الحياة واللجوء في البرازيل

  • بادئ الموضوع بادئ الموضوع alyaa
  • تاريخ البدء تاريخ البدء

alyaa

مراقبة عامة
إنضم
16 يونيو 2012
المشاركات
7,679
مستوى التفاعل
22
النقاط
0
الإقامة
malaysia
الحياة واللجؤ في البرازيل

الفيزا و الإقامة:

الفيزا

بيتم منحها من طرف السفارة البرازيلية بالبلد المقيم فيه, بتقدم طلب بالسفارة مرفق مع 4 صور شمسية

بيعطوك وثيقة لتعبيها و هي عبارة عن مجموعة معلومات للتعرف عليك اكثر.

التأشيرة إلى البرازيل عم يتساهلوا بمنحها اليوم و هي تعتبر تأشيرة إنسانية .

تقديم طلبات اللجوء بعد الوصول إلى البرازيل في دوائر الشرطة البرازيلية الفدرالية, اللجوء للمدن الكبيرة بالبرازيل بيكون عن طريق منظمة "الكاريتاس" وهي التي تنسق مع الشرطة الفيدرالية .

مثال: يلي بيروح عالشرطة الفدرالية) بساو باولو بيرجعو بيشلفو عالكاريتاس ليبلش معاملتو)

البرازيل بتمنح الحق المؤقت للاقامة ع الأراضي البرازيلية بيكون بمثابة مستند بيمّكنك من الحصول لعمل شرعي و الافادة من التقديمات الحكومية الصحية والتعليمية لوقت تتخذ السلطات البرازيلية قرارها النهائي بخصوص طلبك والطلبات إجمالاً بتكون مع القبول .

البرازيل ما بتقدم أي مساعدات باللجوء لهيك لازم يكون معك مصاري كافية لتعيش خلال ستة شهور على الأقل, الحكومة ما بتقدم سكن أو عمل فلازم تدور ع فرصتك بنفسك.

ممكن تقديم طلبات اللجوء بسوريا كمان بالسفارة البرازيلية بدمشق (شارع الفارابي 39 / شرق المزه هاتف 0116124551/2/7 السيدة ماجدة أو السيدة ليندا) فيك تقدم طلب الحصول على التأشيرة شخصياً.

لتقديم طلب اللجوء عن طريق تركيا (القنصلية البرازيلية في تركيا

Askeroğacı Caddesi, 6 - Süzer Plaza 4ºandar - Elmadağ, Şişli – Istambul - Turkey
Phone: +90-212-252-0013
Fax: +90-212-252-0013
Email: cg.istambul@itamaraty.gov.br

لتقديم طلب اللجوء من بيروت

Beirut - Zakhem Plaza, Qalaa Street, Section 5, Jisr El Bacha, Metn, Monte Líbano - Líbano
Telephone Brazil Embassy in Beirut: (+9611) 490 401
Fax Brazil Embassy in Beirut: (+9611) 490 405
consular@consbrasbei.org



بعد التقديم بكم يوم بيتصلو فيك وبيطلبوك على المقابلة .

بشكل عام البرازيل بتستقبل مستثمرين وصناعيين بشكل أكبر .. ميزانية المشاريع كحد أدنى 75 ألف دولار لتسجيل المشروع بشكل رسمي بالبرازيل وهاد الشي بيساعد بالاسراع بمنحك الاقامة الدائمة.

الجنسية :

بمجرد زواجك من شخص يحمل الجنسية البرازيلية بامكانكم الحصول على الاقامة الدائمة لمدة عشر سنين وبعد فترة 4 شهور كحد أدنى لل 12 شهر كحد أقصى بقانون الجنسية البرازيلي بيتم منح الجنسية البرازيلية للزوج. و في ملاحظة هون انو مافي دولة تانية بتقدم الجنسية بعد الزواج بهي السرعة.

بحال قدوم مولود جديد ع الأراضي البرازيلية بينمنح المولود الجنسية البرازيلية فورا و الأبوين بيحصلوا عليها بعد سنتين من ولادة الطفل.

في حال مضى على اقامتك في الأراضي البرازيلية 15 سنة تمنح الجنسية البرازيلية .

اذا كنت موظف بشركة برازيلية خلال 3 سنين بتحصل على الجنسية.

عن طريق تملك عقار خلال 3 أو 4 سنين بتقدر التقديم على الجنسية البرازيلية .

أو في حال تبني طفل برازيلي تحصل على الجنسية فوراً .

السكن :

الاقامة بالفنادق بتتراوح بين الـ 30 إلى 110 دولار لليلة الواحدة وأغلب الفنادق العادية 50 دولار .



آجار استديو غرفة وصالون 300 - 500 دولار شهرياً

آجار منزل مكون من 4 غرف وأكثر 400 – 600 شهرياً

الأفضل اذا كنت شب لحالك ممكن تستأجر مع مجموعة شباب لتكسب خبرة عملية اكتر وتتبادل خبرة الهجرة بالبرازيل وتوفر على حالك مبلغ الأجار لوحدك.

العمل:

-طبيعة العمل بالبلد: جيدة.

طبيعة العمل بالبرازيل الها عائد مادي منيح بالنسبة للمستثمرين السوريين بالدرجة الأولى.

