بالاسعار والعناوين .. افضل الخروجات والمطاعم فى الاسكندرية للاستمتاع بيوم لا يُنسى
بقلم شيماء صالح
نفسك تلف اسكندرية ومش عارف تروح فين وايه هى احلى المحلات اللى هناك واسعارها وعاوز تتفسح ومش عارف تبدأ منين ..
احنا اختصرنا اسكندرية فى المقال ده وهنقولك لو روحت هناك لازم تروح فين عشان تقضي يوم ميتنسيش
وتقدر من المقال دة تعمل :
برنامج سياحى لنفسك للاسكندرية لو رايح وعاوز تقضى هناك يوم او اتنين
1- المنتزة :
وده أكبر حديقة موجودة في اسكندرية فيها قصر الملك فاروق وشوية قصور جمبها وفيها مرسي يخوت وبحر وجناين كتير تنفع لو عايزين تعملوا حفلات باربيكيو او ايفنتات اوت دور او لعب ، وحاليا من كُبرها الناس بيتعلموا فيها السواقه
اسعار دخول المنتزه : 20 جنيه
2- مكتبة اسكندرية :
المكتبة عبارة عن صرح معماري عبقري وكبير جدا فيها أكثر من 2 مليون كتاب باللغات العربية والإنجليزية والفرنسية والإسبانية والإيطالية والألمانية فى شتى المجالات والعلوم مع إمكانية البحث عن أماكن الكتب عن طريق أرشيف المكتبة على أجهزة الكمبيوتر الموجودة فى المنطقة دى وفيها اكتر من متحف زى :
*متحف السادات : من أجمل المتاحف اللى بتحكى تاريخ مصر الحديث خلال حرب أكتوبر ومعاهدة كامب ديفيد ....موجود فى المتحف المتعلقات الشخصية للسادات زى : جائزة نوبل اللى حصل عليها ....البايب بتاعه ....البدلة العسكرية اللى اتقتل وهو كان لابسها والمصحف الشخصى بتاعه....القلم اللى وقع بيه اتفاقية السلام..
المتحف جميل جدا وطريقة عرض المقتنيات الشخصية مربوطة بأحداث تاريخية مع خلفية بصوت السادات شغالة وهو يقرأ آية الكرسى بتدى للمكان روح كده وإحساس إن حد بيحكيلك قصة مؤثرة لفترة هامة فى تاريخ مصر.
*القبة السماوية : حاجة كده خيال.. الافلام بتتعرض بتقنية All-Dome digital projection technology ....بتحس إنك جوه الفيلم وهو شغال مش مجرد بتتفرج عليه عشان الشاشة اللى بيتعرض عليها الفيلم بتبقى عبارة عن المبنى اللى أنت قاعد فيه كله
*متحف الآثار: المتحف مقسم آثار قبطية وإسلامية وفرعونية ...غير كمية الآثار الرومانية الرهيبة اللى اكتشفت فى إسكندرية وما حولها .
وفيه قسم كامل فى المتحف لجزيرة نيلسون اللى بتقع فى خليج أبوقير ...واللى كانت مدفن مشهور فى عصر الأسر الفرعونية القديمة و طلع منها آثار كتيرة جدا طبعا
*متحف التراث الشعبى :المتحف بيعرض التراث المصرى المختلف فى الدلتا وسيناء والواحات والصعيد من ملابس وحلي و أدوات مستخدمة لكل تراث منهم.
*متحف المخطوطات : وده فيه مخطوطات أصلية وكتب نادرة وخرائط، والعملات القديمة والمقتنيات الشخصية للمشاهير غير انه فيه قطعتان من كسوة الكعبة معروضين فى المتحف
تذكرة دخول المكتبة ومتحف الآثار والمخطوطات ب 5 جنيه لكل واحد فيهم يعنى المجموع 15 جنيه + 20 جنيه تذكرة دخول القبة السماوية ....دى كده كل الفلوس اللى هتدفعها هناك
3- متحف المجوهرات :
من الحاجات اللي هتستمتع بيها جدا فيه مجوهرات من كل ملوك مصر وفي مجوهرات جايه من بره .. ومكان نضيف جدا وهتستمتع بيه -هتوصله عن طريق زيزينيا فى الاسكندرية هو بجوار فيلا المحافظ واقرب نقطة معروفة للقصر هو سان ستيفانو ..
