اليوم الثاني في جزيرة كوساموي
نشينا انا وبوعيسى من النوم بدري وخلينا العيال راقدين ياخذون كفايتهم من النوم
ونحن تمشينا لين مطعم المنتجع وشالين الجبن ويانا
اليلسه حلوه
الريوق لابأس فيه مب هذاك الزود
لاتنسون انه المنتجع مافي حد الا نحن
ويمكن عايله أجنبيه ريال ويا زوجته
واظن روحوا عقب لأنه ماشفناهم
وثاني يوم شفنا الاسيويات وعقب بعد ماشفناهم
توا بوعيسى يقوللي انه منتجعنا كان فل ، هم قالوله جيه
بس انا متأكده انه جذابين
عنبوه فل وماشفنا حد طلع من فيلته
فل والمطعم فاضي والرسبشن فاضي والمسبح فاضي والشاطئ فاضي
كيف فل بالله عليكم
هاي صور ريوقنا
[ATTACH=full]688927[/ATTACH]
اخترنا طاولتنا تطل ع البحر
[ATTACH=full]688928[/ATTACH]
[ATTACH=full]688929[/ATTACH]
وفه يلسات من صوب الحديقه
[ATTACH=full]688930[/ATTACH]
[ATTACH=full]688931[/ATTACH]
ما أدري ليش ماصورت صور أكثر لليلسات
مع انه المكان كبير
[ATTACH=full]688932[/ATTACH]
[ATTACH=full]688933[/ATTACH]
[ATTACH=full]688934[/ATTACH]
[ATTACH=full]688935[/ATTACH]
[ATTACH=full]688936[/ATTACH]
[ATTACH=full]688937[/ATTACH]
وطلبنا بيض وسوولنا ياه
[ATTACH=full]688938[/ATTACH]
وهذا الشيخ اللي مرتز ويانا في كل سفراتنا
[ATTACH=full]688939[/ATTACH]
وعقب ماخلصنا ريوقنا تمشينا ع البحر
وعقب رجعنا عند العيال وريقناهم وتجهزنا واستعدينا
لأول انطلاقه حقيقه في الجزيره واللي عشنا فيها وايد مغامرات
قبل لآ أنتقل لأحداث هذا اليوم خلوني أخبركم بسلبيات المنتجع
ورغم انها ماتعتبر سلبيات كبيره
أكبر سلبيه في نظري
كانت الوانالمنتجع
وأقصد المطعم اليلسات ديكورات الفلل
تشوفون الغالب اللون الابيض والاسود والرمادي
وخصوصا المطعم كئيب رغم انه يلسته وموقعه ممتاز
من وجهة نظري المنتجع محتاج لألوان فريحيه
كوشنات فيها زخارف وورود
المنتجع محتاج من يرويه بالالوان ويضيف بهجه وسعاده
لم شفت الصور من موقعهم شفت انه فيه مخدات برتقاليه محطوطه ع الارض
مجابله الشاطئ بس لما كنا هناك ماشفتها
ولما كلمت المدير في هاي النقطه
خذا نفس عميق ورد وهو متطفر
الظاهر بعد هو يعاني من هاي النقطه ، وقال
انه أصحاب المنتجع وهم استراليين يحبون هاي الالوان ومايحبون الوان ثانيه
قلتله اللي يحبونه يسووونه في بيتهم ع ذوقهم ، ولكن حق البزنسس لازم يشوفون أذواق الزبائن
السلبيه الثانيه
المنظر الخلفي من الفيلا ممعتنين فيه
مثلا غرفتنا جدارها الامامي والخلفي كله زجاج
والحمام عزكم الله الجزء الخلفي منه زجاج ويطل ع الجهه الخلفيه
وهالمكان ميت وفيه بقايا أوساخ ومن رأيي
انه يسوون حديقه جميله من الورود والاشجار
وتكون نظيفه ومرتبه وتعطي منظر جمالي للخلفيه المطله ع الغرفه والحمام
السلبيه الثالثه
الريوق كان مقبول ولازم يهتمون فيه
مب شرط الكميه انما في الاختيارات والتنسيق
لأنه اذا الزبون عجبه المكان من كل النواحي فهو بيجذب زبائن غير
السلبيه الرابعه
موقع المنتجع كان شوي بعيد عن الحياه ومركز المدينه
في الأخير
رغم السلبيات اللي قلتلكم ياها الا انه مايمنع انه المنتجع حلو وسعره حلو
ويستاهل التجربه
تابعوني في مغامراتنا في هاليوم
