زيارة انديانا بوليس ولاية انديانا

  • بادئ الموضوع بادئ الموضوع hearty
  • تاريخ البدء تاريخ البدء

hearty

:: مسافر ::
إنضم
24 سبتمبر 2012
المشاركات
249
مستوى التفاعل
11
النقاط
18
العمر
63
الإقامة
united arab emirates
السلام عليكم ورحمة الله وبركاته
مثل ماوعدناكم بالتدوينة السابقة راح نحكيكم عن المدن اللي زرناها بإجازتنا تذكرون سالفة المنطاد بمدينة سموكي ماونتن ؟ تقدرون تشوفون فديو له “هنا”
مدينتنا اليوم هي indianapolis ” انديانا بوليس ” عاصمة ولاية انديانا

11.jpg

بطريق رجعتنا من سموكي ماوتن ، ملينا من بالطريق وشفنا اسم المدينة باللوحة وقلنا ندخلها نشوفها ونتمشى نغير جو فيها ونرجع نكمل طريقنا. دخلنا ورحنا النهر عشان نحرك رجلنا، وكان جميل وساعتين فقط ماراح تكفيه ، وقلنا راح نرجع لها بيوم آخر
بعد يومين صحينا من بدري وانطلقنا لها

25D925A125D925A125D925A125D925A1.jpg

*بالطريق *
اول ماوصلنا , رحنا لنهر اللي بوسط المدينه وكانت خطتنا اننا نبدأ يومنا بهالمدينه بهالتجربه

25D925A325D925A3.jpg

الدراجة العائليه
صوره اقرب له ” هنا
بدون مزح كان هدفنا الاساسي للمدينة هذا الشي. كنا جدا متحمسين له وصدق كان جدا ممتع وكيف نعمل كفريق عشان نحركها. وكيف ننهلك وحنا نرقى المرتفاعات لكنها كانت تجربة ممتعة.
الفكرة انو كشك بوسط البارك يأجر دراجات بكل الاشكال.. دراجة لشخص، دراجة يسوقها شخصين ، دراجة وفيها مقعد للاطفال وكثير اشكال. تأجرها بالساعات وتروح فيها وين ماتبغى بالمدينة وتلقونها بكثير مدن اخرى
بعض الصور للاماكن اللي مرينا عليها بالدراجة

IMG_0988.jpg

IMG_0990.jpg

IMG_0995.jpg

كل الانفاق اللي كنا نمر عليها كانت مرسومه بشكل جميل من الجهتين بس هذا اوضح رسمتين لقيتهم عندي. وقتها لما كنا نمر، كنا نشوف كثير عرايس يصورون عندهم. اتذكر اني صورت احداهم دورت لكم الصوره لكن مالقيتها للاسف
1f641.svg

IMG_1007.jpg

IMG_1014.jpg


IMG_1012.jpg

القوارب كانت جدا جميله ومجهزة بورود شي يفتح النفس

IMG_1037.jpg

IMG_1058.jpg

*الصور الي فوق كلها ملتقطينها وحنا راكبين الدراجة* تقريبا فرينا وسط المدينة كله فيها
بعد ماخلصنا من الدراجات ، كنا جدا متحمسين لقوارب، فرحنا نشوف اسعارها لكن كان سعرها جدا مبالغ فيه لساعه وحده ومكان صغير مثل النهر
طبعا فكرته نفس فكرت كشك الدراجات ويحتوي على انواع كثيره من القوارب

IMG_1008.jpg

IMG_1009.jpg

بعد ماخلصنا من الدراجات ومن عند النهر رحنا نستكشف مكان اخر
IMG_1111.jpg

رحنا نتمشى بالجهة الأخرى من مركز المدينة
جهة الأسواق والمطاعم


IMG_1113.jpg

IMG_1216.jpg
IMG_1219.jpg

وكنا بالأساس رايحين نشوف هالتمثال


IMG_1114.jpg
أكتشفنا أن التمثال بني لتكريم الجنود الي شاركوا في الحروب الأمريكية


IMG_1172.jpg


22.jpg

عرفنا هالشي لما أكتشفنا أن في التمثال بوابة تقودك لمتحف داخله تحكي قصص الجنود وكيف كانت عيشتهم ووضعهم بالحروب
*الحين ناخذكم بالشوارع حوالين المدينة*

IMG_1218.jpg

IMG_1226.jpg

IMG_1227.jpg
20150801_165956_HDR.jpg

IMG_1234.jpg

IMG_1236.jpg

IMG_1237.jpg

IMG_1241.jpg

IMG_1247.jpg
المباني التراثية كانت معطية شكل جميل للمدينة كنا مستمتعين وحنا نتمشى
IMG_1248.jpg

20150801_165154.jpg
خلصنا رحلتنا الكعابية “مشيا على الأقدام” وخلاص راجعين للسيارة
IMG_1254.jpg
وحنا نمشي راجعين .. عند البارك الي قبال النهر كان فيه عندهم فعالية وطبعا لازم وجود الأكل في الاحتفالات، فكانت عندهم شغلة عملية، يبيعون الأكل بسيارت خاصة مجهزة للطبخ بس ماينمر من عندهم ريحتهم سيئة وقلي زيت مايحمسون أبد لكن سيارة الكيك شكلها كيوت ويجذب النظر


20150730_203317.jpg

عند حديقة الحيوانات كانوا حاطيين هالمجسم الي مدري من وشو مصنوع
* أعتقد أنهم مجمعين وصخ وأستغلوها بصنع تمثال*


20150801_121202_HDR.jpg


طبعا في نهاية كل الرحلة الأكل حبيب الكل. كنا جوعانيين ونبي أكل لذيذ نستمتع فيه وحنا نآكل
أخوي الكبير أقترح هالمطعم وقال بيعجبكم. طبعا ماتحمسنا له كثير لأنه بيتزا خصوصا بعد تجربتنا مع البيتزا في الرحلة السابقة


IMG_1261.jpg

المطعم تبع شخص باكستاني وكان جدا متواضع بشكل ماتتصورونه. كان فيه طاولات وكراسي جدا عادية ويقدم المقبلات بصحون بلاستك! انطباعنا المبدئي عنه أنه غير مغري أبدا لكن لما وصل الأكل، جديا كانت الذ بيتزا ذقناها بحياتنا بدون مبالغه. ماكان ودنا نشبع صراحة. طلبنا أنواع البيتزا ( خضار , لحم ودجاج )
طبعا الجوع كافر فما سمح لنا نصور ونوثق التجربه. كويس طلعنا بصورة وحدة
أي حد يروح المدينة المطعم هذا It must eat there
كان يوم ممتع جدا استمتعنا فيه. الدراجات كانت من امتع الاشياء اللي سويناها في هذي الرحله. وبكذا مكون ختمنا رحلتنا لإنديانا بوليس , وان شاء الله تكونوا استمتعتوا معنا

من مدونة حياة اختين في الغربه
 
أعلى