السلام عليكم اخواني الكرام انا Oussama...

  • بادئ الموضوع بادئ الموضوع Oussama Belakhdar
  • تاريخ البدء تاريخ البدء
عرض العطلة
O

Oussama Belakhdar

:: مسافر ::
#1
السلام عليكم اخواني الكرام انا Oussama Belakhdar مغامر و مدون أسفار من الجزاءر انا لاحظت اني فيه اشخاص مصريين كتير بيحكوا تجاربهم في السفر بس مفيش حد حكالنا عن مصر ام الدنيا انا شخصيا عاوز ازورها ياريت تحكولنا عن الأماكن و الهوتلات عندكم و المواصلات خصوصا انا عاوز ازور القاهرة و الاسكندرية و شوية من الصعيد المصري و شكرا
 
#2
حضرتك انا زوجي مرشد سياحي لو حابب يظبطلك كل الامور
ومصر فعلا من اجمل البلدان
وفيها هتقدر حضرتك تشوف الحضاره عن طريق زياره الاهرامات والمتاحف وكمان اجمل مدينه ممكن تزورها الاقصر واسوان وجمالهم الخلاب وكمان اسكندريه والحضاره الرومانيه وشرم الشيخ وجمالها وسيناء ومهد الاديان
 
#3
بص انا ممكن اعدلك من هنا لميت سنه مش هخلص كلام عن جمال شواطئها وبالمثال شرم الشيخ الغردقه دهب مرسى علم مرسى مطروح طابا سيوة الخ الخ واسكندرية بقى وكورنيشها وخالد ابن الوليد ومحطه الرمل وكوبرى استانلى والمنتزة ولو اتكلمنا عن القاهره مش هبطل من هنا لبكرة هى والجيزة واه بقى الاقصر تلت اثار العالم واهل النوبه الطيبين يعنى اسوان ونيلها وفنادقها ورحلاتها بالمركب ايام بالنيل بين اسوان والاقصر ولا بقى المنيا عروس الصعيد ولا مطروح يعنى روميل والابيض انا ممكن احكيلك عن الفراعنه وزى سطروا تاريخ وحضارة والله لو اتكلمت مش هخلص ازاى اتبنى الاهرامات وابو الهول بقى ولا المتحف المصرى انا لو حكيت مش هبطل بديك حزء بسيط عن معالم مصر وللعلم الجزء دا عايز شهور عشان تعرف تستمتع به بما انك جاى سائح
 
#4
مصر باختصار اي نوع سياحة تفكر فيه هتلاقيه :شواطئ، مرسي علم والجونه وسهل حشيش ودهب ونويبع .حضارة، اهرامات وأبو الهول ومتاحف ومعابد ومقابر زي ما تقول .ترفيه،مولات وملاهي مائية وعادية وكمان تزحلق علي التلج .استجمام النيل والأقصر وأسوان .سفاري ،سيوه والفيوم وشرم الشيخ والصحراء البيضاء
 
#5
اهم حاجه متفوتهاش هي الأقصر وأسوان طبعااا وبالنسبه للبحر أجمل الشواطئ هي مرسى مطروح والقاهره طبعا تزور الاهرامات وشارع المعز بس لازم تعرف ان مصر مينفعش تكتشفها في زياره واحده وده بسبب ان مواقعها السياحيه كتيره جدا ومتنوعه بين شواطئ وحضاره وكمان لأن مساحة مصر كبيره فالمسافات بين المدن كبيره وبتاخد وقت ف لازم تقسم المواقع السياحيه على اكتر من زياره وشوف صور للأماكن السياحية على جوجل وياريت انت كمان تحكيلنا على الجزائر
 
عرض العطلة
#6
مصر باختصار بلد غريب .. فيها الروحانيات العالية و فيها الهلس .. فيها السفاري و فيها الإستجمام .. فيها الشوبنج و برضوا فيها اللي يمشّي الحال .. أي حضارة عايز تشوف آثارها قدامك حقيقة هتلاقيها في مصر ما عدا البابليّة و الآشوريّة .. فيها بدون مبالغة نموذح لكل أنواع معمار الدويلات اللي حكمت العالم سواء كانت إسلامية أو أوروبيّة .. دا غير الحضارة الفرعونية اللي مش هتلاقي زيّ آثارها في أي حتّة ..
بس في مكانين لو رحتهم هتحس كأنك ركبت كبسولة زمن بدون مبالغه : القاهرة الفاطمية و الأقصر و أسوان و أسمع إن سيوة كمان كده بس انا مزرتهاش .
أهلها رغم إللي بيهم لكن يحبّوا الضحك زيّ عنيهم و يضحكوك من الهوا .
تشرّف مصر ف أي وقت :-)
 
#7
مفيش حاجه اسمها مصر الان للأسف أصبحت مقبره لولادها لان المصري حتى لو حب يعمل رحله فى مصر مش هيعرف مثلا المصري يدخل شرم والغردقة بتأشيرة
 
