رحلة الأحلام المتوسطيه في الكروز epic

[جودى]

الرحلات البريه والبحرية

السلام عليكم ورحمه الله وبركاته

اسعد الله اوقاتكم بكل خير جميعا

احيكم من هذا المنتدى الأكثر من رائع بأدارته واعضائه الكرام

اقدم هذا التقرير لرحلتي الاخيرة المتوسطيه بالكروز

السفره كانت من تاريخ 29-8-2-15 الى 8-9-2015
ورحله الكروز كانت من 30-8-2015 الى 6-9-2015

والرحله على شركه نرويجيان كروز ايبك Norwegian Epic

موقعهم الالكتروني :

Cruises & Cruise Deals | Caribbean Cruise Vacations | Norwegian Cruise Line

اخترت الرحله على اساس 7 ليالي
مدينه البدايه برشلونه ( اسبانيا )
ونقطه العوده برشلونه ( اسبانيا )


خط الرحله :

جدول الرحله :

تابعوني راجع لكم ان شاء الله

تحياتي للجميع

​

 

[جودى]

عدنا لكم

تم الحجز للرحله قبلها تقريبا بشهرين

انواع الغرف الموجوده في الكروز :

النوع الاول : وهو اقل الانواع الموجوده
عباره عن غرفه صغيره بدون شبابيك

والنوع الثاني : وهي الاستديو فيها شباك فقط

والنوع الثالث : غرفه وبها بلكونه

النوع الرابع : اسم الغرفه سبا هي نفس الغرفه ببلكونه لكن تختلف عنها بالحجم والديكور

النوع الخامس : ميني سويت وهو سويت حجمه صغير نوعا ما لكن اكبر من الانواع السابقه وايضا به بلكونه

النوع السادس : the haven وهو السويت الاكبر حجم وبه بلكونه
ويعتبر اكبر الانواع الموجوده والاكثر تميزا من حيث الخدمات و الاولوليات
سنوافيكم بها بالتقرير ان شاء الله

النوع السادس ؛ وهو النوع الاخير وغير موجود حاليا وهي غرفه عائليه بغرفتين نوم

تتكون الكروز من 18 طابق :

فعليا تبدأ من الطابق الرابع بسبب ان الادوار من 1 الى 4 هي خاصه بطاقم السفينه والاعمال اللوجستيه الاخرى

ومن الدور الرابع الى الدور السابع مخصص للمحلات التجاريه والكوفيهات والمطاعم وصالون الحلاقه وبعض الاشياء الترفيهيه الاخرى

ومن الدور السابع الى الدور 14 مخصص لجميع انواع الغرف من النوع الاول الى النوع الرابع المذكوره اعلاه

الدور ال 15 وهو الاهم

نص السفينه في الدور ال15 مخصصه لبركه السباحيه والالعاب البحريه وجميع النشاطات والعروض

والجزء الاخر مخصص للمطعم الرئيسي لجميع ركاب الباخره


الدور ال16 و ال17 مخصص لسويتات the haven

نص الدور 16 يوجد رسبشن خاص بالسويتات وكوفي ومطعم وبركه سباحه وجم ومطعم ومنطقه تشمس في اعلى الباخره وايضا مصعد خاص ينزلون فيه الى بركه السباح والمطعم
وهذا المصعد هو الوحيد الي يوصل للدور ال18
وهذا الدول فقط منطقه للجلوس والتشمس والمطعم


حجزت الرحله لمده 7 ليالي
شامله الغرفه والاكل جميع الوجبات مجانيه
بمبلغ وقدره 28 الف ريال قطري تقريبا 7600 دولار لشخصين

راجع لكم ان شاء الله لوصولي الى برشلونه قبل الرحله بيوم من موعدها

تحياتي للجميع

​

 

[جودى]

ياهلا ومرحبا بالجميع

اشكركم على ردودكم وتحمسكم معاي

وان شاء الله يعجبكم هذا التقرير المتواضع

حاولت اليوم انزل كذا جزء ومنها جزء الكروز
لكن اتضح ان عندي صور كثيره ومابغي اعديها واروح للكروز
ابغي كل شي ياخذ حقه

