فندق الجسره

[جوومانه]

قطر



رحلتنا كانت

من تاريخ 12 / 1 / 2015 الى 15 / 1 / 2015

سكنا في

فندق الجسره سوق واقف

موقعهم ع النت

Souq Waqif Boutique Hotels | Boutique Hotels Doha | Luxury Hotels Doha


صور متنوعه لفندق الجسره


سكنا عباره عن

سويت من غرفه وصاله وفيها حمامين ومطبخ

انطباعي عن الفندق

جميل جدا وموقعه ممتاز في سوق واقف

وخدمتهم ممتازه


ورحلتنا كانت

الطيران القطري

انطباعي عنها

الصراحه روعه وممتازه وسعرها كان ممتاز ، أعتقد الشخص ب 700 درهم




تابعوني في ...

مقتطفات من رحلتنا القطريه

​

​

 

[جوومانه]

صور اضافيه لفندق الجسره

محل شوكليت في اللوبي

صور من الخارج

شفنا في الفندق مطعمين واحد تريقنا فيه بوفيه عقب بعطيكم صوره

وواحد مغربي بس ماجربناه ولكن عجبتني يلسته

تابعوني ...
​

 

[جوومانه]

مطاعم جربناها في رحلتنا لقطر

قبل لا أكلمكم عن المطاعم اللي جربناها ، أحب أخبركم انه
المطاعم مابتكون مرتبه انما بصوره عشوائيه
بنبدأ أول مطاعمنا في

مطعم سي السيد في جزيرة اللؤلؤه

كان هاليوم وايد مميز عندي ، ويوم جميل لأني تعرفت فيه ع الغاليه
فني جيرل

والنعم فيها والله
وبهاي المناسبه أنا حابه أشكرها شكر خاااااص جدا ومن القلب ع كل شي
فديتها ماقصرت معاي في سؤال أو حاجه أحتجتها من وصلت لين ركبت الطياره ورديت البلاد وهي تسالني وتتطمن عليه رغم مشاغلها الكثيره جزاها الله خير
وأغلب الاماكن اللي زرتها كانت من مقترحاتها وماشاءالله كلها ذوق وحبيتها وفعلا أذواقنا متشابه ، والصراحه مهما شكرتها ما أوفيها حقها ونعم المعرفه الطيبه

وأشكر حبيبتي الغاليه
أحلى من العقد
اللي للاسف كانت خارج قطر وزعلت مني اني جيت في الوقت اللي هي مموجوده فيه
ورغم هذا فديتها كانت متواصله دايما ويايي في اي حاجه أوسؤال
فشكرا لج حبيبتي

أشكر أخويه
أرماني
اللي رد ع أسئلتي في تويتر وماقصر جزاه الله خير

نرجع لمطعم سي السيد

في هذا اليوم تواعدنا أنا والغاليه فني جيرل وعزمتني ع هالمطعم
وتم اللقاء الجميل بيني وبينها

ووايد سولفنا وطبعا لازم نحش فيكم ههههههه

ومن كثر ما اندمجنا في الرمسه والسوالف نسيت أصورلكم الاطباق وتذكرتكم عقب
ماطلعت من المطعم

فديتج يافني
اكرمج الله وماقصرتي حبيبتي ، وأنا سعيده بمعرفتج الطيبه اللي كانت من أجمل الاشياء اللي صارتلي في زيارتي لقطر

صور منوعه لجزيرة اللؤلؤه

بعد ماتعشينا كان الجو جميل وحلو تمشينا شوي بس لاحظت
انه المكان شبه فاضي من الناس
ونفس الشي في كتارا عدد قليل ماعدا يوم الخميس شفت زحمه وعالم

انطباعي عن مطعم سي السيد

المطعم يلسته حلوه وأكله حلو وخصوصا الكشري
رهييب عندهم



تابعوني ...​

 

[جوومانه]

