زواج المصـري مـن مغربيــة بالمغــرب ، وشروط الإقامة بالمغرب
زواج المصـري مـن مغربيــة بالمغــرب ، وشروط الإقامة بالمغرب
زواج المصـري مـن مغربيــة بالمغــرب ، وشروط الإقامة بالمغرب
السلام عليكم ورحمة الله
أحبتي الكرام
لقد من الله علي بإن يتم عقد الزواج في المغرب الشهر الماضي إبريل 2009 والحمد لله
ونظرا لصعوبات وعدم فهم مطالب الأوراق لإتمام الزواج داخل المغرب
أحببت إفادة الذين يرغبون بإتمام الزواج داخل المغرب - من خلال تجربتي
والموضوع يشمل ثلاث محاور إن شاء الله :
أولا:أوراق تجيبها معاك من مصر
شهادة حسن السير والسلوك (الفيش والتشبية)
المكان : قسم الشرطة التابع لك في مصر التسليم بعد يوم
التصديقات : وزارة الخارجية المصرية
التكلفة : 12 جنية للفيش و 11 جنيه لتصديق وزارة الخارجية المصرية
------------------------------------------------------------------------------------------------------
شهادة ميلاد كمبيوتر مصدقة من وزارة الخارجية المصرية
التصديقات : تختم من الأحوال المدنية ثم من وزارة الخارجية المصرية
التكلفة : 7 جنيهات لشهادة الميلاد و 11 جنية تصديق وزارة الخارجية المصرية
------------------------------------------------------------------------------------------------------
قيد الفردي
لازم تطلع الأول قيد عائلي من قسم الشرطة في مصر وعلى أساسه بيطلع القيد الفردي بتشترية بجنية ونص من البوسطة وتشتري طابع بجنيه ونص من مركز الشرطة وتملا الطلب اللي هيكون مع القيد الفردي وتسلمهم لقسم الشرطة والاستلام يكون في اليوم التالي
التصديقات : تختم من وزارة الخارجية المصرية
التكلفة : 11 جنية تصديق وزارة الخارجية المصرية
------------------------------------------------------------------------------------------------------
شهادة تبين المهنة والدخل حديثة العهد
التصديقات : وزارة الخارجية
------------------------------------------------------------------------------------------------------
صورة من شهاده الإقامه (إذا كنت تعمل وتقيم في الخارج - غير مطلوبة في حالة الإقامة بمصر)
------------------------------------------------------------------------------------------------------
صور فوتوغرافية حديثة
------------------------------------------------------------------------------------------------------
ثانياً: أوراق هتعملها في المغرب (الرباط) لما توصل بالسلامة :
حاول تكون قدام السفارة المصرية بالرباط الساعة 9 صباحا وتقدم أوراقك للحصول على شهادة الكفاءة
وشهادة الجنسية هيقولولك تيجي الساعه 2 ونص بعد الظهر...دلوقتي تطلع على وزارة العدل بالرباط علشان تحصل على شهادة من هناك بخلوك من الأحكام وتستلمها الساعة 12 ظهرا وبعدين تروح تتغدى والساعة 2 ونص تروح للسفارة المصرية تستلم شهادة الكفاءة وشهادة الجنسية (الاثنين مع بعض )
شهادة الكفائة :
المكان : السفارة المصرية في الرباط
الأوراق : 1- صورة من شهادة الميلاد ( اعطيهم الصورة لأنك هتحتاج الأصل في المحكمة )
2- صورة من جواز السفر
3- صورة من شهادة حسن السير والسلوك (الفيش والتشبيه) ( اعطيهم الصورة لأنك هتحتاج الأصل في المحكمة )
4- القيد الفردي اللي جبته معاك من مصر
5- صورة من بطاقة التعريف الوطنية للزوجة
تكلفة شهادة الكفاءة : 230 درهم مغربي
ملاحظة:لابد من حضور الزوجة معك داخل السفارة المصرية....التقديم بيكون الساعة 9 صباحاً والتسليم يكون الساعة 2:30 ظهراً
------------------------------------------------------------------------------------------------------
شهادة الجنسية
اطلبها من السفارة المصرية في المغرب مع شهادة الكفاءة بدون أي أوراق
تكلفة شهادة الجنسية : 230 درهم مغربي
------------------------------------------------------------------------------------------------------
شهادة من السجل العدلي المركزي الخاص بالأجانب بالرباط
هذه الشهادة الغرض منها أنه ليست عليك أحكام في الدولة
المكان : وزارة العدل المغربية في الرباط
الأوراق : صورة من شهادة الميلاد المصدقة
صورة من جواز السفر
طابع بقيمة 10 درهم
-الاستلام يكون بعد الساعة 12 ظهرا
------------------------------------------------------------------------------------------------------
ثالثاً: أوراق هتعملها في المغرب (بلد الزوجة)
طلب الى السيد القاضي الاسرة المكلف بالزواج
يكتب عند أي كاتب عمومي في المغرب ولازم تكتب في آخر الطلب اسم العدول ( المأذون )
التكلفة : 20 درهم مغربي
------------------------------------------------------------------------------------------------------
شهادة طبية تثبت خلو الزوج من الأمراض المعدية ( من عند أي طبيب داخل المغرب )
تسلم في نفس الوقت
التكلفة : 100 درهم مغربي
------------------------------------------------------------------------------------------------------
شهادة طبية تثبت أن الزوجة غير حامل ( من عند أي طبيب داخل المغرب )
تسلم في نفس الوقت
التكلفة : 100 درهم مغربي
------------------------------------------------------------------------------------------------------
