أنت تستخدم أحد المتصفحات القديمة. قد لا يتم عرض هذا الموقع أو المواقع الأخرى بشكل صحيح.
يجب عليك ترقية متصفحك أو استخدام
أحد المتصفحات البديلة.
السلام عليكم و رحمة الله و بركاته
الرحله هذي بتكون مكملة لرحلتي للكويت
بسم الله نبدأ
السبت
26 / 12 / 2015
قبل ما نتوجه لدولة الكويت كنا حاجزين في قطر يومين لكن للاسف
زوجي كان مداوم لآخر يوم قبل الاجازه و قلنا خيرها في غيرها
مع انه قطر جريبه وايد مننا لكن للاسف الظروف دومها معاكستنا
ما ادري الزمـن مـعاند و الا الـقدر
و الا هي ظروف يمرون بها البشر
من كلماتي
من كثر ما كنت متشوقة لزيارة قطر و خاصة سوق واقف كتبت هالكلمات
اللي يتذكر كنا في الدمام و طلعنا بعد صلاة الظهر
توكلنا على الله و انطلقنا
ما اجمل الربع الخالي لا تقولون مناظر طبيعية و خضره
شوفوا الرمال و الجبال الرملية محلاها في الصحراء
تجمع مياه الامطار
طول الدرب و احنا نتشاور انمر قطر و الا نكمل للامارات
طبعا انا كنت مصره اني امر قطر و زوجي المفروض بكره يداوم
لكن اذا ما مرينا اليوم يمكن تطول المده و ما نزور قطر
نتابع الطريق
و هني الدرب الجديد و المختصر
من فوق الجسر
و هذا اللي يعرفه يخبرنا عنه و في اي منطقة موجود لاني نسيت
احلى شيء في الشتاء نشوف المياه المتجمعه في الطريق
الغيوم تبشرنا بالخير
و هذا يبيع النوامات ( الطائرات الورقية )
و الاجمل البياعين على الحدود
لكن هالمرة ابدا ما وقفنا عند حد و هذا كله عشان يودوني قطر
و بعد هالتجمع غفيت لمدة نص ساعه تقريبا و يوم قمت
شفت زوجي ماخذ الدوار سيييييييييده باتجاه قطر
وصلنا
زحححححححححححمة شديده
تأخرنا واااااااايد في الجمارك و السبب انه يوم السبت و القطريين باجر مداومين و اغلبهم راجعين من البر
بس ما عليه نتحمل لعيون قطر
الحمدلله خلصنا بعد انتظار ساعه و نص
طبعا ما كنا حاجزين الفندق و الفندق اللي لغيته اسمه سرايا كورنيش
و قريب من سوق واقف و طول ما احنا في الجمارك احاول ابحث في القارمن
بس للاسف ما يطلع الاسم
و اخيرا تذكرت اني صورت الحجز و موجود في الآي باد
دخلت الاحداثيات و تابعنا القارمن
و هذا فندق الصفا سكنا فيه آخر مره و كنا في رحلة عائليه مع الاهل
وصلنا الفندق و نزل زوجي يسأل عن توافر الغرف و طلبوني
سألني عن نوع الغرفة قلتله اني كنت حاجزه ديلوكس كينغ
قال اوكي خلاص عطوهم و حسبلنا 600 ريال بدال 650 و قال هذا خصم
استانسنا يوم قال عطوهم ديلوكس بقيمة الجونيور اعتقد
هاي شقتنا و هي عباره عن غرفة و صالة و مطبخ صغير
الصالة
ثريا الصالة
المطبخ صغير ما ينفع للطبخ و ما فيه فرن و لا مايكرويف
غرفة النوم على جمالها بس صغيره
الكبت و مكانه وايد ضيق لدرجة انه الباب ما ينفتح كامل
الخزنة
الكواية و طاولة الكوي
التسريحة
الثريا في غرفة النوم
