رد: شهر عسل لكن متورط ومحتاج مساعدة !!
عليكم السلام والرحمة ,,
الله يتمم لك بخير ويجمع بينكما في خير
اتفق مع الاخوة والاخوات على الجدول بخلاف أربعة أيام في كوالالمبور الا اذا كنت تحب التسوق
بالنسبة للمواصلات فراح تحصل سائقين والحلو في ماليزيا ان السائقين لايعملون الا بتصريح ,, يعني اذا فيه سائق
مو معلق التصريح في سيارته او ما وراك التصريح لا تركب معه لانه راح ينصب عليك
او ممكن لو مسكوكم الشرطة تتغرم انت وياه ’’ وهذا بناء على كلام احد السائقين اللي تعاملنا معهم في ماليزيا وللأسف فقدنا ارقامهم ,, لكنهم متوفرين بتلاقيهم في المطار ,, تعامل مع واحد او اكثر من واحد بنظام اليوم
او الساعه ,, بحيث يوصلك لاي مكان وينتظرك او يوصلك وتقول له يروح ويرجع لك ,, وطبعا الأفضل تطلع شريحة ماليزيه اذا ماعندك تجوال ,, وفيه عندهم باص في بعض المدن نسيت اسمه مااتذكره يمكن جمب ان او شي كذا ,, له محطات مو واضحه تكون مثل الكشك في الشارع وبتلاقي له منشورات في الفندق ,, التذكرة مدتها 24 ساعه او يمكن اكثر حسب اللي تبغاه ,, ويعطونك جدول ومواعيد الباصات (عبارة عن سلسله باصات تمر بمحطات سياحية على مدار اليوم الى الساعه تقريبا 10 بالليل )
فممكن تركب الباص وتنزل في أي محطة تبغاها ولما تخلص من التمشيه في المكان ترجع لمحطة الوقوف وتنتظر الباص القادم وتركب وتنزل في محطة ثانيه وهكذا .. وكل هذا بتذكرة واحدة بس انتبه لتاريخ انتهائها .
وبفيدك ببعض النصائح :
بالنسبه للأجواء فهي اما ربيعيه او تميل للحرارة والرطوبة وممطرة ,, خذ معك مظلة لان المظلات ماتباع بشكل واضح هناك,, جلسنا ندور من محل أدوات رياضة الى مجمعات الى محلات ملابس وفي الاخير ( حصلناها في بقالة :biggrin
فالافضل تأخذ المظلات اللي تطوى وتصير صغيرة بحيث تقدر تحملها معك بسهولة او في شنطة المدام :tongue:
وبالنسبة لمنطقة الشلالات اللي عندهم او أي منطقة جبلية فيها قرود فاحذر من حمل أي أكياس ,, لان في نظر القرد انها فيها اكل فبيهجمون عليكم ويحاولون ياخذوها بالطيب او بالقوة :biggrin:
ولا تأخذ معك كاش الا مبلغ مايتجاوز الالف ريال ,, غير كذا تعامل بالفيزا او الصرافة بعملة البلد ولا تخليهم يحاسبونك بالعملة الخليجية او السعودية لانهم بينصبون عليك ويطلع عليك اغلى حاسب بعملتهم وفيه هناك صرافات ممكن تسحب منها بعملتهم .
دعواتي لك بالتوفيق والسعادة