#8
اهلًا ولد بلادي، انا عايشة في مصر لو حبييت تزورها فيه حاجات في القاهرة ما ضيعهاش، طبعا المتحف المصري أولهم وهذا وحده يديلك نهار، هههه، ما تنساش تتصور في ميدان التحرير لان موقعه هناك وتانيك مقر جامعة الدول العربية، اذا كنت من محبي عادل امام أتصور قدام مجمع التحرير حداهم هههههه
عندك الأهرامات لازم بالرغم انا كرهت نروح تماك لانه بعد الثورة للأسف ولضعف السياحة تحس المكان اتهجر لصالح بعض اللي يعملوا أنشطة هناك، طبعا ما تكلمش حد تماك غير شرطة السياحة وقوم بجولتك عادي.
في المساء مانيش عارفة اذا مازلتهم يديروا مهرجان الصوت والضوء أنصحك بحضوره على سفح الأهرامات
القاهرة كذلك هي القاهرة القديمة وانا نسميها القاهرة الاسلامية لازم تزور فيها القلعة، جامع سيدنا الحسين ومعه خان الخليلي ( دور على قهوة الفيشاوي)
وممكن يكونوا نشاطات ثقافية في شارع المعز ما تضيعهاش
في هذا المسار راح تشوف السيدة زينب والسيدة عائشة
جولة في النيل قبل المغرب من أحلى الحاجات اللي ممكن تستمتع بها وماتنساش تروح الأوبرا دايما فيه برنامج ثري
انا نموت على إسكندرية نحسها وهران يوم واحد يكفيك، شرط ما تروحش في الصيف
اهم المعالم قلعة قتباي، مكتبة إسكندرية، ضريح المرسي ابو العباس اللي اكتشفت مؤخراً انه أندلسي
طبعا المنتزه لازم تزوره
الأقصر واسوان لازم رحلة لوحدهم لمدة أسبوع
ممكن تروح شرم الشيخ
 
#10
مرحبا بك اخونا العزيز: اولا دعك ممن يقولون كلاما سيئا عن بلدهم ربنا يعينهم على ما هم فيه. ممكن تشوف موقع /Egypt Travel Guide - Tour Egypt و على الفيسبوك
/Egypt speaks about itself
/حملات تنشيط السياحة الداخلية Campaign of the Egyptian Tourism
/‫افضل اماكن الفسحه والخروج فى مصر | Facebook‬
و لو عايز اى معلومات زيادة، معاك، عموما لازم القاهرة الأسكنرية الأقصر أسوان و لو عايز اماكن تحفة يبقى سيوة و مرسى علم و جبل علبة و وادى الجمال
 
عرض العطلة
عرض العطلة
#16
انا من اسكندرية ، ممكن حضرتك هنا تزور القلعة "قايتباى" ، قصر المنتزة ، محطة الرمل خصوصا شارع فؤاد ، المكتبة ، زنقة الستات ، بحرى ، المكس و دى تروحها تاكل سمك ، روح كوبرى ستانلى عشان تاكل حمص الشام ، درة مشوى ، ترمس
 
#17
لو بتدور على اوتيلات منخفضة التكلفة فدي في الغالب هتحجزها و انت في مصر مش أونلاين
بمعنى انك توصل مصر و تقضي اول ليلة في اي اوتيل تحجزه من بوكينج مثلا و بعدين تنزل وسط البلد او الحسين "اقرب اوتيلات للستايل اللي انت عايزه" و تحجز معاهم مباشرة
عامةً مصر رخيصة جدا ..ممكن تحجز غرفة بحمام خاص مستواها معقول في القاهرة في حدود ٢٠٠ جنية(12 دولار) و ارخص كمان هتلاقي
اخيرا، فيه youth hostel في القاهرة برضه في شارع عبد العزيز آل سعود ع النيل و اسعاره رخيصة جدا
الصعيد اسعاره ارخص من القاهرة كمان بس انت ابعد عن الاسماء الكبيرة
ملحوظة أخيرة: لو انت جاي تشوف مصر فعلا مش هتقعد في الاوتيل، يا دوبك تاخد دش و تنام مصر تتشاف في الشارع.. فسحتك و البريك و الاكل كله في الشارع
 
#18
الاقصر واسوان فيها آثار ومعابد كتير ، وقنا كمان فيها معبد ، والمنيا فيها آثار وسوهاج فيها معبد أبيدوس دي اكتر اماكن في الصعيد تقدر تشوف فيها آثار
 
#19
تنور مصر وتشرفنا بس فعلا انت تحدد انت ناوي تزور كام مدينه ف مصر وتحط برنامج كويس لزيارتك عشان مصر فيها اماكن كتيييييييييير سياحيه مهما نقول مش هنقدر نعدهم
 
عرض العطلة
عرض العطلة
عرض العطلة
أعلى أسفل
عودة
قائمة