الجروب دا فعلا ممتاز واستفدت منه كتير مشاء...

  • بادئ الموضوع بادئ الموضوع Salma Osman
  • تاريخ البدء تاريخ البدء
عرض العطلة
S

Salma Osman

:: مسافر ::
#1
الجروب دا فعلا ممتاز واستفدت منه كتير مشاء الله عليكم انا مسافره تايلاند اول شهر ٣ باذن الله لمده ١٠ ايام يومين فى بانكوك واسبوع فى بوكيت واخر يومين فى بانكوك ممكن تقولى ابدا الرحله ازاى وايه الاماكن اللى ازورها واتفسح فيها واماكن الشوبنج فى بانكوك وبوكيت والمطاعم فين واكلها يكون حلال هستنى ردوكم عليا علشان اقدر استمتع بالرحله انا وجوزى وبنتى طفله عمرها سنه
 
#3
بوكيت هروح باذن الله جزيره جيمس بوند و جزيره فى فى و محميه خاو لاك فيها ركوب الفيل و كهف القرود و بيت التماسيح تقريبا و الطبيعه هناك تحفه و فانتزيا شو
 
#5
بالنسبة للاكل الحلال فى بانكوك شارع العرب فى عندك فى sukhumvit soi 5 مطعم اسمه الاندلس الشاورمة بتاعته حلوة والساندوتش فى حدود 60 بات وفيه بردو بعده بشوية فى sukhumvit soi 2 مطعم اكله حلو جدا واسعاره معقولة اوى اسمه bamboo او الخيمة اللبنانى جربى عنده المشاوى حلوة واطباق الكبسة ولو عايزة fastfood هناك kfc حلال عشان مورد الفراخ دبح اسلامى
 
عرض العطلة
#7
بصي بالنسبة للاكل روحي اي مطعم محلي و اطلبي fried rice with shrimp و ممكن من غير جمبري...بس هو دة الاضمن عشان الباقي مش حلال.. و ممكن fried rice من غير حاجة بيبقي تحفة بردو....و هتدعيلي...و بالنسبة للفسح لو ليكي في المغمرة اعملي bunjy jump تجربة من تجارب العمر بجد
 
#8
بانكوك ملاهي dream world وجنينة حيوانات وعروض Safari world وممكن كمان السوق العائم وحديقة التماسيح وبالنسبة للشراء الرخيص بلاش المولات الأرخص محلات البراتونام قريبة من بلاتنيوم مول
 
#10
وبالنسبة للتنقلات فى بانكوك اغلب الاماكن مربوطة بشبكة مترو جميلة جدا فيه نوعين bts ده بيوصل لاكتر الاماكن وده skytrain وفيه underground اسمه MRtبيوصل بردو لاماكن كتير بس اقل شوية من bts هتلاقى الmap بتاعتهم مطبوعة وموجودة فى محطاتهم خدى منهاو التنقل بالمترو عموما احسن جدا فى بانكوك عشان الزحمة بتاعت الشوارع وكمان بيكون غالبا ارخص لكن لو عايزة تريحى دماغك وتركبى تاكسى يبقى اول حاجة تعملوها لما توصلوا مطار بانكوك ان شاء الله تشتروا شريحة موبايل اسمها tourist card بتكون صلاحيتها اسبوع او عشرة ايام من dtac او truemove موجودين جوة المطار شوفوا عروض كل واحد والاحسن ليكوا هاتوه ومش غالى خالص مش هيعدى 200 جنيه مهم جدا الموضوع ده عشان يكون معاكوا نت وانتوا برة عشان تعرفوا تتحركوا ولما تشغلوا الخط نزلى app بتاع التاكسى عندهم اسمه grab زى uber بس ارخص فى الاسعار وحددى المكان اللى عايزة تروحيه وشوفى fare estmation ليه معلومة بردو خاصة بال app فى كذا نوع عربية فى grab اللى بيعتمد على العداد اسمه grab taxi وفيه نوع تانى ده انا بفضله اسمه grab car economy ده بيطلعلك سعر المشوار اللى هتدفعيه كام بالظبط مش بالعداد وفيه انواع تانيه بتكون اغلى طبعا
 
عرض العطلة
#13
بالنسبة لبوكيت انت فيه عندك مشكلة عشان بنوتك سنة والمفروض ان رحلات الجزر دى بتكون ب speedboat ومش مسموح فيها اطفال اعمارهم صغيرة فالافضل انك لما تروحى هناك شوفى مكاتب الرحلات موجودة فى كل حتة فى منطقة باتونج ايه المناسب ليكوا وفاصلى معاهم فى الاسعار على قد ما تقدروا وعموما رحلات الجزر اشهر حاجة يوم رحلة phi phi island ويوم رحلةjames bond ويوم رحلة rafting و elephant trekking وفى يوم عرض fanta sea ده بيكون بليل من خمسة او ستة
 
عرض العطلة
#18
متفوتيش فى بانكوك الشاتوشاك ماركيت أو سوق نهاية الأسبوع يومى السبت والأحد من كل أسبوع سوق رائع وطبعا منطقة البراتونام كلها أسواق ومولات وال MBK mall وفى Terminal 21 مول ظريف ايضا وفى الشاينا تاون احى الصينى وده كأنك فى الصين بالظبط وبيكون فاتح من الفجر لحد العصر وفى السوق الليلى وسيام باراجون وسيام سينتر
 
#19
بالنسبة للفسح السفارى وورلد رائعة والفلوتنج ماركيت وفى جنبه مكان لركوب الأفيال والحدائق العامة فى بانكوك رائعة وبيكون فيها بحيرة كبيرة وفيها مراكب بدالات بتتأجر ونراك للجرى وتراك للعجل وتأجير عجل واللاند سكيپ بتكون روعة الروعة
 
عرض العطلة
عرض العطلة
أعلى أسفل
عودة
قائمة