أنت تستخدم أحد المتصفحات القديمة. قد لا يتم عرض هذا الموقع أو المواقع الأخرى بشكل صحيح.
يجب عليك ترقية متصفحك أو استخدام
أحد المتصفحات البديلة.
شاليهات سما يا سنا
قبل اسبوع وفي الزوارة
قالو العيال نبي شاليه من زمان مارحنا
ويبون حمامات برايفت
حصلنا هالشاليهات وتم الاتفاق بيومين وتم الحجز لشاليهين
اثنين
وكان موعدنا الخميس الى السبت
من / اكتوبر الى / اكتوبر
وطبعا اخذناه من هالاكاونت
وبالطريج
واول ما وصلنا لقيت بس ولد اخوي واخته واصلين قبلنا
وعاد استغليت الوقت وقبل العفسه للتصوير
وهذا الشاليه لنا والثاني لعايلة اختي
وهذا اول ما دخلت في مثل الحوش الصغير بس ما صورته وهذا اول ما دخلت الشاليه
الدرج الى الدور الاول
معلقه تدعو للسعادة
وتحتها. هالطاوله وصندوق للمفاتيح
على يساري غرفه رئيسيه وغرفة خدم مع حمامها طبعا
الفرش كلها جذيه ديباجات والشراشف مكويه ومحطوطه على السرير
هالكبت بكل الغرف
التكييف
حمام الغرفه
غرفة الخدم ومعاها حمام حليو لهم
وبعدها هذا الممر فيه غرفة غساله واوتي وبعدها حمام ضيوف ومغسله خارجيه
غرفة الغسيل
وهذا حمام الضيوف
الصاله جدامي
وفيها المطبخ المفتوح عليها
الصاله
التلفزيون
نطلع من الصاله الى جهة البحر وحمام السباحة البرايفت
وجلساته
الشاليه من بره ظلمه ههههه
والمنظر الليلي للشاليهات المقابله لنا وهي شاليهات لوذان
نصعد الحين الدور الاول فيه غرفتين رئيسيتين
وغرفتين مشتركين بحمام
الغرفه الاولى بوجه الدرج
السرير هني بونفر ونص
الغرفه الثانيه بسراير مفرد
والكبت طبعا الاثاث كله متشابه بس الاحجام مختلفه
وبلكونتها تطل على شاليهات ثانيه
وهذا حمامهم
وهذا الدرج للسطح ممنوع احديصعد الا الحارس
وهذه الغرفه الرئسيه الاولى وكانت لنا انا وبوحسين
وحمامها
والصاله فوق
البلكونه
نطل على الشباب
وصور من فوق
ومطبخ تحضيري ممتاز
والغرفه الاخيرة
وطاولة الاكل
وطلعت من شاليهنا حق شاليه اختي
نرجع حق مطبخنا علشان نسوي العشا بس خل نشوف تجهيزاتهم فيه
ثلاجتهم صغيرة وتحتها فريزر صغير
حليوين بس مو حق اغراضنا وفي فوق بعد ثلاجه صغيره
وحطينا التسالي وابرار شايفه شعر البنات هني خلص والا بالبيت بس انا اكل منه
وطاح العشا
وبعد العشا قعده عند حوض السباحه والسوالف وشرب الشاي
وكرك وقهوة وحليب كاكاو
والعيال قعدوا يلعبون انحش يا الذيب
وهذه انا وسميتي بنت اخوي مطقمين وعاد تعالو شوفو التعليقات والتصوير
وقعدة الليل والجو براد بعدها نوم لان كان يوم دوام للربع زين سهرنا للساعه
وانتهى اول يوم
تابعوني في اليوم الثاني
في اليوم الثاني
وهو يوم الجمعه 20 / 10 / 2017
وصبحنا على الجو الجميل ....طبعا داخل الشاليه بره للحين حر
والريوق ...طبعا لقيت البنات قاعدين قبلنا علشان يسبحون
الهدوء قبل العاصفه مالت عيالنا
لزوم التان
يوسف وولد اخوي بالبحر
بعد حضور الزوار الغاليين الوالده وخواتي وعيالنا
شايفين الشاليهات هذه اللي جدامنا في بقاله واكشاك مطعم وبانكيك وتأجير سيارات صغيره وقواري وجت سكي
المهم بعد اكتمال العدد طيحنا الغدا
صورة جامعه لكل الصواني
نفصصهم لكم
عيش وتحته خلطة ربيان بالكاري شغل ام طلال
مجبوس دياي من مطعم تاج
مجبوس لحم على ماش من مطعم تاج
مطبق زبيدي من شغل ام حسين محدثتكم
وورق العنب
المرفقات لهذه الاطباق
المعبوج حاضر بقوة
والدقوس لزوم الشيء اعلاه
والحمدلله على النعمه ربي يحفظها عن الزوال
رجعوا للسباحه
وللاطفال نصيب من اللعب
والقعدات بالجو الحلو العصاري ما يخلى من البلع
شاي وقهوة ومرافقينهم اللي صورت لكم شويه منهم
والجو
المغارب
في مجمع العاب كوزمو وصالون وجمعية راحو العيال وهذا من العابهم هناك
صور المغيب والليل
عندهم مسابقات وحفله
بعدها صار وقت العشا واللعب والسباحه ايوع
بعض صور العشا
وصاج من بنت اختي
بعدها سهره على الحوض والبحر له الحداقه على اليال
وسوالف واكل وشاي وضحك ومسابقات
خلصته عليهم
اليوم الاخير وهو يوم السبت 21 اكتوبر
اصبحنا واصبح الملك لله
والريوق نفس امس
بعدها سباحة واوكل السمج
فيديو
والعيال يسبحون مره بالحوض ومره بالبحر
خفر السواحل كل شوي ايون
وطاح الغدا واليوم ماكو زوار بس ربع الشاليهات
مجبوس دياي شغلي
برياني شيش طاووق طبعا الخلطه تحت شغل اختي
العيش هني بدون حشو للي ما يحبون الحشو
المرفقات
وحلينا بعد بكيكة امس لذيذه جدا وطبعا الباجي موجود بس ما صورته
المعجنات طلعت من مخبز العايله واحنا ماندري
والمغيب
وقعدنا لبعد صلاة العشاء ورجعنا البيت ونهاية ويك اند سعيد
اتمنى التقرير اسعدكم