نتابع مطاعم جربنا في خلال رحلتنا


المطعم اليمني بندر عدن في سوق واقف

أول يوم وصولنا للفندق خبرونا انه بنتأخر في استلام سويتنا

أنتظرنا فتره وعقب حسينا انه يوعانين فقررنا نتمشى في سوق واقف ندور مطعم

ووقع اختيارنا ع مطعم بندر عدن

وكان اختيار سيئ للاسف من كل النواحي

لا أكل حلو

لاخدمه ولاخدمات عدله

في البدايه لما دخلنا المطعم شفنا زحمه غير طبيعيه ، فقلنا هذا المطعم الفلته

طلع لافلته ولاشي

عطونا طاوله في غرفه وكانوا معانا عائله

جلسنا وفتحنا المنيو وبدينا نطلب

بغينا سمج قال : ماشي ( يعني ممتوفر )

بغينا روبيان قال : ماشي

مع انه الوقت ماكان متأخر عن الغدا

طلبنا صالونة ( مرقة ) لحم وللاسف كانت ريحة اللحم مب حلوه

طلبنا عيش أبيض حق الصالونه قالوا : ماشي

حسينا انه الطلبات محدوده ومافي اختيارات وايد


شوفوا طلباتنا

كان هذا طلبي وعباره عن مظبي دجاج

وللاسف كان طعم العيش محترق وطلبت يغيره قال :

هذا الموجود فطلبت بداله خبز

صالونة اللحم اللي طعم اللحم فيها مب وحلو واللي كانت بدون عيش ( رز ) أبيض

برياني لحم

ونفس الشي ماعجبنا طعم اللحم

مفرش الطاوله كان من النايلون

الملاعق بلاستيك كأنه سايرين رحله ومب داخلين مطعم هههههه

طلبنا كاسات عشان نشرب فيه الماي والبارد

قال ماعندنا كاسات

الصراحه مطعم جدا تعيس وما أنصح فيه وما أدري ع الشو الناس مزدحمه عنده



تابعوني في ..
جوله ثانيه من مطاعم قطر


​

 

[جوومانه]

مطاعم في كتارا

جربنا مطعمين في كتارا

مره عشا ومره غدا

المره الاولى اللي كانت ع عشاء سرنا فيها لمطعم


سكر باشا الرائع

روووعه هالمطعم من كل النواحي

الأكل والخدمه والديكورات والموقع كلها ممتازه وانصح فيه بشده

طلباتنا

الصراحه هاي المطاعم اللي تييب الراس

​

 

[جوومانه]

مطاعم في كتارا

جربنا مطعمين في كتارا

مره عشا ومره غدا

المره الاولى اللي كانت ع عشاء سرنا فيها لمطعم


سكر باشا الرائع

روووعه هالمطعم من كل النواحي

الأكل والخدمه والديكورات والموقع كلها ممتازه وانصح فيه بشده

طلباتنا

الصراحه هاي المطاعم اللي تييب الراس

​

 

[جوومانه]

المطعم الثاني واللي سرناه ع الغداء

هو مطعم مصري واسمه

خان فاروق

في البدايه كنا متعنين لمطعم لوزار للسي فود

للاسف طلع المطعم مسكر في هالوقت لأنه واصلين العصر

وهاليوم كنا في اليوم الأخير لنا في قطر

طلعنا من كتارا للمطار ع طول

الحلو في كتارا انه التنقل فيها يكون بسيارة الغولف ومجانا

هذا هو المطعم

أطباقنا

كشري سي السيد احلى بوايد من هذا

انطباعي عن المطعم

المطعم كخدمه وموقع وديكور ممتاز

بس مستوى الاكل كان مقبول

الصراحه ماحبيت أكله وايد

ونحن طالعين من المطعم التقطت بعض الصور

تابعوني ...​

 

[جوومانه]