مهن فيها شغل حلو .. السياحة مزدهرة خاصة ان البرازيل ستقيم مباريات كأس العالم على أراضيها العام المقبل.

تعتبر مدينة ساو باولو هي أكبر المدن الإقتصادية في البرازيل وفيها فرص عمل جيدة و بتعتبر هي الملجأ الأول للجاليات العربية والسوريين.

بتعتبر العاصمة غالية كتير ولا ما بتنعد منطقة جيدة للإستقرار بسبب غلا اجور المنازل والفنادق .

المدن الشمالية هي الأرخص من حيث المعيشة.

العمل دائما في القطاع الخاص وممكن تعمل بالمطاعم وبشكل عام إذا ما كنت متقن للغة البرتغالية الراتب بكون أقل, يتراوح من 550 لـ 700 دولار شهرياً أما إذا كنت متقن الغة ممكن يوصل راتبك كحد أدنى 1000 دولار شهرياً .

ميزانية المشاريع كحد أدنى 75 ألف دولار لتسجيل المشروع بشكل رسمي بالبرازيل وهاد الشي بيساعد بالتسريع لمنحك الاقامة الدائمة.

السوريين بالبرازيل بيشكلوا رابع أكبر جالية بعد الألمان .. والثانية بين الجاليات العربية بعد اللبنانيين يعني بتقدر تحصل على عمل عند سوري وممكن يساعدك لو كان شغلك كويس ..

اللغة:

البرتغالية بالدرجة الأولى.

الإسبانية متداولة ومنتشرة بشكل كبير وهي لغة رسمية ببعض مناطق البرازيلية .

الإنجليزية بالدرجة الثالثة.

المصروف:

- وسطي المصروف للشخص العزابي من اكل وحاجات يومية: 400 دولار شهرياً
- وسطي المصروف لعيلة مكونة من 4 اشخاص من اكل وحاجات 800 دولار شهرياً

الدراسة:

مرحلة ماقبل المدرسة : التعليم اختياري وهو لمساعدة الولاد على التعلم دون سن 6 سنوات وما في أي مشكلة بالقبول .

التعليم الأساسي:

التعليم الأساسي إلزامي للأطفال من سن 6-14. والهدف من هالمرحلة هو ضمان معرفة القراءة والكتابة بشكل عامة، والشرط المسبق الوحيد للتسجيل بالسنة الأولى هي أن الطفل لازم يكون عمرو 6 سنين، ولكن بعض أنظمة التعليمتسمح للأطفال يلي عمرهون اقل من ال 6 سنين إلى للانخراط بالسنة الأولى

التعليم الثانوي : التعليم الثانوي 3 سنين وبحد ادنى 2200 ساعة من الدورات الدراسية عمدى 3 سنين.

التعليم العالي : التعليم العالي بالبرازيل بيكون تحت إشراف وزارة التعليم العالي والجامعي وهي كل ياتها بتخضع للمجلس الفيدرالي .

الإلتحاق بالجامعات البرازيلية بيكون بعد ما تساوي إختبار قبول جامعي و بيكون فيها بالدرجة الأولى امتحان للغة البرتغالية شامل لكل المواد بالنسبة لطلاب السنة الأولى .

أما يلي بدو يكمل لازم يجيب معو طلب نقل من جامعتو الأساسية يلي بلش فيها وبيعمل فحص لغة كمان

ويلي معو ديبلوم لازم يعدلو باحد جامعات الدولة حصراً والتعديل غالبا هو عبارة عن فحص لغة كمان ..

يعني المفتاح هو اللغة .. تعلم لغة وقول يارب ..

وبعد الحصول على البكالوريوس بيقوم خريجي كليات الطب والحقوق والإدارة بأداء اختبار على مستوى الدولة ككل قبل الإنخراط بسوق العمل.

تعتبر جامعة ساو باولو من أكبر الجامعات بالبرازيل و الأقوى علمياً .

العملة المحلية:

العملة الريال البرازيلي

كل دولار واحد بيساوي 2.25 ريال برازيلي.

الطعام:

الأكل في البرازيل بيختلف من منطقة لتانية حسب المناخ بهديك الولاية وأصل السكان فيها ..

المطبخ البرازيلي هو مزيج من المأكولات الأوروبية والأفريقيه و الاصليه, الوجبه الاساسية بالبرازيل بتتكون من الرز والفول واللحوم .

اللحوم رخيصة و سعرها متل سعر الخضرة .

حجز الطيران:

عن طريق مكاتب حجز بطاقات السفر.

نصائح عامة:

اذا ما بتحكي برتغالي او انكليزي الأفضل انك ما تطلع لهنيك، و اذا اجيت حط ببالك تتعلمها بست شهور بلالك هالسفرة من اصلها ...

الشعب البرازيلي ودود ومسالم ومن اهم ميزاته انو عندو فكرة جيدة عن العرب اجمالاً و بيعرفو العرب بالوسامة والأخلاق.

سمعة السوريين: سمعة السوريين بشكل عام ممتازة و بعكس اوروبا بيحبونا كتير لذلك حافظ على سمعتك ليبقو واثقين فيك.


 
أعلى