كتير في افريقيا اجمل و اجمل كمان اعملوا سيرش عن عنتيبي ونيروبي و اسمره و ابوجا و دار السلام . اسالوا عن مدغشقر و المغرب و جزر القمر و جنوب افريقيا. كل دي بلاد روعه و مش حتصدقوا جمالها الا لما تشوفوه بعنيكو.
جرب تعمل شهر العسل في مدغشقر او جزر القمر او زنجبار. جرب تروح مغامره في صحراء المغرب. بلاد جميله و سهله و رخيص معظمها والأهم شجع افريقيا شجع قارتك.
انا مشيتها جمييييلة جدااا