نتابع الجزء السادس من اليوم 5
والرحله الثانيه مع القروب الى
نورث كيب
[ATTACH=full]694034[/ATTACH]
معلومات عنه
هو جرف الجبل الحاد واللي يرتفع 307 متر فوق المحيط المتجمد الشمالي
ويمثل نقطة النهايه للقاره الاوروبيه
وهو رأس الشمال النرويجي يقع في أقصى شمال النرويج
على شواطئ جزيرة ماغرويا
ضمن بلدية نوردكاب Nordkapp في مقاطعة فينمارك
وهو الزاوية الشمالية القصوى في أوروبا
. الطريق الأوروبي E69 السريع ينتهي في محطة رأس الشمال النرويج
حيث يعتبر نقطة جذب سياحي
في الشتاء تكون المناظر خلابه من هالمنطقه ورؤية الشفق القطبي الشمالي
وفي الصيف ممكان مشاهدة الشمس بعد منتصف الليل
موقعهم السياحي
Nordkapp
تفاصيل هاليوم
بعد ماخلصنا رحلة القباقيب انطلقنا الى نورث كيب بالباص
[ATTACH=full]694035[/ATTACH]
[ATTACH=full]694036[/ATTACH]
[ATTACH=full]694037[/ATTACH]
في البدايه نزلولنا في مكان كان فيه محل مسواي من الخشب ويبيع سوفنيير
وبرع المحل كان واقف واحد من القبائل المعروفه عندهم مع حيوان الرنه والناس تتصور معاه
نزلنا وانا لازلت أعرج بريولي
بالنسبه لريولي والمها
حبيت أخبركم عن موقع الالم وين بالضبط في ريولي ؟
الله يسلمكم تعرفون المنطقه بين القدم والركبه من ورا
نحن نسميها تبانه وحد يسميها بطه
المهم الالم في العضله اللي في هالمكان وكانت في الريل اليمين
[ATTACH=full]694038[/ATTACH]
هذا المحل اللي دخلناه بس انا مادخلته ماكان لي خلق
[ATTACH=full]694039[/ATTACH]
[ATTACH=full]694040[/ATTACH]
مشيت لين حيوان الرنه
الله لايشممكم ياه كانت ريحته خايسه [ATTACH=full]694041[/ATTACH]
يادوب صورت شوي ورجعت صوب الباص
[ATTACH=full]694042[/ATTACH]
[ATTACH=full]694043[/ATTACH]
[ATTACH=full]694044[/ATTACH]
وانطلقنا الى
نورث كيب أو كيب الشماليه
[ATTACH=full]694045[/ATTACH]
[ATTACH=full]694046[/ATTACH]
نمر ع بحيرات ومناظر طبيعيه
[ATTACH=full]694047[/ATTACH]
[ATTACH=full]694048[/ATTACH]
[ATTACH=full]694049[/ATTACH]
وصلنا نورث كيب والكثير معانا من الباصات السياحيه
بركن الباص وبدت الناس تنزل
وهنيه صارلي الموقف أو الحادث
اللي عكر مزاجي لباقي اليوم
وأنا نازله من الباص وتوا بنزل ريلي ع السلم جان أصرخ جدام الناس
حسيت كأنه شي انقطع في ريولي من مديتها عشان أنزل
سبحان الله نفس الشي صارلي من سنوات في لندن
ومن صرختي وقفوا كل الناس اللي حواليي يطالعون شوفيني
انا تجمدت مكاني من الالم لا أنا قادره أرد ورا ولا أنزل
وعقب ساعدوني الناس أنزل من الباص وتميت واقفه فتره أتألم
والناس متعاطفه ويايي بس مب عارفين شو يسوون
مسكوني بناتي ومشوني لاقرب كرسي ويلست
عاد كسروا خاطري بناتي اني خربت عليهم الطلعه
فقلتلهم انتوا سيروا تمشوا ويا الناس وصوروا وانا بيلس هنيه أترياكم
بعد اصرار مني هم راحوا
أنا ظليت مكاني أكسر الخاطر وعيني ع المكان اللي الناس تمشي فيه
خاطري أشوف اللي يشوفونه
بعد شويه قررت أغامر واسير صوبهم وما أضغط ع ريولي في المشي