يعني طولو بالكم معاي اشوي

نتابع معاكم السفر الى برشلونه و اول يوم فيها
قبل السفر على الكروز بيوم

وصلت مطار الدوحه ووقفت سيارتي في المواقف طويله الامد لمده عشر ايام
طلع المبلغ علي 480 ريال قطري

وصلت المطار ونزلت اغراضي عند البوابه ورحت للمواقف وركبت بالباص يوصلني لمبنى المطار

اعتذر منكم عدم تصويري من داخل مطار حمد الدولي
لان الاجراءات كانت سريعه ورحت لبوابه الطياره على طول
حجز ذهاب كان على الدرجه السياحيه وماشاء الله الطياره مليانه
والعوده كان حجزي على البزنس

وصلني مطار برشلونه بحفظه سبحانه
وكانت الساعه تقريبا 6 صباحا

عند الجوازات

محل للنادي الكتلوني برشلونه في المطار

عجبنا الكوفي وجلسنا نتريق فيه قبل الخروج من المطار

طلعنا من مبنى المطار
والتكاسي با الانتظار

السكن كان لمده يوم واحد فقط
اسم الفندق اوليفيا بلازا
موقع الفندق رائع
الخدمه ممتازه
النظافه فوق الممتازه
الاثاث رائع

بصراحه ما ابالغ الفندق عجبني من جميع النواحي
وهالسفره في حجزي للفنادق كنت ماخذ كذا اعتبار يكون متوفر فيها

اهم شي ان يكون الفندق فيه بلكونه
وقريب من كل شي ونظيف

ووقع اختياري الفندق لان الاطلاله رائعه على ساحه كتالونيا
في بدايه شارع رامبلا ( راملا )

حجزت سويت مطل على الساحه مع بلكونه

سعر السويت لليله الواحده 407 يورو

رابط الفندق

Booking.com: ظپظ†ط¯ظ‚ ط£ظˆظ„ظٹظپظٹط§ ط¨ظ„ط§ط«ط§ - ط¨ط±ط´ظ„ظˆظ†ط©, ط¥ط³ط¨ط§ظ†ظٹط§

وصلنا للفندق

المدخل للفندق

رقم الغرفه

صور من داخل الغرفه

مفتاح الغرفه + الدليل السياحي اهداء من الفندق هههه

نسيت اصور منظر عام للحمام اعزكم الله مع المغسله


وطلعت على البلكونه

الاطلاله من الغرفه على الساحه الكتلونيه

النوارس ماخذين لهم اطلاله جميله على الساحه فوق حروف اسم الفندق

وعقب تسجيل الدخول وحطينا اغراضنا بالغرفه
نزلنا نتريق

الريوق اكثر من رائع ومتنوع ويعجب جميع الاذواق

وطلعنا بهذا

منظر عام لمكان الريوق وبنفس المكان لوبي الفندق

الارضيه هنا زجاج لاحد يخاف من الطيحه ترا مب رفيع وايد خخخ

عقب ماخلصنا الريوق
طلعنا نستكشف المنطقه

ودخلنا شارع رامبلا وهو اشهر شارع في برشلونه

طريقه ونظام هذا الشارع
الجزيره بنص الشارعين عريضه وتنتشر فيها الاكشاك
يبيعون فيها الورود وبعض الهدايا التذكاريه
والمباني بجنب الشارعين فيها محلات تجاريه ومطاعم وفنادق وبقالات

طريقه عرض البناتات عجيبه

المجسمات بالفسيفساء مشهوره في برشلونه
والمجسم الفسيفسائي على شكل سحليه هو شعار مدينه برشلونه

ميسي مشنوق ومعروض للبيع بـــ 28 يورو فقط

بعض المعروضات

العم كارفور

الجو كان حار وبصراحه هذا وقته

لي

ورحنا صوب سوق الفواكه والخضروات
وبصراحه المكان روعه وترتيب الفواكه والعصاير روعه
وهالمكان كل شي موجود فيه
المأكولات البحريه النيئه والمطبوخه واللحوم والحلويات والزيوت والفواكهه والخضروات وغيرها

اسم هذا السوق
mercat de la boqueria

انواع كثيره من زيت الزيتون

ايس كريم فريششششششششش

بالفيديو تجهيز العصائر بواسطه ماكينات





المأكولات البحريه






وخذنا هالفتاحه الي تكسر نسيت اسمه ههههه





وطلعنا من سوق الخضروات والفواكه
ورحنا الناحيه الثانيه من شارع الرامبلا جهه الحي القوطي The Gothic Quarter

















