هل ٢٥٠٠-٣٠٠٠ يورو مبلغ كافي لرحله حوالي ٦ شهور في البلاد دي "الهند، فيتنام، هونج كونج ،تايلند، سنغافوره، الفلبين، اندونسيا، ماليزيا، تايوان، كامبوديا، مكاو، لاوس" و هيكون اغلب السفر بري و الطيران في اضيق الحدود بس ؟!
انتا لو عملتها تبقي بطل ..ارجوك لو طلعتها تبقي تكتب التجربة .انا حاسة ان المبلغ قليل .بس دا حسب طبيعتك ..هل انتا عندك استعداد تقعد في موتيل في اوضة مشتركة مثلا..عندك استعداد تاكل اي حاجة...سنغافورة غالية اوي ممكن تستبعدها .
مبلغ كويس جدا لو هتقتصد يعنى مثلا هتروح هوستلز مش فنادق او تاخد شقه مثلا او غرفه فى شقه .. هتاكل فى اماكن الطبيعيه بتاعت الشعب مش مطاعم سياحيه .. بس مالزيا غاليه شويه طبيعى
بص انت حسب مصاريفك بس ٤٠٠٠ دولار. يظبطوك جداً...بس ف المقابل تحرب الكوتش سيرفينج وتعمل اكونت علي موقع work away عشان توفر ف مصاريفك ومعيشتك وممكن تتابع Mohamed Elsayed محمد السيد هو ف رحلة دلوقتي ف اسيا وهيقعد من ٦-٨ شهور
ايوة ممكن ماليزيا عادي تعيش ٦ شهور ..تاخد سكن في الشهر ب١٥٠ دولار ال٦ شهور ب٩٠٠ دولار واكلك في حدود ٢٥٠ دولار شهريا ..وممكن تزور اندونيسيا وسيرلينكا وسنغافورة وتايلند زيارات بس وترجع لمستقرك في ماليزيا
سيبك من الهري اللي هنا.. كل واحد بيتكلم علي مزاجه وهو نايم ع السرير .. واكبر طلعه ليه كانت الاهرمات.. الراجل دا هيديك الخلاصه Mohamed Elsayed محمد السيد عشان هو بيلف اسيا دلوقتي تقريبا نفس المده ..