صورة من بطاقة التعريف الوطنية وصورة من الصفحة التي فيها دخولك للمغرب (صفحة الفيزا ) وصورة جواز السفر
التصديقات : تصديق من أي مقاطعة داخل المغرب (بيسموها إيجاليزاسيون )
التكلفة : 2 درهم للورقة الواحدة
-الاستلام يكون بعد نص ساعة أو ساعة أو يوم على حسب
------------------------------------------------------------------------------------------------------
------------------------------------------------------------------------------------------------------
------------------------------------------------------------------------------------------------------
الاوراق المتعلقة بالزوجة :
4- نسخ من شهادة الميلاد (عربي فرنسي )
4- صورلبطاقة التعريف الوطنية
- شهادة السكنة
- شهادة حسن السيرة والسلوك
- شهادة الخطوبة تمنح من شيخ الحي وتوثق في المقاطعة
3- صور فوتوغرافية حديثة
------------------------------------------------------------------------------------------------------
------------------------------------------------------------------------------------------------------
------------------------------------------------------------------------------------------------------
كل تلك الاوراق بتقدمها للمحكمة في أي بلد انت فيها
بيطلبو منك تروح للشرطه علشان تعمل بحث عنك ( تروح للشرطة انتا وعروستك هياخدو منكم كلمتين كده ودي حاجة عادية وبعدها بتروح للعمالة وبيسألوك كام سؤال كده برضو )
طيب ياعم طارق ايه الأسئلة دي
أسئلة عادية جدا
اسمك واسمها
ازاى عرفتو بعض
على الانترنت بقى او زي ما تحب
سؤال عن اهلها وأهلك
كام أخ كام أخت
بيدرسو ايه
كلام كده عادي وحضر نفسك ليه ومفيهوش اى مشكلة
ونفس الكلام تقريبا فى العمالة
هيطلبو منك شهادة تثبت أنها غير حامل (طبعا تكون محضر الشهادة )
وأخيرا بعد يومين تقريباً بتروح للشرطه وتسأل عن البحث بتاعك وهم بيودوه للمحكمة اللي انتا مقدم فيها الأوراق
------------------------------------------------------------------------------------------------------
------------------------------------------------------------------------------------------------------
------------------------------------------------------------------------------------------------------
وفي النهايه بتحصل من المحكمة على ورقتين (إذن بالزواج )
------------------------------------------------------------------------------------------------------
------------------------------------------------------------------------------------------------------
------------------------------------------------------------------------------------------------------
يعني كل الدوخة دي علشان الإذن بالزواج --- معلش ههههههههههههههه
------------------------------------------------------------------------------------------------------
------------------------------------------------------------------------------------------------------
------------------------------------------------------------------------------------------------------
وبتاخد الورقتين وتطلع مباشرة على المأذون وبتكتب الكتاب وألف مبروووووووك وعقبال كل عريس
------------------------------------------------------------------------------------------------------
------------------------------------------------------------------------------------------------------
------------------------------------------------------------------------------------------------------
الله يوفق كل من يرغب الزواج
إذا فيها أي سؤال أو استفسار لا تترد في المراسلة
##########
جزاكم الله خيرا
نسألكم الدعاء
نكمل من بعد كلام أخونا المسافر
بسم الله الرحمن الرحيم
فى حاجة مهمة جدا كتير اوي بينسوها لكنها مهمة
عقد الزواج لازم يتوثق من المحكمة الإبتدائية وإتأكد من كده
ممكن تروح لوحدك او العدول يتكلف بيها ولكن متنسهاش
لأن العدول كتير اوي بينساها
عموما الموضوع سهل جدا
انت هتروح للمحكمة الإبتدائية وتقولهم انا عايز اسجل عقد الزواج
هتطلع فوق لمكتب مختص ، هياخد منك العقد والباسبور بتاعك
وتستنى من 10 دقائق إلـى 30 دقيقة وبعدين يخرجلك عقد الزواج موثق
طيب فين هيكون التوثيق ده ؟
هيكون التوثيق ده فى ظهر عقد الزواج
اى فى الصفحة من الخلف
وياريت العدول يتكلف بيه لأنك هتحتاج طابع يتلزق عليه من قدام
طبعا كده او كده هيكون فى عدول متكلف بالموضوع ده
طيب يعني ايه العدول ؟
العدول ده يا سيدي هو المأزون اللى هيجوزك
وياريت من دلوقتي تتعلم شوية مغربي من الزوجة ديالك
وديالك معناها ملكك او بتاعك
لأنك هتحتاج تتكلم مع بعض الناس ، أو على الأقل تبقي فاهم الناس دي بتقول ايه
لأنك هتبقى عامل زى الأطرش فى الزفة واسأل مجرب ههههههههههه
طبعا مش انا اللى جربت ( أنا بس متقولش لحد ولا تضحك عليا )
بعدين هتروح للسفارة ومن بعد لوزارة الخارجية علشان توثق وتسجل العقد
طبعا من أهم الأسئلة اللى بتيجي بعد كده
ازاى أحصل على الإقامة فى المغرب ؟
الإقامة فى المغرب صعبة جدا جدا جدا
واليكم بعض الحلول المجربة والمؤكدة والقانونية
