دبي مطعم أبشار

[جواهرر]

بسم الله الرحمن الرحيم

كانت لي تجربة جديده في مطعم مشهور و لذيذ في دبي مطعم أبشار

للأسف تأخرت في تجربة الاكل في المطعم لانه ما يكون على بالي أبداً

المطعم مكانه في شارع جميرا الرئيسي و مقابله كنتاكي و هارديز

كانت تجربتنا في نص الاسبوع و المطعم فااااضي نبدأ بالصور

المطعم فيه ركنين يمين و يسار و اخترنا اليمين الاضاءات فيه صفرا و احلى

و هاي طاولتنا آخر وحده عند التكييف

ضيافتهم خبز حااااار و لذييييييذ

و أحلى شيء الخضره و الجبن

نشوف المنيو

​

 

[جواهرر]

طبعا أحلى شيء بالمطاعم الايرانيه ديكوراتهم

طلبنا جيك لبن بالنعناع حجم متوسط و يابولنا مزهرية راااائعه

قلاصي مكسور و طلبت منهم يغيرونه

طلبنا سلطة مشكله بعد لذيذه

طلبت عيش اخضر بالفول

كنت أبغي كباب دجاج للأسف ما كان عندهم خذت شيش طاووق بعد لذيذ

جلو كباب سلطاني

جلو كباب كوبيده

و هذا طبقي بدون العيش كل الاطباق وياها اختيارات خبز او عيش

خلصنا العشاء اللذيذ و بغيت اطلب حلو بس ما عندهم منيو للحلويات ​

 

[جواهرر]

و نكمل تصوير الديكورات

و هذا حمام الرجال و المطعم فاااااااضي خذت راحتي بالتصوير

حمام النساء في جهة اليسار و كان في عايلة ما شاء الله كبيره

و هاي الجهه الثانيه للاسف ما صورتها اول ما دخلنا كانت فاضيه

باب الدخول

الفاتوره كانت 275 درهم سعر حلو و مب غالي

طلعنا برع عندهم محل للحلويات الايرانيه طبعا

​

 

[جواهرر]

صح بغيت احلي بام علي بس للاسف ما كان عندهم

المكسرات

طلبنا اسكريم بالزعفران

فالوده عشقي

اسكريم بالفانيليا

و هذا المخبز موجود برع و تشوفونهم كيف يخبزون

خبرونا انهم يبيعون الخبز و الحبة ب 8 دراهم خذت وحده

بس للاسف الخبز يوم يبرد مب حلو كلته ثاني يوم بس كان يابس

اتمنى انكم استمتعتوا بالتقرير و ان شاء الله تجربون المطعم و تخبرونا برايكم فيه


دمتم بود

​