تقرير جديد لدبي الممتعة
اقدمه
ل
شبكة ومنتديات العرب المسافرون
كانت رحلتنا لدبي بعد تخطيط قبلها بشهر تقريبا
حجزنا كان على طيران الأمارتية ب 50 دينار تقريبا للشخص
وقبل السفرة بيوم حجز ولدي معانا طلعت عليه التذكرة ب105 دينار
فندقنا قعدنا هني مقابل الباب
الصورة مغبشة بس حطيتها علشان تشوفون المكان
ومن مكاني على اليسار مكتب للرحلات وتأجير سيارات والكونسيرج
الريسبشن
مكتب تابع للريسبشن والتشيك ان فقط وقت الزحمة
أخذ منا التشيك ان ساعة تقريبا والريسبشن يعني ماعليه زحمة
وايد بطيئين الموظفين جدااا جدااا
طلبنا سريرين اكسترا
طبعا ماراح يدخلونا الحين الدخول الساعة 2
واحنا الحين الساعة 8
عطونا وصل نروح فيه للكوفي لنا مشروب مجاني للجميع
وهذا الكوفي في الفندق
فينا من طلب قهوة وانا طلبت عصير طعام ....قصدي عصير برتقال
كله طعام ...حبوب البرتقال طلعت يمكن خمسين حبة طلعت
عطونا هذه الورقة لتعليمات وخدمات الفندق
بعد العصير وبعد ما ريحنا طلعنا لدبي مول ....بحطه بجزء ثاني
ولما صارت الساعة 12 ونص رجعنا الفندق ويزرعونا بعد وكل ما اكلم الموظف يقول بعد ما طلعوا الناس
او يقول يجهزونها اذا اجهزت الغرفة اناديج
وهو حتى ما سألني عن حجزي ولا التشيك ان
بعد شوي والا اشوف اللي كنا مكلمينها الصبح وأقول لها عن الشقة
وسيدا امسكت الشاشة وقالت الشقة جاهزة بس يشيكون عليها وعطتنا المفاتيح وقلت لها لا تنسين الاكسترا بد ابيهم الحين
قالت اوكي
وهذا يماطل الله يهداه
هني وقت ما كنا ننطر ينادينا الموظف
نتقهوى باللوبي
وشوفو المكتب الصغير للشيك ان والعالم حوله...ولا الموظف دزني لها قلت له انا خالصة التشيك ان بس بستلم شقتي
خووش قهوة
صعدنا شقتنا وكان تحكم الاصنصير عجيب ...تحط رقم الدور في جهاز وهو يقول لك أي مصعد بيوديك
المصاعد ما تأخذ الا اربع أدوار يعني حلو ما تنطر كل المصاعد واي واحد تدخل لا كان شي مرتب
الجهاز
شوفو الجهاز بس واحد تحط الرقم وتروح للمصعد اللي طلع لك رقمه مع الصوت
شقتنا بالدور ال 29
الصالة ومحتوياتها
باب الشقة وعلى يمينه ممر فيه تكرمون الحمام وبعدها الغرفة الرئيسية وحمامها
وومقابل الحمام الاولي الغرفة الثانية
والمطبخ
احسن شي تلاقون شرح استعمال الغسالة بالعربي
الغرفة الرئيسية
يعلمونكم عن السيفتي بوكس
الغرفة الثانية
تكرمون الحمام اللي بالصالة
باقي لنا المطل للشقة وهذا بكل مكان حوالينا ناطحات السحاب
وبرج دبي يبين
شوفو المواقف كثيرة والفندق بعد بخلفه مبنى ثاني تابع له قلت لهم ابي مصلى بالريسبشن اول ما وصلنا قال روحي المبنى الثاني
قلت له عطني كرسي ودليني القبلة وروح قعدت عند مكتب تاجير السيارات ماكان في احد
نكمل جولتنا الأولى بدبي مول اللي كانت قبل الدخول للفندق ... بالجزء القادم
بغينا نركب ونجربها والا وحدة تصعد قبل لا تسال ولا شي
شسوي بعد اتهاوش معاها خليتها تروح
اسلوب مو حضاري يعني تشوفيني واقفه مع السايق واساله تيين تصعدين وتقولين له بكم
بعد الفيلم طلعنا وركبنا 3 تكاسي
وهني رايحين لمواقف التكاسي
هالبرج مقابل مواقف التكاسي
بالتكسي
وصلنا شارع فندقنا ونزلنا عند ونديز نتعشى انا وبناتي
واكلنا فيه
كانت الكراسي فيه بس العالية قعدنا فيهم
بعدها رجعنا الفندق مشي ومرينا يمكن على اربع صيدليات وكل صيدلية تقول الزود عندي ودانه طلعنها من اول صيدلية بالغصب بس شرينا كريم للعضلات ومعجون اسنان للتقويم
ودانه بتاخذ كل شي
ويوم يينا نحاسب ادور فلوسي مادري وين حاطتهم هههه والا واحد سعودي وراي يقول لي ادفع عند خالتي
قلت له لا يمه مشكور ما قصرت عندي وطلعت الكرت حاسبت
ويوم رحت الفندق الفلوس موجودين بالبوك بس التعب ماخلاني اشوفهم