القصر شغال يوميا من 9 ص الى 4 م وتكت الدخول رخيص 10 ج للمصرى و 5 ج للطالب المصرى
4- قلعة قايتباي :
مين هو قايتباى
قايتباى هو سلطان من عصر المماليك حكمه استمر أكثر من 18 عام وتاريخه يحكى عن افضل سياسة حكم بها دولته واحد اهم اعماله هي قلعة قايتباى كان احد اسباب التهديدات لمصر هو اهتمام قايتباى بالاسكندريه
من أفضل اشكال العمارة الحربيه التى عرفت واهتم بها الملوك من كل العصور
بنيت قلعة قايبتاي سنة 882هـ مكان منار الاسكندريه القديم الذى تهدم بسبب زلزال الذى حدث فى عهد السلطان الناصر محمد بن قلاوون
القلعه يحيط بها البحر من 3 جهات وذلك جعلها من اهم المعالم بالعالم ومحاطه من كل جانب بابراج عاليه وقويه لحمايتها ضد اى عدوان وتخطيطها كأى تخطيط بالعمارة الحربيه يجب توافر غرف وفتحات للجنود ورماه الاسهم و يوجد ممر بالجزء العلوى يصل الى هذه الغرف
لكن يظل بها لغز يجذب العالم لزيارتها مهما طال بها الزمن والمكان دة أحلي مكان تعمل فيه فوتوسيشن من كتر ماهو كبير
رسم الدخول القلعة ب 5 جنيه .
5- المعمورة :
طبعا مينفعش حد يجي اسكندرية من غير مايروح المعمورة هناك فيه محلات اكل جميله واسعارها كويسة اوي واحلي عربية حلويات مارشملو وغزل بنات وجيلاتي مولتن كيك وتشيز كيك واي جاتوة تتخيله من الاخر المعمورة مكان متكامل فيه كل حاجة
لو قعدت فيه لوحده هتستمتع جدا دة غير ان المعمورة كبيرة ونضيفه وممكن البنات تروح تركب فيها عجل وتلف براحتها من غير ماحد يضايقها لان بيبقي في امن وظباط هناك كتير .
ولازم تروح ملاهى المعمورة هتستمتع هناك جدا دى حاجة كدا عاملة زى دريم بارك القاهرة واسعارها رخيصه ..
ورسوم دخول المعمورة 20 جنيه ..اما بالنسبة لملاهي كوتة بارك - المعمورة الاسكندرية
مواعيد العمل فيها من 11 صباحاً حتي 3 صباحاً
سعر تكت دخول بوابة الملاهي 5 جنيه
اسعار الالعاب يتراوح من 5 جنيه , 10 جنيه, 15 جنيه , 25 جنيه
ولعبة واحدة ب 35 جنيه .
6- ألبان سويسرا :
عمرك سمعت عن محل ألبان ماتبيعش ألبان بس؟
ألبان سويسرا من أكثر الأماكن شهرة فى اسكندرية مكانه في شارع بورسعيد، كامب شيزار المحل دة خرج عن كونه مجرد محل ألبان عادى بالشكل المعروف للناس وبيقدم قيمة زيادة عن كدة بكتير
القيمة الزيادة دي بتتمثل في اي حاجة ليها علاقة بالجبنة في الدنيا هتبقي موجودة هناك
بيض بالجبنة ,سجق بالجبنة, سوسيس بالجبنة , سجق إسكندراني بالجبنة , بطاطس بالجبنة, بسطرمة بالجبنة, بانيه بالجبنة, كابوريا بالجبنة حتى.
