مساء الخير يا شباب القوانين الخاصه بالجروب...

[Moutaz Mohamed]

مساء الخير يا شباب

القوانين الخاصه بالجروب لمساعده في تقديم افضل الخدمات و المعلومات في اسرع وقت ممكن و دون حدوث مشاكل.

*قبل السؤال قم بالبحث في المنتدي و اذا لم تجد اجابه لسؤالك فنزله علي الجروب و هيتم الاجابه خلال ٢٤ ساعه



اليومين الي فاتوا لقيت كذا تجاوز من بعض الاعضاء زي:

-بنت تنزل بوست تسال او تساعد الناس بيه فيكون رد فعل بعض الاطفال المراهقين انهم يعملها اضافه او يبعت لها علي الخاص انه عايز يتعرف او عايز رقم تلفونها.
اعتقد عيب اوي شغل المراهقين و خصوصا من شباب كبيره المفروض انها محترمه و عدت مرحله المعاكسه و المراهقه.
في منتديات شمال ممكن الشباب المراهق ده يعيش عليها بمجرد انه يعمل بحث علي اختراع اسمه Google يكتب بس في مؤشر البحث (منتديات)
هيظهره لينكات كتيره جدا ممكن يتسلي عليهم.
فعلا يا شباب اي حد هيبعتلي سكرين شوت لحد مراهق ميزعلش من تصرف اداره الجروب معاه.
كده انا نبهت الشباب المراهق قبل اي رد فعل محرج معاه.

-النقطه التانيه و هو تجاوز بعض اعضاء الجروب في طريقه الكلام زي في من يومين شخص كان بيسال ازاي يبعت حاجه بره مصر و جه شخص بيقوله انا ممكن اساعدك فكان رد فعله انه نزل شتيمه عشان دخل علي حسابه و لقي ليه ميول سياسيه.
اعتقد الي حصل ده تجاوز محدش يقبله علي نفسه و مش من حقك تدخل علي حساب الناس عشان تتجسس عليه كل واحد حر في حسابه الشخص دخل يقدم المساعده و انت ليك حق ترفض او توافق لكن مش تشتم الشخص ده.
فلو سمحتم اي حد يحصل معاه تجاوز يعملي انا او اي حد من Admins الجروب Sara Hassan او Hend Salem او Shereen Adel او Steven Gerrard Bergkamp او انا يعملنا mention و احنا نرد و نتعامل مع نوعيه الناس ديه.

-كتير اشتكوا من تاخير البوست الخاص بيهم
انا بيتبعتلي في اليوم حوالي ٥٠ بوست فبنزلهم بالدور و ساعات بنزل البوستات التجربه قبل بعض الاسئله لكسر مود الاسئله و الاستفاده من التجارب
فكده اي بوست هينزل خلال ٢٤ ساعه.
و نقطه مهمه ان كل اما نلاقي عدد البوستات وصل الي ١٠٠ نقفل البوستات مؤقتا لحد ما ال ١٠٠ ينزله و ده طبعا عشان نبعد عن اي تاخير ممكن يخصل لبوستات و خصوصا الي محتاجه سرعه في الرد و نحافظ علي ان الرد يكون خلال ٢٤ ساعه.

-قرننا كاداره لجروب وقف كل الاسئله العامه زي
*حد مسافر تركيا مين طالع فين مع مين
كل ده ضياع وقت و ملوش اي استفاده علي الجروب

*اساله الدراسه في الخارج و تم شرحه في عدده بوستات فممكن اي شخص يكتب في البحث (الدراسه) فهيظهر له كل الاسئله و الاجابات.

*اسئله الهجره و برده تم الاجابه عليها عده مرات فهيكون في البحث (الهجره)

*الاوراق المطلوبه لشنجن هيكتب في البحث (شنجن)

*اسئله عن بعض الدول زي ( تركيا _ الاردن _ روسيا _ تايلاند _ ماليزيا _لبنان _دول اوربا ) موجوده في مؤشر البحث علي الجروب

*التصريح الامني: كتبنا امتي يطلع تصريح امني و امتي لا فمجرد بس انك تكتب تصريح امني فهتلاقي كل المعلومات الخاصه.

*افضل او ارخص الفنادق



*افضل او ارخص شركه سياحه لسفر او تخليص الاوراق
و ده طبعا عشان احنا هنا بنعتمد علي السفر بدون شركات سياحه.