ماقصر والله بس فشلة اخرتهم
بعد ما وصلنا الفندق كان الوقت دخل على اليوم الجديد وهو يوم 15 يناير وكانت ذكرى حزينة للكويت
حطينا بالانستغرام وبعدها نوووم
والى لقاء باليوم الثاني بدبي دار الحي
وصلنا دبي باركس ونزلنا بمواقف التاكسي وقال لنا
نزلوا هني ....نزلنا والا ربعنا قاعدين هناك ابو البلوفر الاحمر
ومشينا ورا الناس
ورحنا جهة الباص علشان نروح حق ملاهينا موتشين
هذا الباص راح واحنا قعدنا ننطر
وركبنا الباص مجاني وماني قادرة اصور بس حلو الشبك ههههه
نزلنا من الباص في المنطقة هذه ومشينا للبوابة
نزلنا الباص بالموقف على اليمين خلف الأشجار
والبوابة وراي
الخطوط كأنها شريط فيلم
ووصلنا ومافي زحمة وايد على التذاكر وقفوا البنات
التذاكر حلوة كل وحدة خذت شخصيتها اللي تحبها....الأسعار للخليجين بسعر خاص عن الأجانب
الشخص165 درهم سعر حلووو وايد
ولما دشينا شفنا البوابات المختلفة وكل بوابه وراها بوابات اصغر للألعاب
متعة
وهني العربانات للتاجير
هذا سعر التاجير 200 درهم طول اليوم ....بس نصيحة اللي يبي يأخذ من البوابة الرئيسية عند النزول من الباص
لان بيكون معاك لكل الملاهي اما اذا اخذته من بوابة ملاهي معينة بيكون بس لهذه الملاهي ولا يمكن التجول فيه لكل الباركس
ان شاءالله فهمتوني
كلها محلات السوفنيرز ...
لازم ادخل أخاف يطوفني شي
لازم تصوير هالبنات
الحين بنشوف بوابات مختلفة واولها
مانبي نروح لها الحين ...
ولاهاذي
خلاص شكلهم البنات متفقين لاحلام الطفولة والعيش مع السنافر
وورا غنيمة يلا
ودخلنا عالم السنافر الجميل
شايفين مافي زحمة ومافي طوابير ابدااا الطابور اكثر شي ما يتعدي 10 اشخاص
وكل موقع يتبع له مقاهي ومحلات سوفنيرز
دخلنا لعبة القرية بالمرور بالعربه فيها
شرشبيل
في أفلام وفي الأغلب مجسمات
طبعا في محل هدايا عند مخرج كل لعبة
طلعنا ولقينا هاللعبة والعبوا فيها العيال انا وفرفر كنا بالمحل
ربعي هني
خلصنا من السنافر في العاب ثانية للأطفال بقرية السنافر ..
بعد المحلات نشوف بالوسط هالمجسم الضخم وحوالينه 3 بوابات بأسماء الأفلام
ولازم التصوير من الكل وربع ابرار
وهذه البوابات وكل بوابة فيها مجموعة العاب خاصة بالشخصية وممكن يتداخلون مع بعض بالداخل
دخلنا من بوابة شريك
وهذه اهي قرية صح بس بتلاقون الألعاب يسار ويمين ولا تحسبون ان الألعاب بس للأطفال لا في العاب للأطفال وفي العاب للكبار ولا تصلح للأطفال ومرضى القلب والضغط والحوامل يعني لا زم تفترون وتشوفون الألعاب
كنت عطشانة رحت المحل ما حصلت ماي ولا يبيعون أساسا
شفت هذا ودخلنا والا البرادة ما تشتغل
من كثر ما صورو ما صورنا
هالصورة مو واضحة بس علشان تعرفون هالمعلومة
اذا شفنوا رسمة عربة الطفل يعني هذه لعبة للأطفال تلاقونها عند السور لكل لعبة
دانة توهقت ما تقدر تنزل صار عالي بعد ما وقفت اللعبة
والحين بنروح للعبة احلى لعبة هني وخطرة للي يخافون
وشوفو الممرات فاضية يعني مافي زحمة ابدااا
اذكركم ان كانت روحتنا بايام الأسبوع ورايحين مبجر اول ساعات الدوام عندهم
للحين بالممر امشي واصور لكم
هني وصلنا اللعبة ولقينا جدامنا يمكن عشرة اشخاص بس
المهم قالو لنا اللعبة فيها سرعه واللي مريض بالضغط وغيره خطر عليه
اطلعت بنت اخوي وعطيناها جناطنا وظلينا انا وبناتي وبنت اخوي بس احنا اربعه
والا يعطينا لبس للراس وقال لازم تلبسونه
قلنا له احنا لابسين حجابات قال اهو للي لابسين حجابات لان من السرعه يفتل الحجاب ويدخل بالمكاين وخطر على روسكم
لبسناه فوق الحجاب
وقعدنا اول سطرة وجدامنا نفس النفق وسكة حديد
وبس قال جوو واحنا ما نشوف الا ظلمة وليتات نمر عليها شطف
وراسنا يتمايل وهوا ووناسة تخليك تصارخ هههههه