تابع الصالة
غلاية الماي و غرشتين ماي مجانية
و هاي للقحطاني تصدق انه ما فيها الكبسولات و مكتوب اذا بغيت ندفع 10
عن كل كبسوله و اطلبهم من الريسيبشن فقلت ما ابغيهم
الثلاجة
تكرمون الحمام
صلينا و تجهزنا و طلعنا بسرعة ما عندنا وقت
الممر بين الغرف
اللوحه مقابله المصاعد
توجهنا لاروع مكان في قطر سوق واقف
اول شيء سرنا ندور صراف
انا تميت اتمشى مع عيالي و زوجي سار يصرف
احلى شيء بس للاسف ما كلنا
وصلنا سوق الطيور
يا حلاتهم
و هذيل خقيت عليهم و سألت العامل اقدر اوديهم ويايه عن طريق البر قال لا في مشكل
مدفينه عن البرد
و هني محل للبهارات اسمه اعتقد الشموس زوجي موصينه ياخذ بهارات بس للاسف ما حصل عندهم مخلص
روعه الاجواء في الليل للتصوير
فندق البدع في السوق
محل للحلوى بس طعمها ما عيبنا
حصلنا مطعم يسوي مشاوي و عليه زحمه فضيعه و احنا يواعه سألهم زوجي متى تسكرون
قال الساعه 12 فقلنا بنرجع و هذا خبز رقاق تصبيره لين العشاء
ما زالت التوسعه جارية
سوالف حلوه
نكمل التجول في السوق
و هذا وقفنا عنده يسوي كرك بغوري النافورة و عنده قهوة
علم قطر
و هذا المكان له ذكريات جميلة قعدنا فيه قبل مع الاهل و طبعا انا المصوره
و هني الشارع باتجاه الفنادق
و هذيل المحلات عند الدوار عندهم مناقل و كوار انواع و اشكال جميله بس غاليه وايد
سحارات ( صناديق المنيوم )
فندق الجسره
و الاعلام في كل مكان
محل للحلويات و لازم كل مره نشتري من عندهم
المحلات بدت تسكر
و هني طلعنا للساحه المقابله لمواقف السيارات
البير فيه ماي و يجري تحت مربعات الزجاج
تسلية للاطفال
بكمل بعد ما يفضى الالبوم
نكمل معاكم
ما زلنا في سوق واقف واقفين
رجع زوجي لمطعم المشاوي و طلب كباب سفري ( تيك اواي )
و انا شفت كشك للاكلات المصرية طلبت كشري و قال مخلص
عقب 5 دقايق بيوصل من المطعم داخل السوق و قلنا بنصبر
و هاي بعض الصور
خذنا الاكل و رجعنا الفندق و هاي صورة الفندق قريب جدا من السوق دقيقتين بس
و ربعنا موجودين ويانا في الفندق عندنا اجازة
و القالوصة عندها موقف خاص
نسيت اخبركم عقب ما طلعنا من الدمام بشوية و عدينا محطة الجابرين
انفتح غطاء القالوصة في الشارع و انتبه زوجي يوم شاف من المنظره الامامية
مع ان الشارع مليان سيارات بس محد نبهنا وقفنا و الا القفل مكسور و السبب الشوارع
المكسره حاولنا نسكرها و كنا ماخذين حبال لاستيك تتمطط من المباركية و نفعونا وايد
لين وصلنا اول محطة و عدلوا القفل بس في كم غرض طاروا في الشارع بس مب لي انا
و هاي صورة عند المصاعد
الغرفة
تعشينا الحمدلله و طلبنا لحافات لليهال و سرير للبيبي
بما انه كل اللي عندي شباب يابولنا سرير وردي
الكبار قعدوا يضحكون على اخوهم الصغير عشان سريره وردي
قلت مب مشكله هو ضغير و ما يعرف و يمكن ما عندهم غيره
