حلويات الطيباوي

[جوومانه]

يسعد صباحكم
رجعت لكم بتقرير جديد
(((( حلويات الطيباوي))))

​

​

​

حلويات الطيباوي​

ت​

عد من أشهر وأقدم محلات الحلويات في الكويت
حيث قام بتأسيسها الحاج عدنان الطيباوي ( الله يرحمه ويغفر له ) ​

وهو اول معلم حلويات عربية في الكويت
حيث أتى من مدينة نابلس "الضفه الغربيه " في عام 1959 واسس عدد من محلات الحلو
في الكويت منها حلويات جبري بمدينة الكويت ومطعم الكرد في منطقه النقره شارع العثمان مقابل مسجد العثمان.


ومن اشهر الحلويات عنده :

الكنافة النابلسيه بالجبن

الوربات بالقشطه
الكلاج بالجبن والجوز ​

والقطايف برمضان شي لذيذ
واصناف اخرى ​

حيث يعتبر من المعالم الرئيسيه في الكويت

هالمحل له قصة حب معاي منذ الصغر
والسبب كنافتهم النابلسيه اللذيذه

ويقدم جميع انواع الحلويات
بالاضافه الى الفلافل والفول والشاورما وانواع اخرى من السندويشات

لكن الفلافل عنده عجيييب وزياده طحينه

اذا ما ساحت ع ملابسك وتلفت عمرك
يعني ما اكلت فلافل الطيباوي

اخييييه وخصوصا اذا الصمون مدور ومتبتب

احساس بالحنان زيادة

له فرعين :
الاول بحولي شارع العثمان
مقابل متحف العثمان
تلفونهم : 22653551
وفيه صاله للعائلات بالدور الاول
ويقدم بوفيه للريوق كل يوم
​

​

والثاني
بالسالمية -بجانب مطعم قيصر وفايز ومجمع المبرور

ولازم كل زياره اصور هالفيديو لخواتي

​

https://vimeo.com/152392232


تلفونهم : 25757076
بس عندهم صاله صغيره للشباب
ماتصلح للعوايل ابدا

​

شباب وبس​

​

وعندهم توصيل طلبات بالفرعين

لازم كل شهر لنا زياره له

لذيذ

شوفوا طلباتنا :
اشياء بسيطه لكن تشبع

قدسية
ومسبحة
وفلافل حب
وسفن اب
وسندويشات العيال فلافل بالبطاط​

​

​

والختام ماعون كنافه خشنه تطيب الخاطر ,,,,,,,
حااااره

صج من الفرن الى مائدتك (قصدي بطنك)

وكل الروحه عشانها الحب الحب الكبير

​

والحب وصل

وحسابنا 2.500 دينارين ونصف بس
​

​

​

المبرومة بالجبن او القشطة خيااااااااااال ​

​

​

واذا عندي ضيوف لازم اطلب ( الفيصلية ) ​

كنافه مثلثات بس شي شي عجيبة ولازم توصيه ​

يسووونها على الطلب​

​

*******والحمد لله على النعمة ربي احفظها من الزوال *******


نلقاكم بتقرير جديد خفيف مع مطعم لذيذ باذن الله ،،،،،،

تحياتي لكم ،،،،

اختكم قصة حب
الكويت

قصة حب

​

​