اللي بره يقولون شفناكم من فوق
واحنا نقول لهم ما حسينا ان احنا طلعنا هههههه اللعبة حلوة وايد استمتاع
والطلعه نفس مكان ما دخلنا يعني اذا بتخلون اغراضكم بالخزاين عندهم تقدرون تاخذونهم بالطلعة طبعا
المهم ومنها نكمل التصوير
لعبة للأطفال
ودخلنا لعبة ....بس شوفو طول الممر وطبعا اذا كان زحمة راح توقفون وايد وايد
بعدها ممنوع التصوير وهي اللعبة اننا نقعد على كراسي والشاشة جدامنا وتتحرك كأننا معاهم اغلب الألعاب جذيه بس متعة كانها حقيقة
طلعنا ومنها لعبة الاكواب خربانة بسم الله ماصار لهم سنة مفتتحين
وطلعنا من الدريم لاند وكان دامنا هوليود ما دخلناها نبي نلحق على العاب بوليود ورحنا ....
رجعنا للبوابة الأولى اذا تذكرون اللي فيها الايس كريم
طبعااا الجو كان ولا احلى
وريحنا هني واللي بيروح الحمام والا بيشرب ماي كله موجود برادات مجانيه
وحتى التدخين في اماكن خاصة للتدخين بوجود علامة السماح
هناك ورا المبنى اللي على شكل سفينة في لعبة الدردور ...القارب المدور بالكراسي وسطه ويمشي بالنهر وتعالوو شوفو الماي اللي يرش عليكم من المجسمات اللي تمرون عليهم
المهم هذا احسن مكان اختاروه تريب ادفايزر لالتفاط الصورة ...منتشرة بارجاء الباركس
ودخلنا الدردور وهذا بس الطابور الخارجي تخيلوا انه مليان
وبعد المدخل في بعد ممرات للطابور
ديكورات اللعبة
لعبنا وطلعنا ناقعين ماي وفي بعد مكاين التنشيف الكبيرة نفس اللي باوربا كان فيها ناس ما صورتها
تكرمون الحمامات نظيفة ولاحطت ان في الحمام أوراق المقعد شي حلوو موفرينها
نكمل معاكم ...
بعد دخولنا للمويشن غيت واللعب والوناسة طبعا في العاب وايد ما صورتها
كل مكان الالعاب تصح للاطفال والكبار
وان شاءالله اذا خلصت هالجزء بضيف لكم الخرايط للباركس كلها
المهم طلعنا ومشينا للبوليوود باركس
بس خل نتابع ونشوف مع الصور التفاصيل
الساعة الحين صارت 3.30 الظهر توقيت دبي
كنا واصلين هني عند كرسي المخرج...وهذه الساحة امامه
والمحل الموجود يطلعنا على سكة فيها محلات ومطاعم نمر منها الى الريفر لاند والبوليوود والقرية الفرنسية
لعبة شاروخ هي عبارة عن شاشة جدامنا ونقعد على كراسي وفيها طيران وسيارات وجذيه
حلوة
اما احلى لعبة وهي ان نقعد بكراسي صفوف على الوضع الافقي .....وبعد ما نربط الاحزمة ويمرون علينا يتاكدون
تبدا اللعبة بان يتحول الى صفوف عمودية واحنا كنا اعلى شي
والشاشه جدامنا ونتفاعل بالحركة وكأنه كل واحد طاير بروحه وايد عجيبة
وهذا اهو صاحب اللعبة ريتك
بعد ما طلعنا من اللعبة وصالتهم طلعنا لقينا العروض قايمة ورقص لاشباه الممثلين مثل شاروخ وسلمان خان
اخذنا بريك شوي نشوف ونصور فيديو للعروض في موسيقى واغاني للي ما يحب يشوف
رحنا نتمشى بالسوق ونتشرى والبنات بعد ما اوصلو عيال اخوي اطشرواا بالسوق وقمت اتسوق بروحي
دشيت هالمحل العجيب
قمت اصور الأغراض اللي عندهم
وايد وايد أغراض
انا شفت هالكرسي واقعد والموظف ما خلى لعبة الا وعرضها لي هههه ويشغلها وكان في ولد صغير يلعب بالمحل
وانا أقول له أي وهذه اشلون وهذه اشلون ههههه بريح ومساج غير طبيعي
المهم شريت منهم جهاز مساج مثل الحزام يلبس باليدين
وشريت حق زيونة لعبة بنت تطير
بعد ما قمت احاسب شفت عندهم بعد أغراض داخل قلت بس مابي ادخل والريال يقول شوفي هذا وشوفي هذا
ويقول لي ليش ما شريتي حق ولدج ....قلت له مو ولدي هذا ههههه
هذا حزام المساج
وصار الوزن علي ثقيل وانا شايفة كاونتر للحمل الأغراض
رحت لهم وسالتهم قال
احنا نخلي الأغراض عندنا ومتى ما خلصتي بتطلعين تطلبينهم من أي فرع لنا الموزع بالمول ونوصلهم لج عندهم
قلت تمام ,,,,بكم قال مجانا داخل المول ....