و بهذا خلص يومنا و القاكم اليوم الثاني
الأحد
27 / 12 / 2015
مبيتنا في قطر كان يوم واحد فقط و السبب انه زوجي لازم يداوم اليوم
بس الحمدلله عدت السالفة على خير
امس قبل ما نرقد سألت زوجي الحجز مع الفطور و الا بدون قال ما أعرف
اتصلت الريسيبشن و سألتهم حجزنا مع او بدون فطور قال بدون
لكن امس يوم اشوف في بوكينج السعر اللي عطونا اياه مع الفطور
بس مب مشكله اذا رجعت ان شاء الله بخبرهم
صحينا الصبح و اول شيء نشوف الاطلالة من الفندق
الكورنيش
سوق واقف و سوق فالح و اسواق ثانية كلها قريبه مننا
آثار امطار الخير
حتى لو ما فطرنا في الفندق لازم اصور البوفيه و اشوف يستاهل او لا
نزلت اصور و احين نتجه للقاعة
مجهزين شجرة الكريسميس
المخبوزات و المافن و الكيك و الكرواسون و غيره
السلطات و التتبيلات
التمر و الفواكه المجففه
اللحوم البارده و الاجبان
الفواكه و الموس
الكورن فليكس
خبز سلايس و الحماصة
المربى و العسل
و هني يسوون الاومليت طبعا سألني شو طلبج قلت لا بصور بس قال اصبري شوي
و عندهم انواع للبيض
مسكين استعيل على البيض عشان اصوره
طبعا هالاطباق حق الفول
العصاير
القاعه فاضيه ما فيها غير خليجي واحد و بروحه
بصراحه ريوقهم راهي و متنوع و اذا رجعت مره ثانيه أكيد بحجز مع الريوق
اللي يحب يقرأ الجريده مع انه الكل استغنى عنها و بدلوها بالالكترونيات
توجهنا لسوق واقف عشان نودعه
حصلنا مواقف عند مركز الحرف
اكواب اللي يحصل اسمه يرفع ايده
الناس يواعه و انا قاعده اصور
بشت برتقالي
وايد أحب هالسوالف
اللي يبغي توزيعات و من هالسوالف عليكم بسوق واقف
قعدنا ندور مطعم و شفنا هذا و الناس متيمعين عليه
يسوي خبز براتا بالجبن و بالبيض و بالنوتيلا
و حصلنا طاولة
العصر يفتحون باقي المطاعم الشعبية
طلبنا بالنوتيلا و البيض و الجبن و بصراحة الذ براتا كلته
و لازم غوري الكرك
و الشياب مسووين جو
الحمدلله خلصنا و سرنا نتمشى
تابع
و هذا عنده مناقل و مناديس و الاسعار فوق 500 ريال و 1000 و اغلى بعد
و الحين نشوف اللي تحبينهم ام حسين
تمور و فواكه
البهارات
هذا مجلس الدامه بو سعد ما فيه غير واحد الظاهر بعدهم ما وصلوا الربع
و رجعنا صوب الطيور و الحيوانات الاليفه
و هذا مطعم الكباب اللي كان عليه زحمة امس مسكر
و رجعنا لمحل البهارات مال امس الشموس و شفنا عنده مقهى و ريوق و ناس متجمعه
و ندمنا انه ما ييناه اول شيء بس ما عليه مره ثانية ان شاء الله
و هذا المحل اللي نشتري منه الحلوى
اشتريت حلوى صفراء و حلوى بالتين لذيذه بس غاليه علبتين ب 150 ريال
و هذيل الاستكانات و الفنايين تخبلت عليهم
شو رايكم الازرق احلى و الا الذهبي
هذه الصورة تم تصغيرها . الحجم الافتراضي لها هو 878x600.
هذه الصورة تم تصغيرها . الحجم الافتراضي لها هو 878x600.