رقم واحد :
انك تاخد زوجتك وترجع بلدك وتعطي للزوجة اللإقامة فى بلدك
وفي هذه الحالة أنت من حقك تاخد الإقامة فى المغرب
رقم 2 :
انك تفتح شركة فى المغرب
افتح شركة ؟
اها هيقولولك 10 مليون
هنا فى المغرب بيقولو على 10.000 درهم مليون
والمليون فى نفس الوقت يساوي الف دولار
خلي بالك من الكلمة دى لأنك هتسمعها كتير
وللمعلومة مش هينفع تشتغل فى المغرب من غير الإقامة
يعني حضرتك متفكرش فى عقد عمل
لأن القانون اتغير
طيب نخلينا فى المهم ويارب يكون كلامي بسيط وسهل
طيب يا عم طارق انا مش فاهم بصراحة افتح شركة ازاى
وايه المبلغ الكبير ده
هقولك سيبك من الكلام ده كلو وخليك مع أخوك
لأني دوخت السبع دوخات ودفعت فلوس كتير اوي علشان اعرف
وابعد عن اى نصاب يقولك انا هعملك شركة وعندي محامي كويس
والكلام الأهبل ده ، اللهم هل بلغت اللهم فأشهد
وللعلم مفيش محامي هيفيدك فى الكلام اللى بقولهولك ده لأني لفيت على كل المحامين ولا حد عرف يساعدني وكل ما تدخل مكان
تدفع 200 درهم حق الاستشارة ، لأني طبعا كنت بدخل لمحامين كبار
مش هنروح يا عم طارق بس قولنا نعمل ايه واحنا هندفعلك الفلوس بدل المحامين
طالما كده يبقي تمام
شوف يا سيدي
كل مدينة زى فاس مثلا او مكناس او اى مدينة ( وللمعلومة انا فى فاس )
هتروح حضرتك للمركز الجهوي للإستثمار
ده مشهور جدا لأن ده اللى هتبدأ فيه كل الورق الخاص بالشركة
اسمه كمان مرة ( المركز الجهوي للإستثمار )
طيب متعرفنا يا عم طارق احنا مطلوب مننا ايه بالظبط
هقولك علشان ميحصلكش زيي
انت مطلوب منك :
1- تعمل شركة
2- سجل ضريبي
3- بطاقة ضريبية
4- ترخيص ( وده أهم حاجة ) وهنقول ليه
علشان تفتح شركة لازم تكري حانوت
يعني لازم تأجر محل علشان يكون مقر الشركة
وممكن تأجر محل متر فى متر حتي
مفيش مشكلة المهم يكون عندك عقد كراء ( عقد ايجار )
ركز معايا بقي علشان هنا ممكن تقع فى النصب
علشان تأجر محل هتاخد صاحب المحل وتروح لكاتب عمومي
يكتب ليكم عقد الايجار وفيه بياناتك وبيانات صاحب المحل
وخلي بالك من الشروط واى شرط مش عاجبك قبل الراجل ما يطبع الورقة تغيرو
واوعى تقول انك ناوي تسيب المحل او تاخدو شهرين ولا تلاتة
لأنو لو بـ 700 درهم فى الشهر هيقولك 1200
وبعدين ؟
الراجل هيطبع 3 نسخ
وهتروحو للدائرة اللى هي اجاليزيزاسيو
هتدخلو المكتب وهتمضى انت وصاحب المحل
وطبعا بتكون محضر صورة من جواز السفر
ودايما بتكون الصفحة اللى فيها رقم الجواز والصفحة التانية اللى فيها
الاسم والصورة والبيانات
ولو الباسبور الجديد هتكون الصفحة الأولي وصفحة الدخول أساسي طبعا
معايا ولا نمت ؟
صحصح انا بتكلم بالتفصيل علشان محدش يستغلك
والله ما حد هيقولك على الكلام ده لأنو كلفني ملايين فعلا
وصلنا لحد الدائرة اللى هي اجاليزيزاسيو
بعد ما الموظف يسجل البيانات ويجاليزي ( يوثق ) عقد الكراء ( الايجار )
هتاخد حضرتك نسخة ، وصاحب المحل نسخة
والنسخة التالتة هتكون فى الدائرة
خلاص كده ؟
لا هتخسر كتير
وانت فى نفس الدائرة قولو انا عايز اسجل العقد
هيحطلب تنبر 20 درهم ( طابع )
ويجاليزيه ، يعني يختم عليه وكده
بعدين هتاخد العقد وتسألو اروح اوثقو فيه
هتروح مكان تابع للضرايب بس انت هتسألو علشان يعرفك المكان
والعنوان علشان متتعبش زيي كده
ومهما يكون الناس غلسه معاك او الموظفين فكك منهم
خلص مصلحتك وخلي تعاملك مع الله تبارك وتعالى
هتروح تسجل العقد وتدفع 200 درهم
هتديهم العقد ويقولك تعالى خدو بكره
تروح هتاخد العقد ومعاه ورقة كمان كده هى دي التسجيل بتاعو
ومهمة جدا واوعى تنسى الخطوة دي
لحد هنا تمام
الموضوع مش صعب لكن اقرأ كلامي كويس هتفهم ان معظم الكلام نصايح والباقي خطوات
------------
وبعدين؟
هتروح للمركز الجهوي للإستثمار
هتدخل تقول انا عايز افتح شركة
هتاخد ورقة كده مكونة من 3 ورقات
هتملاهم بالبيانات بتاعك اللى فى جواز السفر
وطبعا هما باللغة الفرنسية ومتستغربش كل الورق هنا فرنساوي
ممكن لو ملكش فى الفرنسي تطلب من الموظف المختص يملاها
وهما ناس محترمة يعني
بعدين هتدفع كلام فاضي يعني 400 درهم ، ولو هتعمل اسم للشركة هتدفع من 100 الي 200 درهم
وبعدين هيقولك اتفضل وتعالى كمان يومين
هما هيعملولك السجل الضريبي من غير ما تتعب انت
وهتاخد نسخة من الورقة اللى هتملاها وتروح تجاليزيها
يعني توثقها واحفظ كلمة تجاليزيها دي كويس لأنك هتحتاجها فى كل حاجة
هتجاليزيها ( هتوثقها ) طبق الأصل
يعني بتاخد الأصل وبتاخد الصورة
وتروح تطلب من الموظف يجاليزيها يعني يديها 3 أختام
ودى يا ريت تعملها فى كل الورق المهم لأن لو ضاعت منك ورقة
هتبقى مشكلة كبيرة ، أنت دايما يكون عندك نسخ من كل الورق
سواء ورق الزواج او ورق الشركة
وهتوديها المركز الجهوي مرة تانية
هيقولك تعالى كمان يومين او تلاتة
وخليك سريع لأن هنا فى المغرب يومين ضايعين من الاسبوع
هما السبت والأحد ، كأنهم مش موجودين يعني متتوقعش تودي ورقة يوم الجمعة
وتيجي يوم الاثنين تلاقيها جاهزة
لا ، اعرف انهم هيبدأو يوم الاتنين يشوفو ورقتك
وممكن ناس تعطلك وناس تغلس ، خلي دايما لسانك كويس
واعمل عبيط لو معجبكش الكلام
بعد ما تخلص بقى الكلام ده كلو
اللى هو ايه يا عم طارق انا نسيت اسمك ههههههههههه ؟
1- عقد الكراء ( الايجار )
2- سجل ضريبي
3- بطاقة ضريبية
هتروح تكمل آخر ورقة ودي لوحدها ممكن تاخد شهرين زيي كده
