A
Ahmed EL Amin
:: مسافر ::
اولا خليني ارد على اكثر الأسئلة شيوعا و الاستفسارات المتكررة و بصراحة .. في كوريا الجنوبية مفيش حاجة اسمها هجرة و مفيش حاجة اسمها عقد عمل و بالذات للعرب إلا في حالة واحدة .. شخص يكون دارس اللغة الكورية و وصل لمستوى متقدم فيها و يقدر يشتغل في الترجمة مثلا من الكوري الى العربي الى الانجليزي و العكس و لازم الشخص ده يلاقي شركة او مكان معين في كوريا محتاجة و بعدين المكان ده يبعتله دعوة عن طريق السفارة و بعد ما يوصل و يعمل عقد عمل ثم الإقامة .. و الشغل ده مش متوفر هنا اووي لان فيه عرب كتير بيشتغلوا في المجال ده و الكوريين نفسهم بدأو يتعملوا اللغة العربية و لغات تانيه كتير علشان ينفتحوا على العالم اكتر ...
A
Ahmed EL Amin
:: مسافر ::
الحالة التانية اللي ممكن حد يقدر يدخل فيها كوريا بطريقة شرعية و يلاقي شغل .. الدراسة فيه منح للبكاليريوس و الماستر و الدكتوراه بتقدمها الحكومة الكورية كل سنة و فيه منح تانيه خاصة بيقدمها دكاتره عن طريق مراسلة الدكاتره نفسهم .. و اغلب المنح طبعا بتكون للكليات و التخصصات العملية و مرتب المنحة مش كبير تقريبا من 900 دولار الى 1400 دولار شهريا ..
A
Ahmed EL Amin
:: مسافر ::
طيب فيه ناس لسه بترجع من المطار .. ايوة فيه ناس بترجع كتير جدا من المطار و اكتر من الاول كمان .. و بالذات المصريين و السوريين و العراقيين و اليمنيين .. في الفترة الاخيرة و لما الحكومة الكورية شافت إن فيه نسبة كبيرة من العرب و خاصتا المصريين بيدخلوا كوريا بغرض السياحة و بعدين يكسروا التأشيرة او يعملوا لجوء بأنواعه و مش كدا بس لا ده كمان بيعملوا مشاكل كتيرة .. بدأت كوريا تاخد إجراءات اكثر صرامة و يمنعوا الناس من الدخول في المطار و يرجعوهم تاني و بدأو يشددوا و يركزوا مع الناس و يسألوهم اسئلة كتيرة و يطلبوا اوراق كتيرة و في الغالب بيرجعوا التاس برضه .. و حصلت مع صديق ليا كان جاي كوريا سياحة .. و معايا انا شخصيا لما كنت بحاول اجيب شيف من مصر علشان كنت بفتح مطعم هنا كوريا و رغم إني كنت عامل دعوتين للشيف ده واحدة من شخص كوري و واحده مني برضه رجعوه من المطار بعد تحقيق و اسئلة كتير ..
A
Ahmed EL Amin
:: مسافر ::
طيب حد هيقولي فيه عرب و فيه مصريين كتير عايشين في كوريا و بيشتغلوا و الدنيا معاهم تمام .. كلام مظبوط .. الناس ديه دخلت من زمان ايام ما كانت الدنيا سهلة و كوريا بتدخل اي حد .. و فيه منهم نوعين النوع الاول دخل دراسة و اتعلم اللغة و خلص و اشتغل او دخل شغل و كان متعلم اللغة اصلا و دول معاهم إقامات و عايشين بطريقة شرعية و ليه حقوق زي تأمين طبي و عقد عمل و مدارس لاولاده و كدا .. النوع التاني هي الناس اللي دخلت سياحة و كسرت التأشيرة او قدمت على لجوء سياسي او ديني او غيره و دول بياخدوا إقامة مؤقته من منظمة الامم المتحدة بتتجدد كل سنة او كل 6 شهور و حاليا خلوها كل 3 شهور و بعد سنة او سنة ونص او سنتين مش بتتجدد تاني لأن المفاجئة إن كوريا مش بتقبل اللجوء اصلا فا بيبقى وضع مؤقت .. و الشغل الوحيد للنوع ده هو الهارد وورك يعني بيشتغلوا عمالة في المصانع و المزارع و خلافه و الشغل ده سيئ جدا و متعب جدا و قذر جدا و غالبا بيبقى باليومية .. و اوعو تصدقوا حد يقولكم انا بشتغل فيه شركة سامسونج او كيا موتورز او هيونداي او ال جي .. الكلام ده مش حقيقي لو عامل لجوء مستحيل يشتغل في شركات كبيرة زي ديه لانه اللجوء مش بيسمح بالشغل اصلا فا اللي بيشتغل بيبقى على مسئوليته و مش قانوني ...
H
Hossam Mohamed
:: مسافر ::
وفيه حل لموضوع رجوع المصريين والعرب، ع وجه العموم.. لو انت فعلا رايح كوريا سياحه متخليهاش اول دوله تدخلها... يعني تظبط نفسك انك تزور بلد تانيه غير كوريا وتروحها الاول ومن هناك تروح كوريا دخلت بالسلامه يبقي فل.. مدخلتش يبقي مخسرتش كتير لان الطيرن هيكون رخيص جدا وممكن تحول وجهتك ع بلد تانيه .. اغلب دول اسيا تاشيرتها سهله.. احسن اما تدفع دم قلبك ف طيران غالي وحجوزات الفنادق وضيع عليك.
A
Amr Abo Taleb
:: مسافر ::
انا واحد عشت هناك 5 سنين وعارف عنها كل حاجه اولا دوله فيها فلوس كتير والعرب فيها كتير جدااا لان القبض فيها يتراوح من 1500 دولار ل 2500 لو مبتشربش سجاير .. الشغل مصانع البغد دي بتصنع كل حاجه والشغل كتير جدا بس الاكل صعب والشغل فشخ بس في مقابل طبعااا الفلوس والي استفسار عنها او اللجوء انا موجود .. اوصل انتا بس وانا اوصلك لناس تعملك اللجوء وتجيبلك شغل بس بمقابل واقولك كمان تسافر ازاي لان انا بطلع كوريا واليابان وكندا وعقد عمل ابطاليا بيبقا معاك الاتحاد الاوروبي كله بقطر