الهوليدي ان في الخبر للأسف قمة الإستهتار
لما وصلت انتظرت ساعة عشان يطلعون الشنط وبعد ساعة نزلت للاستقبال اسئلهم ليش التاخير
نزلت عشان مافيه احد يرد على التلفون ولما نزلت كان فيه شخص واحد وعندة زحمة ؟؟؟؟؟؟شخص واحد في الاستقبال.
دخلت الحمام اعزكم الله حصلت في احد الفوط دم ،نزلت تكلمت محد عطاني وجه بس اسفين بنرسلك فوط غيرها
في اليوم الثاني طلعت من الفندق وقلت للأستقبال انا طالع وابغى احد ينظف الغرفه قالو سممممم
ابشر ولما رجعت مااحد حرك ساكن !!
والادها من هذا كله الغلاية حقت الشاي أوووه مصدية وريحتها تقرف وبعد ثلاث اتصالات جا عامل النظافه وقال ممكن ادخل عندك في الحمام عشان انضفها !!! اقسم بالله قهرني قلت رح خلاص.
لا وفي الفطور لما طلبت مويه قالوا ادفع !!!
بالله ليش الاستخفاف بالناس بس اهم شي عندهم سحب هالفلوس
ولما جيت اطلع جو على طول يشيكون على الثلاجه والله شي مضحك.
والله هذا اللي حصل معي لاكن مااقول الا حسبي الله ونعم الوكيل.
