مطبخ المغتربين

[جودى]

خواتي واخواني المغتربين اتمنى انكم بخير وصحه وعافيه .. ومرتاحين في غربتكم والله يهونها عليكم ان شاءالله ..


طبعا مبين الموضوع من عنوانه شنو راح يكون ..

انا راح احط وصفات سويتها اثناء غربتي وسهله وسريعه وخفيفه وان شاءالله ما تاخذ منكم وقت ..


وايضا المجال مفتوح للي يبي يحط تجاربة في الطبخ بس اهم شي تكون ( سريعه - خفيفه - سهله - موادها متوفره للاغلبية )
وهم للي يستفسر ويبي يعرف ان شاءالله باللي نقدر علية راح انساعدكم ..


انتظروني الليلة مع اول وصفه لكم ..


وشكــــــــرا للمتـــــابعه...​

​

 

[جودى]

اول طبق معاكم راح يكون ( ربيان بالتوست

shrimp toast
المقادير recipe


- 1/2 كيلو ربيان
- توست ( على حسب الكمية اللي عندكم )
- سمسم - sesame
- سويت جيلي صوص - sweet chilli sauce



خلطة الربيان :


- ملعقة اكل نشا - 1 tablespoon cornstarch
- ملعقة اكل عصير ليمون - 1 tablespoon lemon
- رشه ملح خشن (بحري )- teaspoon sea-salt
-ملعقه صغيره زنجبيل مطحون - teaspoon ginger
- ملعقه اكل صوص سمك او صوياا صوص - 1 tablespoon fish sauce or soya sauce
- فص ثوم صغير مهروس - small garlic
-بيضه - 1 large egg
-رشه فلفل ابيض بودر - teaspoon white pepper
- ملعقة صغير بشر الليمون


الطريقة :


1 - بعد مانشتري الربيان اذا كان نظيف ابتدي في الخلطة اما اذا مو منظف ولامقشر طبعا لازم يتنظف ونقشره ونشيل الراس .


2- بعد التنظيف اخلط كل الخطة مع الربيان واحطهم في الخلاط (الفرامة - اللي تطحن الاكل) .


3- بعد طحن الربيان مع مقادير الخلطة نقص اطراف التوست ونضغط على التوسته باليد وبعدها ندهنها بالربيان المطحون ويرش بالسمسم كلها تتغطى التوسته ونقصها بالنص يصير معانا شكل مثلث .


4- في مقلاه عميقة فيها زيت نبتدي نقلي التوست لما يتحمر وبس نصفه في صحن ونحط في بادية صغيرة سويت جيلي صوص للتغميس ..


ملاحظة : الطبخة ترا ماتاخذ 35 دقيقه كلها ..


وبالعـــــــــــافيــــة




مرحلة التنظيف

صورة جماعية مع المواد بس من غير الطحين نسيت اشيلة

بشر الليمون

قبل الطحن

بعد الطحن

عملية التوست

دهنتها بالربيان وغطيتها بالسمسم

الشكل النهائي

وبالعافية

​

 

[جودى]

داينمـــــــــت شريمـــــــب


طبقنا معاكم راح يكون ( داينمت شريمب - dynamite shrimp )​

المقادير recipe
​

تتبيلة الربيان للقلي :
​

- 1/2 كيلو ربيان ( على كيفكم الكميه )​

- ملعقتين اكل نشا - 2 tablespoon cornstarch
- ملعقة اكل عصير ليمون - 1 tablespoon lemon
- رشه ملح خشن (بحري )- teaspoon sea-salt
-ملعقتين اكل طحين - 2 tablespoon flour​

- رشه فلفل اسود - teaspoon black pepper
- رشه نعناع ناشف و زعتر ناشف - teaspoon mint & thyme



الصــــوص :

- ملعقتين اكل هوت جيلي صوص - hot chilli sauce 2 tablespoon
- ملعقه اكل صوياا صوص - 1 tablespoon soya sauce
- ملعقة اكل عسل - 1 tablespoon honey​

- ملعقة بفلو صوص - 1 tablespoon buffalo wings sauce​

- ملعقتين اكل مايونيز - 2 tablespoon mayonnaise
​

الطريقة :


1 - بعد مانشتري الربيان اذا كان نظيف ابتدي في الخلطة اما اذا مو منظف ولامقشر طبعا لازم يتنظف ونقشره ونشيل الراس .​

