M
Mohamed Mansour Ali
:: مسافر ::
M
Mazen Taha
:: مسافر ::
كارت المواصلات من اي محطة مترو وبيتشحن في المترو او محطات الباص الرئيسيه وتقدري تستخدميه او تشحنيه لو هتستخدمي التلفريك .. سعر الكارت 2 لاري
والشحن على حسب الحاجه اللي هتركبيها يعني المترو في كل مره بتستخدمي الكارت بياخد 50 تتري يعني نص لاري وتقدري تستخدميهم اي عدد من المرات خلال ساعه
التلفريك ب 2 لاري
الباص ب 30 تتري
والشحن على حسب الحاجه اللي هتركبيها يعني المترو في كل مره بتستخدمي الكارت بياخد 50 تتري يعني نص لاري وتقدري تستخدميهم اي عدد من المرات خلال ساعه
التلفريك ب 2 لاري
الباص ب 30 تتري
M
Mazen Taha
:: مسافر ::
بالنسبه للاماكن اللي تروحيها
تبليسي العاصمه ودي ممكن تقعدي فيها يومين ومنها تعملي ون داي ترب في اتجاه الشمال تزوري فيها متسخيتا وانانوري وجوداوري وكازبيجي .. الرحلات دي هتلاقي مكاتب كتير اوي عامله عروض ليها في شارع اسمه كوته افخازي متفرع من ميدان الحريه "ليبرتي سكوير" ويكون اجمل لو عملتو الرحله دي بعربيه تأجروها انتو عشان هتلاقو في الطريق اماكن جميله ممكن تتصورو فيها تقفو براحتكو في حته وهتكون اوفر .. الرحله دي بتتعمل بحوالي 60 لاري للفرد لو عملتوها بعربيه ممكن تأجرو عربيه ب 30 لاري والبنزين 40 لاري مثلا لو قسمتوها عليكو هتلاقو كل واحد دفع مبلغ بسيط لو انتو 4 افراد مثلا كل واحد هيدفع 15 لاري مثلا او ازيد حاجه بسيطه بدل 60 .. وممكن تكملو بعد جوداوري تروحو كازبيجي وتباتو هناك وتتفرجو على الجبل ولو في اكتفيتي عاوزين تعملوها اعملوها بس بيكون على حسب الجو في الفتره اللي هتروحو فيها دي وارجعو سلمو العربيه ..
بعد كده المدن اللي مكن تروحوها في اتجاه الغرب عندك جوري وكوتايسي وباكورياني وباتومي .. باتومي محتاجه صيف اكتر عشان معظمها منتجعات وبحر ..
كوتايسي اجملهم فيها كاتدرائية باجراتي وكهف برومثيوس وكانيون كده جميل بس للاسف كان مغلق بسبب الجو وقت ما انا رحت فماقدرتش ازورو يمكن يكون مفتوح لما تروحو اوعو ماتروحوهوش .. كوتايسي ممكن تقعدو فيها يومين مدينه جميله ونظيفه ورخيصه جدااااا وممكن تعملو فيها شوبنج لو عاوزين وفيها سوق تحسي انه سوق الخضار بتاعنا وناس بتبيع الحاجات عالرصيف وفي هناك .. وسيلة الانتقال من تبليسي عشان تروحو مدن الغرب جوري وكوتايسي وباكورياني ممكن تبقى بالقطر وتسألو على المواعيد بتاعته كويس جدا في محطة القطر وممكن بالميني باص بيسموه مارشروتكا من محطة ستيشن وبياخد 10 لاري لحد كوتايسي ولازم تبصو على الخريطه بتاعت جورجيا عشان تقدري تعرفي اماكن المدن دي بالترتيب عشان تقدرو تظبطو اتجاهاتكم .. ممكن تقعدو يوم في غوري تزورو متحف ستانلي والبيت بتاعه والحصن بتاع المدينه وتتمشو بقا شويه وترتاحو وتاني يوم تكملو على كوتايسي تقعدو وباكورياني يوم وترجعو في نفس اليوم على تبليسي وكده حلو اوي .. طبعا تبليسي فيها بقا حاجات كتير بس كلها قريبه من بعض وكلها قريبه من ميدان الحريه "ليبرتي سكوير"