عجبنا هالمحل ودخلناه
متخصص في الشموع بأشكال و انواع كثيره





من 1761





اشكال و انواع الشموع






























وبعد ماخلصنا من هالمكان نبغي نرجع لساحه كتلونيا وناخذ المترو صوب المينا وميدان كولمبو
وساحه كولمبو تكون في نهايه شارع رامبلا

وفي خط الرجعه شفنا هالساحه شرحه وفيها مطاعم وجلسات جميله

أسم الساحه Placa Reial






















ووصلنا المترو










نكمل معاكم اليوم ان شاء الله
الذهاب الى ميدان كولمبو والنافوره السحريه والقريه الاسبانيه
وبدمج معاه ذاهبنا الى الكروز وتسجيل الدخول فيها


تحياتي للجميع ​

 

[جودى]

مرحبا بالجميع

عدنا لكم

نكمل جزء اول يوم في برشلونه وبعدها ننتقل الى الكروز

نزلنا للمترو من الساحه التكلونيه

متجهين الى ميدان كولمبو
وميدان كولمبو يقصدون كولمبوس مكتشف امريكا
وحاطينه له تمثال هناك وبجنب ميناء برشلونه

طلعنا من محطه مترو كتلونيا الى محطه مترو دراسنس وهي محطه الميدان

للتوضيح ممكن تروحون للميدان من شارع الرامبلا
بدايه شارع الرامبلا هي الساحه الكتلونيه
ونهايه الشارع هو ميدان كولمبو والميناء


نلاحظ تمثال كولمبوس في اعلى العمود

وهذا البحر ونلاحظ المبنى الزجاجي هو فندق W

وهناك اكشاك منتشره بجنب الميناء والميدان
ويبعيون بعض الاشياء التراثيه القديمه
مسدسات وسيوف وتحف وهواتف وملابس عسكريه واخرى

وبعدها رجعنا الفندق نرتاح اشوي


ارتحنا اشوي وقررنا نروح النافوره السحريه بجانب مبنى المتحف كتالونيا الوطني الضخم والفخم


نزلنا من نفس محطه المترو كتلونيا الى محطه اسبانيا

هالمحطه تطلعكم مباشره على ساحه Placa de Espanya

تلاحظون المبنى البني على يمين الصوره
فيه مصعد على الشارع تصعدون فوق وتاخذون منظر بانورامي للتصوير

ونتجه ناحيه هالبرجين للتوجه الى النافوره السحريه Font Mágica

نشاهد من بعيد النافوره السحريه وخلفه متحف كتلونيا الوطني

نقترب اطثر

و أكثر

الى ان وصلنا

فيديو النافوره \بعا تبدأ رقها ليلا و بأوقات معينه



ومن اليوتيوب لرقصها




غيرنا وجهتنا الى القريه الاسبانيه بدل المتحف الوطني على اساس نروح له بدري اكثر
واتجهنا بمكان قريب من النافوره يمينا الى القريه الاسبانيه
وهي مبنيه على الطراز القديم وفيها بعض المطاعم والمحلات التجاريه لكنها قليله


القريه الاسبانيه poble espanyol

اسعار تذاكر الدخول







بوابه الدخلو الى القريه





القريه من الداخل






















































برتقال








وكملنا مشي بالقريه








فيديو قصر للتجول





واحنا نمشي حصلنا عروض لرقصه الفلامنكو الاسبانيه
وخذنا تذاكر ودخلنا نشوف العرض
سعر تذكرتين مع مشروب مجاني 42 يورو
طبعا اي مشروب مب شرط يعني ههههههههه








فيديوهات لعرض رقصه الفلامنكو















وفي طلعتنا من القريه حصلتها تنسج وتسوي شالات واشياء ثانيه





طلعنا من القريه وتعشينا ورجعنا الفندق









وانتهى يومنا الاول في برشلونه

وبغد قليل ننتقل الى جزء الكروز


انتظروني ​

 

[جودى]