ريوقنا في بوفيه مطعم فندق الجسره

في اليوم الاخير قلنا بنتريق في الغرفه وكان عدال فندقنا محل

يبيع رقاق وكرك وأظن براتا

لما نشينا الصبح ولاوحده منا رضت تنزل تشتري ريوق ههههه

قمت أتصلت في خدمة الغرف وقلتلهم بطلب ريوق

قاللي الموظف بدال ماتطلبين شو رايج تنزلين تحت في البوفيه

والاختيارات كثيره وب 70 ريال ، وقالي لو طلبتي بيكون اختيار أقل وفلوس أكثر

أقنعني الهندي هههههههههههه

ونزلنا ومحد كان في المطعم الا ريال وزوجته

وكان باقي ربع ساعه وبيسكر البوفيه

بس وحليلهم ماسكروا البوفيه وخلوه لين خلصنا ريوق وشبعنا

وردينا الغرفه نكمل توضيب شنطنا

تابعوني ...
​

 

[جوومانه]

شاي العصر في فندق سانت رجيس


لما كنت أبا أحجز فندق في قطر احترت بين 3 فنادق

فندق سانت ريجيس

وفندق الريتز

وفندق الجسره سوق واقف

وعقب رجحنا كفت الجسره لقربه من سوق واقف

ولكن حبينا نزور هالفنادق وناخذ فكره عنها حق المستقبل

بس للاسف مامدانا الوقت نزور الريتز

وفي هاليوم قررنا ناخذ الحلو في سانت ريجيس ومنها نتفرج عليه

أول مادخلنا الفندق شفنا حرس ويوله والدخول بتفتيش

استغربنا الوضع ولما سألنا عرفنا انه عندهم شخصيات مهمه

عشان كأس العالم لكرة اليد

بس للاسف ماشفنا حد من هالشخصيات

ع فكره في فندقنا فندق الجسره كان ساكن معانا حسين الجسمي

واللي ويايي شافوه بس انا ماشفته

كل ما انزل أسأل عنه بس يقولولي ياطالع يا في غرفته

وصار موقف يضحك

مره وأنا بطلع من سويتنا دز بابنا واحد ونقزت لانه في نفس

الوقت وأنا طالعه وفتحت الباب

المهم لما شافني ، قاللي حسين داخل

قلتله : منو حسين لا أخويي انته غلطان

أثاري الريال يدور سويت حسين الجسمي

وفهمت هذا عقب يوم عرفت انه ويانا أظن كان ساكن في السويت اللي فوقنا


نرجع للأفتر نون تي في سانت ريجز

نحن يلسنا في اللوبي اللي داخل بس خذيتلكم لقطات لليلسات الخارجيه

الظاهر يسون صيانه لحوض السباحه

هاي طلباتنا

لذيييييييذ هالسويت

تابعوني ...
​

 

[جوومانه]

ريوقنا في اتيوبيا في ذا جيت مول

عجبني المول كثير رايق ، وفيه كوفيهات حلوه وجلسات رايقه

اتمنيت لو جربت كم كوفي

محلاته بعد حلوه وفيه كثير من الماركات

بس عيبه انه التكاسي ممتوفره بسهوله

هذا مطعمنا

اخترنا هاي الجلسه وبعد ماجلسنا صارلنا موقف مب حلو للاسف

بعد مايلسنا ونحن يالسين نختار شو نطلب يانا الجرسون ووراه وحده وزوجها

قال : انه هاليسله مال هالناس

صديت صوبها والصراحه استغربت من قلة ذوقها

قلتها يااختي سامحينا انا لما يلست ماشفت أي شي يدل انها لكم

لاشنطه ولاموبايل ولاشي

قالت نحن كنا نختار الأكل من الثلاجه

ومن وراها زوجها يخزنا بعينه وكأنه متأهب لاي مشكله

تصرف جدا غير لائق

وكنت ممكن أصر وما أقوم بس ماحبيت أسوي مشكله وقلت في خاطري

ياغريب كون أديب

واعتذرتلها وقلتلها تفضلي المكان لج

وطلعنا يلسنا في التراس والحمدالله كانت اليلسه أحلى

تابعوني ..​

 