تبليسي العاصمه ودي ممكن تقعدي فيها يومين ومنها تعملي ون داي ترب في اتجاه الشمال تزوري فيها متسخيتا وانانوري وجوداوري وكازبيجي .. الرحلات دي هتلاقي مكاتب كتير اوي عامله عروض ليها في شارع اسمه كوته افخازي متفرع من ميدان الحريه "ليبرتي سكوير" ويكون اجمل لو عملتو الرحله دي بعربيه تأجروها انتو عشان هتلاقو في الطريق اماكن جميله ممكن تتصورو فيها تقفو براحتكو في حته وهتكون اوفر .. الرحله دي بتتعمل بحوالي 60 لاري للفرد لو عملتوها بعربيه ممكن تأجرو عربيه ب 30 لاري والبنزين 40 لاري مثلا لو قسمتوها عليكو هتلاقو كل واحد دفع مبلغ بسيط لو انتو 4 افراد مثلا كل واحد هيدفع 15 لاري مثلا او ازيد حاجه بسيطه بدل 60 .. وممكن تكملو بعد جوداوري تروحو كازبيجي وتباتو هناك وتتفرجو على الجبل ولو في اكتفيتي عاوزين تعملوها اعملوها بس بيكون على حسب الجو في الفتره اللي هتروحو فيها دي وارجعو سلمو العربيه ..
بعد كده المدن اللي مكن تروحوها في اتجاه الغرب عندك جوري وكوتايسي وباكورياني وباتومي .. باتومي محتاجه صيف اكتر عشان معظمها منتجعات وبحر ..
كوتايسي اجملهم فيها كاتدرائية باجراتي وكهف برومثيوس وكانيون كده جميل بس للاسف كان مغلق بسبب الجو وقت ما انا رحت فماقدرتش ازورو يمكن يكون مفتوح لما تروحو اوعو ماتروحوهوش .. كوتايسي ممكن تقعدو فيها يومين مدينه جميله ونظيفه ورخيصه جدااااا وممكن تعملو فيها شوبنج لو عاوزين وفيها سوق تحسي انه سوق الخضار بتاعنا وناس بتبيع الحاجات عالرصيف وفي هناك .. وسيلة الانتقال من تبليسي عشان تروحو مدن الغرب جوري وكوتايسي وباكورياني ممكن تبقى بالقطر وتسألو على المواعيد بتاعته كويس جدا في محطة القطر وممكن بالميني باص بيسموه مارشروتكا من محطة ستيشن وبياخد 10 لاري لحد كوتايسي ولازم تبصو على الخريطه بتاعت جورجيا عشان تقدري تعرفي اماكن المدن دي بالترتيب عشان تقدرو تظبطو اتجاهاتكم .. ممكن تقعدو يوم في غوري تزورو متحف ستانلي والبيت بتاعه والحصن بتاع المدينه وتتمشو بقا شويه وترتاحو وتاني يوم تكملو على كوتايسي تقعدو وباكورياني يوم وترجعو في نفس اليوم على تبليسي وكده حلو اوي .. طبعا تبليسي فيها بقا حاجات كتير بس كلها قريبه من بعض وكلها قريبه من ميدان الحريه "ليبرتي سكوير"
M
Mazen Taha
:: مسافر ::
وماتنسيش تشتري شريحة الموبايل من المطار لما توصلو هتلاقو مكتب شركة ماجتي Magty >> دي اللي انا جربتها كنت واخد باقه ب 10 لاري 4 جيجا نت ولو عاوزه تعملي مكالمات محليه او دوليه تشحني عادي من المكتب ساعتها .. انا ماكنتش محتاج مكالمات لان النت كان كفايه بالنسبالي بعمل مكالماتي الدوليه على الفيس او الفايبر فمكنتش محتاج اعمل مكالمات وكنت رايح سولو فمكانش في حد بردو اكلمو في البلد ..