و هذيل الاستكانات صناعة تركيه و غالين شوي بس يستاهلون
حصلنا كافتيريا و بعد تندمنا ما دورنا عدل
بلاليط ( شعيريه )
جباب ( مصابيب )
و هذا يخبز الرقاق
و عندهم عصيده و خبيصة و بثيثه و خذت شوية خبيصة حق الدرب
خلصنا و رجعنا الفندق نتجهز للمغادره
انعكاس مبنى في الماي
فندقنا الرملي على اليسار
جلسة عند مصاعد مواقف السيارات في الفندق
تجهزنا و نزلنا اغراضنا و بعدين قلت بشوف الشقق بغرفتين بس دخلونا في شقة
لناس مب موجودين و كانوا ينضفونها بس ما حبيت حركتهم قلت اذا رجعوا و شافونا
في شقتهم اكيد ما بيسكتون و يسوون سالفه
بعدها قلت بصور الجيم و حمام السباحة
السقف
و فوق مسبح الاطفال و السيدات
توكلنا على الله و انطلقنا عائدين الى ارض الوطن و هاي الصور
الكورنيش جميل بس ما عندنا وقت نتمشى اكثر
في محل للحلويات و احنا متجهين لشارع سلوى نشوفه على دربنا عند
محلات قطع غيار السيارات بس ما اعرف اسم المنطقة و القارمن خانني
و ودانا من طريج ثاني
خذنا تقريبا ساعة و نص من الفندق لين الجوازات بسبب الزحمة
طبعا مرينا مطعمنا اللي في محطة سحاب و تغدينا بخاري دياي
و هني وصلنا منفذ الغويفات
اخذنا تقريبا 9 ساعات للوصول لبيتنا في دبي و السبب التصليحات القائمة في شوارع ابوظبي
من بعد المنفذ و التحويلات و الزحمة
لكن الحمدلله مع انها كانت رحلة لاسبوع في الكويت و يوم في الدمام و يوم في قطر
بس استمتعنا و ارتحنا و تعدلت نفسيتنا و الاجواء لها دور كبير في نجاح الرحله
اتمنى يكون التقرير عجبكم و انتظروني في تقارير ثانية باذن الله
دمتم بود
جلسة عند مصاعد مواقف السيارات في الفندق
تجهزنا و نزلنا اغراضنا و بعدين قلت بشوف الشقق بغرفتين بس دخلونا في شقة
لناس مب موجودين و كانوا ينضفونها بس ما حبيت حركتهم قلت اذا رجعوا و شافونا
في شقتهم اكيد ما بيسكتون و يسوون سالفه
بعدها قلت بصور الجيم و حمام السباحة
السقف
و فوق مسبح الاطفال و السيدات
توكلنا على الله و انطلقنا عائدين الى ارض الوطن و هاي الصور
الكورنيش جميل بس ما عندنا وقت نتمشى اكثر
في محل للحلويات و احنا متجهين لشارع سلوى نشوفه على دربنا عند
محلات قطع غيار السيارات بس ما اعرف اسم المنطقة و القارمن خانني
و ودانا من طريج ثاني
خذنا تقريبا ساعة و نص من الفندق لين الجوازات بسبب الزحمة
طبعا مرينا مطعمنا اللي في محطة سحاب و تغدينا بخاري دياي
و هني وصلنا منفذ الغويفات
اخذنا تقريبا 9 ساعات للوصول لبيتنا في دبي و السبب التصليحات القائمة في شوارع ابوظبي
من بعد المنفذ و التحويلات و الزحمة
لكن الحمدلله مع انها كانت رحلة لاسبوع في الكويت و يوم في الدمام و يوم في قطر
بس استمتعنا و ارتحنا و تعدلت نفسيتنا و الاجواء لها دور كبير في نجاح الرحله
اتمنى يكون التقرير عجبكم و انتظروني في تقارير ثانية باذن الله
دمتم بود
هذا سوق ومزاد التمور الجديد بالاحساء
وهو في ناحية القرى الشرقية المشهورة بكثرة المزارع والنخيل
العفو عزيزتي
تم تعديل المشاركة
وإن شاءالله قريبا نرى تقارير أحسائية بأقلامكم الرائعة