مرحبا بالجميع

اليوم الثاني في برشلونه 30-8-2015

قمنا من النوم الضحى
بدلنا ةجهزنا اغراضنا ورأسا على المينا للصعود على الكروز
اخذنا سياره من الفندق وتوجهنا الى وجهتنا

في الطريق الى الكروز

ونقترب

و أكثر

و أكثر

وصلنا الحمدلله
وقبلها كنت مسوي شيك اون لاين من موقعهم

واخذو اغراضنا

الطابور الي هناك للناس الي مب مسويين شيك اون لاين
انا الحمدلله تعديت هالطابور

هنا مكان الدخول لتسجيل الدخول وبطاقه صعود الكروز

بس قبلها حطو ستيكرات على الشنط برقم الغرفه على اساس يجيبونها لنا هناك

ودخلنا

مكان التفتيش وخلفه كاونترات التسجيل

دخلنا صاله استراحه لسويتات the Haven
بس نسيت اصورها من الداخل

للي ماخذين هالسويتات يستلمكم واحد ورز واحد لين توصلون غرفتكم كخدمه اضافيه
لازم اشرح لكم كلشي عشان يكون واضح معاكم

وهذي جات وحده وخذتنا من الصاله الى السفينه تمشي قدامنا

في الطريق الى داخل الكروز وهي قدامنا

ودخلنا وهذا شكل الدرج من الداخل

وداخل الكروز سلامتنا لشخص اخر
وتمشى معانا داخل الكروز عشان يعرفنا على الاشياء و الامكان الخاصه الي يدخلونها لأصحاب سويت ذا هافن

المطعم والكوفي الخاص

وجلساته

المكان هدوء جدا جدا للراحه والاسترخاء
لان المسموحه لهم يدخلون هالمكان عدد قليل جدا


منظر خارجي للمسبح من المطعم

وبعدها اخذنا لمكان اخر

الى الرسبشن للأدوار الــ 16 و 17 فقط

وبعدها اخذنا لمطعم اخر ايضا خاص
هذا المطعم معظم اليوم مفتوح ماعدا اخر الليل
والاكل والمشروبات فيه مجانيه

وهذا حمام السباحخ الخاص بالسويتات
ومقابله الجم والسونا والنادي الصحي

وبعدها اخذنا لمكان اخر

شرح اذا بغينا تصوير احترافي مع خصم 20%

ودليلنا قال لما تشوفون بالسجاد خطوط زرقاء يعني هذا المكان خاص بأصحاب السويت
يعني عشان يكون اللون دليلنا اذا نسينا او خربطنا

وبعدها اخذنا الى الدور الــ18 سطه الكروز وهي منطقه جلوس واسترخاء وتشمس

منظر من السطح لحمام لبركه السباحه

وبعدها سوى لنا افراج وقال على غرفتكم

الممر المؤدي الى الغرفه

وصلنا

صور السويت من الداخل

مدخل الحمام اعزكم الله

المغسله والبانيو

التسريحه والهاتف
في رقم اتصال اسمه بتلر ( يعني الخادم )
وهو خادم بالسويتات وجاهزين 24 ساعه لاي مساعده او استفسار او حجز مواعيد داخل السفينه داخلها وخارجها
ويوصلك لغرفتك بأي وقت لو احتجت اي شي

السرير

مكينه القهوه والتلفزيون

مدخل البلكونه

منظر للغرفه من البلكونه

تصوير فيديو لسويت ذا هافن





وبعدها نزلنا الى الدور الـــ 15 نتغدى
وهذا الطريق الى المطعم





ومقابله من الجهه الاخرى الطريق الى البركه وخارج الكروز





المطعم كبير وفيه جميع الاكلات الي ممكن تتخيلها ريوق وغدى وعشى
الاكلات الانترنشونال والهندي والايطالي تقريبا ثابته
والاكل الشرق اسيوي والي فود والعربي بين فتره وفتره
الايسكريم موجود طول الوقت ومجاني نفس الاكل
والشاي والقهوه موجوده طول اليوم ومجاني
ومشوربات الماي والليمون والبرتقال والكرز موجود ومجاني
السويتات والكيكات والفواكهه موجوده طول الوقت ومجانيه
المشروبات مجانيه ماعدا المشروبات الغازيه