عاد هنيه ماتتخيلون كيف مشيت بصعوبه وكيف كنت اسحبها سحب
وشوي امشي وشويه أوقف أريح وأتألم
ووصلت عند السياج وهم بعدهم الناس بعيدين عني
شوفوا هم وين وأنا وين
[ATTACH=full]694050[/ATTACH]
يلست اصور وارتاح وعقب قلت بكمل صوبهم
[ATTACH=full]694051[/ATTACH]
[ATTACH=full]694052[/ATTACH]
عقب كملت سحب
والبنات طبعا ما أشوفهم وأكيد هم في هاك المكان يصورون ويتصورون
[ATTACH=full]694053[/ATTACH]
تقربت شوي
[ATTACH=full]694054[/ATTACH]
أنا مسويه زوم ولا أنا بعدني بعيده عنهم
شفت اني مابقدر اكمل
ريولي وايد تالمني وامشي بصعوبه
لما شفت حالتي جيه قررت أسير صوب الكوفيهات
الحلو في المكان انه فيه
مبنى كبير فيه
كوفيهات ومطعم واظن بقاله ومتحف وحمامات ويلسات حلوه تطل ع المكان
ومحل يبيع هدايا وأعتقد فيه مصلى ممتأكده بس قريت عن هالشي
[ATTACH=full]694055[/ATTACH]
اتصلت ع بناتي وخبرتهم اني أترياهم في الكوفي
وانا يلست في الكوفي ورفعت ريلي ع كرسي ثاني وظليت أنتظرهم
[ATTACH=full]694056[/ATTACH]
[ATTACH=full]694057[/ATTACH]
[ATTACH=full]694058[/ATTACH]
عقب يوني البنات ويابوا بعض الحلو
[ATTACH=full]694059[/ATTACH]
الحلو ماكان حلو ماعجبنا
[ATTACH=full]694060[/ATTACH]
[ATTACH=full]694061[/ATTACH]
بعطيكم بعض الصور من تصوير البنات وحركاتهم للنورث كيب
[ATTACH=full]694062[/ATTACH]
[ATTACH=full]694063[/ATTACH]
[ATTACH=full]694064[/ATTACH]
[ATTACH=full]694065[/ATTACH]
[ATTACH=full]694066[/ATTACH]
[ATTACH=full]694067[/ATTACH]
[ATTACH=full]694068[/ATTACH]
عقب رجعنا الباص وطبعا بناتي ماسكيني فديتهم
ودايما اذا ينزلولنا اي مكان يخبرونا متى نكون في الباص
ورجعنا السفينه وكان الوقت جدا متأخر عقب نص الليل
عالم صايعه ههههههههههههههه
شوفوا السماء كيف منوره بالليل كأنه المغرب
[ATTACH=full]694069[/ATTACH]
انطباعي عن الرحله
المكان يستحق الزياره
بسبب ظروفي الصحيه ما استمتعت فيه ولاشفت المكان عدل
أعتقد المكان يباله زياره قبل المغيب وعقبه عشان تستمتعون بالمناظر
بالاضافه انه المبنى فيه الكثير بس نحن ماشفنا شي
وحليلهم البنات من دخلوا المبنى انشغلوا فيني وماتمشوا فيه
وبعد مابركن الباص في المكان المخصص لهم والقريب من السفينه
قالتلي المسؤوله تبين كرسي متحرك
يا الله ماتتصورون كيف فرحت بهالاقتراح قلتلها ياليت
وانتظرت لين ماطرشولي من السفينه موظف معاه الكرسي
ركبوني فيه ودزاني لين باب الغرفه في السفينه
وكانت معانا مسؤوله من السفينه
في البدايه كنا نبا نسير العياده في السفينه ولكنها مسكره في هالوقت
وقلتلهم خلاص باجر الصبح بسير
وأول ماوصلت الغرفه طلبت ثلج لرولي
وشرحتلهم ليش ابا ثلج عشان اييبولي كميه
فلقيتهم يايبين لي ثلج محطوط في كيس وجاهز للكماده
ويلست فتره أسوي كمادات بالثلج وعقب خذيت حبه للعضلات مع مرهم خاص للعضلات
وكنت أفكر كيف بتكون حالتي باجر وكيف بقدر استانس باقي الايام
تابعوني وبتعرفون شو صار في ريلي
وكيف قضيت باقي رحلاتنا
في اليوم 6
[ATTACH=full]694070[/ATTACH]
