بحيرات القدره

[جواهرر]

السلام عليكم و رحمة الله و بركاته

اليوم موضوعي غير

بكتب لكم عن مكان جميل في دبي و الله يخلي لنا حكومتنا اللي مب مقصره

في تعديل و تطوير و توفير كل سبل الراحه و الاستمتاع للشعب و السياح

بحيرات القدره


و هذي الاحداثيات

N 24 50 .434
E055 21 .308

الدرب فيه اماكن حلوة حق الجلسات و الشوي و سواقة الدراجات

طبعا زوجي كان ماخذ العيال مرة يلعبهم بدراجتهم في البراري الحلوة ( السيح )

سيح السلم له ذكريات جميله ايام الطفوله

قبل ما تدخلون مكان البرحيرات طبعا موفرين سوبرماركت و مطعم و مسجد و حمامات

بعد المباني هذي بتشوفون مدخل الواحات ما في شارع بس رمله يابسه

اول البحيرات و فيها طيور و الله تذكرت زيلامسي

وزه جميله

وز و بط و انواع ثانيه من الطيور

​

 

[جواهرر]

طبعا احنا طلعنا من البيت متأخرين و خذنا تقريبا نص ساعه او اكثر

وصولنا كان قبل المغرب بشوي

ما اجمل الغروب

أحلى لقطه

المكان فيه كذا بحيره و لازم تتجولون بالسياره لانهم بعاد عن بعض

و هاي البحيره الثانيه بس الاولى هي اللي فيها الطيور بس

و في كل مكان حاطين لافتات يذكرون الناس بالمحافظة على المكان

​

 

[جواهرر]

نتابع

الزراعة في كل مكان

و اكيد ما نسوا يزرعون النخل

و كل نخله لها اسم

و هاي البحيره الثالثه و اللي بيوصلها لازم عنده سياره فور ويل (سوبر )

و هاي البحيره الرابعه

و مسوين مثل مجرى كانه وادي و يصب في البحيره

و علمنا يرف في مكان

و احنا في هالمكان سمعنا صوت اذان المغرب

و ردينا صوب المسيد نصلي

المكان وااايد حلو و يبغيله قعده حلوه و دلالنا ويانا و نقدر نطبخ و نشوي

بس اهم شي نبتعد عن الاشجار و نحافظ على نظافة المكان

و المكان مظلم داخل اللي يسهر ياخذ احتياطه من الاضاءات

اتمنى انه الموضوع عجبكم

و انتظروني في مواضيع و تقارير ثانيه

دمتم بود

​