فيديو للمطعم الرئيسي بالكروز





والجزءالاخر من المطعم موجود خارج الكروز مقابل بركه السباحه





وبعد الغدى رحنا الكوفي بالدور 16
للهدوء والراحه وجلسنا هنا








وهذا طلبنا





منظر عام للمطعم





وبعدها تجولنا داخل الكروز وبين المحلات الموجوده اترككم مع الصور






























صالون رجالي








وتحركت السفينه المغرب
وبعدها اشتغلت النشاطات والموسيقى الليله في الكروز ناحيه حمام السباحه
وكملنا تمشيه ورحنا نرتاح والنوم
علما ان اليوم الي بعده وهو يوم 31-8-2015 راح نكون طول اليوم بالبحر
لان المسافه من برشلونه الى مدينه نابولي الايطاليه وهي وجهتنا الاولى بعيده


تابعوني يوم بالبحر والي بعدها الوصول الى نابولي


تحياتي للجميع ​

 

[جودى]

ياهلا ومرحبا بالجميع
عدنا لكم نتابع مع بعض بقيه التقرير

يوم 31-8-2015
وهذا اليوم كان بطوله في البحر
لان المسافه من برشلونه الى نابولي طويله

استغلينا هاليوم في نشاطات السفينه واماكن السبا والمحلات التجاريه والاسترخاء على نسيم البحر المنعش


خذنا راحتنا بالنوم وصحينا مع فتره الظهر
طلعت البلكونه اصور المنطقه الي واصلين لها

كنا واصلين هالمنطقه بالضبط

بعض الصور من البلكونه

فيديو





وبعدها نزلنا نتغدى
وكان معظم الاكل سي فود ( بحري ) على اساس ان يوم بحري ومعظم الاشياء بحريه وطبعا في بعض الاكلات اليوميه الثابته بطول ايام الرحله
وهي الباستا والبيتزا والاكل الهندي والبرغر وهوت دوغ والناجيتس وبعض الاكلات الاخرى


ورحنا للمطعم ومسويين بعض الاشكال على البطيخ ( الجح ) على شكل اسماك وسلاحف













وهنا بعض اكلات السي فود
الصقوع والحويت






ديكور لأم الربيان


















وانا في هاليوم كان خاطري في باستا بس



بعد الغدى رجعت الغرفه ابدل واشارك معاهم بالنشاطات الموجوده عندهم
وشفتهم حاطين لي بالغرفه وجبه خفيفه




قبلها زوجتي موعد مع السبا لان بغينا نستغل اليوم با الاماكن بالسفينه والاماكن الي تحتاج ناخذ لها مواعيد بما انه طول اليوم بالسفينه
وطبعا قلت لها الميزانيه مفتوحه
والحريم ماينقال لهم ها الكلام ههههههه
راحت السبا ساعتين والا جايتني فاتوره على المسج فوق 700 دولار


وانا رحت مكان السباحه ولعبت في اللعبه المائيه
في كذا لعبه بس الي لعبتها بصراحه حلوه وحبيتها جدا ممتعه
نفس الي بالفيديو

طبعا النزول من فوق على شكل ممر مسكر ومظلم وفي ماي يجري على اساس يزيد من سرعتك
وبعدها تطلع على الدائره الكبيره
وبعدها من الفتحه بالدائره والنزول الى اسفل



وفي نشاطات ثانيه موسيقى وتمارين وبعض الاغانيه اللاتينيه منها مثل المكسيكيه والسامبا
ماينفع انزلهم طبعا هههههههههه

ومع المغرب رحت الغرفه ارتاح اشوي وصورت لكم الغروب بالصور والفيديو












الغروب بالفيديو




عقب مارحتنا اشوي رحنا ايس بار ICE BAR
هذا كوفي بالثلج المكان مثلج بالكامل
اول ماتدخل ممكن تجلس لكن بعد ماتقعد خمس دقايق تحس البروده تتغلغل فيك هههههههه
وبعدها ماتقدر تستحمل كثير بس المكان من الداخل روعه








وهذا رست اعتقد من غانا يختار لنا الجاكيتات الي تناسبنا
يحليله انتيكه هالولد جننته ههههههههههه
وقبل سنتين كان يشتغل بالدوحه وسولفنا معاه اشوي





