T
Taher Derbala
:: مسافر ::
حبيت أجمع بعض المقولات والمعتقدات الأسطورية اللى باشوف أعضاء كتير بيكتبوها هنا وهى لا تمت للواقع بأى صلة :
1 - ماتخليش حد يبعتلك دعوة عشان لو عرفوا ان لو ليك حد هناك هايرفضوك
كلام غير صحيح بالعكس الدعوة بتقوى موقفك جدا جدا لكن اللى بيكون سبب الرفض هو ان اللى بيبعت دعوة بيبتعها ناقصه عمرى ما سألت حد من اللى اترفضوا بدعوه ولقيت ورقهم كامل
لازم اللى يبعتلك دعوة يبعت معاها ( كشف حساب بنكه هو عن اخر 3 شهور - عقد بيته - عقد شغله فى اوروبا او ما يثبت امتلاكه شركة مثلا ) وبيذكر فى الدعوة ان الاستضافة هاتكون فى بيته وانه هو المسئول عن كل مصاريف وتكاليف الرحلة وانت كذلك تذكر ده فى الابليكشن
2 - انا هاستنى 6 شهور عشان بياناتى تسقط من السيستم واقدم تانى
مافيش حاجه اسمها بيانات تسقط من السيستم , سيستم الاتحاد الاوروبي واتفاقية دبلن بتسجل بيانات اى حد قدم او سافر الاتحاد الاوروبي ببصمة ايده والبيانات بتاعتك مش هاتسقط ولو بعد 20 سنه
3 - هاسافر واكسر الفيزا واظبط وضعى واعمل ورق لما اوصل
الكلام ده كان زمان دلوقتى بقي مستحيل مافيش تظبيط ورق لو كسرت الفيزا مستحيل تظبط ورقك باى حال من الاحوال حتى لو هاتتجوز لازم ترجع مصر وتقدم فى السفارة وهم يدرسوا ملفك وممكن يوافقوا او يرفضوا الموضوع ده اكيد واللى بيكسر بحلم تظبيط ورق لازم يفوق
4 - انا هاروح سياحة واكمل من هناك دراسة
فى قانون الاتحاد الاوروبي لا يمكن تغيير سبب الزيارة بفيزا لاى سبب تانى اثناء اقامتك فى الاتحاد الاوروبي الا فى بعض الحالات الضيقة جدا ولا يمكن تعميمها يعنى لو حضرتك مسافر سياحة انسى انك تروح تقدم فى جامعه وتاخد الاقامة وتقعد لازم ترجع تانى انما اه ممكن تروح تزور الجامعات وتسأل وترجع وتحضر نفسك من مصر تانى للتقديم فى الجامعه اللى انت اختارتها
5 - اعمل كشف حساب كبير واضمن الفيزا
والله لو معاك مليون جنيه فى حسابك وورقك مش متظبط انسى انك تاخد الفيزا
الورق اهم من كشف الحساب واهم حاجه فى الورق هى ال HR
وخاصة لو الاتش اى من شركة ومثبت وظيفتك دى فى باسبورك فده ليه عامل كبير جدا انما معظم اللى بياخدوا رفض بيروحوا بورق اتش ار او عقود اى حد ممكن يعملها بالحب مع اى حد صاحبه وهم خلاص فى السفارات شبعوا من الكلام ده
6 - أنا هحجز طيران مؤكد وفندق مؤكد عشان السفارة بترفض الوهمى
أولا ماسمهوش وهمى اللى كل الناس بتقولها دى اسمه ريزرفيشن مبدأى يعنى لو دخلت مصر للطيران ولا الطيران التركى ولا اى شركة طيران وقولتلهم انا عاوز برنت اوت لرحلة سفر يوم كزا ورجوع يوم كزا هايطبعوهالك وانت واقف وببلاش وده مش وهمى ولا حاجه لان اسمك بيكون فيها هو مجرد حجز قابل للتأكيد واقرار ان فيه رحلات فى الفترة دى ذهاب وعودة والسفارات بتوافق عليها وكذلك الفندق من على بوكينج ولا اى شركة سياحه هاتعمله ببلاش وبردو السفارة بتوافق عليه وبتعتد بيه ( المهم انه ماسمهوش وهمى والله )
7 - لو مسافر أوروبا على الطيران التركى وهانزل ترانزيت تركيا محتاج تصريح أمنى
كلام غير صحيح طالما معاك شنجن او امريكا ورايح واحده فيهم ومعدى على تركيا ترانزيت أقل من 6 ساعات
