تفضلوو معاي في
جولة الريوق
في شارع الخليج العربي
احلى شي الواحد يتريق على البحر
مجابلين البحر وصوت الأمواج وطيور النورس تهبل
وبعد اذا شفت القوارب واليخوت تفكر بطلعة حلوة عليهم
بس الله يرزقنا بيخت نتمشى فيه
تعرفون اني احب نومة الصبح
وبعد احب القعدة الصبح اذا فيها طلعة
وبما ان عندي مواعيد العلاج الطبيعي الساعة 10.30 واكون مضطرة اطلع الصبح مبجر مع بوحسين علشان نوصل غنومة الجامعة بالسالمية
قلنا نروح نتريق على ما يصير موعدي
اول يوم بوحسين تريق قبلي ...وبعد ريوقه وين تبين وين تبين
قلت له امش المارينا كريسنت ورحنا
يعني المكان روووعه
ورحنا وطلبت لي من كاريبو
بعد الأكل وشرب الكباتشينو
قمنا نتمشى ونكمل تصوير
شايفين التكاسي البحرية
الكافيهات والمطاعم كثيرة ومتنوعة
وهذا فندق المارينا موقعه وايد حلووو
وراي المرسى وجدامي بعد بحر يميني المطاعم ويساري الفندق
يوم السبت وبما انه عطلة
وموعدي نفس الشي الساعة عشرة ونص
قالت بنتي انا اوديج
ورحنا واولها لازم نتريق
وقلت لها اشرايج نروح برايم اند توست اللي على البحر
ورحنا
مكانه مقابل مركز سلطان السالمية على البحر
مكان هارد روك سابقا
المبنى وفيه كذا مطعم
وهذا مطعمنا
دخلنا وليش زحمة ما قدرت اصور القعدة
وهذا المنيو العجييب
ليش عجيييب
لأن في صفحات للزوار يكتبون او يرسمون اللي يبونه
شوفو بعض الصفحات اللي في المنيو اللي عندي
هذه صفحات الاطباق
والأحلى المكان والقعدة تسمع فيها صوت العصافير وامواج البحر
وهني أبراج الديرة من السالمية
ووصل عصيري برتقال فريش
وهذه تصوير البروتريه من الايفون
شعار المطعم
طلب فرفر
والبيبسي دايما يشربونه عيالي وراثة
الطبق الإضافي وهو المشروم المشوي
شايفين طلبي للحين ما وصل
وانا قاعدة اصور لحد ما وصل الاومليت بالسبانخ والمشروم بعد
لازم صورة مع البحر والا اشرايكم
هني أخيرا قاموا اللي يمي لانهم سادين الرؤية علي
وقدرت اصور
خلصنا ومشينا ونشوف المبنى مرة ثانية
ما شاءالله الناس من الصبح طالعة تتمشى على البحر
هلى طول البحر في تاجير للدراجات الهوائية .. القواري..
نفس اللي بالهايد بارك طريقتهم
ما قدرت اصورهم عدل الا هالصورة شوي يبينون
الشاطئ كله مزروعات وشجر .....الحين يقولون ان السماد المستورد فيه بيض ثعابين وحيايه وقاعدة تفقس وكذا واحد مصور الله يستر
لا لا مو من السمبوسة
بل كان التمشي بالمباركية المفروض ما امشي لان صابونة الركبة عندي تحركت قبلها بيوم
وبعدت بيوم ما قدرت امشي عليها
ووقفت العلاج الطبيعي
ام حسين على الكرسي المتحرك
وتوقف الريوق بهالاسبوع
وبنهاية الأسبوع حسين ولدي دخل المستشفى
وانتظار انتهاء العملية
وبعد خروجه من العملية للافاقة وتطمنا عليه
رحنا نتريق بالغرفة
عصير من كافيه بين
باين اني قاعدة على الكرسي
وريوق المرافق
وباقات الورد قامت توصل
وباليوم الثاني رحت مع البطل يوسف للمستشفى
وقبلها قال بريقج يمه باحسن مطعم
قلت يلا
والا يوديني هالمطعم
بدر البدور
المطعم معروف بسندويشاته اللذيذة للشباب
قال يمه شنو تبين ؟؟
قلت له هاا مابي
قال ليش قلت له سندويشة حلوم
يا لنا الريال وطلب يوسف وانا اشوف الريال يصبب عرق ويسمح عرقه بأيده
قلت حق يوسف مابي خلاص
قلت له ماتشوف الريال والله ما اكل من ايده
قال لا مو اهو اللي يلف الصمون
قلت مابي خلاص
عاد هني نزل يوسف وصور لي العامل اللي يلف الصمون
ولابس الدس البلاستيك
وهذه صور من داخل المطعم
