I
Ibrahim Elaidy
:: مسافر ::
في مفهوم غبي قوي منتشر من زمان وخصوصاً للي بيسافروا عشان الشغل والدراسة او الهجرة عموماً .. بيروح عامل تأشيرة سياحة أو زيارة لأي بلد وبعد كدة يحاول بأي طريقة عشان يصحح اوضاعه او يغير فيزا أو غالبا "بيكسر الفيزا" وبيكون هو قاصد كدة من البداية .. المصيبة أني لاقيت من كام يوم واحد بيعرض على الناس تأشيرة شنجن بـ 20 الف جنية ولما سألته عن تفاصيلها طلعت تأشيرة سياحة عادية بس اللي بيسافر بيروح ومايرجعش ..
يا اخوانا ياريت ننبه الناس عشان الموضوع ده .. اقامة غير شرعية يعني حتفضل مطارد وخايف من الشرطة وممكن في أي لحظة يتقبض عليك وتترحل .. ولا بتقدر تشتغل بسهولة (عشان مش مصرح لك بالعمل) ويوم ما تلاقي شغل حتلاقيه بيستغلك او يسرقك .. انا شفت بنفسي مهازل وبلاوي لمصريين و عرب حالهم صعبة جداً واوضاع غير إنسانية والناس فاكراهم عايشين في الجنة ومش عارفين اللي فيها .. ده غير الناس اللي لاقيتهم وقعوا في شبكات اتجار بالبشر أو عصابات مخدرات ..
ويوم ما حترجع أو تسافر مكان تاني حتتحط بلاك ليست لمدة 3 سنين او 10 سنين وممكن يرفضوا أنك تاخد تأشيرة تاني .. حتى الناس اللي بتحاول تتذاكى وتتجوز أجنبية أو يلاقي شركة طلعتله تأشيرة عمل .. ممكن يرفضوا يدخلوهم وده حصل مع واحد صاحبي ..
أنا عارف أن الموضوع ده قديم ومن سنين طويلة .. بس الأوضاع أختلفت جداً .. ودلوقتي بقى فيه تشديد وتشريعات وإجراءات صارمة ومفيش رحمة لأن الفهلوة والهجرة الغير شرعية زادت جداً خصوصاً من البلاد النامية .. ومع الإرهاب ومشكلة اللاجئين بقت الأمور أصعب ..
بلاش حد يبهدل نفسه على الفاضي وتلقي نفسك للتهلكة .. حاول تسأل كويس وتظبط أمورك من قبل ما تسافر .. احتمالية انك ممكن تغير الفيزا أو تلاقي شغل قبل انتهاء الفيزا وتسافر وترجع تاني .. فيه بلاد بترفض تغير الفيزا وانت على أرضها او تديك لجوء ..
البلاد الأجنبية مهياش غبية ولا ساذجة وتحترم قوي اللي يتعامل معاها باحترام وبطريقة شرعية .. أنا عارف أننا عايشين في نار بس مش ترمي نفسك في نار تانية ويبقى همك بس الخروج من البلد وخلاص ..
يا اخوانا ياريت ننبه الناس عشان الموضوع ده .. اقامة غير شرعية يعني حتفضل مطارد وخايف من الشرطة وممكن في أي لحظة يتقبض عليك وتترحل .. ولا بتقدر تشتغل بسهولة (عشان مش مصرح لك بالعمل) ويوم ما تلاقي شغل حتلاقيه بيستغلك او يسرقك .. انا شفت بنفسي مهازل وبلاوي لمصريين و عرب حالهم صعبة جداً واوضاع غير إنسانية والناس فاكراهم عايشين في الجنة ومش عارفين اللي فيها .. ده غير الناس اللي لاقيتهم وقعوا في شبكات اتجار بالبشر أو عصابات مخدرات ..
ويوم ما حترجع أو تسافر مكان تاني حتتحط بلاك ليست لمدة 3 سنين او 10 سنين وممكن يرفضوا أنك تاخد تأشيرة تاني .. حتى الناس اللي بتحاول تتذاكى وتتجوز أجنبية أو يلاقي شركة طلعتله تأشيرة عمل .. ممكن يرفضوا يدخلوهم وده حصل مع واحد صاحبي ..
أنا عارف أن الموضوع ده قديم ومن سنين طويلة .. بس الأوضاع أختلفت جداً .. ودلوقتي بقى فيه تشديد وتشريعات وإجراءات صارمة ومفيش رحمة لأن الفهلوة والهجرة الغير شرعية زادت جداً خصوصاً من البلاد النامية .. ومع الإرهاب ومشكلة اللاجئين بقت الأمور أصعب ..
بلاش حد يبهدل نفسه على الفاضي وتلقي نفسك للتهلكة .. حاول تسأل كويس وتظبط أمورك من قبل ما تسافر .. احتمالية انك ممكن تغير الفيزا أو تلاقي شغل قبل انتهاء الفيزا وتسافر وترجع تاني .. فيه بلاد بترفض تغير الفيزا وانت على أرضها او تديك لجوء ..
البلاد الأجنبية مهياش غبية ولا ساذجة وتحترم قوي اللي يتعامل معاها باحترام وبطريقة شرعية .. أنا عارف أننا عايشين في نار بس مش ترمي نفسك في نار تانية ويبقى همك بس الخروج من البلد وخلاص ..