مخصص جزء كامل في المنيو للاهتمام بكل الاكلات اللي عليها الجبنة السايحة
اللي يجي اسكندرية ومايكلش عند البان سويسرا يبقى مجاش اسكندرية ،،
7- كبدة الفلاح :
أصل الكبدة الاسكندراني وأحد علامات الاسكندريه هو كبدة الفلاح ،بتروح تاكل ١٥ نص رغيف كبدة اللى بيروحوا كبدة الفلاح كانوا بيلاقوا نفسهم بياكلوا حوالي 15: 20 رغيف واكتر كمان ودى كمية مش مفهمومة لية وازاى هما عملوا كدة ،
بس الليمون والفلفل وتقطيع الكبدة وفلفلها المظبوط هيخلوك تضرب الكمية دى من غير ماتحس وبعدين جمبها تشرب من خروب امال وبعدين تحلي من الكنافه النابلسيه اللي جنبه
العنوان :شارع صفية زغلول بجوار سينما مترو محطة الرمل
8- حودة جندل :
هتدفع 45 جنيه بس هتاكل كل انواع السمك اللي هتتخيلها وتغوص في السمك ومش هنقدر تخلصه ،، سبب شهرته انه حلو ورخيص . مكانه فى منطقة الأزاريطة
وفى عنده وجبة ب80 جنية عبارة عن ( سمك بوري/جمبري/سبيط/كفتة جمبري) ممكن متقدرش تكملها اصلا
9- الشيخ وفيق :
ودة هتاكل من عنده احلى رز بلبن بالمكسرات ب 18 جنيه عمرك ما كلته فى حياتك .. مكانه فى شارع قصر التين - بحرى
10- هولمز :
هتلاقيه في شارع شعراوي- سان ستفانو
المكان ده تخصص برجر بيلغوص وبيبوظ من كل حته لو عاوز أكلة برجر عالمية فى مكان حلو و خدمة ممتازة و فى نفس الوقت أسعار حنينة
يبقى لازم طالما هتروح اسكندرية تخطف رجليك وتطلع على هولمز
11- سان ستفانو وجرين بلازا وكارفور
دول اشهر ٣ مولات لو حابين تعملوا شوبنج دة غير محلات التوكيلات التجاريه و الملاعب و السينمات و المطاعم و الكافيهات و الفنادق
12- شارع فؤاد :
اقدم شوارع اسكندرية هتشوف فيه الفن المعماري القديم وفيه مطاعم كتير حلوة وكتير وتقدر تتصور فيه فوتوسيشن حلو .
13-محل البن البرازيلى
الناس اللى بيعشقوا القهوة لازم يجربو المكان دة لان جواه مطحن وبتشم ريحه القهوة وانت بتشربها .و البن اللي بيستخدموه هناك من كل صنف ونوع وشكل وطعم ..
فيه مكانين للقعدة .. زي بار عالي وحوالي 4 أو 5 ترابيزات عادية .. وانت قاعد كدة بتشوف أنواع البن قدامك وكاتبين على حاجة عشان تختار وتروق مزاجك براحتك خالص
العنوان : البن البرازيلي تقاطع شارع سيزوستريس مع شارع صلاح سالم منطقة محطة الرمل
ده دليلك للإسكندرية .. اسكندرية من الاماكن الجميلة خصوصاً في الشتاء ، هتستمتع بيها جدا فى الوقت دة من السنة
والناس فيها كويسين ومتعاونين جدا خصوصا لو عرفوا انك مش اسكندرانى ودة عشان لو سألتهم عن اى حاجة او اى مكان فى برنامجك
بقلم شيماء صالح
نفسك تلف اسكندرية ومش عارف تروح فين وايه هى احلى المحلات اللى هناك واسعارها وعاوز تتفسح ومش عارف تبدأ منين ..
احنا اختصرنا اسكندرية فى المقال ده وهنقولك لو روحت هناك لازم تروح فين عشان تقضي يوم ميتنسيش
وتقدر من المقال دة تعمل :
برنامج سياحى لنفسك للاسكندرية لو رايح وعاوز تقضى هناك يوم او اتنين
1- المنتزة :
وده أكبر حديقة موجودة في اسكندرية فيها قصر الملك فاروق وشوية قصور جمبها وفيها مرسي يخوت وبحر وجناين كتير تنفع لو عايزين تعملوا حفلات باربيكيو او ايفنتات اوت دور او لعب ، وحاليا من كُبرها الناس بيتعلموا فيها السواقه
اسعار دخول المنتزه : 20 جنيه
2- مكتبة اسكندرية :
المكتبة عبارة عن صرح معماري عبقري وكبير جدا فيها أكثر من 2 مليون كتاب باللغات العربية والإنجليزية والفرنسية والإسبانية والإيطالية والألمانية فى شتى المجالات والعلوم مع إمكانية البحث عن أماكن الكتب عن طريق أرشيف المكتبة على أجهزة الكمبيوتر الموجودة فى المنطقة دى وفيها اكتر من متحف زى :
*متحف السادات : من أجمل المتاحف اللى بتحكى تاريخ مصر الحديث خلال حرب أكتوبر ومعاهدة كامب ديفيد ....موجود فى المتحف المتعلقات الشخصية للسادات زى : جائزة نوبل اللى حصل عليها ....البايب بتاعه ....البدلة العسكرية اللى اتقتل وهو كان لابسها والمصحف الشخصى بتاعه....القلم اللى وقع بيه اتفاقية السلام..
المتحف جميل جدا وطريقة عرض المقتنيات الشخصية مربوطة بأحداث تاريخية مع خلفية بصوت السادات شغالة وهو يقرأ آية الكرسى بتدى للمكان روح كده وإحساس إن حد بيحكيلك قصة مؤثرة لفترة هامة فى تاريخ مصر.