​

2- بعد التنظيف اخلط تتبيلة الربيانواخليها اشوي بالثلاجه على ما احمي الزيت.​

​

3- ابتدي اقلي الربيان بمقلاه بزيت عميق لما يتحمر اشيلهم واحطهم في المشخال عشان ينزل الزيت اشوي منهم او على الورق يمص الزيت .​

​

4- في بادية اجهز كل مقادير الصوص واخلطهم واضيف علهم الربيان واخلطة معاهم لما يشرب الصوص راح يكون لونه اشوي افتح من خطلتي انا برتقاليه غامجه لاني مااحب وايد المايونيز..​

5- يتقدم في ماعون عميق بقاعدته خس ونحط الربيان ويزين بسمسم او بصل اخضر على حسب اللي تحبونه
​

ملاحظة : الطبخة ترا ماتاخذ 35 دقيقه كلها ..
​

وبالعـــــــــــافيــــة​

​

تتبيلة الربيان​

​

النشا
​

نعناع ناشف​

​

زعتر ناشف

طحين​

​

بعد ماخلطت مقادير التتبيلة​

​

القلي

اخليهم بالمشخال

مقادير خلطة الصوص​

المايونيز
​

​

الصويا صوص

البافلو والهوت جيلي والعسل

خلطت الربيان بعد القلي بخلطة الصوص

وجاهز للاكل بالعافيه

​

 

[جودى]

اسهل طبق و كثير يطلبونه مني

باستا بالمكس صوص


اي نوع باستا مسلوقة .. و بعد ما اصفيها من الماي
اذوب عليها ملعقة زبدة عشان ما تتلصق في بعض

الخلطة او الحمسة
بصل مفروم و ثوم احمسهم لحد ما يذوبون
بعدين اضيف مشروم

ممكن وياها دجاج مقطع صغار .. او سجق و ممكن نكتفي بالمشروم

لحد ما يذوب المشروم و ينطبخ الدجاج او السجق

بعدين سر الطبخة
كوب او كوب ونص صلصة بيتزا جاهزة (فيه اكثر من ماركة)
و كوب كريمه حامضة Sour Cream ...
ممكن نحط كوب كريمه طبخ و لكن الكريمه الحامضة تعطيها نكهة حلوة

ونخليهم يطبخون شوي مع بعض

و اخر شي نضيف الباستا او المكرونة المسلوقة
ونخلطها خلطتين على السريع عشان ما تتكسر ويانا
و نضيف عليها موزوريلا


و بالهنا و الشفا



و ان شاء الله قريب احط وصفة كروسون محشي ​

 

[جودى]

عيدكم مبارك يا مغتربين
وتقبل الله طاعتكم

بيتزا التوست السهله


طبقنا معاكم راح يكون ( بيتزا التوست - toast pizza )​

المقادير recipe

- جيس توست مقصوص الاطراف ( على كيفكم الكميه )
- صلصة بيتزا جاهزه - pizza sauce
-زيتون شرايح جاهز - slice olives
-بصل ابيض شرايح - slice white onion
- فلفل بار ملون نقصه شرايح - colour pepper
- جبن بيرمزان مبشور - Parmesan cheese
- مشروم فرش نقصه شرايحه - fresh mushroom
- مخلل فلفل هالبينو- jalapeno pickles


الطريقة :


1 - نقص التوست اطرافه وندهنه في صوص البيتزا .




2- بعد ما ندهن التوست نحط المشروم اللي قصيناه سلايس و الفلفل الملون سلايس والزيتون والبصل الابيض والهالبينو .




3- بالاخير نرش جبن البيرمزان على كل توسته .




4- نكون فاتحين الفرن من قبل على حراره 120 وندخل الصينيه داخل الفرن بس يتحمر اشوي وتذوب الجبنه نطلع الصينية ..


5- يتقدم على طول في صحن.




ملاحظة : الطبخة ترا ماتاخذ 35 دقيقه كلها ..




