مراحب للجميع ..
قبل حوالي أسبوعين عبّيت استمارة طلب التقديم للتأشيرة الأمريكية من خلال الانترنت وعطوني موعد محدد في يوم الثلاثاء الموافق 26 يونيو 2012 الساعة 8:45 صباحاً ،، عموماً قبلها بيوم ( يعني يوم أمس ) تأكدت من أوراقي إنها كاملة وجاهزة وكل المتطلبات موجودة وشديت الرحال اليوم للسفارة الأمريكية الموجودة في المنامة ..
طبعاً الإجراءات سهلة جداً في البداية تفتيش وتخلي أغراضك على جنب وبعدها تنطلق إلى غرفة الانتظار ،، راح ينادونك ويعطونك بطاقة ( زائر ) بعدها تطلع من المبنى اللي انت فيه إلى مبنى آخر مجاور فيه قاعة انتظار لإنهاء إجراءات التأشيرة + المقابلة ..
أول ما تدخل هذه القاعة تروح كونتر رقم 1 وتقدم له مبلغ ( 60 دينار بحريني ونصف / أي ما يعادل 605 ريال سعودي ) وتقدم له الأوراق المطلوبة وأهم شي طبعاً جواز السفر .. بعدها راح يعطيك رقم وكان رقمي ( 7 ) ،، بعدها ترتجع تنظر وكلها دقايق بسيطة وينادونك خاصة الوقت اللي انا كنت فيه القاعة كانت فاضية فيه ما في إلا 4 مراجعين ..
لما حان دوري نادوا على رقمي ورحت كونتر رقم 4 ،، قدمت لهم الرصيد اللي عطاني إياه كونتر رقم 4 ،، طبعاً المعلومات كلها موجودة عند اللي راح تقابلك في الجهاز نفسه وطبعاً تبدأ الأسئلة الخفيفة باللغة الانجليزية لازم ،، وكلها أسئلة خفيفة ان ليش راح تروح هناك ووين بالضبط وتاخذ شيء من معلوماتك الموجودة في الجهاز عندها مثل مكان عملك وشغلات من هالقبيل .. كل شي تمام التمام وتضحك معاي والأمور طيبة ..
في الأخير عطتني ورقة طويلة تفيد بأن الطلب تم رفضه وعطتني الجواز (((( ولكن )))) لا شيء يدل على أن الطلب تم رفضه بمعنى الرفض ،، أي إنها لما سلمت لي الورقة بالإضافة إلى الجواز والرصيد قالت لي (( تعال راجعنا بعد حوالي 4 أسابيع وعطنا هذه الأوراق ( تقصد ورقة الرفض وورقة الرصيد ) وورقة الرفض مكتوب عليها التاريخ وسبب الرفض وطبعاً السبب أكيد بكون غير مقنع ،، لا والأدهى والأمر إن عمّي يشتغل مسئول مع بعثة دول مجلس التعاون في مقر الأمم المتحدة في نيويورك ،، وأموري طيبة بشكل عام ،، وطبعاً هي ما حددت بالضبط شنو سبب الرفض ولكن حطت لي علامة ( × ) على أول خانة اللي تفيد بأن بعض شروط تسليم الاستمارة لا تنطبق علي !!
وكانت ابتسامتها مستمرة لدرجة إنها لما عطتني أوراقي كانت تقول لي ارجع لنا بعد 4 اسابيع مع الأوراق المطلوبة والجواز ،، وانا قلت لها على طول أوكي ثانيكو ،، شكيت بالموضوع وانا طالع حصلت لي واحد بحريني سألته عن السالفة قال لي ( إنها طبيعية ) تحدث مع الجميع وراجعهم بعد 4 أسابيع وأمورك راح تكون طيبة !! عموماً انا لحد هذه اللحظة مادري أن الطلب تم رفضه لأن حضرة جناب اللي قابلتني ما قالت لي ،، لما رجعت المكتب ( مقر عملي ) وقمت أقرا الورقة اللي عطوني إياها اكتشفت أن مكتوب فيها أن عذراً تم رفض طلبك بسبب العذر المدوّن أدناه وكلام من هالقبيل !!
الحين انا ابي أعرف شلون الإجراء ؟؟ هل أخذ موعد من جديد عن طريق الانترنت ؟؟ ولا اروح بعد 4 أسابيع مثل ما قالوا لي !!
والله العظيم يا ناس من طريقة كلامها بيّنت لي أن طلبي تم الموافقة عليه وتعال لنا بعد 4 أسابيع وما في داعي إنك تدفع مرة ثانية أهم شي يـيـب الرصيد معاك ،، حسبي الله عليها ..
أتمنى تفيدوني أخواني .. ومشكورين بس مقهور لأن كانت سفرتي 14 أغسطس الحين بضطر أخليها في شهر أكتوبر لأن 100% الفيزا ما راح تجهز خلال هالفترة.