ايه هي الورقة دي ؟
الترخيص
لو أخدت الترخيص ده يبقي من حقك الإقامة غصب عن اى حد
انا عارف انك عمال بتفكر فى الفيزا والوقت ده كلو
فى آخر الموضوع ان شاء الله انا هختصر كل ده وهقولك تعمل ايه
ومتحملش هم مفيش مشكلة خالص ان شاء الله
نرجع للترخيص
هتروح للبلدية ، هتسأل على البلدية الى انت تابع ليها على حسب مكانك فى المدينة
هتروح تسأل على المكتب الاقتصادي
هتطلع فوق توديلو الورق اللى معاك وتقولو عايز اعمل ترخيص
هيخليك تكتب اقرار ويديلك ورقة كده تملاها وتنزل تصورها
لما تيجي تصور ورق اسمو فوتو كوبي photo Copy
لأن هى دى الكلمة المستخدمة ،
وهيقولك روح وتعالى كمان كام يوم وتيجي يخليك تعمل ورقة كده
وبعدين عيييييييش يا معلم شهرين بقي
من البلدية للمعلم للقايد للعمالة للأمن الوطني وانت ماشى كده رايح وجاي
ودايما اسأل ومتتكسفش ، واعرف ان الأمن والعمالة مهمين وكل الورق بيروح عندهم
طيب بعد كده ده انا هستلم الورقة منين
هتستلمها من نفس المكتب بتاع البلدية ده ، الإقتصادي
يعني ممكن تمشي ورا الورقة بتاعك علشان تمشي وتتابعها وصلت لحد فين
بعد ما تستلمها مطلوب منك شوية حاجات من الأمن الوطني علشان الاقامة
1- 9 صور شخصية
2- شهادة بنكية ( هتروح للبنك تقولو انا عايز شهادة بنكية ) هيعملهالك وطبعا هتكون عامل حساب فى البنك ( من حقك تفتح حساب فى البنك لكن باليورو او الدولار مثلا ، مينفعش بالدرهم الا لما تخلص الاقامة )
3- عقد الايجار والتسجيل بتاعو
4- سجل ضريبي
5- بطاقة ضريبية
6- الترخيص ( المعلم الكبير )
7- تنبر بـ 100 درهم ( يعني طابع بـ 100 درهم وهتقولهم علشان البطاقة الشخصية أو كارت ناسيونال )
8- صورة من جواز السفر
9- الورقة الخاصة بالمركز الجهوي للإستثمار ( الورقة اللى مليتها أول ما روحت للمركز الجهوى علشان تعمل شركة ، علشان كده بقولك خلي عندك صور دايما من كل الورق )
10- التزام من الشخص اللى انت جالس عندو فى بيتو
ولو أنت مأجر شقة لازم تجيب عقد الايجار بتاعها
الورق ده هتعمل منو 3 نسخ
نسخة هتروح الدائرة تجاليزها ، ونسخة عادية
والنسخة التالتة خليها معاك ممكن تحتاجها فى اى شىء
الكلام لحد هنا سهل ؟
الحمد لله ، بس يارب متنسانيش من الدعاء
بعد ما تقدم الأوراق دي هيقولك تعالى كمان اسبوع او اسبوعين
هتاخد ورقة زي وصل كده دى شهادة الإقامة
علشان تقدر تمشي بيها من غير اى شىء وهيكون فيها رقم البطاقة
اما البطاقة بتاع الاقامة فدي بتتأخر شوية
يعني انا لحد دلوقتي مستلمتهاش ، لكن
الشهادة اللى هتاخدها دي لازم كل شهر تروح تختمها من الظهر
من المصلحة الخاصة بالأجانب فى الأمن الوطني
اللى انت قدمتلها كل الأوراق اللى فاتت دي
يارب مكونش نسيت حاجة ولو كنت نسيت فده من الشيطان
والتوفيق طبعا من الله عز وجل
-------
نيجي بقي لموضوع الفيزا واللى هتتسالى منك ( هتخلص منك )
هتعمل ايه سيادتك
خد مني الكام نصيحة دول وامشي عليهم
طبعا انت بتاخد الفيزا للمغرب لمدة شهر ومن بعض الدول بتكون شهرين
كلام جميل أوي
قبل ما تخلص بأسبوع هتروح للسفارة وتطلب تجديد الفيزا
هيملولك طلب كده وده من غير فلوس ، أكرر من غير فلوس
وهقولك دلوقتي عنوان السفارة المصرية فى الرباط
بعد ما تاخد الورقة دي علشان تمدد الفيزا هتروح للأمن الوطني
متروحش وزارة الخارجية ، أكرر متروحش وزارة الخارجية
ملهومش دعوة وده مش تخصصهم
عايز تتعب انت بقي انت حر أنا بقولك على الصح
المطلوب منك :
1- طلب تمديد الفيزا من السفارة بتاعك
2- صورة طبعا من جواز السفر
3- التزام من والد زوجتك انك جالس عندو لحد ما تخلص زواجك
وتروح الدائرة وتوثق الورقة دي ( أو اى شخص أنت قاعد عندو أو عقد الايجار لو انت مأجر شقة )
هتروح للأمن الوطني تديهم الورق ده وهما هيدولك 3 ورقات
لونهم فى الغالب بمبي ( هتملاهم ببياناتك ) وتديهم للأمن
طبعا هتملى الورق ده وأنت هناك واى حاجة مش فاهمها متكتبش فيها حاجة
اها فكرتوني ، حاجة مهمة جدا
لما تيجي تكتب الأرقام اوعى تكتبها بالمصري مثال : 12345789
واكتبها بالإنجليزي 12345789
ده فى كل الورق
بعد ما تتجوز وتحب تمدد الفيزا روح للأمن الوطني وهو يمددهالك
وأديلك معلومة مهمة ، بعد ما تتجوز مفيش حد هيقدر يقولك امشى من البلد
ولكن ليس لك الحق فى انك تعمل اى شىء قانوني يعني تكون مجرد ضيف
عنوان السفارة المصرية فى شارع الجزائر
وريح دماغك وقول وزارة الخارجية
ومن حسن الحظ ان وزارة الخارجية جنب السفارة المصرية عطول
وفى جنب السفارة المصرية واحد بيبيع سجاير وحلويات هههههههه
والمهم أنو بيعمل فوتو كوبي ( يعني تصوير مستندات )
يارب يكون كلامي واضح
ويارب مكونش نسيت حاجة
وهحاول ازودكم بعلومات عني من تليفون لإيميل علشان لو حد حب يسأل فى اى شىء
مش هقدر احط المعلومات احتراما لقوانين المنتدى
لكن هحط ملف تقدرو تحملوه
هذا ما اعطاني الله وأى اضافة ان شاء الله اضيفها فى الموضوع
فـــى رعاية الله
تحميل ملف صغير بالايميل والتليفون لأي استفسار
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]
ادي لنفسك ساعة واحدة وركز فى الكلام واقرأ بتأمل
ساعة هتقابلك فى 3 شهور
والله المستعان
وده عنوان الجروب على الفيس بوك وهو مختص بالمصريين فى المغرب
علشان نتواصل عليه كلنا واى استفسار نكون فيه كلنا
ونعرف أخبار بعض بأسرع وقت
