نصايح للسفر بخصوص العمله: - لو مسافر بلد...

[Mohamed Elgohary]

نصايح للسفر بخصوص العمله:

- لو مسافر بلد عملتها متاحه فى مصر زى انجلترا او الاتحاد الأوروبى او دول الخليج ...حاول تشترى العمله دى مباشرة و انت فى مصر بدل ما تشترى دولار و ترجع تحوله لعملة البلد دى لما تسافرها

-لو دوله عملتها مش متاحه فى مصر هتسافر من هنا بدولار و تبدله لعملتهم من هناك و طبعا ابعد عن صرافات المطار...ممكن تحول بس اللى يكفيك مواصلات للفندق و حول فلوس من الصرافات اللى فى وسط البلد

- انسى الجنيه المصرى فى اى بلد و حتى لو متاح انك تبدله بعملتهم بردو بلاش الا فى حالات الضروره القصوى لان هياخدوه منك بنص قيمته

-لو رايح مدينه صغيره متنساش تبدل كل اللى يكفيك فى العاصمه او فى اى مدينه كبيره قبل سفرك للمدينه الصغيره علشان ممكن متلاقيش فيها صرافات او تلاقى التبديل فيها بخساره

- يفضل تبعد خالص عن اى حد بيعرض خدمة انه يبدلك عمله فى الشارع لان بلاد كتير بيكون الناس دى بتبدل فلوس مزوره

- دايما خد الدولارات اللى هتسافر بيها فئة ال 100 دولار او ال 50 علشان بعض الصرافات بتبدل الفئات الصغيره (1 و 5 و 10 و 20) بسعر اقل من سعر الصرف و هتلاقى نفسك خسرت فيهم

من صفحة Travel Limitless

#Travel_Limitless
#travel_tips
#نصايح_للسفر

 

[Amro Ghonamy]

شكرا علي المعلومه الجميله

 

[Zahraa Ramadan]

F

 

[Maha Taha]

طب بلد زي انجلترا ،مش يبقي احسن لو جبت دولار من مصر و احوله هناك لاسترليني عشان هناك الفرق بسيط بين العملات؟ لان طبعا الاسترليني ف مصر اغلي؟

 

[Doda Samy]

م