قبل حوالي أسبوعين عبّيت استمارة طلب التقديم للتأشيرة الأمريكية من خلال الانترنت وعطوني موعد محدد في يوم الثلاثاء الموافق 26 يونيو 2012 الساعة 8:45 صباحاً ،، عموماً قبلها بيوم ( يعني يوم أمس ) تأكدت من أوراقي إنها كاملة وجاهزة وكل المتطلبات موجودة وشديت الرحال اليوم للسفارة الأمريكية الموجودة في المنامة ..
طبعاً الإجراءات سهلة جداً في البداية تفتيش وتخلي أغراضك على جنب وبعدها تنطلق إلى غرفة الانتظار ،، راح ينادونك ويعطونك بطاقة ( زائر ) بعدها تطلع من المبنى اللي انت فيه إلى مبنى آخر مجاور فيه قاعة انتظار لإنهاء إجراءات التأشيرة + المقابلة ..
أول ما تدخل هذه القاعة تروح كونتر رقم 1 وتقدم له مبلغ ( 60 دينار بحريني ونصف / أي ما يعادل 605 ريال سعودي ) وتقدم له الأوراق المطلوبة وأهم شي طبعاً جواز السفر .. بعدها راح يعطيك رقم وكان رقمي ( 7 ) ،، بعدها ترتجع تنظر وكلها دقايق بسيطة وينادونك خاصة الوقت اللي انا كنت فيه القاعة كانت فاضية فيه ما في إلا 4 مراجعين ..
لما حان دوري نادوا على رقمي ورحت كونتر رقم 4 ،، قدمت لهم الرصيد اللي عطاني إياه كونتر رقم 4 ،، طبعاً المعلومات كلها موجودة عند اللي راح تقابلك في الجهاز نفسه وطبعاً تبدأ الأسئلة الخفيفة باللغة الانجليزية لازم ،، وكلها أسئلة خفيفة ان ليش راح تروح هناك ووين بالضبط وتاخذ شيء من معلوماتك الموجودة في الجهاز عندها مثل مكان عملك وشغلات من هالقبيل .. كل شي تمام التمام وتضحك معاي والأمور طيبة ..
في الأخير عطتني ورقة طويلة تفيد بأن الطلب تم رفضه وعطتني الجواز (((( ولكن )))) لا شيء يدل على أن الطلب تم رفضه بمعنى الرفض ،، أي إنها لما سلمت لي الورقة بالإضافة إلى الجواز والرصيد قالت لي (( تعال راجعنا بعد حوالي 4 أسابيع وعطنا هذه الأوراق ( تقصد ورقة الرفض وورقة الرصيد ) وورقة الرفض مكتوب عليها التاريخ وسبب الرفض وطبعاً السبب أكيد بكون غير مقنع ،، لا والأدهى والأمر إن عمّي يشتغل مسئول مع بعثة دول مجلس التعاون في مقر الأمم المتحدة في نيويورك ،، وأموري طيبة بشكل عام ،، وطبعاً هي ما حددت بالضبط شنو سبب الرفض ولكن حطت لي علامة ( × ) على أول خانة اللي تفيد بأن بعض شروط تسليم الاستمارة لا تنطبق علي !!
وكانت ابتسامتها مستمرة لدرجة إنها لما عطتني أوراقي كانت تقول لي ارجع لنا بعد 4 اسابيع مع الأوراق المطلوبة والجواز ،، وانا قلت لها على طول أوكي ثانيكو ،، شكيت بالموضوع وانا طالع حصلت لي واحد بحريني سألته عن السالفة قال لي ( إنها طبيعية ) تحدث مع الجميع وراجعهم بعد 4 أسابيع وأمورك راح تكون طيبة !! عموماً انا لحد هذه اللحظة مادري أن الطلب تم رفضه لأن حضرة جناب اللي قابلتني ما قالت لي ،، لما رجعت المكتب ( مقر عملي ) وقمت أقرا الورقة اللي عطوني إياها اكتشفت أن مكتوب فيها أن عذراً تم رفض طلبك بسبب العذر المدوّن أدناه وكلام من هالقبيل !!
الحين انا ابي أعرف شلون الإجراء ؟؟ هل أخذ موعد من جديد عن طريق الانترنت ؟؟ ولا اروح بعد 4 أسابيع مثل ما قالوا لي !!
والله العظيم يا ناس من طريقة كلامها بيّنت لي أن طلبي تم الموافقة عليه وتعال لنا بعد 4 أسابيع وما في داعي إنك تدفع مرة ثانية أهم شي يـيـب الرصيد معاك ،، حسبي الله عليها ..
أتمنى تفيدوني أخواني .. ومشكورين بس مقهور لأن كانت سفرتي 14 أغسطس الحين بضطر أخليها في شهر أكتوبر لأن 100% الفيزا ما راح تجهز خلال هالفترة.