Egypt in maroc مصريين فى المغرب
زواج المصـري مـن مغربيــة بالمغــرب ، وشروط الإقامة بالمغرب
زواج المصـري مـن مغربيــة بالمغــرب ، وشروط الإقامة بالمغرب
السلام عليكم ورحمة الله
أحبتي الكرام
لقد من الله علي بإن يتم عقد الزواج في المغرب الشهر الماضي إبريل 2009 والحمد لله
ونظرا لصعوبات وعدم فهم مطالب الأوراق لإتمام الزواج داخل المغرب
أحببت إفادة الذين يرغبون بإتمام الزواج داخل المغرب - من خلال تجربتي
والموضوع يشمل ثلاث محاور إن شاء الله :
أولا:أوراق تجيبها معاك من مصر
شهادة حسن السير والسلوك (الفيش والتشبية)
المكان : قسم الشرطة التابع لك في مصر التسليم بعد يوم
التصديقات : وزارة الخارجية المصرية
التكلفة : 12 جنية للفيش و 11 جنيه لتصديق وزارة الخارجية المصرية
------------------------------------------------------------------------------------------------------
شهادة ميلاد كمبيوتر مصدقة من وزارة الخارجية المصرية
التصديقات : تختم من الأحوال المدنية ثم من وزارة الخارجية المصرية
التكلفة : 7 جنيهات لشهادة الميلاد و 11 جنية تصديق وزارة الخارجية المصرية
------------------------------------------------------------------------------------------------------
قيد الفردي
لازم تطلع الأول قيد عائلي من قسم الشرطة في مصر وعلى أساسه بيطلع القيد الفردي بتشترية بجنية ونص من البوسطة وتشتري طابع بجنيه ونص من مركز الشرطة وتملا الطلب اللي هيكون مع القيد الفردي وتسلمهم لقسم الشرطة والاستلام يكون في اليوم التالي
التصديقات : تختم من وزارة الخارجية المصرية
التكلفة : 11 جنية تصديق وزارة الخارجية المصرية
------------------------------------------------------------------------------------------------------
شهادة تبين المهنة والدخل حديثة العهد
التصديقات : وزارة الخارجية
------------------------------------------------------------------------------------------------------
صورة من شهاده الإقامه (إذا كنت تعمل وتقيم في الخارج - غير مطلوبة في حالة الإقامة بمصر)
------------------------------------------------------------------------------------------------------
صور فوتوغرافية حديثة
------------------------------------------------------------------------------------------------------
ثانياً: أوراق هتعملها في المغرب (الرباط) لما توصل بالسلامة :
حاول تكون قدام السفارة المصرية بالرباط الساعة 9 صباحا وتقدم أوراقك للحصول على شهادة الكفاءة
وشهادة الجنسية هيقولولك تيجي الساعه 2 ونص بعد الظهر...دلوقتي تطلع على وزارة العدل بالرباط علشان تحصل على شهادة من هناك بخلوك من الأحكام وتستلمها الساعة 12 ظهرا وبعدين تروح تتغدى والساعة 2 ونص تروح للسفارة المصرية تستلم شهادة الكفاءة وشهادة الجنسية (الاثنين مع بعض )
شهادة الكفائة :
المكان : السفارة المصرية في الرباط
الأوراق : 1- صورة من شهادة الميلاد ( اعطيهم الصورة لأنك هتحتاج الأصل في المحكمة )
2- صورة من جواز السفر
3- صورة من شهادة حسن السير والسلوك (الفيش والتشبيه) ( اعطيهم الصورة لأنك هتحتاج الأصل في المحكمة )
4- القيد الفردي اللي جبته معاك من مصر
5- صورة من بطاقة التعريف الوطنية للزوجة
تكلفة شهادة الكفاءة : 230 درهم مغربي
ملاحظة:لابد من حضور الزوجة معك داخل السفارة المصرية....التقديم بيكون الساعة 9 صباحاً والتسليم يكون الساعة 2:30 ظهراً
------------------------------------------------------------------------------------------------------
شهادة الجنسية
اطلبها من السفارة المصرية في المغرب مع شهادة الكفاءة بدون أي أوراق
تكلفة شهادة الجنسية : 230 درهم مغربي
------------------------------------------------------------------------------------------------------
شهادة من السجل العدلي المركزي الخاص بالأجانب بالرباط
هذه الشهادة الغرض منها أنه ليست عليك أحكام في الدولة
المكان : وزارة العدل المغربية في الرباط
الأوراق : صورة من شهادة الميلاد المصدقة
صورة من جواز السفر
طابع بقيمة 10 درهم
-الاستلام يكون بعد الساعة 12 ظهرا
------------------------------------------------------------------------------------------------------
ثالثاً: أوراق هتعملها في المغرب (بلد الزوجة)
طلب الى السيد القاضي الاسرة المكلف بالزواج
يكتب عند أي كاتب عمومي في المغرب ولازم تكتب في آخر الطلب اسم العدول ( المأذون )
التكلفة : 20 درهم مغربي
------------------------------------------------------------------------------------------------------
شهادة طبية تثبت خلو الزوج من الأمراض المعدية ( من عند أي طبيب داخل المغرب )
تسلم في نفس الوقت
التكلفة : 100 درهم مغربي
------------------------------------------------------------------------------------------------------
شهادة طبية تثبت أن الزوجة غير حامل ( من عند أي طبيب داخل المغرب )
تسلم في نفس الوقت
التكلفة : 100 درهم مغربي
------------------------------------------------------------------------------------------------------
صورة من بطاقة التعريف الوطنية وصورة من الصفحة التي فيها دخولك للمغرب (صفحة الفيزا ) وصورة جواز السفر