*القبة السماوية : حاجة كده خيال.. الافلام بتتعرض بتقنية All-Dome digital projection technology ....بتحس إنك جوه الفيلم وهو شغال مش مجرد بتتفرج عليه عشان الشاشة اللى بيتعرض عليها الفيلم بتبقى عبارة عن المبنى اللى أنت قاعد فيه كله
*متحف الآثار: المتحف مقسم آثار قبطية وإسلامية وفرعونية ...غير كمية الآثار الرومانية الرهيبة اللى اكتشفت فى إسكندرية وما حولها .
وفيه قسم كامل فى المتحف لجزيرة نيلسون اللى بتقع فى خليج أبوقير ...واللى كانت مدفن مشهور فى عصر الأسر الفرعونية القديمة و طلع منها آثار كتيرة جدا طبعا
*متحف التراث الشعبى :المتحف بيعرض التراث المصرى المختلف فى الدلتا وسيناء والواحات والصعيد من ملابس وحلي و أدوات مستخدمة لكل تراث منهم.
*متحف المخطوطات : وده فيه مخطوطات أصلية وكتب نادرة وخرائط، والعملات القديمة والمقتنيات الشخصية للمشاهير غير انه فيه قطعتان من كسوة الكعبة معروضين فى المتحف
تذكرة دخول المكتبة ومتحف الآثار والمخطوطات ب 5 جنيه لكل واحد فيهم يعنى المجموع 15 جنيه + 20 جنيه تذكرة دخول القبة السماوية ....دى كده كل الفلوس اللى هتدفعها هناك
3- متحف المجوهرات :
من الحاجات اللي هتستمتع بيها جدا فيه مجوهرات من كل ملوك مصر وفي مجوهرات جايه من بره .. ومكان نضيف جدا وهتستمتع بيه -هتوصله عن طريق زيزينيا فى الاسكندرية هو بجوار فيلا المحافظ واقرب نقطة معروفة للقصر هو سان ستيفانو ..
القصر شغال يوميا من 9 ص الى 4 م وتكت الدخول رخيص 10 ج للمصرى و 5 ج للطالب المصرى
4- قلعة قايتباي :
مين هو قايتباى
قايتباى هو سلطان من عصر المماليك حكمه استمر أكثر من 18 عام وتاريخه يحكى عن افضل سياسة حكم بها دولته واحد اهم اعماله هي قلعة قايتباى كان احد اسباب التهديدات لمصر هو اهتمام قايتباى بالاسكندريه
من أفضل اشكال العمارة الحربيه التى عرفت واهتم بها الملوك من كل العصور
بنيت قلعة قايبتاي سنة 882هـ مكان منار الاسكندريه القديم الذى تهدم بسبب زلزال الذى حدث فى عهد السلطان الناصر محمد بن قلاوون
القلعه يحيط بها البحر من 3 جهات وذلك جعلها من اهم المعالم بالعالم ومحاطه من كل جانب بابراج عاليه وقويه لحمايتها ضد اى عدوان وتخطيطها كأى تخطيط بالعمارة الحربيه يجب توافر غرف وفتحات للجنود ورماه الاسهم و يوجد ممر بالجزء العلوى يصل الى هذه الغرف
لكن يظل بها لغز يجذب العالم لزيارتها مهما طال بها الزمن والمكان دة أحلي مكان تعمل فيه فوتوسيشن من كتر ماهو كبير
رسم الدخول القلعة ب 5 جنيه .
5- المعمورة :
طبعا مينفعش حد يجي اسكندرية من غير مايروح المعمورة هناك فيه محلات اكل جميله واسعارها كويسة اوي واحلي عربية حلويات مارشملو وغزل بنات وجيلاتي مولتن كيك وتشيز كيك واي جاتوة تتخيله من الاخر المعمورة مكان متكامل فيه كل حاجة
لو قعدت فيه لوحده هتستمتع جدا دة غير ان المعمورة كبيرة ونضيفه وممكن البنات تروح تركب فيها عجل وتلف براحتها من غير ماحد يضايقها لان بيبقي في امن وظباط هناك كتير .
ولازم تروح ملاهى المعمورة هتستمتع هناك جدا دى حاجة كدا عاملة زى دريم بارك القاهرة واسعارها رخيصه ..
ورسوم دخول المعمورة 20 جنيه ..اما بالنسبة لملاهي كوتة بارك - المعمورة الاسكندرية
مواعيد العمل فيها من 11 صباحاً حتي 3 صباحاً
سعر تكت دخول بوابة الملاهي 5 جنيه
اسعار الالعاب يتراوح من 5 جنيه , 10 جنيه, 15 جنيه , 25 جنيه
ولعبة واحدة ب 35 جنيه .