وهنا يفتح لنا الباب للدخول





هو دخل قبلنا واحنا دخلنا بعده




صور من الداخل




الكراسي والمسجمات كلها مصنوعه من الثلج





واضاءات تتغير الوانها روعه





هذا مكان البار
وطبعا تذكره الدخول شامله مع مشروب واحد لكل شخص








السقف مثلج










وطلبنا عصير برتقال
القلاص عباره عن طبقتين
طبقه خارجيه من زجاج
وداخليه قلاص من الثلج
لو تدققون اشوي بتشوفون الطبقه الداخليه من القلاص المثلج طالع من فوق





فيديو ايس بار






وعقب كملنا النشاطات صوب المسبح
ورحنا ننام استعدادا للوصول الى نابولي في الصباح الباكر

اشويات وانزل لكم تقرير نابولي ​

 

[جودى]

صحينا الفجر يوم 1-9-2015
وكنا وصلنا نابولي الايطاليه
وقمنا وصحصحنا استعدادا للنزول

الميناء وصوره من بعيد للمدينه

الباصات السياحيه متوفره بكثره لان بعظهم يفضلون يطلعون بقروبات سياحيه
وانا من طبيعتي ماحب القروبات احب اروح لحالي واخذ لي سياره خاصه اريح واسرع واكون محدد الاماكن الي بروح لها
والتكاسي والسيارات السياحيه متوفره ايضا بكثر بمجرد وصول الكروز

مبنى ميناء نابولي

يعتبر سنتر المدينه جنب الميناء
وطالعه عندنا بالصوره اشهر قلعه في نابولي وهي قلعه نوفو Castel Nuovo

بالنسبه لطريقه النزول والوقت المخصص لك بكل مدينه
هم يحددون لك وقت العوده للسفينه وغالبا الوقت مناسب جدا لكل مدينه
وانا طريقتي اول مانزل اخذ سياره واروح المكان الابعد في البدايه وبعدها المكان الاقرب للميناء
على اساس لو جا وقت العوده اكون موجود قريب ماتعطل لأي سبب من الاسباب

اول مانزلت اخذت سياره ورأسا ذهبت الى مدينه بومبي pompeii
ومعروفه قصتهم ورب العالمين غضب عليهم بسبب الرذيله العلنيه الي وصلو لها وثار عليهم البركان وماتو من سموم البركان وبعدا تصلبو من غبار البركان كلن بوضعه الي كان عليه قبل ثوران البركان

وصلنا المدينه والمسافه كانت من نابولي تقريبا 40 دقيقه
ونزلنا بس وصولنا كان بدري اشوي مافتح شباك التذاكر
تسوقنا في الاكشاك الي الي جنب المدينه الى وقت فتح البوابات

المدينه المنكوبه كبيره جدا فوق ماتتصورونها
والطريق داخل المدينه وعر وصعب المشي عليه
لان اهل المدينه سابقا مسويين الطريق على شكل احجار مسطحه وغير مستويه المشي صعب جدا عليه وزياده على ذلك الجو كان حار جدا
والمدينه من الداخل تضيع من حجمها ومداخلها ودواعيسها وسككها
ومعظم المدينه خاليه فقط توجد اثار مبانيهم
ماعدا في اخر المدينه يوجد نفس المدرج الكبير مجمعين بعض الجثث المتصلبه هناك وراح اوضح لكم بالصور ان شاء الله

بدايته دخولنا

هذا المكان المشبك عند بوابه الدخول
في بعض الاثار والادوات الي كانو يستخدمونها في ذاك الوقت

هذي جثه كلب اعزكم الله متحجره

ورجل

وطفل

وبعدها تمشينا اشوي لكن لا توجد غير مبانيهم
ومتجهين الى اخر المدينه والذهاب هناك الى المدرج الرئيسي
وانصح الي يبغي يروح يدخل من بوابه المدرج في اخر المدينه ويتجول قريب من المدرج افضل له بكثير

وصلنا للمدرج

صوره للمدرج من الداخل

وبنص ساحه المدرج يوجد مبنى خشبي صغير وهذا المكان معروض فيه بعض اهل هذه المدينه

حاط ولده بحضنه ويلعب معاه والولد الثاني جنبه

طبعا الصور الاخيره اهداء حق مشرفتنا ابرار والمبدعه فني غيرل

وجنب المدرج يوجد هذا المكان بالنص عباره عن حديقه
وعلى اطرافها غرف شكلها مخازن او اسطبلات للخيول