وبالعـــــــــــافيــــة



التوست

صوص البيتزا

المشروم

الفلفل الملون

البصل الابيض

الهالبينو

الزيتون

جبن البيرميزان

قبل الفرن

بعد الفرن وجاهزه للاكل

وبالعافيه​

 

[جودى]

بطاط بالفرن


طبقنا معاكم راح يكون ( بطاط بالفرن )​

المقادير recipe

- بطاط فريش حجم الوسط ( الكمية على كيفكم ) fresh potato medium size
- ملعقه صغيره زيت - 1 small table spoon oil
-زيتون شرايح جاهز - slice olives
- فلفل بارد بابريكا - paprikapepper
- جبن بيرمزان او مازرولا مبشور - Parmesan cheese
- ملعقة اكل خردل - 1 table spoon mustard
- ملعقة اكل مايونيز - 1 table spoon mayonnaise
- رشه نعناع ناشف - وزعتر ناشف - فلفل اسود - ملح
- mint powder - oregano - salt - black pepper


الطريقة :


1 - نفوح البطاط نص فوح ( يعني لما نسويها بويلنغ مانخليها تستوي عدل نبيها نص استوا لان بعدين بندخلها الفرن ) .


2- بعد ما فحناها نقصها بالنص ونطلع البطاط ونخلي اشوي من الحواف عشان مايصير القشر خفيف ومانقدر نستعمله .


3- نهرس البطاط اللي طلعناه ونخلط معاه جميع المقادير المذكوره ما عدا الزيتون وراح يصير لين البطاط يعني مهروس .


4- بعد هرس البطاط ونرجع ونعبي القشر في البطاط المهروس اللي خلطناه ونرش من فوق اشوية جبن مع زعتر اوريغانو ونعنان ونكون فاتحين الفرن من قبل على حراره 120 وندخل الصينيه داخل الفرن بس يتحمر اشوي وتذوب الجبنه نطلع الصينية ..


5- بعد ما نطلعه من الفرن يزين بشرايح الزيتون ويقدم على طول في صحن.


ملاحظة : الطبخة ترا ماتاخذ 40 دقيقه كلها ..


وبالعـــــــــــافيــــة



صور المكونات و صوره الملعقه اللي تهرس البطاط


المايونييز

الزيتون

النعناع

خردل

جبن بارميزان او مازرولا اللي متوفر عندكم

الزيت

بابريكا رشه لاتكثرون منه

اوريغانو

وهذي اللي تهرس البطاط

وهذا الطبق بعد الفرن

وبالعافية​

 

[جودى]

اليوم طبقنا باااارد وحلوووو

حلو ترايفل برد الساندويتش


طبقنا معاكم راح يكون ( حلو ترايفل برد الساندويتش - sandwich icecream )​

المقادير recipe

- كيك سارالي كاكاو علبتين - 2 any sponge chocolate cake
- 2 قيمر (قشطه) - 2 thick cream
-6 حبات جبن كيري - 6 pieces of cheese
- نص كوب حليب سائل - half cup of milk
- علبة كراميل جاهزه - caramel puree
- 2 ظرف دريم وب - 2 dream whip
- 20 برد ساندويتش - 20 sandwich ice cream


الطريقة :


1 - نقص الكيك سلايس .

2- نحلط كل المقادير البيضا مع بعض بالخلاط لما تثقل .

3- القاعده نصف جم وحده من الكيك في ماعون عميق احسن عشان تصير طبقات تتعبى عدل القاعده لاتصير فيها فراغات .

4- بعدين نصف طبقة من البرد وبعدها نغطي بالكراميل وبعدها الخلطة البضا اللي خطلنها ونكرر العملية الى اخر شي انخلي اخر طبقه من الخلطة البضا يعني نبتدي بالكيك وننهيها بالكريمة ..


5- يزين بالكراميل وقطعه برد (ايس كريم ).


ملاحظة : الطبق ما ياخذ ربع ساعه ..

يحفظ بالفريز لي وقت التقديم


وبالعـــــــــــافيــــة



صوره للمقادير

عقب ما خلطنا المقادير البيضا

الكيك وقصصناه

صفينا بعض من الكيك والبرد فوقهم

نغطي بالكراميل

وبعدها الخلطة البيضا

ونرد نكرر نفس العملية كيك - برد - كراميل - الخلطة البيضا

وغطيناها بالخلطة البيضا

وندخلها الفريزر لما وقت التقديم

والشكل النهائي تغاضوا عن التزيين

وبالعافيه عليكم​

 

[جودى]

​

 

[جودى]

​

 

[جودى]

​

 

[جودى]

​