يا جماعة حد اشترى دولارات من البنك بفيزا السفر...

[Antoun Khalil]

يا جماعة حد اشترى دولارات من البنك بفيزا السفر و الطيران قريب ؟
رحت للبنك الأهلي و عملت مشكلة مع الموظف هناك .. راجل كان في قمة قلة الذوق، و لما طلعت للمدير قاللي هنوفرلك بس قبل السفر ب ٤٨ ساعة !!
حد يعرف حاجة عن العك ده ؟؟

 

[Raghda Dawood]

اه انا لما رحت البنك الاهلي فعلا قالولي لازم قبل السفر ب 48 ساعة

 

[Aisha Eldeep]

البنك الاهلي بيدي 1000 دولار قبل السفر ب 48 ساعه

 

[Amr Elfar]

موضوع رخم وصعب جدا حاول في فروع تانيه

 

[Sameh Noshy]

F

 

[Doaa Yassin]

البنك اﻻهلى ده كانك داخل مكتب البريد مقرفييييين جدا

 

[Ahmed Badr]

انا بيديني لحد خمسه الف وباي وقت بس بوريهم الباسبور

 

[Mustafa A. Mohamed]

لو حابب تدبر عمله قبل السفر . اعمل برنت حجز وروح البنك ... عموما البنك اﻷهلي &بنك مصر من اقذر البنوك اللى ممكن تشوفها ف العالم . موظف حكومي فا مش ف دماغه العميل .

 

[Aisha Eldeep]

انا كنت مسافره من اسبوعين وادوني 1000 دولار وكان معايا التذكره والتأشيره وقالولي قبلها ب 48 ساعه

 

[Rinada Refaey]

بنوك كتير بتشترط ال ٤٨ ساعه دى عشان نصب الناس بيحولوا يلموا الدنيا

 

[Mustafa A. Mohamed]

كمان البنك اﻷهلي بقت 1000$ للسفر ف السنه مش كل ما تحب تسافر

 

[Ahmed Abdelhalim Ibrahim]

افتح حساب فى البنك الاهلى الكويتى .بيريوس سابقا..هيوافقوا
يصرفوا ليك دولار ومش شرط عندهم الحساب يكون ليه مده كبيره ..انا باخد مبلغ كويس بس عشان ليا تعاملات معاه كتير
واعطوا لصديق 1500 دولار ومكنش عد ع فتح الحساب اسبوع .بس مبنزلش فى نفس اليوم ..شوفهم هيدوك كام قبل ما تفتح الحساب

 

[Antoun Khalil]

شهر ٢ اللي فات ادوني ٢٠٠٠ دولار ايام ما كان الفرق بين البنك و السوق السوداء ٣ جنية
و خدتهم قبل السفر بشهر !!

 

[Diana Fekry]

انا لسه راجعة من دبي و فعلا قبل السفر ب 48 ساعة روحت اخدت الفلوس بكل سهولة ...تاخد معاك الباسبور و صورة منه و صورة حجز الفندق و صورة من تذكرة الطيران و الفيزا ..متقلقش هيدوك الفلوس قبلها
بالمناسبة انا اخدت من الCIB قبلها ب 5 ايام عمل و الاهلي قبلها ب 48 ساعة

 

[Antoun Khalil]

شكرا ع المعلومات
قال تعويم قال !! ده الواحد كأنه بيشتري مخدرات !!

 

[Ahmed Zaki Al-Bossaty]

ممكن تشتري من مكاتب الصرافة ب 16 جنيه النهاردة. بنفس أوراق البنوك

 

[Mohammed Elgergawey]

انا لسه واخد ١٠٠٠$ من مصرف ابو ظبي كنت طالب ٢٠٠٠$ اداني الف بس بالتيكيت و الفيزا

 

[M'hmd Awad]

كل البنوك تقريبا بنشترط ٤٨ ساعه قبل السفر
و ده مش جديد
ده من زمان مش بعد الازمه بس

 

[Sherihan Hemida]

لازم فيزا و حجز طيران بيقولوا لضمان جدية السفر كنت لسه فى بنك مصر النهاردة و بنك مصر بيدى 500 بس

 

[DO HA]

Mohamed El Soussi