[جوومانه]

ريوقنا في اتيوبيا في ذا جيت مول

عجبني المول كثير رايق ، وفيه كوفيهات حلوه وجلسات رايقه

اتمنيت لو جربت كم كوفي

محلاته بعد حلوه وفيه كثير من الماركات

بس عيبه انه التكاسي ممتوفره بسهوله

هذا مطعمنا

اخترنا هاي الجلسه وبعد ماجلسنا صارلنا موقف مب حلو للاسف

بعد مايلسنا ونحن يالسين نختار شو نطلب يانا الجرسون ووراه وحده وزوجها

قال : انه هاليسله مال هالناس

صديت صوبها والصراحه استغربت من قلة ذوقها

قلتها يااختي سامحينا انا لما يلست ماشفت أي شي يدل انها لكم

لاشنطه ولاموبايل ولاشي

قالت نحن كنا نختار الأكل من الثلاجه

ومن وراها زوجها يخزنا بعينه وكأنه متأهب لاي مشكله

تصرف جدا غير لائق

وكنت ممكن أصر وما أقوم بس ماحبيت أسوي مشكله وقلت في خاطري

ياغريب كون أديب

واعتذرتلها وقلتلها تفضلي المكان لج

وطلعنا يلسنا في التراس والحمدالله كانت اليلسه أحلى

تابعوني ..​

 

[جوومانه]

ريوقنا في قاعة المعارض في معرض مال أول

في هاليوم كنا في ضيافة صديقتنا أم نوره وهاي مالها علاقه في المنتديات

صديقتنا خارج الوسط الفني اقصد خارج وسط المنتديات ههههههه

اختارتلنا هالمكان وكان اختيار جدا جميل ورائع وعشنا فيه شعور واحساس بتراثنا القديم

المعرض فيه دكاكين للبيع

هذا المطعم اللي تريقنا فيه ريوق مال أول بنكهه تراثيه

هذه الصورة تم تصغيرها . الحجم الافتراضي لها هو 1024x768.

ملاحظه

هالمعرض ممتواجد طول العام ، ولا المطعم اللي فيه ولما كنا

هناك خبرنا الموظف انه المطعم بيظل مدة شهر

أتأكدوا قبل ماتسيرون ، بس من منو بتتأكدون

ما أدري


تابعوني في الجزء الأخير
​

 

[جوومانه]

الجزء الأخير من تقريري القطري

وعشانا في مطعم لؤلؤة الشرق

كان هذا عشانا الأخير قبل سفرنا بيوم

سرنا هالمطعم العجيب

ووايد استانسنا في اليلسه واستمتعنا بالاجواء

ويلسنا مقابل النافوره وأحلى شي يوم رقصوها ع أنغام وأغاني محمد عبده وأم كلثوم


ياسلاااام

">" type="application/x-shockwave-flash" wmode="transparent" width="425" height="344">









">" type="application/x-shockwave-flash" wmode="transparent" width="425" height="344">​

ورغم انه الجو كان وايد بارد الا انه اصرينا انه نيلس برع

وحطولنا دفايه وعطونا شالات

ولابسين لبس شتوي بس بعد وايد كان الجو بااااارد

ماشاءالله المطعم جدا كبير وفيه جلسات خارجه وداخليه وفي

جلسات في البلكونه

اتمنى انه المطعم نال اعجابكم

واتمنى اني كنت خفيفه عليكم

وشكرا لكل اللي شاركوني وتفاعلوا ويايي

وهديتي لكم


اني فتحت تقرير يديد الحين وفيه تجربتي

عن رحلتي للحبيبه الكويت


ماشي فجه مني يالسه ع قلوبكم

رحلتي القصيره للكويت الحبيبه 2014

​