وهنا طريق خروجنا من المدينه
وطلعنا من الباب الي جنب المدرج لان صعب ارجع لنفس الطريق مره ثانيه الجو كان حار والوعوره ماتساعد

صور لجبل البركان فيزوف vesuvius الذي دمر المدينه

طلعنا من المنطقه واتجهنا الى وسط نابولي
وتحديدا الى الدومو
طلبت من راعي السياره ينزلنا ويتوكل في حال سبيله

مدينه نابولي جدا قديمه ومبانيها وشوارعها ودواعيسها متهالكه جدا جدا
ومدينه فقيره وشعب فقير ومحلات المدينه قديمه جدا
واتوقع ليلا تنتشر فيها السرقات يعني من طريقه عيشهم وجو المكان نفسه
ومانصح ابدا الذهاب لها للسياحه حتى لو دقيقه واحده
مافيها اي شي يستاهل الواحد يتعنى لها

هذا الدومو او كالنسيه عندهم

ومن الداخل

وبعدها دخلت شوارع المدينه الداخليه اتمشى فيها
ومتجهه الى ساحه بيازا دانتي


الشوارع الداخليه لنابولي

واخيرا وصلت ساحه بيازا دانتي
قبل لاروح لها عجبني الاسم وايد احسه موسيقي
وطول الوقت قبل لاوصلها كنت اردد الاسم على اللساني وياريتني ماوصلت لها هههههه

مافيها شي كلش مكان كئيب جدا جدا

ماقعدت فيها خمس دقايق ونزلت للمترو
وقلت بروح للسنتر القريب من الميناء وقلعه نوفو
قلت المكان هناك اشوي اشرح وقريب من الكروز
وبالمره ابغي اروح مجمع امبرتو Galeria Umberto

طلعني المترو من جنب القلعه

تغدينا هناك بأحد المطاعم الايطاليه واكله كان حلو
لكن ماصورت من الجور الحار والمدينه نفسها ماعرفت شنو اصور او شنو اخلي هههههههه


واتجهت الى جاليري امبرتو
من اسمه احسه متروس محلات راقيه وماركات وكوفيهات ومكان بارد

هالنافوره مابين قلعه نوفو ومجمع امبرتو

وصلت للمجمع

هالمجمه بالضبط شبيه مجمع فيتوريو في ميلانو Galleria Vittorio الموجود بساحه الدومو

لكن المكان داخل حار و 60 % من المحلات مغلقه للصيانه
وباقي المحلات مغلقه وقت الظهيره
والمكان داخل المجمع مب نظيف
يعني في فرق كبير بينه وبين المجمع الي في ميلانو


صور لمجمع امبرتو في نابولي

تمسينا داخل المجمع للخروج من الجهه الاخرى
ومن طلعنا من الجهه الثاني تنفسنا الصعداء
شارع نوعا ما راقي ونظيف وبين المباني مظلل من الشمس وفيه نسما هواء بارده
والشارع في محلات ومطاعم وكوفيهات راقيه وفيه بعض الماركات

عقب مارحتنا اشوي بالمكان
حان وقت عودتنا للسفينه

ورجعنا من طريق اخر قريب من القلعه

وبعدها دخلنا للسفينه
ورحنا الغرفه نرتاح اشوي
وحاطين لنا فوطه مسويينها على شكل فيل هههههه
مع كتيب عن نشاطات السفينه لهذه الليله + جدول المغادره والعوده ليوم 2-9-2015 لمدينه روما

ولي عوده ان شاء الله للجزء القادم الرحيل من نابولي الى العاصمه الايطاليه روما


تحياتي للجميع

​

 

[جودى]

السلام عليكم ورحمه الله وبركاته

بعد ماكانت رحلتنا السابقه كانت في نابولي ومنها رحت لمدينه بومبي الاثريه

وبعد ماخلصنا جولتنا في نابولي رجعنا للسفينه بالوقت المحدد
لنبدأ رحله جديده

وكانت رحلتنا الى العاصمه الايطاليه روما
تحركنا من نابولي بدايه المساء بأتجاه نابولي
كانت اجواء ليله جميله
واسترخاء ولا احلى
بعد تعب واجهاد نابولي وجوها الحار
وفكرنا مانجهد نفسنا بأي منطقه نزورها بعد ذلك