اممم يعني ممكن توصلونهم للفندق
قال أي الفندق ب30 درهم مهما كان عدد اكياسج ووزنها قلت اوكي الحين خلنا داخل المول
ووي
ما خلاني
اخذ اسمي ورقمي وكتب لي وصل
وبعد دز مسج لي عقبها
خدمة ممتازة جداااا بناتي يقولون في بدبي مول بعد
شوفو اغراضي
وهذا الكتيب والتعليمات
المهم انا بعد ما تجمعنا مع البنات اخذت اغراضنا اللي شريناهم بعد ورحنا للكاونتر القريب يمنا وعطيته الوصل
يابو اغراضي وعطيتهم الباقي وقلت لهم ابيكم توصلونهم الفندق وعطيناهم رقم الغرفة واسمنا وعطاني وصل واخذ بس 30 درهم وما قبل يأخذ الفلوس ...يقول بعد التوصيل قلت له يمكن انا ما أكون بالفندق
قال ما يصير بعدين اشوه سأل مسئولهم قال لا عادي اخذ الفلوس
قلت تمام سلمنا اغراضنا وتوكلنا على الله
يكتب لكم البيانات
وهذه جياسنا بعد ما وصلت الفندق الاكياس ما تروحون الا يسكرونهم حراري جدامكم يعني الامانه والشغل النظيف وايد عجبتنا الحركة
والله بالغصب فتحتهم
وازيدكم من الشعر بيت شوفو
المسجات من اول ما عطيتهم اول جيس وتوصلني بتحركهم ....صورت المسجات بعدها بيوم
يمكن تشوفون المسجات مو مرتبة ...سامحونا
طبعا بعد ما عطيت المكتب اغراضي ...وقبل اللي فوق رحت
ورجعت قعدت مع الشباب بكافيه وشريت لي عصير ليمون
لما يوو البنات كملنا تسليم الاجياس للكاونتر الشرخ فوق صورة العصير
بعد ما تسوقنا وطرشنا اغراضنا للفندق ...
اخذنا تاكسي وبناتي الصغار قالو بنروح مع عيال اخوي بالتاكسي
اغلب الأسواق التاكسي صغير مافي التكاسي الكبيرة الا لازم تنطرون
المهم احنا اربعه ورحنا
والبنات مع ولد اخوي صارو خمسة
مارضى راعي التاكسي يحرك الا بأربعة اشخاص ما يصير الا 3 بالخلف وواحد جدام
قال لهم ولد اخوي خلاص روحو انتو ا وانا الحقكم بتاكسي ثاني
وجذيه صرنا ثلاث تكاسي انتبهوا حتى لو احجامكم صغيرة ما يصير
المهم طلعنا وهذه صور من الطريج
وصلنا ونزلنا عند الهيلتون لان قلنا له نبي الأماكن الجديدة
احنا نزلنا هناك عند الناس اللي واقفين ومشينا هني بنروح ورا المبنى
هالمبنى فيه سرداب مواقف سيارات وفوقه سينما ومطاعم
حلو ال جي بي ار
كله مطاعم وكافيهات ومحلات وفنادق
وقعدنا ننطر ربعنا هني
ووصلو ورحنا من هني بنتمشى
وهالمطعم تعرفونه كتبت عنه في تقرير بو نص يوم
المكان حلوو وزحمة
الجوو بارد وهوا والناس تسبح
وقامت عصافير بطونا توصوص الساعه 4.30 العصر
وصار وقت كاتش
Catch 22
واخترنا مطعم كاتش لتنوع الاكلات عنده
المنيو...
حلوة الملاحظة فوق .... وبعد هذه الملاحظة تحت ...يخلونكم على بينة مو تستغربون السعر بعدين
[/IMG]