6- ألبان سويسرا :
عمرك سمعت عن محل ألبان ماتبيعش ألبان بس؟
ألبان سويسرا من أكثر الأماكن شهرة فى اسكندرية مكانه في شارع بورسعيد، كامب شيزار المحل دة خرج عن كونه مجرد محل ألبان عادى بالشكل المعروف للناس وبيقدم قيمة زيادة عن كدة بكتير
القيمة الزيادة دي بتتمثل في اي حاجة ليها علاقة بالجبنة في الدنيا هتبقي موجودة هناك
بيض بالجبنة ,سجق بالجبنة, سوسيس بالجبنة , سجق إسكندراني بالجبنة , بطاطس بالجبنة, بسطرمة بالجبنة, بانيه بالجبنة, كابوريا بالجبنة حتى.
مخصص جزء كامل في المنيو للاهتمام بكل الاكلات اللي عليها الجبنة السايحة
اللي يجي اسكندرية ومايكلش عند البان سويسرا يبقى مجاش اسكندرية ،،
7- كبدة الفلاح :
أصل الكبدة الاسكندراني وأحد علامات الاسكندريه هو كبدة الفلاح ،بتروح تاكل ١٥ نص رغيف كبدة اللى بيروحوا كبدة الفلاح كانوا بيلاقوا نفسهم بياكلوا حوالي 15: 20 رغيف واكتر كمان ودى كمية مش مفهمومة لية وازاى هما عملوا كدة ،
بس الليمون والفلفل وتقطيع الكبدة وفلفلها المظبوط هيخلوك تضرب الكمية دى من غير ماتحس وبعدين جمبها تشرب من خروب امال وبعدين تحلي من الكنافه النابلسيه اللي جنبه
العنوان :شارع صفية زغلول بجوار سينما مترو محطة الرمل
8- حودة جندل :
هتدفع 45 جنيه بس هتاكل كل انواع السمك اللي هتتخيلها وتغوص في السمك ومش هنقدر تخلصه ،، سبب شهرته انه حلو ورخيص . مكانه فى منطقة الأزاريطة
وفى عنده وجبة ب80 جنية عبارة عن ( سمك بوري/جمبري/سبيط/كفتة جمبري) ممكن متقدرش تكملها اصلا
9- الشيخ وفيق :
ودة هتاكل من عنده احلى رز بلبن بالمكسرات ب 18 جنيه عمرك ما كلته فى حياتك .. مكانه فى شارع قصر التين - بحرى
10- هولمز :
هتلاقيه في شارع شعراوي- سان ستفانو
المكان ده تخصص برجر بيلغوص وبيبوظ من كل حته لو عاوز أكلة برجر عالمية فى مكان حلو و خدمة ممتازة و فى نفس الوقت أسعار حنينة
يبقى لازم طالما هتروح اسكندرية تخطف رجليك وتطلع على هولمز
11- سان ستفانو وجرين بلازا وكارفور
دول اشهر ٣ مولات لو حابين تعملوا شوبنج دة غير محلات التوكيلات التجاريه و الملاعب و السينمات و المطاعم و الكافيهات و الفنادق
12- شارع فؤاد :
اقدم شوارع اسكندرية هتشوف فيه الفن المعماري القديم وفيه مطاعم كتير حلوة وكتير وتقدر تتصور فيه فوتوسيشن حلو .
13-محل البن البرازيلى
الناس اللى بيعشقوا القهوة لازم يجربو المكان دة لان جواه مطحن وبتشم ريحه القهوة وانت بتشربها .و البن اللي بيستخدموه هناك من كل صنف ونوع وشكل وطعم ..
فيه مكانين للقعدة .. زي بار عالي وحوالي 4 أو 5 ترابيزات عادية .. وانت قاعد كدة بتشوف أنواع البن قدامك وكاتبين على حاجة عشان تختار وتروق مزاجك براحتك خالص
العنوان : البن البرازيلي تقاطع شارع سيزوستريس مع شارع صلاح سالم منطقة محطة الرمل
ده دليلك للإسكندرية .. اسكندرية من الاماكن الجميلة خصوصاً في الشتاء ، هتستمتع بيها جدا فى الوقت دة من السنة
والناس فيها كويسين ومتعاونين جدا خصوصا لو عرفوا انك مش اسكندرانى ودة عشان لو سألتهم عن اى حاجة او اى مكان فى برنامجك