فكرت في تجربة الولادة في امريكا
فكرت انك تولد ابنك فى امريكا؟
فكرت انه ياخد الجنسية الامريكية ويكون معاه باسبور امريكى؟ طيب خلينى انقلكم تجربة الولادة فى امريكا عشان لو حد حابب يستفيد منها.
فى امريكا انت ممكن تولد فى مستشفى او تولد فى مركز خاص وده بيكون للولادة الطبيعى فقط طيب ايه الفرق بينهم؟؟ المركز الخاص بيستخدم معاك كل الادوات الطبيعية عشان تولد طبيعى ومفهوش ولادة قيصرى وطبعا بيكون ارخص كتير يعنى من ٥ ل ٦ الاف دولار، طيب افرض لاقدر الله الحالة كانت صعبة ومحتاجة تحويل للمستشفى فالحالة دى انت هتدفع للمستشفى وللمركز فطبعا انا اخترت المستشفى اضمن وعشان مدفعش للاتنين.
تكلفة المستشفيات في امريكا
المستشفيات هناك تكلفتها بتكون اكتر من ٢٠ الف دولار بس انت لما بتدفع كاش بتنزل ل ١٠ او ١٢ الف (حسب الولاية)، انت والديل اللى عامله معاهم. وطبعا قبلها انت بتروح المستشفى وتبلغهم انك ملكش تامين وعاوز تدفع وهتدفع كاش عشان تاخد خصم كويس.
اوعى حد يقولك تعالى اعملك تامين، طيب اية الكارثة اللى ممكن تحصل؟؟ فى ناس فالمستشفيات بيستغلوا الموقف و يقولك تعالى هنعملك تامين ، طبعا...
