في البداية نسيت اخبركم تكرمون الحمام ما فيه شطاف اللي هو من اساسيات نظافة المسلمين
و هذا ثاني فندق في بوظبي ما القى فيه شطاف
صحينا الصبح متأخرين و نزلنا للفطور و المكان مزدحم ما قدرت اصور اي شيء و البوفيه فيه قسمين قسم داخلي و قسم خارجي تريقنا في القسم الخارجي القريب من ممرات الفندق
خلصنا ريوقنا بس و احنا نمشي في الممر شمينا ريحة دخون و الريحه ما شاء فواحه و ما تخلص زوجي قال هذا على طول شغال و اخيرا اكتشفنا المدخن ( المبخر )
و هذيل مجموعه مقتنيات للمحلات الموجوده في الفندق
قعدنا نتمشى في الفندق قبل ما نتجه للغرفه و عرفنا سر الروايح الطيبه و هذا هو
دخل زوجي و سأل العامل انت اللي تحط الدخون قال نعم من عندنا و اشترى من عنده غرشة دخون بس نسيت الاسم
هذي بعص الصور
و هذا الممر فيه بعض المحلات
هذا محل التحف
لقيت مكينة الاتصالات و دفعت فاتورتي قبل لا يقطعونها
الحليب و انواعه بالفراوله و الموز و حليب النوق و غيره
السلطات و المخللات
اللبنه و انواعها بالفلفل و الزعتر و البنجر و السماق و الجبنه البيضاء
العصاير الفريش و انواع عديده الشمام و التفاح و البطيخ ( اليح ) و انواع ثانيه
الحبوب
و هذيل السخانات فتحت سخان الفول و اشوفه مهروس و يشهي
و زقرت العامل و قلت له ليش الفول داخل غير و مب مهروس قال تبغين من هذا
قلت عادي احط قال اكيد و طبعا خذت لي المقسوم و شكرته و مشيت
بس قال بيخبر الطباخ و اشوفهم كلهم ساروا البوفيه الثاني يشوفون الفول
و هذا ريوقنا قبل ما يوصلون اليهال و طلبت اومليت
سالتهم عندكم شاي مغربي قال اكيد موجود و طلبنا غوري و طلع احلى من امس
ما اقدرت اصور من صوبنا لان المكان زحمه وايد بس الحمدلله الفطور كان لذيذ
و زوجي يقول البوفيه احلى من ابراج الاتحاد خلصنا و تمشينا شوي قبل لا نرجع الغرفه
و هاي الجلسات اللي ماليه الفندق و بعدين شفت لوحه ممنوع التصوير
لكن المكان فاضي و اعتقد في المساء يكون مليان و فيه المشروبات المحرمة
هذا الكوفي الموجود في الفندق
انواع الشاي بس ما ادري اذا كان مجاني
و طبعا لازم ادخل تكرمون الحمام و اصوره
المغاسل
البراويز
المزهرية لابد منها
هذا بيانو في الردهة
لوحه للقصر
و هاي صوره من الجهه الاخرى للقصر
رجعنا الغرفة نتجهز و زوجي نزل يدفع
دفع 2923.20 ما ادري ليش الفلس
المهم طلعت الغرفه اول ليله 1290
الليله الثانيه 1190
خدمة الغرف 77.40
الشاي كان 40 بس دفعنا 46.40
ضريبة سياحيه 119
ضريبة ما ادري شو 71.40
المهم دفعنا 500 درهم زياده
اذا الحجز من بوكينج لازم ندفع تقريبا 200 لين 300 زياده بس هذيل خذوا 500 و الحساب كله بالفلس
بس الحمدلله الفندق كل شيء فيه حلو بس مثل ما قلت الغرفه ما عيبتنا
اما المرافق و البوفيه و المسبح كل شيء ممتاز
و طلعنا من الفندق و بعد نص ساعه تذكرت موبايل ولدي سالته وينه قال ما ادري
فاتصلت على الرقم و ردت عليه وحده قالت الموبايل في الغرفه
قلت خلاص باجر بطرش اختي تاخذه و قالت اوكي
بعد يومن او ثلاث كلمت اختي و كلمت زوجها و في الاخير طرش دريول المؤسسه و كان مصري
ما رضوا يعطونه و قالوا ما عندنا رجعت اتصلت قالت الموظفه امنيا ممنوع نسلم اي شيء الا لصاحب الغرض
و لازم يكون وياكم الهوية او اي اثبات
و بعد شهر زوجي كلم ربيعه و قال يعرف حد في الفندق و نفس الشيء قالوا ما عندنا
صار اكثر من شهرين و اخيرا زوجي سار بروحه و عطوه الموبايل
لكن للاسف بعد كم يوم ولدي الاصغر يلعب فيه و كسر الشاشه كلها و اخترب
قصه طويله رايحين و راجعين و في الاخير ما استفدنا من الموبايل
المهم انه عندهم امانه و اي شيء يضيع عنكم يحتفظون فيه بس لازم صاحب الحجز هو بنفسه
يحضر و ياخذ الغرض
اتمنى ان يكون التقرير عجبكم و اي استفسار انا حاضره