التصديقات : تصديق من أي مقاطعة داخل المغرب (بيسموها إيجاليزاسيون )
التكلفة : 2 درهم للورقة الواحدة
-الاستلام يكون بعد نص ساعة أو ساعة أو يوم على حسب
------------------------------------------------------------------------------------------------------
------------------------------------------------------------------------------------------------------
------------------------------------------------------------------------------------------------------
الاوراق المتعلقة بالزوجة :
4- نسخ من شهادة الميلاد (عربي فرنسي )
4- صورلبطاقة التعريف الوطنية
- شهادة السكنة
- شهادة حسن السيرة والسلوك
- شهادة الخطوبة تمنح من شيخ الحي وتوثق في المقاطعة
3- صور فوتوغرافية حديثة
------------------------------------------------------------------------------------------------------
------------------------------------------------------------------------------------------------------
------------------------------------------------------------------------------------------------------
كل تلك الاوراق بتقدمها للمحكمة في أي بلد انت فيها
بيطلبو منك تروح للشرطه علشان تعمل بحث عنك ( تروح للشرطة انتا وعروستك هياخدو منكم كلمتين كده ودي حاجة عادية وبعدها بتروح للعمالة وبيسألوك كام سؤال كده برضو )
طيب ياعم طارق ايه الأسئلة دي
أسئلة عادية جدا
اسمك واسمها
ازاى عرفتو بعض
على الانترنت بقى او زي ما تحب
سؤال عن اهلها وأهلك
كام أخ كام أخت
بيدرسو ايه
كلام كده عادي وحضر نفسك ليه ومفيهوش اى مشكلة
ونفس الكلام تقريبا فى العمالة
هيطلبو منك شهادة تثبت أنها غير حامل (طبعا تكون محضر الشهادة )
وأخيرا بعد يومين تقريباً بتروح للشرطه وتسأل عن البحث بتاعك وهم بيودوه للمحكمة اللي انتا مقدم فيها الأوراق
------------------------------------------------------------------------------------------------------
------------------------------------------------------------------------------------------------------
------------------------------------------------------------------------------------------------------
وفي النهايه بتحصل من المحكمة على ورقتين (إذن بالزواج )
------------------------------------------------------------------------------------------------------
------------------------------------------------------------------------------------------------------
------------------------------------------------------------------------------------------------------
يعني كل الدوخة دي علشان الإذن بالزواج --- معلش ههههههههههههههه
------------------------------------------------------------------------------------------------------
------------------------------------------------------------------------------------------------------
------------------------------------------------------------------------------------------------------
وبتاخد الورقتين وتطلع مباشرة على المأذون وبتكتب الكتاب وألف مبروووووووك وعقبال كل عريس
------------------------------------------------------------------------------------------------------
------------------------------------------------------------------------------------------------------
------------------------------------------------------------------------------------------------------
الله يوفق كل من يرغب الزواج
إذا فيها أي سؤال أو استفسار لا تترد في المراسلة
##########
جزاكم الله خيرا
نسألكم الدعاء
نكمل من بعد كلام أخونا المسافر
بسم الله الرحمن الرحيم
فى حاجة مهمة جدا كتير اوي بينسوها لكنها مهمة
عقد الزواج لازم يتوثق من المحكمة الإبتدائية وإتأكد من كده
ممكن تروح لوحدك او العدول يتكلف بيها ولكن متنسهاش
لأن العدول كتير اوي بينساها
عموما الموضوع سهل جدا
انت هتروح للمحكمة الإبتدائية وتقولهم انا عايز اسجل عقد الزواج
هتطلع فوق لمكتب مختص ، هياخد منك العقد والباسبور بتاعك
وتستنى من 10 دقائق إلـى 30 دقيقة وبعدين يخرجلك عقد الزواج موثق
طيب فين هيكون التوثيق ده ؟
هيكون التوثيق ده فى ظهر عقد الزواج
اى فى الصفحة من الخلف
وياريت العدول يتكلف بيه لأنك هتحتاج طابع يتلزق عليه من قدام
طبعا كده او كده هيكون فى عدول متكلف بالموضوع ده
طيب يعني ايه العدول ؟
العدول ده يا سيدي هو المأزون اللى هيجوزك
وياريت من دلوقتي تتعلم شوية مغربي من الزوجة ديالك
وديالك معناها ملكك او بتاعك
لأنك هتحتاج تتكلم مع بعض الناس ، أو على الأقل تبقي فاهم الناس دي بتقول ايه
لأنك هتبقى عامل زى الأطرش فى الزفة واسأل مجرب ههههههههههه
طبعا مش انا اللى جربت ( أنا بس متقولش لحد ولا تضحك عليا )
بعدين هتروح للسفارة ومن بعد لوزارة الخارجية علشان توثق وتسجل العقد
طبعا من أهم الأسئلة اللى بتيجي بعد كده
ازاى أحصل على الإقامة فى المغرب ؟
الإقامة فى المغرب صعبة جدا جدا جدا
واليكم بعض الحلول المجربة والمؤكدة والقانونية
رقم واحد :