ركبنا السفينه ورحنا ارتحنا اشوي
وبعدها طلعنا نتعشى
وبعدها الى المسبح نشوف النشاطات الي عندهم

وفي هاليومين رقدنا بدري على اساس بنوصل روما الفجر
ونبغي نكسب الوقت

وخاصه ان السفينه مارح ترسي في روما
راح توقف بمنطقه نوعا ما قريبه من روما

وهي مدينه Civitavecchia والمسافه منها الى روما بالسياره 45 دقيقه

وصلت السفينه الى المدينه تقريبا الساعه 5 ونص الفجر
صحينا من النوم ونزلنا نتريق على السريع
وخلصنا ورتبنا اغراضنا الي بناخذها معانا
وطلعنا من الكروز
واخذنا سياره خاصه تنقلنا الى روما
مابغيت اروح مع السياح او بالقطار

وهنا بالطريق الى روما

وصلنا روما ومتجهين الى مركز المدينه
وعجبني هذا المبنى وصورته
وهو قريب من معظم الاثار الررومانيه ومنها المدرج الروماني

والمبنى هذا النصب التذكاري الوطني لفيكتور إيمانويل الثاني

وفيكتور هذا كان ملك ايطاليا الموحده

طبعا التصوير من السياره مب واضحه كثير

وطلبت من التاكسي التوقف لما شفت محطه المترو
ونزلنا منه ورحت للمترو الى محطه Colosseo

وهي محطه المدرج الرومان الكالسيوم
وصلنا محطه المدرج

وقدام المحطه مباشره اخذت صوره للكالسيوم

طابور التذاكر للدخول

وقت التفتيش كانت عندي شنطه نوعا معاه وعلى كلامهم تعتبر كبيره
وهي متوسطه وعادي وتحمل ومنعونا من الدخول بها
وهي اساسا كانت فاضيه بس جايبينها احتياط
لان مقصدنا الاساسي من روما هو الشوبينغ

ورميتها واخذت تذكره ودخلنا

هنا متجهين الى مكان التذاكر وهو يكون داخل المدرج مش عند المدخل

انا صورت صور كثيره للمدرج من جميع الاتجاهات
وركزت عليه بالصور
لاني مارحت في روما الا الكالسيوم والساحه الاسبانيه ( سبنجا فقط )
لان معظم الاماكن زايرها في روما لما كنت هناك قبل 4 سنوات تقريبا


اترككم مع الصور

وبعدها طلعنا فوق بالدرج ونكمل تصوير من الاعلى

وهنا بعد خروجنا من المدرج
وواضحه الاثار منتشره بكل مكان حول المدرج

بس نبغي نكسب الوقت
وركبنا محطه المترو مره اخرى والنزول في محطه سبنجا
وهالمحطه من جنب الساحه وشارع الماركات

من داخل المجطه يعطينا اي مخرج نبغيه
طبعا كملنا سيده للساحه

وهنا اول دخولنا الى ساحه سبنجا

هذي النافوره والساحه والمدرج الاسباني

وهالصوره من شارع الماركات بأتجاه المدر
لانهم بنفس المكان

وتسوقنا في روما وتأخرنا بالمحلات هناك
ومابغينا نروح اماكن ثانيه

لان تعب نابولي كان للحين طالع علينا
ولان مانبغي نفوت من شراء الملابس والشنط الايطاليه
وبعد لان ورانا خط للرجعه تقريبا 45 دقيقه
وناخذ احتياطاتنا لأي تأخير ممكن يحصل لنا

رجعنا للسفينه والحمدلله وصلنا بالوقت المناسب


لنبدأ رحله جديده الى مدينه بيزا وفلورنسا الايطاليتين

انتظرونا

تحياتي للجميع​

 

[Karimm]

00393475659412 سائق عربي في روما ايطاليا و مرشد سياحي

 

[Karimm]

مرشد سياحي في إيطاليا روما 00393475659512

 

[حجوزاتى]

ما اروع الكروز