ممكن استفسار من فضلكم عايزة احجز تذكرة طيران...

[Héba Bakr]

ممكن استفسار من فضلكم

عايزة احجز تذكرة طيران
من على موقع مصر للطيران على الانترنت.

حد جرب يدفع التذكرة من خلال تطبيق
Smart Wallet
بتاع بنك
CIB
الموجود على الموبايل،
من خلال خدمة فورى لصالح مصر للطيران؟

هل بيرسلوا التذكرة على الايميل مباشرة؟

هل بكدة يكون الحجز مؤكد؟

هل احتاج الى حاجة خلاف التذكرة فى المطار؟ ذلك ان السداد بكدة هايبقى تم من خلال فورى مش من خلال كريدت كارد.

هل لو احتجت لتغيير موعد العودة، اتوجه بالتذكرة لمكتب مصر للطيران فى الخارج عادى لتغيير موعد العودة و سداد الغرامة المفروضة؟

شكرا للاجابة،
و اتمنى يكون الرد عن تجربة سابقة فعلية.

 

[Ayman Rifaei]

ماليش خبرة مع مصر للطيران. لكن عموما التذكرة دلوقتى الكترونية والواحد بياخد منها برنت فقط. ولو الواحد راح المطار من غير البرنت ومعاه البيانات بس بياخد البوردينج وبيسافر عادى.

 

[Mohamed Mahmoud]

عن طريق فوري بيبقى عند حضرتك فتره اعتقد يومين عشان تدفعي ثمن التذكرة من وقت الحجز والحجز بيبقي مؤكد لما تدفعي والتذكرة بتيجي علي الميل بتاعك ولو مش دفعتي في خلال الفتره اللي هتحددها مصر للطيران الحجز بيتكنسل اوتوماتيك وحضرتك مش بتحتاجي اَي حاجه غير التذكرة في المطار ولو حضرتك اخترتي تعدلي ميعاد الرحله ممكن بالتليفون أو توجهي لأي مكتب مصر للطيران في البلد اللي هتبقي موجوده فيها

 

[Mohamed Ahmed Atef]

استاذه هبه بحيكى على السؤال وهو فيه كذا حاجه عايزه توضيح . لو زى ما انا بفكر هرد على حضرتك انا عارف ان ال CIB بيدى لعملائه خدمه انو ممكن ياخد تيتكت الطيران عن طريق حساباته البنكيه وبيقدر انوا يسدد 5% من سعر لتيكت شهريا وديه حاجه كويسه جدا ومحترمه من البنك وهما فعلا بنك محترم . تانى حاجه لو تم التعامل من خلال البنك فيبقى هوا كده سدد لحضرتك ثمن التيكت بالفعل لأن لما حضرتك تروحى المطار لازم علشان تطلعى الطياره يبقى فيه رقم تيكت بالفعل مش حجز فقط يعنى هيكون كده البنك دفع لحضرتك ثمن التيكيت وحضرتك بتسددى حق التيكيت بكل بساطه عن طريق خصم خمسه فى الميه شهريا من حساب حضريتك الجارى او حساب التوفير مثلا او ايا كان تعامل حضريتك مع البنك . تالت حاجه فى حاله الرغيه مثلا فى تغير ميعاد بردوا الموضوع سهل حضريك بتروحى اى فرع لمصر للطيران فى مكان السفر وبيغير لحضريتك الميعاد وطبعا بيبقى فى غرمات تغير للميعاد وممكن تبقى غرامة تغير ميعاد + فرق درجه اذا كانت نفس درجه الحجز على التيكت غيير متوفره او ممكن عن طريق الاتصال بخدمه عملاء مصر للطيران بالتليفون من البلد اللى حضرتك فيها وتعملى معاهم تغير الميعاد وبيبلغوا حضرتك بالغرمات وبيعمل لحضرتك الحجز الجديد وبيدى لحضرتك رقم العميله على فورى وإن شاء الله بتدفاعيها عن طريق تطبيقى الاسمرت والت CIB لصالح فورى عن طريق رقم العمليه اللى اخديه من مصر للطيران واول ما التحويل بيسمع على السيستم فى مصر للطيران بيأكد الميعاد الجديد على التيكت وكل ده وحضرتك بره مصر وتقدرى تخلى خدمة العملاء تبعت برنت من الميعاد الجديد لسيادتك على الميل . والله سبحانه وتعالى اعلى واعلم . وبالتوفيق إن شاء الله

 

[Ashraf Ahmed]

تجربتي مع مصر للطيران اونلاين مش حلوة كالعادة حتى فى الحجز الطبيعى

المهم خلى بالك لان لو هتحجزى اونلاين و حبيت تغيرى فى المواعيد هتضطرى تروح اقرب مكتب مصر للطيران ليكى بره حتى لو كان ٥٠٠ كيلو زى ما ردوا عليا بالضبط لما حبيت اغير تذكرة و انا فى جنوب التشيك قالولى روح مكتب فيننا
او ممكن حد يغيرهالك من مصر ده لو مطلبوش اثبات علاقته ليكى

 

[Mona Melad]

حضرتك انا بصدر مصر الطيىران عندى فى الشركة ومش هاخد منك عمولة كبيرة هاخد بس ٥٠ جنيه فوق تمن التذكرة وحضرتك تبفى ضامن التذكرة فى ايديك