انك تاخد زوجتك وترجع بلدك وتعطي للزوجة اللإقامة فى بلدك
وفي هذه الحالة أنت من حقك تاخد الإقامة فى المغرب
رقم 2 :
انك تفتح شركة فى المغرب
افتح شركة ؟
اها هيقولولك 10 مليون
هنا فى المغرب بيقولو على 10.000 درهم مليون
والمليون فى نفس الوقت يساوي الف دولار
خلي بالك من الكلمة دى لأنك هتسمعها كتير
وللمعلومة مش هينفع تشتغل فى المغرب من غير الإقامة
يعني حضرتك متفكرش فى عقد عمل
لأن القانون اتغير
طيب نخلينا فى المهم ويارب يكون كلامي بسيط وسهل
طيب يا عم طارق انا مش فاهم بصراحة افتح شركة ازاى
وايه المبلغ الكبير ده
هقولك سيبك من الكلام ده كلو وخليك مع أخوك
لأني دوخت السبع دوخات ودفعت فلوس كتير اوي علشان اعرف
وابعد عن اى نصاب يقولك انا هعملك شركة وعندي محامي كويس
والكلام الأهبل ده ، اللهم هل بلغت اللهم فأشهد
وللعلم مفيش محامي هيفيدك فى الكلام اللى بقولهولك ده لأني لفيت على كل المحامين ولا حد عرف يساعدني وكل ما تدخل مكان
تدفع 200 درهم حق الاستشارة ، لأني طبعا كنت بدخل لمحامين كبار
مش هنروح يا عم طارق بس قولنا نعمل ايه واحنا هندفعلك الفلوس بدل المحامين
طالما كده يبقي تمام
شوف يا سيدي
كل مدينة زى فاس مثلا او مكناس او اى مدينة ( وللمعلومة انا فى فاس )
هتروح حضرتك للمركز الجهوي للإستثمار
ده مشهور جدا لأن ده اللى هتبدأ فيه كل الورق الخاص بالشركة
اسمه كمان مرة ( المركز الجهوي للإستثمار )
طيب متعرفنا يا عم طارق احنا مطلوب مننا ايه بالظبط
هقولك علشان ميحصلكش زيي
انت مطلوب منك :
1- تعمل شركة
2- سجل ضريبي
3- بطاقة ضريبية
4- ترخيص ( وده أهم حاجة ) وهنقول ليه
علشان تفتح شركة لازم تكري حانوت
يعني لازم تأجر محل علشان يكون مقر الشركة
وممكن تأجر محل متر فى متر حتي
مفيش مشكلة المهم يكون عندك عقد كراء ( عقد ايجار )
ركز معايا بقي علشان هنا ممكن تقع فى النصب
علشان تأجر محل هتاخد صاحب المحل وتروح لكاتب عمومي
يكتب ليكم عقد الايجار وفيه بياناتك وبيانات صاحب المحل
وخلي بالك من الشروط واى شرط مش عاجبك قبل الراجل ما يطبع الورقة تغيرو
واوعى تقول انك ناوي تسيب المحل او تاخدو شهرين ولا تلاتة
لأنو لو بـ 700 درهم فى الشهر هيقولك 1200
وبعدين ؟
الراجل هيطبع 3 نسخ
وهتروحو للدائرة اللى هي اجاليزيزاسيو
هتدخلو المكتب وهتمضى انت وصاحب المحل
وطبعا بتكون محضر صورة من جواز السفر
ودايما بتكون الصفحة اللى فيها رقم الجواز والصفحة التانية اللى فيها
الاسم والصورة والبيانات
ولو الباسبور الجديد هتكون الصفحة الأولي وصفحة الدخول أساسي طبعا
معايا ولا نمت ؟
صحصح انا بتكلم بالتفصيل علشان محدش يستغلك
والله ما حد هيقولك على الكلام ده لأنو كلفني ملايين فعلا
وصلنا لحد الدائرة اللى هي اجاليزيزاسيو
بعد ما الموظف يسجل البيانات ويجاليزي ( يوثق ) عقد الكراء ( الايجار )
هتاخد حضرتك نسخة ، وصاحب المحل نسخة
والنسخة التالتة هتكون فى الدائرة
خلاص كده ؟
لا هتخسر كتير
وانت فى نفس الدائرة قولو انا عايز اسجل العقد
هيحطلب تنبر 20 درهم ( طابع )
ويجاليزيه ، يعني يختم عليه وكده
بعدين هتاخد العقد وتسألو اروح اوثقو فيه
هتروح مكان تابع للضرايب بس انت هتسألو علشان يعرفك المكان
والعنوان علشان متتعبش زيي كده
ومهما يكون الناس غلسه معاك او الموظفين فكك منهم
خلص مصلحتك وخلي تعاملك مع الله تبارك وتعالى
هتروح تسجل العقد وتدفع 200 درهم
هتديهم العقد ويقولك تعالى خدو بكره
تروح هتاخد العقد ومعاه ورقة كمان كده هى دي التسجيل بتاعو
ومهمة جدا واوعى تنسى الخطوة دي
لحد هنا تمام
الموضوع مش صعب لكن اقرأ كلامي كويس هتفهم ان معظم الكلام نصايح والباقي خطوات
------------
وبعدين؟
هتروح للمركز الجهوي للإستثمار
هتدخل تقول انا عايز افتح شركة
هتاخد ورقة كده مكونة من 3 ورقات
هتملاهم بالبيانات بتاعك اللى فى جواز السفر
وطبعا هما باللغة الفرنسية ومتستغربش كل الورق هنا فرنساوي
ممكن لو ملكش فى الفرنسي تطلب من الموظف المختص يملاها
وهما ناس محترمة يعني
بعدين هتدفع كلام فاضي يعني 400 درهم ، ولو هتعمل اسم للشركة هتدفع من 100 الي 200 درهم
وبعدين هيقولك اتفضل وتعالى كمان يومين
هما هيعملولك السجل الضريبي من غير ما تتعب انت
وهتاخد نسخة من الورقة اللى هتملاها وتروح تجاليزيها
يعني توثقها واحفظ كلمة تجاليزيها دي كويس لأنك هتحتاجها فى كل حاجة
هتجاليزيها ( هتوثقها ) طبق الأصل
يعني بتاخد الأصل وبتاخد الصورة
وتروح تطلب من الموظف يجاليزيها يعني يديها 3 أختام
ودى يا ريت تعملها فى كل الورق المهم لأن لو ضاعت منك ورقة
هتبقى مشكلة كبيرة ، أنت دايما يكون عندك نسخ من كل الورق
سواء ورق الزواج او ورق الشركة
وهتوديها المركز الجهوي مرة تانية
هيقولك تعالى كمان يومين او تلاتة
وخليك سريع لأن هنا فى المغرب يومين ضايعين من الاسبوع
هما السبت والأحد ، كأنهم مش موجودين يعني متتوقعش تودي ورقة يوم الجمعة
وتيجي يوم الاثنين تلاقيها جاهزة
لا ، اعرف انهم هيبدأو يوم الاتنين يشوفو ورقتك
وممكن ناس تعطلك وناس تغلس ، خلي دايما لسانك كويس
واعمل عبيط لو معجبكش الكلام
بعد ما تخلص بقى الكلام ده كلو
اللى هو ايه يا عم طارق انا نسيت اسمك ههههههههههه ؟
1- عقد الكراء ( الايجار )
2- سجل ضريبي
3- بطاقة ضريبية
هتروح تكمل آخر ورقة ودي لوحدها ممكن تاخد شهرين زيي كده
ايه هي الورقة دي ؟
الترخيص
