كلتشر كافيه مع سعاده السفيرات
Culture cafe with Ambassadors
احم احم
السفيرات :
الإيمان - محدثتكم كويتيه متنقله ( ابرار ) - نمارق
ام حسين ( غياب )
كالعاده تقريبا كل بين فتره والثانية نتيمع ونطلع احنا الأربع مرات نزيد ومرات ننقص من غير شر ..
هالمره اديده
فكرنا وين نروح واقترحنا چم مكان بس بالاخير رسينا على اقتراح نمارق نروح كلتشر كافيه
توكلنا على الله وطلعنا بعد صلاه المغرب
اسم الكافيه : كلتشر - culture إيطالي
الاكل : جيد - الحلو ممتاز
السعر : نوعا ما مرتفع
الخدمه: ممتازه
المكان : جيدجدا- بمنطقه السالمية - شارع سالم المبارك قريب عالهوليدي ان وتحت مطعم زمان اول - بنفس شارع الجامعه الامريكية.
ديكوراته: ممتاز
حبيتها هالوحه واحترمها وايد
أهو يعتبر كافيه وشو روم كل شي فيه للبيع من طاولات اكل كراسي وإكسسوارات للبيت ..
وصلنا انا ونمارق لان احنا مع بعض ونطرنا إيمان على ما وصلت وطلبنا
واكيد تحچينا عن السفر وسفرة امون وسفرتي والمواقف اللي صادفتها ومنتدانا الحبيب
الحين نشوف صور من الكافيه
القعدات الخارجية
بِسْم الله وندخل الكافيه
عقب ما دخلنا احترنا وين نقعد بصراحه المكان يونس چنكم داشين بيت قعدنا نختار لما رسينا على طاوله..
جزء من غرفه العرض وكل شي للبيع
صور من المنيو ويكون من الايباد
عقب ما طلبنا قمنا نصور مره ثانيه انا وامون بالسناب شغاله
لقطه جويه
في قعدات فوق وبلكونه
وهذي صورهم
ونرد ننزل تحت
وهذي طاولتنا ووصلت طلباتنا
مو هيتو فراوله طلب نمارق - وكاريبيان طلبي
المقبلات مشروم وكوسا
الطلبات
نمارق ( لازانيا )
الايمان ( فوشيشيني باستا )
ومحدثتكم ( دياي مشوي )
بعد الاكل عاد وقت الحب
فولكانو براوني
يا مامي ايشي زاكي على قولة اهل الاردن ياقلبي قلباه
وشوكلت لافا
انا جدام هالمغريات اتعومس واتخسبق
الحمدلله على النعمه واللهم احفظها وأدمها من الزوال
المفروض البنات يشربون قهوه بس ما كانوا متشجعين
هذي فاتورتنا
مم انا رايي في الكافيه القعده ولا احلى وديكوراته وايد حلوه انا حبيتها - الاكل مستواه جيد يعني اذا برجع له عشان احلي في وقهوه وقعدته بس.
امون ونمارق حطوا تقييمكم للكافيه
ونلقاكم في يمعات يايه ان شاءالله مع احلى سفيرات