شارع المطاعم

[جواهرر]

السلام عليكم و رحمة الله و بركاته

اليوم أول زيارة لنا للقرية العالمية في هالموسم 2016 -2017


سعر الدخول ما تغير 15 درهم

احلى ما فيها المجسمات الصغيره و نبدأها ببرج خليفه

بج بن ساعة لندن

اليمن و السنه فاتحين قرى يديده صربيا و رومانيا و اوكرانيا

المغرب و للأسف نسيت ادخلها

جمهورية ايران

المملكة العربية السعودية و ما شاء الله عليهم الرواد 90 % سعوديين

جمهورية مصر العربية

الهند

شارع المطاعم وااايد حلو و بالقرب من المصلى

المصلى

الحمامات تكرمون اول مرة ادخلهم لكن النظافه فيهم ناااااااصعه

و دخلنا افريقيا

​

 

[جواهرر]

ما زلنا في افريقيا

حديقة مصغرة

اللي يحبهم ولدج ام حسين

و هاي القرية الهندية في الليل

الصين

ما دخلناها بس حبيت السور الخارجي

مؤسسة الشيخ خليفه

وصلنا الالعاب

​

 

[جواهرر]

عين دبي قلت لازم العب السنه و قلت لزوجي دام ما ركبنا لين الحين عين لندن خلنا نركب هاي

وافق على طووول

لازم نوقف و ننتظر دورنا

توكلنا على الله

صارلي أكثر من 10 سنوات ما لعبت و لا ركبت اي لعبة


و الحين نشوف المناظر من فوق

تعليمات السلامه

و هاي كانت كابينتنا

و نرجع للقرى


تايلاند

بريطانيا

المانيا

 

[جواهرر]

و لأول مرة في تاريخ القرية افتتاح القرية الجزائرية

نشوف التراث

و هذا المتحف

و هذا عمره اكثر من 100 سنه

و هذا مشروب جزائري

راعي المحل يبغي يبيعه عندنا في الجمعيات و قال الامور وايد صعبة و ما عطوني موافقه

و الحمدلله عندي اخويه مسؤول عن هالامور و كلمته و ان شاء الله خير و يتوفق دعواتكم

طبعا الحلويات الجزائرية شبعانه منهم لأن صديقتنا و اختنا اكثر من 20 سنه نعرفها مشبعتنا

من حلوياتهم و استغربوا اني اعرف اساميهم


خلصنا من الجزائر و طلبنا كنافه تركية بالايسكريم لذييييذه من شارع المطاعم

وقت العشاء العيال خذولهم برجر من الاكشاك و احنا اخترنا مطعم تركي

طلبنا كباب لحم و شيش طاووق

و قبل ما اطلب قلت حق العامل ابغيه ناضي عدل و قال ابشري

و اول ما وصل طلبي ما كان مستوي عدل و رجعوه مره ثانية و طبخوه 5 دقايق

و يابولي اياه شوي محروق و طعمه مااااااااااالح احس ضغطي ارتفع و ما كملته

طلبت عيران خفف عني الملوحه شوي

كملنا تمشي

صح دخلت القريه اللبنانيه و خذنا برطمانات لبنه بالزعتر و بعض الخلطات اللذيذه


القريه التركيه خذنا منها الحلاوه الفريش

ما حالفني الحظ بدخول الكثير من القرى بسبب قصر الوقت وصلنا على اذان المغرب

متعوده اكون الساعه 4 او 4 و نص موجوده و آخذ وقتي

و خاصه انه كان نص الاسبوع و القرية مزحومه جدا كأنه ويكند

لكن ان شاء الله بتكون الزياره الثانيه الاسبوع الياي و تليها زيارات اخرى

القرية مفتوحه لشهر 4 ( ابريل ) حياكم الله

و ان شاء الله اكون افدتكم و لو بالقليل

دمتم بود

​