-الساده السيلزجيه او بتوع التوظيف الي ساقطين IQ Test او عندهم مشكله في الفهم و بيبعتوا بوستات عن شقق او وظائف او رحلات
مفيش بوستات خاصه بيكم هينزل عشان ده جروب سفر مش هينفعكم في تحقيق التارجت.

- لا للرسائل الخاصه (Inbox) ,,,, حفاظا على القواعد أرجوكم ممنوع تماما أي حد يبعت لحد رساله خاصه بدون أذنه , طبعا مافيش مانع لو بعتله في الكومنت انك عاوز تكلمه على الخاص و هو وافق بالرد على الكومنت مافيش اي مشكله , لكن نحترم خصوصية بعض و مش حنبعت رسائل خاصه بدون أذن ( فاهمني طبعا )

يا ريت الناس تراعي قوانين الجروب عشان نحافظ علي المستوي و الرقي و نقدر نساعد الاعضاء في قدر المستطاع في اسرع وقت.
#Traveller_Experience

 

[Mustafa Youssef]

الله ينور

 

[Waleed Elhusseiny]

respect

 

[Mohamed Yehia]

ميه ميه

 

[Mohamed Saab]

هووووووووا ددددددددددا
أأيوا كدا ,,خصوصا البند بتاع السياسه ,,ريحتني ياخي والله ,,لان كله بيتحشر ف الي ملهوش فيه ,,
انت بررررررررنس <3 <3

 

[Mohamed Yehia]

تعاللى فرنسا يالا بقى

 

[عمرو شريف]

انت جامد يا معتز

 

[Shady Moffied]

بصراحة الله ينور عليك فى الجزئية الخاصة بشغل المراهقة وشغل العيال ده فعلا جروب محترم جدا وانا سعيد جدا من الانضباط والالتزام والرقابة الموجودة فالجروب ولكن تسمحلى اختلف معاك فى النقطة الخاصة بمين مسافر فين وتنسيق الناس مع بعض عشان يسافرو مع بعض دى حرية شخصية للناس مينفعش اننا ندخل فيها والناس ليها الحرية تقابل مين او لا ولكن غير كدة انا مبسوط منك او يامعتز انك موجود دايما وعامل رقابة على المنتدى 7

 

[Faten Tawfiq]

ربنا يوفقك يا معتز ويصبرك
وفعلا شفت الكومنت بتاع السياسه ده واحترمت ان الطرف التانى مردش
بس اول نقطه ممكن تفيد لو حد لوحده وعايز يطلع مع مجموعه

 

[Shặmş Ăhmễd]

واللي بيتعاكس بقي يعمل ايه

 

[محمد زايد]

جزاكم الله خيرا

 

[Ashraf Anam]

حـِـِلْـﯙ

 

[Ahmed Mohamed Selim]

Respect

 

[Arch Basem]

ياريت لو في حاجة حصلت من حد تنزل الرسايل إلا بينهم ولو غلطان امسحة حقك يا باشا

 

[Mic Heal]

خليها تنضف

 

[ناصر خضر]

اي تجاوزبلوك

 

[Mona Mohamed]

حلو جدا جزاك الله خيرا

 

[Kalimera Dorado]

نفسي اعرف فين مؤشر البحث على الصفحة؟....انا مش بعرف استخدمه

 

[Ahmed M Omar]

معلش انا لا عملت add لأحد و لا من أنصار الحركات الرخيصة. بس برضه احنا مش في حضانة. و نظام حاذي و القصير قدام والطويل ورا. اللي داخل على الفيسبوك ده المفروض انه فاهم انه داخل علي الانترنت و فيها كل الاشياء. فيه حاجة اسمها ignore و فيه حاجة اسمها block. ليه دايما الأنثى بتتداري وراء جنسها and throw the gender card on the table right away.
I am sick and tired of the way Arabs like to control each others. I am an adult I have the right to do whatever I desire whether you like it or not. As long as it is legal. You ain't my mentor. If someone crosses a line with any of you , simply block him or just ignore his msges. Problem solved. I am an admin of my own group and I don't baby sit no members. I demand respect from and for each others but if someone crosses the line with you, it ain't my battle, I ain't ur dad, you decided to go online and it is a part of the package.

Feel free to block or blow me up if you wish but I felt obligated to stand up for my opinion and my believes

 

[Ashraf Anam]

ياليت تنشرو منصور خاص بطريقة البحث للي مايعرف عشان يستفيدو

انا كنت هنزلو بسس دا يفترض ع الادراه تنزله كل اسبوع مره عشان الناس لي مش فاهمه تفهم وترتاحو من البوستات لي بتوصلكم