لو أخدت الترخيص ده يبقي من حقك الإقامة غصب عن اى حد
انا عارف انك عمال بتفكر فى الفيزا والوقت ده كلو
فى آخر الموضوع ان شاء الله انا هختصر كل ده وهقولك تعمل ايه
ومتحملش هم مفيش مشكلة خالص ان شاء الله
نرجع للترخيص
هتروح للبلدية ، هتسأل على البلدية الى انت تابع ليها على حسب مكانك فى المدينة
هتروح تسأل على المكتب الاقتصادي
هتطلع فوق توديلو الورق اللى معاك وتقولو عايز اعمل ترخيص
هيخليك تكتب اقرار ويديلك ورقة كده تملاها وتنزل تصورها
لما تيجي تصور ورق اسمو فوتو كوبي photo Copy
لأن هى دى الكلمة المستخدمة ،
وهيقولك روح وتعالى كمان كام يوم وتيجي يخليك تعمل ورقة كده
وبعدين عيييييييش يا معلم شهرين بقي
من البلدية للمعلم للقايد للعمالة للأمن الوطني وانت ماشى كده رايح وجاي
ودايما اسأل ومتتكسفش ، واعرف ان الأمن والعمالة مهمين وكل الورق بيروح عندهم
طيب بعد كده ده انا هستلم الورقة منين
هتستلمها من نفس المكتب بتاع البلدية ده ، الإقتصادي
يعني ممكن تمشي ورا الورقة بتاعك علشان تمشي وتتابعها وصلت لحد فين
بعد ما تستلمها مطلوب منك شوية حاجات من الأمن الوطني علشان الاقامة
1- 9 صور شخصية
2- شهادة بنكية ( هتروح للبنك تقولو انا عايز شهادة بنكية ) هيعملهالك وطبعا هتكون عامل حساب فى البنك ( من حقك تفتح حساب فى البنك لكن باليورو او الدولار مثلا ، مينفعش بالدرهم الا لما تخلص الاقامة )
3- عقد الايجار والتسجيل بتاعو
4- سجل ضريبي
5- بطاقة ضريبية
6- الترخيص ( المعلم الكبير )
7- تنبر بـ 100 درهم ( يعني طابع بـ 100 درهم وهتقولهم علشان البطاقة الشخصية أو كارت ناسيونال )
8- صورة من جواز السفر
9- الورقة الخاصة بالمركز الجهوي للإستثمار ( الورقة اللى مليتها أول ما روحت للمركز الجهوى علشان تعمل شركة ، علشان كده بقولك خلي عندك صور دايما من كل الورق )
10- التزام من الشخص اللى انت جالس عندو فى بيتو
ولو أنت مأجر شقة لازم تجيب عقد الايجار بتاعها
الورق ده هتعمل منو 3 نسخ
نسخة هتروح الدائرة تجاليزها ، ونسخة عادية
والنسخة التالتة خليها معاك ممكن تحتاجها فى اى شىء
الكلام لحد هنا سهل ؟
الحمد لله ، بس يارب متنسانيش من الدعاء
بعد ما تقدم الأوراق دي هيقولك تعالى كمان اسبوع او اسبوعين
هتاخد ورقة زي وصل كده دى شهادة الإقامة
علشان تقدر تمشي بيها من غير اى شىء وهيكون فيها رقم البطاقة
اما البطاقة بتاع الاقامة فدي بتتأخر شوية
يعني انا لحد دلوقتي مستلمتهاش ، لكن
الشهادة اللى هتاخدها دي لازم كل شهر تروح تختمها من الظهر
من المصلحة الخاصة بالأجانب فى الأمن الوطني
اللى انت قدمتلها كل الأوراق اللى فاتت دي
يارب مكونش نسيت حاجة ولو كنت نسيت فده من الشيطان
والتوفيق طبعا من الله عز وجل
-------
نيجي بقي لموضوع الفيزا واللى هتتسالى منك ( هتخلص منك )
هتعمل ايه سيادتك
خد مني الكام نصيحة دول وامشي عليهم
طبعا انت بتاخد الفيزا للمغرب لمدة شهر ومن بعض الدول بتكون شهرين
كلام جميل أوي
قبل ما تخلص بأسبوع هتروح للسفارة وتطلب تجديد الفيزا
هيملولك طلب كده وده من غير فلوس ، أكرر من غير فلوس
وهقولك دلوقتي عنوان السفارة المصرية فى الرباط
بعد ما تاخد الورقة دي علشان تمدد الفيزا هتروح للأمن الوطني
متروحش وزارة الخارجية ، أكرر متروحش وزارة الخارجية
ملهومش دعوة وده مش تخصصهم
عايز تتعب انت بقي انت حر أنا بقولك على الصح
المطلوب منك :
1- طلب تمديد الفيزا من السفارة بتاعك
2- صورة طبعا من جواز السفر
3- التزام من والد زوجتك انك جالس عندو لحد ما تخلص زواجك
وتروح الدائرة وتوثق الورقة دي ( أو اى شخص أنت قاعد عندو أو عقد الايجار لو انت مأجر شقة )
هتروح للأمن الوطني تديهم الورق ده وهما هيدولك 3 ورقات
لونهم فى الغالب بمبي ( هتملاهم ببياناتك ) وتديهم للأمن
طبعا هتملى الورق ده وأنت هناك واى حاجة مش فاهمها متكتبش فيها حاجة
اها فكرتوني ، حاجة مهمة جدا
لما تيجي تكتب الأرقام اوعى تكتبها بالمصري مثال : 12345789
واكتبها بالإنجليزي 12345789
ده فى كل الورق
بعد ما تتجوز وتحب تمدد الفيزا روح للأمن الوطني وهو يمددهالك
وأديلك معلومة مهمة ، بعد ما تتجوز مفيش حد هيقدر يقولك امشى من البلد
ولكن ليس لك الحق فى انك تعمل اى شىء قانوني يعني تكون مجرد ضيف
عنوان السفارة المصرية فى شارع الجزائر
وريح دماغك وقول وزارة الخارجية
ومن حسن الحظ ان وزارة الخارجية جنب السفارة المصرية عطول
وفى جنب السفارة المصرية واحد بيبيع سجاير وحلويات هههههههه
والمهم أنو بيعمل فوتو كوبي ( يعني تصوير مستندات )
يارب يكون كلامي واضح
ويارب مكونش نسيت حاجة
وهحاول ازودكم بعلومات عني من تليفون لإيميل علشان لو حد حب يسأل فى اى شىء
مش هقدر احط المعلومات احتراما لقوانين المنتدى
لكن هحط ملف تقدرو تحملوه
هذا ما اعطاني الله وأى اضافة ان شاء الله اضيفها فى الموضوع
فـــى رعاية الله
تحميل ملف صغير بالايميل والتليفون لأي استفسار
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]
ادي لنفسك ساعة واحدة وركز فى الكلام واقرأ بتأمل
ساعة هتقابلك فى 3 شهور
والله المستعان
وده عنوان الجروب على الفيس بوك وهو مختص بالمصريين فى المغرب
علشان نتواصل عليه كلنا واى استفسار نكون فيه كلنا
ونعرف أخبار بعض بأسرع وقت
Egypt in maroc مصريين فى المغرب
عشره على عشر يا طارق