فانت غير مطالب بتصريح امنى لان وجهتك النهائية اوروبا او امريكا ولان هايكون معاك 2 بورد والكلام عن تجارب شخصية
1 - ماتخليش حد يبعتلك دعوة عشان لو عرفوا ان لو ليك حد هناك هايرفضوك
كلام غير صحيح بالعكس الدعوة بتقوى موقفك جدا جدا لكن اللى بيكون سبب الرفض هو ان اللى بيبعت دعوة بيبتعها ناقصه عمرى ما سألت حد من اللى اترفضوا بدعوه ولقيت ورقهم كامل
لازم اللى يبعتلك دعوة يبعت معاها ( كشف حساب بنكه هو عن اخر 3 شهور - عقد بيته - عقد شغله فى اوروبا او ما يثبت امتلاكه شركة مثلا ) وبيذكر فى الدعوة ان الاستضافة هاتكون فى بيته وانه هو المسئول عن كل مصاريف وتكاليف الرحلة وانت كذلك تذكر ده فى الابليكشن
2 - انا هاستنى 6 شهور عشان بياناتى تسقط من السيستم واقدم تانى
مافيش حاجه اسمها بيانات تسقط من السيستم , سيستم الاتحاد الاوروبي واتفاقية دبلن بتسجل بيانات اى حد قدم او سافر الاتحاد الاوروبي ببصمة ايده والبيانات بتاعتك مش هاتسقط ولو بعد 20 سنه
3 - هاسافر واكسر الفيزا واظبط وضعى واعمل ورق لما اوصل
الكلام ده كان زمان دلوقتى بقي مستحيل مافيش تظبيط ورق لو كسرت الفيزا مستحيل تظبط ورقك باى حال من الاحوال حتى لو هاتتجوز لازم ترجع مصر وتقدم فى السفارة وهم يدرسوا ملفك وممكن يوافقوا او يرفضوا الموضوع ده اكيد واللى بيكسر بحلم تظبيط ورق لازم يفوق
4 - انا هاروح سياحة واكمل من هناك دراسة
فى قانون الاتحاد الاوروبي لا يمكن تغيير سبب الزيارة بفيزا لاى سبب تانى اثناء اقامتك فى الاتحاد الاوروبي الا فى بعض الحالات الضيقة جدا ولا يمكن تعميمها يعنى لو حضرتك مسافر سياحة انسى انك تروح تقدم فى جامعه وتاخد الاقامة وتقعد لازم ترجع تانى انما اه ممكن تروح تزور الجامعات وتسأل وترجع وتحضر نفسك من مصر تانى للتقديم فى الجامعه اللى انت اختارتها
5 - اعمل كشف حساب كبير واضمن الفيزا
والله لو معاك مليون جنيه فى حسابك وورقك مش متظبط انسى انك تاخد الفيزا
الورق اهم من كشف الحساب واهم حاجه فى الورق هى ال HR
وخاصة لو الاتش اى من شركة ومثبت وظيفتك دى فى باسبورك فده ليه عامل كبير جدا انما معظم اللى بياخدوا رفض بيروحوا بورق اتش ار او عقود اى حد ممكن يعملها بالحب مع اى حد صاحبه وهم خلاص فى السفارات شبعوا من الكلام ده
6 - أنا هحجز طيران مؤكد وفندق مؤكد عشان السفارة بترفض الوهمى
أولا ماسمهوش وهمى اللى كل الناس بتقولها دى اسمه ريزرفيشن مبدأى يعنى لو دخلت مصر للطيران ولا الطيران التركى ولا اى شركة طيران وقولتلهم انا عاوز برنت اوت لرحلة سفر يوم كزا ورجوع يوم كزا هايطبعوهالك وانت واقف وببلاش وده مش وهمى ولا حاجه لان اسمك بيكون فيها هو مجرد حجز قابل للتأكيد واقرار ان فيه رحلات فى الفترة دى ذهاب وعودة والسفارات بتوافق عليها وكذلك الفندق من على بوكينج ولا اى شركة سياحه هاتعمله ببلاش وبردو السفارة بتوافق عليه وبتعتد بيه ( المهم انه ماسمهوش وهمى والله )
7 - لو مسافر أوروبا على الطيران التركى وهانزل ترانزيت تركيا محتاج تصريح أمنى
كلام غير صحيح طالما معاك شنجن او امريكا ورايح واحده فيهم ومعدى على تركيا ترانزيت أقل من 6 ساعات
فانت غير مطالب بتصريح امنى لان وجهتك النهائية اوروبا او امريكا ولان هايكون معاك 2 بورد والكلام عن تجارب شخصية