حاول تدور علي سكن قريب من وسط البلد عشان تعرف تستمتع باغلب مناطق القاهرة
بالنسبة للمصاريف فلا تقلق ابدا لانها رخيصة جدا سواء المواصلات الداخلية او السفر الداخلي او الاكل
بالنسبة للقاهرة ممكن تزور المتحف المصري و القلعة و متحف محمد علي و طبعا شارع المعز (مليان اثار و مساجد اسلامية و هو متحف مفتوح) و طبعا المساجد الاثرية اللي مش هتلاقيها غير هنا زي مثلا(المؤيد شيخ و السلطان حسن و الرفاعي و السيدة زينب و الحسين و ابو حريبة و المارداني و ....) و طبعا ممكن تركب باخرة بالنيل او تتعشي باحد البواخر النيلية زي مثلا النايل كريستال
بالنسبة للاسكندرية ممكن تسافر من القاهرة بالاسكندرية ب 40 جنيه مصري (حوالي 2.25 دولار) و هناك ممكن تزور قلعة قايتباي و قصر المنتزة و طبعا تاكل سمك ورز باللبن
بالنسبة للشواطي ممكن طبعا تزور شرم الشيخ و دهب و الجونة و سهل حشيش(الانتقال من القاهرة لهناك بحوالي 150 جنيه او حوالي 8دولار) و طبعا هناك هتلاقي جميع الانشطة البحرية اللي ممكن تعملها
طبعا مش هنسي اقولك تزور الاقصر (تلت اثار العالم) و ممكن تركب البراشوط هناك(رحلة ممتعه) و طبعا تروح اسوان لتستمتع بالاثار و الطبيعه و طيبة و جمال طبيعه و اهل النوبة و تاخد رحلة نيلية لجزيرة النباتات (الانتقال من القاهرة للاقصر بالقطار و رحلة نيلية من الاقصر لاسوان تستمتع بيها بجمال الطبيعه و النيل و تزور بعض المدن داخل الرحلة تتعرف علي الناس و كمان تزور المعابد فيها زي ادفو و كوم امبو)
اسف للاطاله و تنور القاهرة
